Matyu 1:1 - Urat New Testament

¹ Leꞌe naŋ titinge loumwah tikin Jisas Krais. Loumwah kin kiŋ Dewit hindi Abraham.

Matyu 1:1 Iomraidhean Croise

Matyu 1:18

Yaŋah ŋaiye Maria waraꞌe Jisas pe, ki taꞌe leꞌe. Mam kin Maria tinge si yupwaiꞌe wusyep ŋaiye ta windiꞌe Josep. Kom teter ŋaiye yukur ti wate warp wotop kin pe, tinge yetekeꞌe ŋaiye Maria si talahe. Yohe Yirise gahanahme ti, ŋaiye ti talahe.

Matyu 1:2

Abraham kin yai tikin Aisak pe, Aisak kin yai tikin Jekop pe, Jekop kin yai tikin Juta topoꞌe lenge toꞌ yuwon kin.

Matyu 15:22

O tuwei ende Kenan ti warp uku pe, ti wate wilil tambah wanange na, “Lahmborenge, nin Krais, Talah tikin Dewit, ni ŋoihginirme ŋam! Yipihinge pupwa ŋende yumbune lahtuwei ŋam supule.”

Matyu 3:16

Ŋupe ŋaiye Jisas nambaꞌe pinip miꞌe no, kin nasme pinip nate ŋanah. Pe moihlaꞌ ginir pe, kin ŋetekeꞌe yipihinge tikin Got nate gah taꞌe jesumbihnip ŋaiye narp anah kin.

Matyu 9:27

Jisas nasme moi uku pe, kin nanga nal. O lenge miyeꞌ ŋembep tangare hoi jande kin. Tinge hindi tambah marnge yanange na, “Krais, talah tikin Dewit! Ŋoihginirme poi hindi!”

Wusyep bwore tikin Jon 7:42

Wusyep ŋaiye sai nato Tup tikin Got ŋanange na, Miyeꞌ ŋaiye Got nalaŋatme luku, ka ot bamtihei tikin kiŋ Dewit. Pe mam ta waraꞌe kin, winir Betlehem, moi ŋaiye somohon Dewit narp.

Aposel 2:30

Kom kin profet tikin Got pe, kin sisyeme wusyep tupwaiꞌ tikin Got ŋaiye bwore mise. Got nupwaiꞌe wusyep ŋaiye mindemboi ka plihe aŋaꞌe luh tikin kiŋ Dewit el ŋambaih talah kin ende Krais.

Pol nainge tup nal lenge Rom 1:3

Wusyep bwore mise luku ki ŋanange nalme Talah kitikin Jisas Krais. Talah uku ki tahar taꞌe miyeꞌ pe, kin narp bamtihei tikin kiŋ Dewit.

Pol nainge tup nal lenge Rom 4:13

Got nupwaiꞌe wusyep topoꞌe Abraham nenge lenge ŋambaih talah kin nange ka aŋaꞌe kekep lalme elme kin. Wusyep tupwaiꞌ uku yukur kin nal gande yaŋah ŋaiye Abraham gande wusyep erŋeme, pakai. Kom ŋoihmbwaip kin teŋeime Got ti, Got galme kin miyeꞌ bwore bwarme.

Pol nainge tup nal lenge Rom 9:5

Lenge loumwah ŋendehei tinge pe, diꞌ naŋ tinge tahar ŋembere. Topoꞌe bamtihei ilyeh lenge Juta luku pe, Krais kin nat taꞌe miyeꞌ kekep, topoꞌe kin Got pe, kin bepeteme ŋaiꞌe ŋaiꞌe lalme. Taꞌe luku pe, nye nyermbe lenge miyeꞌ tuweinge lalme ka yirisukwarme kin. Mise!

Galesia 3:16

Got si nupwaiꞌe wusyep kin pe, kin naŋaꞌe nalme Abraham hindi talah kin. Tup Got yukur ŋanange talah wula wula, topoꞌe mitiŋ wula wula. Kom talah ŋesep ilyeh, kin Krais.

1 Timoti 2:5

Detale, Got esep ilyeh kin narp, topoꞌe miyeꞌ bumbe ilyeh ŋaiye kin narp bumbe me Got topoꞌe lenge miyeꞌ tuweinge lalme. Miyeꞌ uku Krais Jisas.

2 Timoti 2:8

Na ŋoiheryembe Jisas Krais, ŋaiye kin nule no, Got plihe ŋahraꞌe kin. Kin loumwah tikin kiŋ Dewit. Luku wusyep bwore mise ŋaiye ŋam manange malaŋatme.

Revelesen 22:16

“Ŋam Jisas, ŋam si member walip hlaꞌ ŋam mat me nin ŋaiye na ininge alaŋatme wusyep eꞌe elme lenge miyeꞌ tuweinge titinge lenge sios. Ŋam loumwah tikin kiŋ Dewit, topoꞌe ŋam talah tikin kiŋ Dewit. Ŋam nowas ŋaiye ŋoworꞌe yerme ŋau hondo hondonge.”