Yakubu 3:1 - Mɑ‑to̱ Shir Taku̱rda-o swo̱r o-nu pu̱-o̱

¹ O̱r re ne̱, ba myet-m no̱ depe̱ ye̱ warag ya-u̱r-yoos á. Bo̱ no̱ nape̱ à, te̱ ya-u̱r-yoos, Shir a piishi te̱ u̱t-ma u̱s-nu̱ ne̱ arge̱ ko̱ wu̱ ke ne̱t-wu̱.

Yakubu 3:1 Iomraidhean Croise

Matiyos 10:24

Ye̱so ze̱e̱ru̱, “Yatt wa-m-yoos wu̱ jiishe̱ wan-yoose̱ u̱n wu̱ á, ko̱ komo ko-gu̱w-wu̱ jiishe̱ wan-hur-o̱ u̱n wu̱ á.

Matiyos 23:13

“Amba no̱ rii-yo u̱r-'wo̱n yo, no̱ yan-Yoos-de o-karamsa u̱n Parisa-ne̱. Ya-o-she̱pe̱! No̱ sanag hun-ne̱ ish-o̱ m-co̱w u̱n gwo̱mo-to̱ Shir. No̱ u̱n hi u̱n no̱ komo no̱ co̱w á.

Matiyos 9:11

Bo̱ Parisa-ne̱ hyente̱ káane̱ à, ye̱ ze̱e̱ru̱ yan-neke̱-m Ye̱so. “U̱depe̱ ko-yan-yoos-u̱r no̱ re rii-yo m-re̱ u̱n yan-go̱ks u̱n tar ne̱, u̱n ya-u̱r-ba'as ne̱ á.”

Ruka 16:2

Remen kaane̱ wu̱ agnu̱ru̱ wan-bebe̱ u̱n wu̱ u̱t-saw. Wu̱ ze̱e̱ru̱ wu̱, ‘U̱m ho̱gu̱te̱ wo̱ me̱ m-sabu̱rse̱ u̱n hwo̱r. Remen kaane̱ kamsu̱ndu̱ me̱ saw-u̱t re, u̱m wongsu̱te̱ wo̱ u̱n baab-to̱ u̱n saw-u̱t re ne̱.’

Ruka 6:37

“No̱ piishe̱ hun-ne̱ u̱t-ma á, komo Shir a piishu̱ no̱ u̱t-ma á. No̱ naas hun-ne̱ á, komo Shir a naas no̱ á. Soks no̱ ba'as-de u̱n hun-ne̱, komo Shir a soks ba'as-u̱r no̱.

Yohana 3:10

Ye̱so shasu̱ru̱ wu̱, “Wo̱ wu̱ ro̱ m-yoose̱ u̱n Isra-ne̱ à, to̱ ka ma-to̱ komo, ¿wo̱ nap u̱n to̱ ne̱ á?

Se̱nge̱-mo̱ 13:1

To̱, be-de u̱n hun-ne̱ yan-dor Ye̱so ye̱ ro o-Antakiya à, ye̱ ken yan-Rwo̱r u̱n Ma-to̱ Shir ye̱ ro kon u̱n yan-Yoos-de u̱n Ma-to̱ Shir ne̱. Ye̱ ro: Barnabas, u̱n Simo̱n ne̱ (wu̱ a m-aag Rim-wu̱ à), u̱n Rushiyos ne̱ (ko-ya-o-Kire̱ni), u̱n Manayen ne̱ (wu̱ bo̱'o̱se̱ be-u̱r gaan u̱n Here̱ [Atipas] ne̱ à), komo u̱n Shawuru ne̱.

1 Korinti-ne̱ 12:28

Ogom-de u̱n do̱k-to̱ Shir rwo̱'e̱ u̱n wu̱r-o̱ u̱n yan-dor ye̱ u̱n wu̱ à to̱ ká: U̱r-takan, yan-To̱m Ye̱so. Yoor, yan-Rwo̱r u̱n Ma-to̱ Shir. Tet, ya-u̱r-Yoos. Nass, yan-no̱m u̱n rem-se u̱t-hyat. Taan, yan-yar-mo̱ u̱n taas u̱s-go̱m. Cind, yan-Gwu̱. Ta'yoor, yan-gu̱t-de ya-m-se̱nge̱-mo̱ u̱n yan-dor. Eer, yan-ce̱p u̱n rem-u̱t ho̱r-to̱ go̱-u̱s-go̱.

2 Korinti-ne̱ 5:10

Nip-o̱, Kiristi a piishe̱ ko̱ wu̱ ke ne̱t-wu̱ u̱t-ma. Remen ko̱ wu̱ ke wu̱a go̱ks 'yons-de u̱n se̱nge̱-mo̱ wu̱ no̱me̱ u̱n wu̱r-o̱ u̱n wu̱ u̱n ka ho̱no o-dak o̱ à, ko̱ mo̱ u̱r-bon, ko̱ komo mo̱ u̱n ba u̱r-bon.

Apisu-ne̱ 4:11

Kiristi ya'ase̱ hun-ne̱ m-yar. Wu̱ daagu̱ru̱: Ye̱ ken ye̱, ye̱ warag yan-To̱m Ye̱so, Ye̱ ken ye̱ yan-Rwo̱r u̱n Ma-to̱ Shir, Ye̱ ken ye̱ yan-Rwo̱r u̱n Ma-to̱ m-Re̱re̱m, Ye̱ ken ye̱ yan-Gu̱t-de u̱n hun-ne̱ ye̱ Shir, u̱n Ye̱ ken ye̱ ya-u̱r-Yoos ne̱.

1 Timoti 1:7

Ye̱ co̱no̱g ye̱ warag ya-u̱r-yoos-de u̱n karamsa-o Mosa. Ye̱ m-campo̱ u̱n hyan-o̱ u̱n ye̱, u̱nze ye̱ nak. Amba ye̱ nap yo ye̱ u̱r-yoos á.

1 Timoti 2:7

Remen ka o̱ Shir to̱mnu̱ me̱ u̱m waragte̱ wa-o-ko̱'o̱t u̱n ko-yan-To̱m Ye̱so ne̱. U̱m waragte̱ Wa-u̱r-Yoos, wan-yoose̱ u̱n ye̱ ro̱ Yahuda-ne̱ á, n-me̱ m-she̱r, o-nip ne̱. Nip-o̱ me̱ m-rwo̱r ba bo̱-to̱ á.

2 Timoti 1:11

Remen ka Ma-to̱ m-Re̱re̱m to̱, o̱ Shir daagu̱ntu̱ me̱. Shir u̱n daag me̱ u̱m waragte̱ ko-yan-ko̱'o̱t u̱n Ma-to̱ u̱n wu̱, ko-yan-To̱m Ye̱so, u̱n komo wan-yoose̱ u̱n hun-ne̱ ne̱ bo̱ a he do̱re̱ u̱n Ye̱so Kiristi à.

Yahuda-ne̱ 13:17

Nomu̱ no̱ ye̱ ro̱ m-yoose̱ yan-dor Ye̱so Ma-to̱ Shir à o-do̱ro̱tte̱, no̱ nom rii-yo ye̱ zee no̱ à, remen ye̱ ro̱ m-was u̱n ho̱o̱g-m no̱ ne̱. Komo ye̱a ru̱re̱ Shir bo̱ ye̱ no̱me̱ se̱nge̱-mo̱ u̱n ye̱ à. Remen kaane̱ bo̱ ye̱ ro̱ u̱n no̱m u̱n se̱nge̱-mo̱ ye̱ à no̱ naas ye̱ u̱t-me̱n á. No̱m no̱ bo̱ ye̱ he m-ho̱ge̱ o-zak à. Amba no̱ no̱me̱ ye̱ ko̱o̱b-de o-do̱ro̱tte̱, ka ra gu no̱ á, ko̱ hiin.

Yakubu 1:16

O̱r re ne̱ ye̱ me̱ m-was à, no̱ jar no̱ cu̱w o-ko̱t á!

Yakubu 1:19

Baks no̱ yo ka, o̱r re ne̱ yan-dor, Ko̱ wu̱ ke ne̱t-wu̱ ma'as zo̱ngse̱ wu̱ ho̱gu̱te̱, amba taase wu̱ nom ho̱r-mo̱ m-ce̱p komo wu̱ no̱m ho̱r-mo̱ u̱s-ryaab á.

Yakubu 3:10

U̱n nu-o gaan atte̱ u̱r-bo̱ngo̱n u̱n ka nu-o̱ komo atte̱ hun-ne̱ u̱t-re̱e̱b. O̱r re ne̱ yan-dor, yo ka rii-yo u̱r-bon yo á!

1 Bitrus 5:3

Ka ye̱ Shir bo̱bsu̱ no̱ à, no̱ sawsu̱ ye̱ u̱s-nu̱ á, amba kute̱ no̱ ye̱ bu̱-yo u̱r-bon.