Jems 4:6 - Urat New Testament

⁶ Kom Got ŋoihginirme poi ŋembere sekete. Taꞌe ŋaiye wusyep tikin Lahmborenge ŋanange, Got kin tale lenge miyeꞌ tuweinge nangah ŋaiye tinge ka yahraꞌe naŋ tititinge yil yunuh, kut kin ŋoihginirme lenge miyeꞌ tuweinge ŋaiye tale tititinge yarp ŋumwaiye.

Jems 4:6 Iomraidhean Croise

Matyu 13:12

Lahmende ŋaiye ŋasande wusyep ŋam syeꞌ pe, Got se ka aŋaꞌe sande tekeꞌe syeꞌ topoꞌe el unuh hlaꞌ me luku pe, sande tekeꞌe kin ka ŋembere sekete. Kom lahmende ŋaiye yukur ŋasande wusyep ŋam pe, Got se ka ongohe sande tekeꞌe sikirp ŋaiye sai kin.

Matyu 23:12

Lahmende ŋaiye kin ŋahraꞌe naŋ kitikin pe, naŋ kin min ka guh. Kut lahmende ŋaiye kin tale naŋ kitikin pe, kin min ka ambaꞌe naŋ embere.”

Wusyep bwore tikin Luk 1:52

Kin si tale lenge miyeꞌ ondoh nate gah kekep, kut kin nahraꞌe lenge miyeꞌ tuweinge ŋaipwa ŋiꞌ nanah hlaꞌ.

Wusyep bwore tikin Luk 14:11

Taꞌe luku pe, lahmende ŋaiye ka ahraꞌe naŋ kitikin pe, mindemboi ka guh tuweihe. Kut lahmende ŋaiye ka tule naŋ kitikin pe, mindemboi ka ahraꞌe kin e unuh hlaꞌ.”

Wusyep bwore tikin Luk 18:14

Jisas ŋanange na, “Ŋam mana yip, ŋupe ŋaiye miyeꞌ pupwa luku plihe nal moi kin pe, nal embep tikin Got pe, kin si bwore bwarme, kut Farisi luku pakai. Taꞌe luku pe, lahmende ŋaiye ka ahraꞌe naŋ kitikin pe, mindemboi Got se ka tule kin e guh. Kut lahmende ŋaiye tale kitikin pe, mindemboi Got se ka ahraꞌe kin e unuh hlaꞌ.”

Jems 4:10

Yurp tuwihme Yai Got pe, kin ka ahraꞌe naŋ yip.

1 Pita 5:5

Ŋahilyeh taꞌe ŋaiye yip lenge lahyambe, pa yurp tuwihme lenge miyeꞌ embepteme yip. Pa tule yip tip yungwis lenge miyeꞌ tuweinge lalme. Wusyep yainge sai nato tup yirise tikin Got ŋanange na, Got garnge supule me mitiŋ ŋaiye tingilyem yahraꞌe naŋ tititinge, kut kin ŋoihginir topoꞌe ŋoih miꞌmiꞌ me lenge mitiŋ ŋaiye tale tititinge syumbe yarp ŋumwaiye.