СВЯТОЙ АПОСТОЛ ПАВЕЛЫН ФИЛИППЫШТЕ ИЛЫШЕ-ВЛАКЛАН КОЛТЫМО СЕРЫШЫЖЕ 1:17 - У Сугынь

¹⁷ а мыйым Поро Уверым аралаш шогалтымым палатат, кокымшышт йӧратымылан кӧра ыштат.

СВЯТОЙ АПОСТОЛ ПАВЕЛЫН ФИЛИППЫШТЕ ИЛЫШЕ-ВЛАКЛАН КОЛТЫМО СЕРЫШЫЖЕ 1:17 Iomraidhean Croise

Лк 21:14

Шкендам арален ойлымо нерген ончылгоч ида азаплане манын, шӱмышкыда пыштыза.

Ап.паш 22:1

«Иза-шольо да ача-влак! Ынде тендан ончылно шкемым арален ойлымем колыштса».

Ап.паш 26:1

Павеллан Агриппа каласен: «Тый кызыт шкендым арален ойлен кертат». Тунам Павел кидым нӧлталын да шкенжым арален ойлаш тӱҥалын:

Ап.паш 26:24

Павелын тыге аралалт ойлымыж годым Фест йӱкым кугемден каласен: «Павел, тый ушым йомдаренат! Кугун тунеммет тыйым ушдымо лиймашке шукта».

РИМЛЯН-ВЛАКЛАН 2:8

а шкаланже пайдам кычалшылан‚ чыным колыштдымо‚ но чын огылым колыштшылан кугу шыдым пуа.

СВЯТОЙ АПОСТОЛ ПАВЕЛЫН ФИЛИППЫШТЕ ИЛЫШЕ-ВЛАКЛАН КОЛТЫМО СЕРЫШЫЖЕ 1:18

Но Христос нерген кеч-кузе увертарышт, сайла кояш тӧчен але чын шонымаш дене, тидлан мый куанем веле. Ончыкыжымат куанаш тӱҥалам,

СВЯТОЙ АПОСТОЛ ПАВЕЛЫН ФИЛИППЫШТЕ ИЛЫШЕ-ВЛАКЛАН КОЛТЫМО СЕРЫШЫЖЕ 1:7

Чыланда нерген мыйын тыге шонымем чын. Те шӱмыштем улыда. Петырымаште лиям але Поро Уверым арален ойлем, але тудын верч ӱшандарен каласкалем, чылан мый денем пырля Юмын порылыкыштыжо улыда.

СВЯТОЙ АПОСТОЛ ПАВЕЛЫН ФИЛИППЫШТЕ ИЛЫШЕ-ВЛАКЛАН КОЛТЫМО СЕРЫШЫЖЕ 2:3

Тавалымылан але чапланаш тыршымылан кӧра нимом ида ыште, а ӱҥышын икте-весым шке дечда кугураклан шотлыза.

1 Тим 2:7

Тидланак мыйым увертарен туныктышылан да Апостоллан шогалтыме. Христос дене ушнен, чыным ойлем, ом шойышт. Чын Юмым палыдыме-влакым ӱшанымашлан да чынлан туныкташ мыйым палемдыме.

2 Тим 2:9

Поро Уверлан кӧра мый орланем, мыйым осалланыше еҥ семын казаматыш шынденыт, но Юмын шомакшым шинчырлаш ок лий.

2 Тим 4:16

Икымше гана шкемым арален ойлымем годым мыланем полшаш нигӧ толын огыл, чылан мыйым коденыт. Тек нунылан тиде титаклан ок шотлалт.