СВЯТОЙ АПОСТОЛ ПАВЕЛЫН ФИЛИППЫШТЕ ИЛЫШЕ-ВЛАКЛАН КОЛТЫМО СЕРЫШЫЖЕ 4:14 - У Сугынь

¹⁴ Туге гынат мылам орлыкем куштылемдаш полшымыда дене те сай ыштенда.

СВЯТОЙ АПОСТОЛ ПАВЕЛЫН ФИЛИППЫШТЕ ИЛЫШЕ-ВЛАКЛАН КОЛТЫМО СЕРЫШЫЖЕ 4:14 Iomraidhean Croise

Мф 25:21

Озаже тудлан каласен: ”Сай! Тый поро да ӱшанле тарзе улат. Изиште ӱшанле лийынат, тыйым шукым ончаш шогалтем. Озатын куан пайремышкыже тол”.

РИМЛЯН-ВЛАКЛАН 15:27

Нуно тыге ыштынешт улмаш – Иерусалимысе-влак ончылно нуно, чынжымак, парымыш пуреныт. Шӱлышлан мо кӱлмым иудей-влак деч налыныт гын‚ чын Юмым ондак палыдыме-влак каплан кӱлмӧ дене нунылан полшышаш улыт.

ГАЛАТ-ВЛАКЛАН 6:6

Кӧм Юмын шомаклан туныктымо, тудо шкенжын мо сай улыж гыч ужашыжым туныктышыжлан пуышаш.

СВЯТОЙ АПОСТОЛ ПАВЕЛЫН ФИЛИППЫШТЕ ИЛЫШЕ-ВЛАКЛАН КОЛТЫМО СЕРЫШЫЖЕ 1:7

Чыланда нерген мыйын тыге шонымем чын. Те шӱмыштем улыда. Петырымаште лиям але Поро Уверым арален ойлем, але тудын верч ӱшандарен каласкалем, чылан мый денем пырля Юмын порылыкыштыжо улыда.

СВЯТОЙ АПОСТОЛ ПАВЕЛЫН ФИЛИППЫШТЕ ИЛЫШЕ-ВЛАКЛАН КОЛТЫМО СЕРЫШЫЖЕ 4:18

А мый чыла налынам, чылажат лыҥ уло. Тендан колтымыдам Епафродит деч налынамат, мыйын чылажат шуко. Мом те пуэнда, тиде «тамле пушан пӧлек», «Юмылан келшыше, йӧрышӧ надыр».

1 Тим 6:18

Тек нуно порым ыштат, нунын поянлыкышт порым ыштымышт лийже, вес еҥлан тӱрлын полшаш эре кумылан лийышт.

СВЯТОЙ АПОСТОЛ ПАВЕЛЫН ЕВРЕЙ-ВЛАКЛАН КОЛТЫМО СЕРЫШЫЖЕ 10:33

Южгунам тендам чылан ончылно мыскыленыт, орландареныт, южгунам тыгайым чытыше воктеке шогалында.

СВЯТОЙ АПОСТОЛ ПАВЕЛЫН ЕВРЕЙ-ВЛАКЛАН КОЛТЫМО СЕРЫШЫЖЕ 10:34

Те петырымаште лиймем годым мый денем пырля орланенда да, пылпомышто сайрак да пытыдыме погыда улмым пален, погыдам агымым куанен чытенда.

СВЯТОЙ АПОСТОЛ ПАВЕЛЫН ЕВРЕЙ-ВЛАКЛАН КОЛТЫМО СЕРЫШЫЖЕ 13:16

Тыгак порым ыштымым да икте-весылан полшымым ида мондо, тыгай надыр Юмылан келша.

Почм 1:9

Мый, Иоанн, Иисус Христосын орлыкшым, Кугыжанышыжым да чытымашыжым тендан дене пырля налше изада, Юмын шомаклан да Иисус Христосын таныклымыжлан кӧра Патмос манын лӱмдымӧ островышто лийынам.