Yohana 1:13 - Mɑ‑to̱ Shir Taku̱rda-o swo̱r o-nu pu̱-o̱

¹³ A ja'aste̱ ye̱ m-mat. Yanze mat-o̱ u̱n campo̱ u̱n ne'a-ne̱, ko̱ mat-o̱ u̱n co̱n-mo̱ u̱n campo̱ á. Ay, mat-o̱ u̱n Shir o̱, wu̱ muute̱ ye̱ yakar-ye̱ u̱n wu̱ à.

Yohana 1:13 Iomraidhean Croise

Matiyos 3:9

Taase no̱ nom u̱s-se̱s u̱n ho̱o̱g-m no̱ u̱nze Ibrahi wu̱ ro̱ Tato no̱. To̱ka to̱a ruut no̱ á. Me̱ no̱ m-ru̱re̱, Shir a hoks nome̱ u̱n Ibrahi yakar u̱n ka ta'ar-to̱. (U̱rege̱ wu̱ co̱no̱g).

Yohana 3:3

Ye̱so shasu̱ru̱ wu̱, “Me̱ wo̱ m-ru̱re̱ o-nip, o ho̱gu̱te̱. U̱n ya a ja'aste̱ mat u̱n ne̱t á, wu̱a hyen gwo̱mo-to̱ Shir á.”

1 Korinti-ne̱ 3:6

Me̱ go u̱r-go, Apo̱ro̱s ya'u̱ m-ho̱, amba Shir o̱ rwo̱'e̱ ká go-de m-bo̱'o̱se̱, te̱ ye̱ á.

Piripi-ne̱ 2:13

Remen Shir ro̱ u̱n se̱nge̱-m u̱n no̱ ne̱, no̱ cu̱n m-no̱m ne̱, komo no̱a hoks m-no̱m rii-yo wu̱ co̱ne̱ no̱ no̱m à.

Titus 3:5

Wu̱ rurug na be-de u̱n swo̱ u̱r-ko̱o̱b de u̱n ba'as-u̱t na, wu̱ u̱n no̱m kaane̱ ba remen kashi u̱n rii-yo a no̱me̱ á. Amba remen 'wo̱n-de u̱n wu̱. Shir ya'astu̱ na ho̱o̱g-m pu̱-mo̱. Wu̱ sokste̱ ba'as-u̱t na, Wu̱ kutu na bo̱ a he she'et-u̱r pu̱-de à, u̱n be̱e̱b-de u̱n Ku̱kt-o̱ Shir, o̱ wu̱ ya'u̱ na à.

Yakubu 1:18

U̱n co̱n-mo̱ u̱n wu̱ o̱, wu̱ hantu̱tu̱ na n-me̱ u̱n gom-de o-nip, wu̱ ye'et na ho̱o̱g pu̱-o̱ remen wu̱ kumutú̱ na be-de jiishe̱ u̱r-bon à. Shir u̱n no̱m kaane̱ remen be-de u̱n rii-yo wu̱ no̱me̱ à, a warag u̱ntu̱n mat-de o-co u̱n kap rii-yo wu̱ no̱me̱ à.

1 Bitrus 1:23

Remen Shir ja'astu̱ no̱ mat-o pu̱-o̱ komo, ba u̱n go̱-ye̱ ro̱ m-sabre̱ á, amba ye̱ ro̱ m-she'et har ko̱yan nomot be-de u̱n Ma-to̱ Shir o̱ u̱n ho̱o̱g à.

1 Bitrus 1:3

Depete̱ a ya'as Shir Tato-o Wan-Ko̱yan na Ye̱so Kiristi u̱r-bo̱ngo̱n remen 'wo̱n-de u̱n wu̱ u̱r-go̱s-de. Wu̱ ya'ag na mat-o pu̱-o̱ remen ka sakto̱-o̱ o̱ ya'asu̱ na m-ho̱o̱g à, bo̱ wu̱ 'yonse̱ Ye̱so Kiristi be-de u̱t-marimar à.

1 Bitrus 2:2

U̱ntu̱n yan-yaar pu̱-ye̱, ho̱o̱b no̱ yo̱w-mo̱ o-Ku̱kt mo̱ m-kyu̱kyaw remen mo̱ bo̱'o̱ssu̱té̱ no̱ be-de u̱n gwu̱ no̱.

1 Yohana 3:9

Kap bo̱n ne̱t-wu̱ ro̱ mat-de Shir à, wu̱ m-se̱nge̱ u̱n no̱m u̱r-ba'as á, remen go̱-ye̱ Shir ro̱ ko̱n u̱n hur-de u̱n wu̱. Tomso ne̱ wu̱a hoks m-se̱nge̱ m-no̱m u̱r-ba'as á, remen mat-de Shir de wu̱ ro̱.

1 Yohana 4:7

O̱r re ne̱ ye̱ me̱ m-was à, a was no̱ o̱r na ne̱, remen m-was mo̱ u̱n rwu̱u̱n be-de Shir. Wu̱ ro̱ m-was u̱n o̱r u̱n wu̱ à, wu̱ ro̱ u̱n ho̱o̱g-m pu̱-mo̱ ne̱, komo mat-de Shir de, tomso ne̱ wu̱ nak Shir.

1 Yohana 5:1

U̱rege̱ a she̱re̱g o-nip u̱nze Ye̱so wu̱ ro̱ Kiristi, na yakar-ye̱ Shir ye̱ ka. Ko̱wan wu̱ ro̱ m-was o-Tato à, wu̱ waste̱ o̱ ká u̱n yakar-ye̱ u̱n wu̱ ne̱.

1 Yohana 5:18

A nepste̱ yakar-ye̱ Shir ro̱ m-se̱nge̱ m-no̱m u̱r-ba'as á, remen Ye̱so Kiristi, Wà-wu̱ Shir, ro̱ u̱n 'er-de u̱n ye̱, ko-Gwo̱mo-wu̱ u̱n ya-u̱t-ko̱t a hoks ye̱ m-ci á.

1 Yohana 5:4

Ko wu̱ ke wà-wu̱ Shir wu̱, a hoks re̱ u̱r-ho̱ u̱n ho̱no o-dak, komo she̱r-m na be-u̱r Ye̱so mo̱ ro̱ na m-'ya u̱r-ho̱.