Yakubu 4:1 - Mɑ‑to̱ Shir Taku̱rda-o swo̱r o-nu pu̱-o̱

¹ ¿Ya ro̱ m-hante̱ su̱ne̱-mo̱ u̱t-ma m-dum ne̱ be u̱n no̱? Co̱n-to̱ u̱r-hi de ro̱ be u̱n no̱, de ro̱ no̱ m-dum, de ro̱ no̱ komo m-hante̱ su̱ne̱-mo̱ u̱t-ma.

Yakubu 4:1 Iomraidhean Croise

Matiyos 15:19

Me̱ u̱n ze̱e̱ kaane̱ remen cin u̱r-hur barag-u̱s yo̱-se ro̱ m-rwu̱u̱n. Se ro̱, ho-m u̱n hun-ne̱, o-ás ne̱, m-naase̱ ne̱, u̱r-hyow ne̱, u̱n shese̱ u̱t-bo̱ ne̱, u̱n naas u̱n jin-u̱t o̱r ru ne̱.

Yohana 8:44

No̱, tato no̱ ko-Gwo̱mo-wu̱ u̱n ya-u̱t-ko̱t wu̱. Co̱n-m no̱ ne̱ komo no̱ nom rii-yo tato no̱ co̱ne̱ à. Wu̱, cin u̱r-takan wan-ho̱ de u̱n ne̱t-wu̱. Wu̱ ro̱ m-e̱s u̱n o-nip á, remen ho̱-mo̱ u̱n wu̱ ro̱ ko̱n be-de u̱n o̱ shir á. Bo̱-to̱ wu̱ ro̱tte̱ m-'wo̱ns, remen wu̱ wa-u̱t-bo̱-wu̱, tato-o̱ u̱n ya-u̱t-bo̱.

Roma-ne̱ 7:23

Amba u̱n wu̱r-o re me̱ m-hyan u̱n yo ken rii-yo ro̱ u̱t-mu̱r u̱n hur u̱n de. Yo garamsu̱te̱ me̱, yo muutu̱ me̱ ko-gu̱w-wu̱ u̱r-ba'as.

Roma-ne̱ 7:5

Remen da-o̱ a ro u̱n she'et-de u̱n co̱n-to̱ o-wu̱r, karamsa-o se̱ngu̱ru̱ na u̱t-swo̱w be-de u̱n saw-to̱ u̱n re̱re̱m-mo̱ o-wu̱r co̱ne̱ à, a se̱ngu̱ru̱ no̱m u̱n yo he na hante̱ m-mar à.

Roma-ne̱ 8:7

Myet wu̱ muute̱ hi-de u̱n wu̱ u̱n barag-se ma-hun ne̱ à, wu̱ waragte̱ wa-u̱t-yage̱ to̱ Shir o̱ ká. Remen wu̱ no̱me̱ karamsa-o̱ Shir o-do̱ro̱tte̱ á, komo wu̱a hoks á.

Garatiya-ne̱ 5:17

Me̱ u̱n ze̱e̱ kaane̱ remen she'et-de ma-hun ro̱ m-honge̱ o-Ku̱kt ne̱ á, o-Ku̱kt komo o̱ ro̱ m-honge̱ u̱n she'et-de ma-hun ne̱ á. Ka rem-se u̱s-yoor ro̱ u̱t-yage̱ ne̱. O̱ rwo̱'e̱ no̱tte̱ m-hoks m-no̱m u̱n yo no̱ co̱ne̱ m-nom á.

Korosiya-ne̱ 3:5

Remen kaane̱ yagu̱ no̱ no̱m u̱n rem-se ba u̱r-bon, se mo̱sse̱ u̱n she'et-de ma-hun ne̱ à. No̱ no̱m rem-se o-ás á, ko̱ ne̱ she'et-de u̱n yish o-yoor á. Taase no̱ nom su̱u̱b-o̱ u̱n mo̱ro̱gse̱ u̱s-rem u̱n go̱p-de u̱n rem-u̱s yo̱-se ne̱. No̱ nome̱ kaane̱, no̱ waragte̱ o̱ ka kwu̱kte̱ u̱n ka rem-se.

2 Timoti 2:23

Da-o̱ hun-ne̱ ro u̱n su̱ne̱-mo̱ u̱t-ma to̱ o-hwaa to̱ ro̱tte̱ u̱r-hi á, o no̱m ja u̱n ye̱ ne̱. No̱m ja remen wo̱ u̱n hi u̱n du o nepse̱ go̱n ka ma-to̱ ro̱ m-hante̱ u̱t-ween.

Titus 3:3

A ro m-raag ne̱ n-ga, sa o zee hun-ne̱ ye̱ yage̱ m-she̱r be-u̱r Ye̱so m-mo̱ka à. A ro u̱n ko̱o̱b-de o-do̱ro̱tte̱, komo hun-ne̱ ro rakstu̱ na. Sa o zee gu̱w-ne̱ a ro'e̱, ye̱ go̱p-de u̱n no̱m u̱n rem-se u̱n me̱n-u̱t jaas-to̱ garamse̱ à, se ye̱ ro̱ m-ho̱ge̱ re̱re̱m-mo̱ m-no̱m à. N-ga a ro shiishe̱ u̱n me̱n-u̱t jaas-to̱, u̱r-shoob ne̱, ye̱ kututu̱ na u̱t-yage̱, na u̱n cen na, a ro̱ u̱t-yage̱ u̱n ye̱ ne̱.

Titus 3:9

Amba no̱m ja be-de u̱n yan-ma-to̱ o-saa u̱n ma-to̱ u̱n ya-n-ga-ye̱ ne̱, o no̱m ja u̱n su̱ne̱-mo̱ u̱t-ma ne̱, u̱t-ween ne̱ to̱ ma-to̱ u̱n karamsa-o Mosa. Go̱n ka su̱nu̱-mo̱ u̱t-ma mo̱, ma-to̱ o-hwaa to̱, to̱ ro̱ u̱n gu u̱n ne̱t á.

Yakubu 1:14

Meger-u̱t ro̱ m-he̱e̱s u̱n ne̱t da-o̱ go̱p-de u̱r-hur de u̱n wu̱ rakse̱ wu̱ à, u̱n ka be-de o̱ meger-u̱t ro̱ wu̱ m-'wo̱s.

Yakubu 4:3

Tomso ne̱ da-o̱ no̱ ko̱ne̱ Shir, no̱a kum á remen no̱ m-ko̱n u̱n hur-de u̱n me̱n-u̱t jaas-to̱ ne̱. No̱ m-co̱n no̱ ho̱ge̱ m-re̱re̱m u̱n ho̱n no̱.

1 Bitrus 1:14

No̱m no̱ u̱ntu̱n yakar-ye̱ o-do̱ro̱tte̱. No̱ yage̱ ho̱o̱g-m no̱ heet no̱ be-de u̱n rem-u̱s yo̱-se se no̱ rotte̱ ba no̱ u̱n nap á.

1 Bitrus 2:11

No̱ yan-yen-de ne̱, me̱ no̱ m-kye̱we̱s, u̱ntu̱n yan-dak-o ho̱r-o̱, hamat-ne̱ u̱n ka dak-o̱, gin no̱ ka rem-u̱s yo̱-se, se ro̱ u̱r-gu̱n u̱n ho̱o̱g-m no̱ à.

2 Bitrus 2:18

Be-de u̱n se̱s-se u̱n ye̱ u̱n hun-to̱ o-hwaa ne̱, ye̱ du̱ru̱msu̱te̱ hun-ne̱ m-do̱re̱ u̱n co̱n-m rem-u̱s ma-hun. Ye̱ ro̱ m-se̱nge̱ ye̱ nakanté̱ ká ye̱ po̱sse̱ u̱n she'et-de u̱r-ba'as à, ye̱ waragté̱ m-no̱m u̱r-ba'as komo.

2 Bitrus 3:3

Yo jiishe̱ à, depete̱ no̱ nep u̱nze n-me̱ u̱n ho̱-to̱ u̱r-ko̱m, ya-u̱r-ar ro̱o̱n, ye̱ nemestú̱ no̱ remen sakto̱-o yo̱-o̱ garamsu̱te̱ ho̱o̱g-mo̱ u̱n ye̱.