Hipru 5:6 - Lote

⁶ Pe NeHalang hele nga alalaha e pule ke teke, “Iong lape o lohot ke iong tunginga ana none ke koko, ke pomange Melkisetek.”

Hipru 5:6 Iomraidhean Croise

Hipru 5:10

Pe NeHalang tal hote i ke i tunginga ana non soke ke koko ke pomange Melkisetek.

Hipru 6:20

Iange Iesus i muka teu langa kileng nem lo ke halaua ita. Pe lohot ke i Tunginga ana Non Soke ia ke ulolo ke pomange Melkisetek pe nga etue lochoch sapele.

Hipru 7:11

Iok, NeHalang tunge hotonga lochloch lange Israel mur, nge tunginga ana hana mur nenge te lohot nga mata nenge Liuai. Iange hotonga nem kikina ngana tu nge iri. Pe toinge te ume ke nek ke te halaua hehei pe hana, NeHalang lape kulos mule mele ke at ero ol. Pe nei ero. Pomalam NeHalang kulos sue tunginga ana none nge altoto lochloch nge Aron. Iange i pomange Melkisetek pengpeng.

Hipru 7:15

Iok, ta esia ke mallaha toto ol. Tunginga ana none pule lohot ke mange Melkisetek toto.

Hipru 7:17

Iange NeHalang nena helenga nenge tehas sue ke ulolo, hele ke teke, “Iong tunginga ana non ke pomange Melkisetek, pe lape o rahite ume nem nga etue lochloch sapele.”

Hipru 7:21

Pe nga etue nenge Iesus lohot ke I tunginga ana non, NeHalang hekerkereng tote na helenga pe hele ke teke, “Non Soke hele ke kerkereng toto pe lape hul mule nena helenga ero toto. Iong tunginga ana non pe lape o rahite ume nem nga etue lochloch sapele.”

Hipru 7:3

Melkisetek tana pe temene pe na tete mur, eria ma hot nga alalaha unne e ero. Pe pule tana hoho ngana ia pe mete ngana pule ta eteia ero. I pomalaka nga NeHalang tuna nge i tunginga ana non nga etue lochloch.

Hipru 7:8

Ke tunginga ana hana mur nenge te lohot nga mata nenge Liuai, te lolochia ure huna elle nge iri analoch. Pe iri hana mana, pomalam te metmete. Pe Melkisetek lolochia ure nemur pule, pe te hele ke te teke i kou tu ke maulul kura.