Yakubu 5:16 - Mɑ‑to̱ Shir Taku̱rda-o swo̱r o-nu pu̱-o̱

¹⁶ Remen kaane̱, se̱ngu̱ no̱ rwo̱r u̱n ba'as-u̱t no̱ be-u̱r o̱r no̱ ne̱, no̱ u̱s-ko̱n rem o̱r no̱ ne̱, remen a taasu̱tú̱ no̱ go̱m-u̱s no̱. Da-o̱ kashi u̱n ne̱t ko̱ne̱, ko̱n-se u̱n ko-yan-me̱n-u̱t pus-to̱ ro̱ u̱r-be̱e̱b ne̱ de̱e̱n.

Yakubu 5:16 Iomraidhean Croise

Matiyos 21:22

U̱rege̱ no̱ she̱re̱g o-nip ko̱ ya no̱ ko̱ne̱ Shir, no̱a kum yo.”

Matiyos 3:6

Ye̱ ro̱ m-rwo̱r u̱n ba'as-to̱ u̱n ye̱, komo Yohana ro̱ ye̱ m-yo'os m-ho̱ u̱n Ro̱o̱g-o̱ o-Joda.

Markus 1:5

Yan-dak-o̱ o-Judiya ye̱ ma'asu̱ru̱ m-rwu̱u̱n de̱e̱n be-de u̱n wu̱, kap u̱n yan-dak-o̱ o-Urusharima ne̱. Ye̱ ro̱ m-rwo̱r u̱n ba'as-to̱ u̱n ye̱. Wu̱ ro̱ ye̱ m-yo'os n-me̱ u̱n Ro̱o̱g-o̱ o-Joda.

Ruka 9:6

Yan-neke̱-mo̱ u̱n wu̱ ruuru̱ ye̱ do̱ru̱ru̱ u̱t-bo̱, ye̱ ro̱ m-rwo̱r u̱n ka Ma-to̱ m-Re̱re̱m to̱ komo u̱n taas u̱n go̱m-se u̱n hun-ne̱ ko̱ kene̱.

Yohana 9:31

A nepste̱, Shir ro̱ u̱n rege̱ u̱n ya-u̱t-ba'as u̱t-to̱ á. Amba kap wu̱ ho̱ge̱ gye̱r-o̱ Shir à, wu̱ ro̱ u̱n no̱m u̱n rii-yo Shir ze̱e̱ à, Shir ro̱ wu̱ m-ho̱ge̱.

Se̱nge̱-mo̱ 10:38

No̱ nepste̱ Shir daage̱ Ye̱so wu̱ o-Nazaret, bo̱ Shir ya'ase̱ wu̱ Ku̱kt-o̱ Shir à, komo u̱r-be̱e̱b ne̱. Remen Shir ro mo̱sse̱ u̱n wu̱ ne̱, wu̱ se̱ngu̱ m-pa wu̱ ro u̱n no̱m u̱n se̱nge̱-mo̱ m-so̱k, wu̱ ro u̱n taase̱ u̱n kap ye̱ ko-Gwo̱mo-wu̱ u̱n ya-u̱t-ko̱t shipe̱ à, go̱m-se u̱n ye̱.

Se̱nge̱-mo̱ 19:18

U̱t-mo̱o̱r ne̱ be-de u̱n ka ye̱ she̱re̱ o-nip à, ye̱ haanu̱ru̱ ye̱ ro m-rwo̱r u̱n se̱nge̱-mo̱ u̱n ye̱ mo̱ u̱n me̱n-u̱t jaas-to̱ cas.

Se̱nge̱-mo̱ 8:24

Sima shasu̱ru̱ wu̱ zee, “Kono no me̱ no̱ Wan-Ko̱yan taase ko̱ o-gaan be-de u̱n ka saw-to̱ no̱ ogme̱ à yo kum me̱.”

Roma-ne̱ 3:10

Gense̱ to̱ ro̱ bo̱ Ma-to̱ Shir ze̱e̱ à: “Kashi u̱n ne̱t ro̱ ko̱n á, ko̱ wan-gaan,

Roma-ne̱ 5:19

Bo̱ hun-ne̱ de̱e̱n warge̱ ya-u̱t-ba'as remen ko̱o̱b-de o-do̱ro̱tte̱ o̱ u̱n wan-gaan à, kaane̱ komo hun-ne̱ de̱e̱n he m-warag kashi remen do̱ro̱tte̱-o̱ u̱n wan-gaan.

Korosiya-ne̱ 1:9

Remen kaane̱ cin ho̱-de te̱ ho̱ge̱ ma-u̱t no̱ to̱ u̱r-bon à, te̱ yage̱ u̱s-ko̱n rem no̱ á. Ko̱ o̱ ke da-o̱ te̱ u̱s-ko̱n u̱nze Shir kutu̱ no̱ myet rii-yo wu̱ co̱ne̱ no̱ nom à. Te̱ u̱n ko̱n-se Shir wu̱ 'ye no̱ u̱s-we̱e̱r u̱s-nap ne̱ se u̱n Ku̱kt-o̱ Shir.

1 Tasaronika-ne̱ 5:17

No̱ ma'as u̱s-ko̱n be-de Shir u̱r-ho̱ bi.

1 Tasaronika-ne̱ 5:23

Me̱ u̱n ko̱n-se Shir u̱n hi u̱n de u̱n wu̱, wu̱ ro̱ m-gwu̱gwu̱ mo̱ u̱r-hur ne̱ à. Me̱ u̱n ko̱n-se u̱n wu̱ remen wu̱ muutú̱ no̱ war war ba m-ku̱ko̱p, wu̱ 'er ku̱kt-o no̱, u̱n ho̱o̱g-m no̱ ne̱, u̱n wu̱r-u̱t no̱ ne̱ kap, no̱ waragté̱ ba u̱r-re̱e̱b u̱n har da-o̱ Wan-Ko̱yan na Ye̱so Kiristi he m-mu̱u̱n à.

1 Tasaronika-ne̱ 5:25

O̱r te̱ ne̱, kono te̱ no̱ Shir.

Yahuda-ne̱ 11:4

Remen E̱ber she̱re̱g be-de Shir, o̱ rwo'e̱ wu̱ ye'et Shir m-yar mo̱ jiishe̱ mo̱ ma Keen u̱r-bon à. Shir ho̱gu̱ru̱ re̱re̱m-mo̱ u̱n wu̱ u̱n yar-mo̱ u̱n wu̱ ne̱. Ko̱ de, wu̱ merte̱ cin ya ca á, har m-mo̱ka a u̱n kum u̱n jaab-o̱ u̱t-me̱n o̱ m-she̱r be-de Shir remen E̱ber she̱re̱g be-de Shir.

Yahuda-ne̱ 11:7

Remen Nuhu she̱re̱g be-de Shir, Shir naku̱ru̱ wu̱ u̱t-to̱ u̱nze wu̱a he kem-o̱ he ho̱ u̱n hun-ne̱ à. Ko̱ de hun-ne̱ tak m-hyan u̱n go̱ u̱n ka kem-o̱ á, Nuhu she̱re̱g hur-de u̱n wu̱ be-de Shir u̱nze a hante̱ ka kem-o̱. Wu̱ nomote̱ o-do̱ro̱tte̱, wu̱ no̱mu̱ru̱ o-hat remen wu̱ guut hi u̱n de u̱n wu̱ u̱n ya-o-hur o̱ u̱n wu̱ ne̱. Kaane̱ wu̱ kute̱ hun-ne̱ ba'as-to̱ u̱n ye̱, wu̱ ne̱ wu̱ kumu̱ru̱ cim-yo u̱n me̱n-u̱t pus-to̱ be-de Shir remen wu̱ she̱re̱g be-de Shir.

Yahuda-ne̱ 12:13

Se̱ngu̱ no̱ u̱n do̱re̱ u̱n co̱w-yo ro̱ te̱te̱ à, tasse na-se u̱n ya-u̱t-ryam be-u̱r no̱ se taage̱ m-'wo̱ns, amba u̱n su̱ge̱-de u̱n kaane̱ se kum u̱r-be̱e̱b.

Yahuda-ne̱ 13:18

Se̱ngu̱ no̱ u̱n ko̱n-se Shir rem te̱. Te̱ nepste̱ hur u̱n te̱ de kaps te̱ á. Co̱n-m te̱ mo̱ te̱ se̱nge̱ she'et u̱n kashi u̱r-she'et ko̱ de ke da-de.

1 Bitrus 2:24

Kiristi sawag nu̱-se u̱n ba'as-u̱t na u̱n wu̱r-o̱ u̱n wu̱. A kamag wu̱ o-kan remen a yagu̱té̱ no̱m u̱r-ba'as komo a cirit kashi u̱r-she'et. Shir taasu̱ ka hoog-mo̱ mo̱ u̱n ba'as-u̱t no̱ remen hoog-m Ye̱so.

1 Yohana 3:22

Aa kum kap rii-yo a ko̱ne̱ be-de Shir à, remen a nomu̱tu̱ wu̱ o-do̱ro̱tte̱, tomso ne̱ a ro̱ m-no̱m u̱n rii-yo wu̱ co̱ne̱ à.