Hipru 1:6 - Lote

⁶ Pe pule nga etue nenge NeHalang kulosia Tuna tengene ana ke sio at nga ich, hele ke mai, “Lape NeHalang nena angkelo mur lochloch ngana te heto heke i.”

Hipru 1:6 Iomraidhean Croise

Mateus 24:14

Pe helenga urana toto ngana nga NeHalang nena naualanga pe nekinga, lape te hele hote nga kileng lochloch ngana nga ich, ke hehei pe hana lochloch te longe. Ke het pe ich nei hetala toto ngana lohot sapele.”

Ioanes 1:14

Helenga nem lohot ke i non ke tu luluch nge ita. Pe ta naue nena hemalmalinga palaungana ke ulolo. Hemalmalinga palaungana nenge Temere Tuna elle nem. Pe i muta toto nga poinga urana toto ngana. Pe nena helenga mur manmanna lochloch.

Ioanes 1:18

Mele pele naue NeHalang nakuna ero toto. Pe tuna elle nem i NeHalang ia. Pe i are teu la toto nga Temene taena ene. Pe i sipona henonou hote NeHalang at nge ita.

Ioanes 3:16

“NeHalang lemene tau tote hehei pe hana nga ich nei. Pomalam tung hote tuna elle mana nem. Pe iri nenge leteria manmanna nge i lape te mene maulinga ke koko. Te mete sapele ero.

Alalaha Nenge Paulus Hasia Lange Rom Mur 8:29

Iri nenge leteria manmanna, NeHalang etei tele nike pe hesilei hote iri pe tal hote iri ke altoto, ke tepoi ke mange Tuna. Pomalam Iesus lohot ke pomanga tiria nenge palau.

Kolosi 1:15

Mele pele naue NeHalang nakuna ero. Pe Kristus nakuna elle toto ke mange NeHalang pe i non nenge lohot tala toto nga ure lochloch ngana nenge teala hote.

Kolosi 1:18

Kristus i muka ia NeHalang nena mata nenge i singina ia. Ke i talun ngana toto pe i NeHalang Tuna tengene ana nenge hemaul heke mule nga metenga. Ke pomalam lohot ke i tala toto nga ure lochloch.

Hipru 1:5

NeHalang heleia helenga nei lange tuna ke pomai, “Tuk toto laka Iong. Heueu nei O hetue iau ke Temem Iau.” Pe pule, NeHalang heleia tuna ke teke, “I temene iau. Pe iau tuk, laka i.” Pe helenga nemur, NeHalang tamal hote lange angkelo e ero toto.

Hipru 10:5

Ke pomalam, nga etue nenge Kristus at nga ich nei, hele lange NeHalang ke teke, “Iong lemem taua tunginga e ero toto. Pe o poia Iau ke E lohot ke Iau non ke singik lo.

1 Petrus 3:22

Pe Iesus Kristus lohaka langa tapa ke are nga NeHalang ilina ele nenga pen tamalmal lo. Ke heueu nei nauele lochloche angkelo mur pe angkelo nemur nenge pingaria iuiu nga reria kerkerenga mur.

1 Ioanes 4:9

Pe NeHalang hemallaha hote poinga nenge mutena taua ita. Ngana laka nenge kulosia Tuna elle nem ke sio at nga ich ke ta mene maulinga nge I.