СВЯТОЙ АПОСТОЛ ПАВЕЛЫН ФИЛИППЫШТЕ ИЛЫШЕ-ВЛАКЛАН КОЛТЫМО СЕРЫШЫЖЕ 4:17 - У Сугынь

¹⁷ Тендан деч пӧлекым налашлан огыл тидым ойлем, но поро паша лектышда ешаралтмым ужмем шуэш.

СВЯТОЙ АПОСТОЛ ПАВЕЛЫН ФИЛИППЫШТЕ ИЛЫШЕ-ВЛАКЛАН КОЛТЫМО СЕРЫШЫЖЕ 4:17 Iomraidhean Croise

Ин 15:16

Те огыл Мыйым ойырен налында, мый тендам ойырен налынам, те кайыза, саскам пуыза да саскада аралалтше манын, тендам шогалтенам. Тыге ыштеда гын, Ача деч мом гына Мыйын лӱм дене йодыда, тыланда чыла пуа.

Ин 15:8

Кунам те шуко саскам пуэда да Мыйын тунемшем лийыда, тыгай годым Ачам чаплана.

РИМЛЯН-ВЛАКЛАН 15:28

Тиде пашам шуктымеке‚ тиде пӧлекым тичмашнек намиен пуымеке, мый, тендан дене лиймеке, Испанийыш каем.

2 Кор 11:16

Адак каласем: нигӧ мыйым ушдымо манын ынже шотло. Тыге шотледа гын, мыламат иктаж-кунар моктанаш манын, кеч ушдымо семын мыйым налза.

2 Кор 9:5

Тугеже мый дечем ончыч тендан деке мияш да ондак сӧрымӧ пӧлекдам шотыш кондаш иза-шольо-влакым йодаш кӱлешлан шотленам. Тунам пӧлек ӧкымлен налме окса семын огыл, а шке кумылын погымо надыр семын ямде лиеш.

СВЯТОЙ АПОСТОЛ ПАВЕЛЫН ФИЛИППЫШТЕ ИЛЫШЕ-ВЛАКЛАН КОЛТЫМО СЕРЫШЫЖЕ 1:11

да Иисус Христосын шочыктымо чын ыштымаш саска дене тич темыда, тидыже Юмылан чапым да моктымашым конда.

СВЯТОЙ АПОСТОЛ ПАВЕЛЫН ФИЛИППЫШТЕ ИЛЫШЕ-ВЛАКЛАН КОЛТЫМО СЕРЫШЫЖЕ 4:11

Мый йорло улмемлан огыл тидым ойлем, мый мо улмо дене серлагаш тунемынам.

1 Фес 2:5

Ме нигунам сайла кояш тӧчен ойлен огынал манын, те паледа; пайдам налаш шонымына лийын огыл, Юмо тидлан танык.

1 Тим 3:3

Аракам йӱаш йӧратыше огыл, кредал коштшо огыл, [ӱчашыше огыл,] шкаланже пайдам кычалше огыл, но тыматле лийже, ынже ӱчаше, оксам ынже йӧрате.

1 Тим 6:10

Вет чыла осалын вожшо – оксам йӧратымаш, оксалан вуйым пуымеке, южышт ӱшанымаш деч кораҥыныт да шкеныштым шке шуко орлыкыш пуртеныт.

СВЯТОЙ АПОСТОЛ ПАВЕЛЫН ТИТЛАН КОЛТЫМО СЕРЫШЫЖЕ 1:7

Черкыште епископлан Юмын пашам ӱшаныме, сандене тудын нимогай титакше лийшаш огыл. Тудо торжа ынже лий, вашке шыдешкыше ынже лий, аракам йӱаш йӧратыше ынже лий, кредал коштшо ынже лий, шкаланже пайдам кычалше ынже лий,

СВЯТОЙ АПОСТОЛ ПАВЕЛЫН ТИТЛАН КОЛТЫМО СЕРЫШЫЖЕ 3:14

Мемнан-влакат, саскадыме лияш огыл манын, полыш кӱлмӧ годым тек поро пашам тыршен ышташ тунемыт.

СВЯТОЙ АПОСТОЛ ПАВЕЛЫН ЕВРЕЙ-ВЛАКЛАН КОЛТЫМО СЕРЫШЫЖЕ 6:10

Юмо чын огыл ок лий: святой-влаклан пашам ыштымыда годым ондакат, кызытат ыштыме пашадам да Тудым йӧратен тыршымыдам Тудо ок мондо.

1 Петр 5:2

Юмын тыланда ӱшанен пуымо кӱтӱжым кӱтыза, ӧкымлыде, шке кумылын, Юмылан келшышын тудым оролыза, намысле пайдам кычалын огыл, а уло кумылын тыршен ыштыза,

2 Петр 2:15

Вияш корным коден, нуно йомыныт, Восорын Валаам эргыжын корныж дене каеныт, тудыжо чын огыл пашалан тӱлымым йӧратен,

2 Петр 2:3

Опкын улмыштлан кӧра нуно шоякым ойлымо дене тендан кӱшеш илаш тӱҥалыт. Нунылан суд пунчал шукертак ямде, пытымашышт ок нере.

СВЯТОЙ АПОСТОЛ ИУДАН УЛО ЧЕРКЫЛАН КОЛТЫМО СЕРЫШЫЖЕ 1:11

Ойго нунылан, вет Каинын корныж дене каят, оксалан верч Валаамын гай йоҥылышлан шкеныштым тӱрыс пуэныт да Корей семын ваштареш шогымыштлан кӧра пытат.