СВЯТОЙ АПОСТОЛ ПАВЕЛЫН ФИЛИППЫШТЕ ИЛЫШЕ-ВЛАКЛАН КОЛТЫМО СЕРЫШЫЖЕ 1:27 - У Сугынь

²⁷ Ончыза, Христосын Поро Увержылан йӧрышӧ илыш дене илыза. Мый тендам ужаш мием але тендан деч тораште лиям, те ик шӱлыш дене икоян улыда да Евангелиеш негызлалтше ӱшанымаш верч пеҥгыдын шогеда манын колнем.

СВЯТОЙ АПОСТОЛ ПАВЕЛЫН ФИЛИППЫШТЕ ИЛЫШЕ-ВЛАКЛАН КОЛТЫМО СЕРЫШЫЖЕ 1:27 Iomraidhean Croise

Мф 12:25

Но Иисус нунын шонымыштым пален да ойлен: «Кеч-могай кугыжаныш кӧргыштӧ шке коклаштышт сар тӱҥалеш гын, тудо пустаҥеш, да кеч-могай олаште але суртышто шелалтмаш лиеш гын, шоген ок сеҥе.

Ап.паш 2:46

кече еда храмыште икоян погыненыт, мӧҥгыштышт киндым пырля тодылыныт, йывыртен да тыматле шӱм дене кочкыныт.

Ап.паш 24:24

Икмыняр кече гыч Феликс шочынак иудей улшо Друзилла ватыж дене пырля миен, Павелым кондаш еҥым колтен да Христос Иисуслан ӱшаныме нерген каласкалымым колыштын.

Ап.паш 4:32

Ӱшаныше-влак ик шӱм-чонан лийыныт, шкеныштын погышт гыч нигӧ нимом мыйын манын огытыл, а чыла нунын иктеш улмаш.

РИМЛЯН-ВЛАКЛАН 1:16

Мый Христосын Поро Уверже деч ом вожыл‚ вет тудо – Юмын куатше, ӱшаныше кажне еҥлан – ондак иудейлан‚ вара эллинлан – утарымашым конда.

РИМЛЯН-ВЛАКЛАН 1:5

ме Тудын гоч порылыкым да Апостол пашам налынна да чыла калыкым Тудын лӱмжылан кӧра ӱшанымаш мутым колыштмашке виктарышаш улына.

РИМЛЯН-ВЛАКЛАН 1:9

Юмо мыланем танык – Эргыж нерген Поро Уверым каласкален‚ мый Тудлан шӱм-чон шӱлышем дене служитлем – Юмо мыланем танык: мый чарныде тендам ушыштем кучем

РИМЛЯН-ВЛАКЛАН 10:8

Возымаш мом ойла? «Шомак тый денет лишне – тыйын умшаштет да шӱмыштет». Тыште мемнан увертарыме ӱшанымаш шомак нерген ойлалтеш.

РИМЛЯН-ВЛАКЛАН 15:16

чын Юмым палыдыме чыла еҥ-влак Юмылан келшыше да Святой Шӱлышын святитлыме надыр лийышт манын, мый чын Юмым палыдыме-влаклан лийын Христос Иисуслан служитлышаш да Юмын Поро Увержын святой пашажым ыштышаш улам.

РИМЛЯН-ВЛАКЛАН 15:29

Мый палем‚ кунам тендан деке мием‚ Христосын Поро Увержын тичмаш благословенийже дене мием.

1 Кор 1:10

Иза-шольо-влак, те чылан ик семынак ойлыза, тендан коклаште шеледалтмаш ынже лий, а ик ой да ик шонымаш тендам ушыжо манын, мемнан Господьна Иисус Христосын лӱмжӧ дене сӧрвалем.

1 Кор 15:58

Тугеже, йӧратыме иза-шольым-влак, пеҥгыдын, чоткыдын шогыза. Господь дене ушнен ыштыме пашада арам ок лий манын пален, Тудын пашажым эре тыршен шуктыза.

2 Кор 13:11

Икманаш, иза-шольо-влак: куаныза, саемза, икте-весыдам кумылаҥдыза, икоян лийза, келшен илыза, тунам йӧратымашым да тыныслыкым пуышо Юмо тендан дене лиеш.

2 Кор 4:4

Нине ӱшаныдыме-влакын ушыштым тиде курымысо юмо сокырым ыштен. Тыгеракын, Христосын чапше нерген каласкалыше Поро Уверын волгыдыжо нунылан ок йолгалт. Христосшо – [ужаш лийдыме] Юмын тӱсшӧ.

2 Кор 9:13

Кунам те тиде пашаште шкендан чын улмыдам ончыктеда, тунам тендан верч Юмым чапландараш тӱҥалыт, вет те Христосын Евангелийжылан ӱшанымыдам почын ойледа, тудым колыштшо улыда да нунын дене да чыла моло дене ару чон дене кылым кучеда.

ГАЛАТ-ВЛАКЛАН 1:7

Туге гынат тидыже вес увер огыл, а тендам пудыратыше да Христосын Поро Увержым локтыл весемдаш шонышо еҥ-влак гына улыт.

Еф 1:13

А чын шомакым, тыланда утарымашым кондышо Поро Уверым, колмекыда да Тудлан ӱшанымекыда, Христос дене ушнымаште теат сӧрымӧ Святой Шӱлыш дене палемдыме улыда.

Еф 1:15

Чыла тидлан кӧра мый, Господь Иисуслан ӱшанымыда да чыла святой-влакым йӧратымыда нерген колмекем,

Еф 4:1

Тыгеракын мый, Господь верч кучен петырыме еҥ, налме ӱжмашда дене келшен илаш сӧрвалем.

СВЯТОЙ АПОСТОЛ ПАВЕЛЫН ФИЛИППЫШТЕ ИЛЫШЕ-ВЛАКЛАН КОЛТЫМО СЕРЫШЫЖЕ 1:5

вет те икымше кече гычак таче мартеат Поро Уверым шарымаште полшеда.

СВЯТОЙ АПОСТОЛ ПАВЕЛЫН ФИЛИППЫШТЕ ИЛЫШЕ-ВЛАКЛАН КОЛТЫМО СЕРЫШЫЖЕ 2:12

Тыгеракын, йӧратыме иза-шольым-влак, тендан дене лиймем годым кузе мыйым эре колыштында, ынде тендан деч тораште улмем годым эшеат утларак колыштса: шкендан утаралтмашдам лӱдын да тыршен шуктыза.

СВЯТОЙ АПОСТОЛ ПАВЕЛЫН ФИЛИППЫШТЕ ИЛЫШЕ-ВЛАКЛАН КОЛТЫМО СЕРЫШЫЖЕ 2:24

Мый шкежат вашке тендан деке толам манын, Господь мылам ӱшаным пуа.

СВЯТОЙ АПОСТОЛ ПАВЕЛЫН ФИЛИППЫШТЕ ИЛЫШЕ-ВЛАКЛАН КОЛТЫМО СЕРЫШЫЖЕ 3:18

Мый тидын нерген тыланда чӱчкыдын ойленам, да ынде шинчавӱд йӧре каласем: шукышт Христосын ыресшын тушманже семын илат.

СВЯТОЙ АПОСТОЛ ПАВЕЛЫН ФИЛИППЫШТЕ ИЛЫШЕ-ВЛАКЛАН КОЛТЫМО СЕРЫШЫЖЕ 3:20

Но мемнан илыме верна пылпомышто, тушечын ме Утарышым, Господь Иисус Христосым, вучена.

СВЯТОЙ АПОСТОЛ ПАВЕЛЫН ФИЛИППЫШТЕ ИЛЫШЕ-ВЛАКЛАН КОЛТЫМО СЕРЫШЫЖЕ 4:1

Тыгеже, йӧратыме да ужмо шумо иза-шольым-влак, мыйын куанем да сеҥымаш вуйшӱдышем, Господь дене тыге ушнен шогыза, йӧратымем-влак.

СВЯТОЙ АПОСТОЛ ПАВЕЛЫН КОЛОССЯН-ВЛАКЛАН КОЛТЫМО СЕРЫШЫЖЕ 1:10

Те Юмылан келшыше илыш дене илыза, чыла шотыштат Тудлан йӧрышын ыштен, чыла тӱрлӧ порым ыштыме дене саскам кондыза да Юмым палымаште кушкын толза манын, Юмым сӧрвалена.

СВЯТОЙ АПОСТОЛ ПАВЕЛЫН КОЛОССЯН-ВЛАКЛАН КОЛТЫМО СЕРЫШЫЖЕ 1:4

Христос Иисуслан ӱшанымыда да чыла святой еҥым йӧратымыда нерген колынна.

1 Фес 3:6

А ынде Тимофей, тендан деч мемнан деке толмекше, ӱшанымашда да йӧратымашда нерген поро уверым конден. Те мемнам эре порын шарнеда да, кузе ме тендам пеш чот ужнена, теат мемнам тугак ужнеда манын каласкален.

1 Фес 4:1

Икманаш, иза-шольо-влак: Юмылан келшыше илыш дене кузе илаш кӱлмым те мемнан деч тунемында. Но ме Иисус Христосын лӱмжӧ дене сӧрвален йодына: адакат сайракыш тыршыза.

1 Тим 1:11

Моктымо Юмын чапшым увертарыше, мыланем ӱшанен пуымо Поро Увер тыге ойла.

1 Тим 1:19

ӱшанымаште шого, поро совестьым кучо. Икмынярышт совестьыштым колыштмым чарненыт, да нунын ӱшанымашышт кӱ ӱмбаке логалше корабль семын шаланен.

2 Тим 4:7

Таҥасымаште мый чот тыршенам, кайышаш корнем мучашыш шуктенам, ӱшанымашым арален коденам.

СВЯТОЙ АПОСТОЛ ПАВЕЛЫН ТИТЛАН КОЛТЫМО СЕРЫШЫЖЕ 2:10

ынышт шолышт, эре поро да ӱшанле лийышт, тыге нуно мемнан Утарышынан, Юмынан, туныктымыжлан чыла шотыштат поро чапым кондат.

СВЯТОЙ АПОСТОЛ ПАВЕЛЫН ФИЛИМОНЛАН КОЛТЫМО СЕРЫШЫЖЕ 1:5

вет чыла святой-влакым да Иисус Христосым йӧратымет да Иисус Христослан ӱшанымет нерген мый колынам.

СВЯТОЙ АПОСТОЛ ИАКОВЫН УЛО ЧЕРКЫЛАН КОЛТЫМО СЕРЫШЫЖЕ 3:18

Тыныслыкым ыштыше-влакын тыныс дене ӱдымӧ саскашт – тиде чын ыштымаш.

2 Петр 3:11

Тыге чылажат шалана гын, тугеже тыланда, Юмын кечыжым да тудын вашкерак толын шумыжым вучышо-влаклан, святой илышыште да Юмым пагалымаште могай лияш кӱлеш! Тудо кечын кава тул дене шалана да сандалыкысе чыла ужаш шокшеш лева.

2 Петр 3:14

Сандене, йӧратымем-влак, тидым вучен, Юмын ончылно ару чонан, шылталаш лийдыме да тынысан лияш тыршыза.

СВЯТОЙ АПОСТОЛ ИУДАН УЛО ЧЕРКЫЛАН КОЛТЫМО СЕРЫШЫЖЕ 1:3

Йӧратымем-влак, чыланнан утаралтмына нерген тыланда серымем пешак шуын, а кызыт тыланда возаш да святой-влаклан икана эрелан пуымо ӱшанымаш верч пеҥгыдын шогаш тендам сӧрвалаш кӱлешлан шотлем.