Lucas 5:5 - Uspanteko

⁵ Simón xij re: Ajtijonl, jun ak'ab' xojk'asin chi chapoj car y ni jonok xkachap. Pero lajori jwi'l at atb'inc, tant'oj chic mak c'aat li ja', xche'.

Lucas 5:5 Iomraidhean Croise

Lucas 17:13

xijtakch re: Kaj Jesús Ajtijonl, il c'ur kawch riq'ui kayaj, xche'takch re Kakaj Jesús.

Lucas 8:24

Yak ajtijol rib'ak chirij xe'tak lamas tiwarwi' Kakaj Jesús y xb'ittak, xijtak re: ¡Kajtijonl! ¡Kajtijonl! ¡Ojjik'i' jwi'l tijin tikej man barc ralaj ja'! xche'tak re. Ajruc're' xb'iit Kakaj Jesús, xk'el man quiek'ek' tew y mak retumb re man nimlaj alagun, ajruc're' xk'ax quiek'ek' tew y xmay juntir.

Lucas 8:45

Kakaj Jesús xtz'onaj rechak: ¿Nen xinchapowc? xche' rechak. Juntir cristian ta' tijb'ijtak nen xchapow re. Xpe Pedro, xij re Kakaj Jesús: Kajtijonl, yak cristianke atpitz'owc y atjtuc'tak, xche' Pedro re.

Lucas 9:33

Cuando elamchak trantakb'i yak winak riq'ui Kakaj Jesús, xpe Pedro, xij re Kakaj Jesús: Kajtijonl, jor tzi wojtak neri, tikab'an uxib' chinam, jun pi awe at, jun pi re Moisés y jun pi re Elías, xche' re. Pero Pedro ta' retam wi tzi o ta' tzi tijin tijb'ij.

Lucas 9:49

Xpe Juan, xij re Kakaj Jesús: Kajtijonl, xkila' jun winak tijin tresaj mak etzl laj ranm cristian laj ab'j. Oj xkak'ela'n, jwi'l ma' kapach ta'n, xche' re.

Juan 15:14

Atak, ataka' wichc'ulchi' wi tab'antak lawi' ri tamb'ij chawechak,

Juan 2:5

Pero jchuch xij rechak yak ri tijintak chi jjachic vin: B'antak juntir ri nen tijb'ij chawechak, xche' rechak.

Juan 21:3

xpe Simón Pedro, xij rechak: Imb'i' chi chapoj car, xche' rechak. Y rechak xijtak re Pedro: Oj ojb'i' chawij, xche'tak re. Xjawtakb'i li jun barc xe'tak, pero man ak'ab' li ta' ni jun car xchaptak.