СВЯТОЙ АПОСТОЛ ПАВЕЛЫН ФИЛИППЫШТЕ ИЛЫШЕ-ВЛАКЛАН КОЛТЫМО СЕРЫШЫЖЕ 3:19 - У Сугынь

¹⁹ Нунын мучашышт – пытымаш, нунын юмышт – кочмаш-йӱмаш, а чапышт – намысан койыш. Нуно мланде ӱмбалсе нерген шонат.

СВЯТОЙ АПОСТОЛ ПАВЕЛЫН ФИЛИППЫШТЕ ИЛЫШЕ-ВЛАКЛАН КОЛТЫМО СЕРЫШЫЖЕ 3:19 Iomraidhean Croise

Мф 16:23

Тудыжо, Петр деке савырнен, каласен: «Кораҥ Мый дечем, сатана! Тый Мыйым алгаштарынет, тыйын шонымет айдемын, а Юмын огыл».

Мф 25:41

Вара шола могырышто улшо-влаклан каласа: ”Каргыме-влак, Мый дечем кораҥза, диавол ден тудын суксыж-влаклан ямдылыме курымашлык тулыш кайыза.

Лк 12:19

да шкаланем каласем: ’Чонем, тыйын шуко ийлан ситыше кугу погет уло. Кане, коч, йӱ, куанен иле’”.

Лк 16:19

Ик еҥ поян улмаш, мотор шемалге-йошкар йытын вургемым чиен, кече еда ракатланен кочкын-йӱын.

Лк 18:4

Но тудыжо кужу жап нимом ынеж ыште улмаш, а вара шкаланже шке каласен: ”Мый Юмо дечат ом лӱд, еҥ дечат ом вожыл гынат,

РИМЛЯН-ВЛАКЛАН 16:18

Тыгай еҥ-влак мемнан Господьна Иисус Христослан огыл служитлат‚ а шке мӱшкырыштлан тарзыланат. Нуно йӧраш тӧчымӧ, яклака мутышт дене пушкыдо кумылан еҥ-влакым ондалат.

РИМЛЯН-ВЛАКЛАН 6:21

Тунам те могай саскам налында? Тугайым, могайже деч ынде вожылыда‚ вет тудын мучашыже – колымаш.

1 Кор 3:3

те алят кап ден чон йодмо почеш илыше улыда. Тендан коклаште кӧранымаш, ӱчашымаш да келшыдымаш гын, кап ден чон йодмо почеш огыда иле мо, тӱнясе чыла айдеме семын огыл мо те ыштеда?

1 Кор 5:2

А те кугешнеда! Тыланда лучо ойгаҥаш да тыге ыштышым шкендан кокла гыч кораҥдаш ок кӱл ыле мо?

1 Кор 5:6

Тендан моктанымыда сай огыл. Але огыда пале: ру падыраш уло руашым шукта?

2 Кор 11:15

Тыгеже, тудын тарзыж-влак чынын служитлышыжла койнешт гын, тидыже кугу паша огыл. Нунын мучашышт пашашт дене келшыше лиеш.

ГАЛАТ-ВЛАКЛАН 6:13

Пӱчмӧ йӱлам кучышо-шамыч шкештат законым огыт шукто, но нуно, тыланда мом ыштыме дене моктанаш манын, те пӱчмашым эртыза шонат.

СВЯТОЙ АПОСТОЛ ПАВЕЛЫН ФИЛИППЫШТЕ ИЛЫШЕ-ВЛАКЛАН КОЛТЫМО СЕРЫШЫЖЕ 2:21

вет чылан Иисус Христосын пашаж верч огыл, а шкеныштын пашашт верч веле тыршат.

СВЯТОЙ АПОСТОЛ ПАВЕЛЫН КОЛОССЯН-ВЛАКЛАН КОЛТЫМО СЕРЫШЫЖЕ 3:2

Мланде ӱмбалсе нерген огыл, а кӱшылсӧ нерген шоныза.

2 Фес 1:9

Кунам Иисус шке святойжо-влак коклаште чапланаш, ӱшаныше-влак коклаште моктымо лияш толеш – вет те мемнан таныклымылан ӱшаненда – тудо кечын Господь Поро Уверым колыштдымо-влакым курымашлык пытымашлан судитла, нуно Тудын чурийже деч да Тудын куатшын чапше деч кораҥдыме лийыт.

2 Фес 2:12

Тыгеракын, чынлан ӱшаныдыме, но чын огылым йӧратыше-влак чылан судитлыме лийыт.

2 Фес 2:8

Тунам языкын еҥже толын лектеш. Но Господь Иисус тудым умшажын шӱлышыж дене пуштеш, чапланен толмыж денак пытара.

2 Тим 3:4

предатель, вожылдымо, чот кугешныше, Юмым йӧратыме олмеш шке шерыштым темаш йӧратыше лийыт.

СВЯТОЙ АПОСТОЛ ИАКОВЫН УЛО ЧЕРКЫЛАН КОЛТЫМО СЕРЫШЫЖЕ 4:16

Но ынде кугешнылше улыда да моктанеда. Чыла тыгай моктанымаш – осал.

2 Петр 2:1

Израиль калык коклаште шояк пророк-влакат лийыныт, тыгак тендан коклаштат шояк туныктышо-влак лектыт. Нуно пытымашке наҥгайыше шояк туныктымашым кондат да шкеныштымат тӱлен налше Господь деч кораҥыт, тидын дене шке ӱмбакышт вашке пытымашым кондат.

2 Петр 2:13

Закондымылыкыштлан нунылан тӱлалтеш. Кечывал кечын шерыштым темымым ракатланымылан шотлат, тендан дене пырля кочмышт-йӱмышт годым нине лавыра гай намысле еҥ-влак ондалымышт дене ракатланат.

2 Петр 2:3

Опкын улмыштлан кӧра нуно шоякым ойлымо дене тендан кӱшеш илаш тӱҥалыт. Нунылан суд пунчал шукертак ямде, пытымашышт ок нере.

СВЯТОЙ АПОСТОЛ ИУДАН УЛО ЧЕРКЫЛАН КОЛТЫМО СЕРЫШЫЖЕ 1:10

Но нине еҥ-влак мом огыт пале, тудым мыскылат, а умылыдымо вольык семын пӱртӱс пуымо дене мом палат, тудын дене шкеныштым пытарат.

СВЯТОЙ АПОСТОЛ ИУДАН УЛО ЧЕРКЫЛАН КОЛТЫМО СЕРЫШЫЖЕ 1:16

Нуно ӧпкелыше, нимо денат келшыдыме улыт, Юмым пагалыде да законым пудыртылын, шке сутланымышт почеш илат, йылмышт гыч кугешнен ойлымо мут-влак лектыт, шкаланышт пайдам налашлан сайла кояш тӧчат.

СВЯТОЙ АПОСТОЛ ИУДАН УЛО ЧЕРКЫЛАН КОЛТЫМО СЕРЫШЫЖЕ 1:4

Вет шукертак судлан палемдыме да Юмым пагалыдыме еҥ-влак коклашкыда шолып пуреныт. Нунышт мемнан Юмынан порылыкшым пужлен илаш йӧным пуышо амалыш савырат, Юмо – ик шкет Кугыжа – да мемнан Иисус Христос Господьна деч кораҥыт.

Почм 18:7

Кунар тудо шкенжым чапландарен да ракатланен илен, тунар орланымашым да ойгым тудлан пуыза, вет шке шӱмыштыжӧ тудо ойла: ”Кугыжала шинчем, мый тулык вате омыл да ойгымат ом уж”.

Почм 19:20

Но янлыкым руалтен кученыт, тудын ончылно палдарыше палым ончыктышо шояк пророкымат пырля кученыт. Чудыжо-влак дене тудо янлыкын палыжым налше да янлыкын тӱсшылан вуйым савен кумалше-влакым ондален улмаш. Нуным когыньыштымат илышынек киш дене йӱлышӧ тулан ерыш шуымо.

Почм 21:8

Но лӱдшӧ, ӱшанымаш деч кораҥше, шакше, еҥым пуштшо, яжарланыше ден юзо-влакын, шояк юмылан кумалше-влакын да чыла шоячын ужашышт – йӱлышӧ кишан ер. Тиде – кокымшо колымаш».

Почм 22:15

А пий да юзо-влак, яжарланыше, еҥым пуштшо, шояк юмылан кумалше-влак, шоям йӧратыше да тудым ыштыше-влак чылан тӱжвалан кодыт.