СВЯТОЙ АПОСТОЛ ПАВЕЛЫН ФИЛИППЫШТЕ ИЛЫШЕ-ВЛАКЛАН КОЛТЫМО СЕРЫШЫЖЕ 3:15 - У Сугынь

¹⁵ Тугеже мемнан кокла гыч ӱшанымаште кушкын шушо-влак тыге шонышаш улыт, а те иктаж-мо нерген вес семын шонеда гын, тидымат Юмо тыланда почеш.

СВЯТОЙ АПОСТОЛ ПАВЕЛЫН ФИЛИППЫШТЕ ИЛЫШЕ-ВЛАКЛАН КОЛТЫМО СЕРЫШЫЖЕ 3:15 Iomraidhean Croise

Мф 5:48

Сандене, Пылпомышсо Ачада могай поро, тугаяк поро лийза.

Лк 11:13

Тыгеже, те осал улмо ӱмбачат шочшыланда тӱрлӧ порым пуэн моштеда гын, пылпомышсо Ачана Тудын деч йодшылан Святой Шӱлышым огеш пу мо?»

Ин 6:45

Пророк-влакын книгаштышт возымо: ”Нуным чыланыштым Юмо туныкта”. Кӧ Ачам колеш да Тудын деч тунемеш, тудо Мый декем толеш.

Ин 7:17

Кӧ Тудын эрыкшым шуктынеже, тудо тиде туныктымаш кушеч лекмым пален налеш: тидыже Юмо деч лектеш але Мый Шке гыч ойлем.

РИМЛЯН-ВЛАКЛАН 15:1

Ме‚ виян-влак‚ шкаланна йӧраш тыршышаш огынал, ӱнардыме-влакын вийдымылыкыштым нумалшаш улына.

1 Кор 14:20

Иза-шольо-влак, ушда дене йоча гай ида лий. Осаллык шотышто аза гай лийза, а уш дене – кушкын шушо.

1 Кор 2:6

Туге гынат ме ушым шындыше-влак коклаште кугу уш-акылым ойлена, но тидыже кызытсе саманын уш-акылже але кызытсе саманын пытышаш вуйлатыше-влакын уш-акылышт огыл.

ГАЛАТ-ВЛАКЛАН 5:10

Мый тыланда ӱшанем, вет ме чылан Господь дене ушнен шогена: те вес семын шонаш огыда тӱҥал. А тендам пудыратылше, кӧ гына ынже лий, судитлыме лиеш.

Еф 1:17

Мемнан Господьна Иисус Христосын Юмыжо, чапланыше Ача, Тудым пален налмаште тыланда уш-акыл да почмаш шӱлышым пуыжо.

СВЯТОЙ АПОСТОЛ ПАВЕЛЫН КОЛОССЯН-ВЛАКЛАН КОЛТЫМО СЕРЫШЫЖЕ 1:28

Кажне еҥым нимогай ситыдымаш деч посна Христос Иисус дене ушнымаште Юмын ончыко шогалташ манын, уло уш-акыл дене чыла еҥлан каҥашым пуэн да чыла еҥым туныктен, ме Тудын нерген увертарена.

СВЯТОЙ АПОСТОЛ ПАВЕЛЫН КОЛОССЯН-ВЛАКЛАН КОЛТЫМО СЕРЫШЫЖЕ 4:12

Иисус Христосын тарзыже, тендан Епафрасда саламым колта. Те нимогай ситыдымаш деч посна шогыза, чыла шотыштат Юмын эрыкше почеш илыза манын, тудо кумалмаште тендан верч эреак кучедалеш.

1 Фес 4:9

Но иза-шольо-влакым йӧратыме нерген тыланда возымо ок кӱл, вет икте-весыдам йӧраташ Юмо Шке тендам туныктен.

2 Тим 3:17

Тугеже, Юмын айдемыжын нимогай ситыдымашыже уке, тудо чыла поро пашаланат ямдылыме лиеш.

СВЯТОЙ АПОСТОЛ ПАВЕЛЫН ЕВРЕЙ-ВЛАКЛАН КОЛТЫМО СЕРЫШЫЖЕ 5:14

Пешкыде кочкыш – кушкын шушо-влаклан. Эре тыршымышт дене нунын уш ден шижмашышт поро ден осалым ойырен мошташ туныктымо улыт.

1 Ин 2:5

А кӧ Юмын шомакшым шукта, тудын шӱмыштыжӧ Юмын йӧратымыже чынжымак тичмашлыкыш шуын. Юмо дене ушнен шогымынам ме тышечын палена.