СВЯТОЙ АПОСТОЛ ПАВЕЛЫН ФИЛИППЫШТЕ ИЛЫШЕ-ВЛАКЛАН КОЛТЫМО СЕРЫШЫЖЕ 3:14 - У Сугынь

¹⁴ Мый тушко шунем, кушто Христос Иисус дене ушнен шогымаште Юмын эн кӱшыл ӱжмашлан кӧра пуалтшаш сеҥымаш пӧлек мыйым вуча.

СВЯТОЙ АПОСТОЛ ПАВЕЛЫН ФИЛИППЫШТЕ ИЛЫШЕ-ВЛАКЛАН КОЛТЫМО СЕРЫШЫЖЕ 3:14 Iomraidhean Croise

Лк 16:16

Закон ден пророк-влак Иоанн марте лийыныт. Тудо жап гыч Юмын Кугыжаныш увертарен туныкталтеш да керек-кӧат уло вийын тыршен тушко пура.

РИМЛЯН-ВЛАКЛАН 11:29

Юмын пӧлекше-влак да ӱжмашыже вашталташ лийдыме улыт.

1 Кор 9:24

Але те огыда пале: таҥасыме верыште ӱчашен куржшо-влак чылан куржыт, но пӧлекым икте налеш. Теат, налаш манын, тыге куржса.

2 Кор 4:17

Тиде кӱчык да куштылго орланымашна мыланна курымашлык чапым висаш лийдымын моткоч шуко конда.

СВЯТОЙ АПОСТОЛ ПАВЕЛЫН ФИЛИППЫШТЕ ИЛЫШЕ-ВЛАКЛАН КОЛТЫМО СЕРЫШЫЖЕ 3:3

Ме, шӱлыш дене Юмылан служитлыше, Христос Иисус дене кугешныше да каплан огыл ӱшаным пыштыше-влак, чынжымак пӱчман улына.

СВЯТОЙ АПОСТОЛ ПАВЕЛЫН КОЛОССЯН-ВЛАКЛАН КОЛТЫМО СЕРЫШЫЖЕ 2:18

Кӧ еҥ ончылно ӱҥышыла кояш тӧча, Суксылан кумалмым йӧрата да уждымо кончымашыж дене кугешнылеш, тыгай-влак кокла гыч тендам нигӧ ынже ондале. Айдеме ушышт дене нуно арам моктанат,

2 Тим 1:9

Тудо мемнам утарен да святой илышышке ӱжын. Тидым мемнан пашаланна кӧра огыл, а ончылгоч шонен пыштымыжлан кӧра да жап тӱҥалме деч ончычак мыланна Христос Иисус гоч ончыктымо порылыкшылан кӧра ыштен.

СВЯТОЙ АПОСТОЛ ПАВЕЛЫН ЕВРЕЙ-ВЛАКЛАН КОЛТЫМО СЕРЫШЫЖЕ 3:1

Тыгеракын, святой иза-шольо-влак, пылпомышсо тудо ӱжмашымак налше-влак, мемнан почын ойлымо ӱшанымашын Апостолжо да Архиерейже Иисус Христосым умылен налза.

СВЯТОЙ АПОСТОЛ ПАВЕЛЫН ЕВРЕЙ-ВЛАКЛАН КОЛТЫМО СЕРЫШЫЖЕ 6:1

Сандене, Христосын шомакшын тӱҥалтыш шинчымашыжым лончылымым чарнен, тичмаш шинчымашыш шуаш тыршышаш улына. Колымашке наҥгайыше паша деч кораҥме да Юмылан ӱшаныме, тынеш пуртымаш-влак, айдеме ӱмбаке кидым пыштыме йӱлам эртарыме, колышо-влак ылыжме да курымашлык суд нерген туныктымылан угычын негызым пыштышаш огынал.

1 Петр 1:13

Сандене, [йӧратымем-влак,] ушдам ямдым кучыза, айык шонымашан лийза, Иисус Христос толмо годым тыланда пуалтшаш порылыклан тичмаш ӱшаным пыштыза.

1 Петр 5:10

А Христос Иисус дене ушнен шогымаште мемнам Шкенжын курымашлык чапышкыже ӱжшӧ чыла порылыкын Юмыжо, кӱчык жап орлыкым чытымекыда, тек тендам тӧрлата, чоткыдемда, вияҥда да пеҥгыдемда.

2 Петр 1:3

Мемнам шке чапше да моткоч кугу порылыкшо дене Ӱжшым палыме гоч Тудын пылпомышсо кӱдыратле куатше илышлан да Юмым пагален илымылан чыла кӱлешым мыланна пӧлеклен.

Почм 3:21

Сеҥышылан Мый пеленем престолышкем шинчаш эрыкым пуэм. Тугак Мыят сеҥенам да Ачам дене Тудын престолышкыжо шинчынам.