Se̱nge̱-mo̱ 2:2 - Mɑ‑to̱ Shir Taku̱rda-o swo̱r o-nu pu̱-o̱

² Da-o gaan, a ho̱gu̱ru̱ o̱ ken zaaz-o̱ n-to̱n u̱ntu̱n o̱ u̱n caari-mo̱ m-yo, o̱ shoosu̱ru̱ kap o̱ u̱n ka hur-o̱ ye̱ rotte̱ u̱r-mo̱ro̱g n-me̱ à.

Se̱nge̱-mo̱ 2:2 Iomraidhean Croise

Ruka 2:13

U̱n gyept-o̱ u̱n yish, bu̱u̱g-de u̱n yan-to̱m-ye̱ u̱n Shir n-To̱n rwu̱u̱nu̱ru̱, u̱n ko-wan-to̱m-wu̱ Shir ne̱, ye̱ ro u̱n hu'e̱ u̱n Shir se̱p-to̱ u̱r-bo̱ngo̱n:

Yohana 3:8

Yo-m ro̱ m-hur be-de mo̱ co̱ne̱ à. Wo̱ m-ho̱ge̱ ras-o̱ u̱n mo̱ temb, amba wo̱ nap be-de mo̱ rwu̱u̱ne̱ á, yagu̱nte̱ o nept be-de mo̱ ro̱ m-ha à. Kaane̱ o̱ komo be-de u̱n kap ne̱t-wu̱ Ku̱kt-o̱ Shir ja'ase̱ mat-o̱ u̱n wu̱ à.”

Se̱nge̱-mo̱ 2:3

Ye̱ hyanu̱ru̱ to̱ ken rii-to̱ sa o zee rem-to̱ o-ra. To̱ comsu̱ru̱ be-de u̱n ye̱, to̱ ro m-cire̱ u̱n hi-de u̱n ko̱ wu̱ ke.

Se̱nge̱-mo̱ 2:6

Bo̱ ye̱ ho̱gu̱te̱ zaaz-o̱ u̱n ka yo-mo̱ à, hun-ne̱ mo̱rgu̱ru̱ de̱e̱n. Kap mo̱ u̱n ye̱ ye̱ bo̱pu̱ru̱ o-nu, remen kap mo̱ u̱n ye̱ ho̱gu̱te̱ mo̱ro̱g-de yan-dor Ye̱so ro m-te̱pe̱r u̱n rem-de u̱n dak-o̱ u̱n ye̱.

Se̱nge̱-mo̱ 4:31

Bo̱ ye̱ nomte̱ ko̱n-se Shir à, ka be-de ye̱ rotte̱ u̱r-mo̱ro̱g à, de nuktu̱ru̱. Kap mo̱ u̱n ye̱ argu̱ m-shi u̱n Ku̱kt-o̱ Shir, ye̱ se̱ngu̱ rwo̱r u̱n ma-to̱ Shir ba o-gye̱r.

1 Bitrus 1:12

Amba Shir kutute̱ ká yan-Rwo̱r u̱n Ma-to̱ Shir ye̱ u̱nze, ye̱ ro̱ no̱ m-nome̱ m-gu̱w ba hi u̱n de u̱n ye̱ á. Ka rem-se ye̱ rwo̱re̱ n-ga à mo̱sse̱ u̱n Kiristi ne̱, m-mo̱ka ye̱ ken hun-ne̱ ye̱ ru̱ru̱tu̱ no̱ Ma-to̱ m-Re̱re̱m u̱n bu̱-yo u̱n Ku̱kt-o̱ Shir, o̱ a to̱mne̱ rwu̱u̱n-mo̱ n-To̱n u̱n shir à. Ka nip-o̱ o̱ mo̱sse̱ u̱n bo̱ Shir ruru na ne̱ à, o̱ yan-to̱m ye̱ Shir co̱ne̱ m-byarag à.