Jems 1:4 - Urat New Testament

⁴ Pa junde wusyep tikin Got pe, luku ka ungwisme yip ŋaiye pa jin bongole yende miꞌmiꞌ ŋaiye ŋaiꞌe ŋaiꞌe luku ka ot me yip. Miꞌe pe, pa yurp bwore bwarme miꞌ supule.

Jems 1:4 Iomraidhean Croise

Matyu 10:22

Lenge miyeꞌ tuweinge lalme ka yende wachaihme yip supule. Detale, yip jetalah ŋam. Kom lahmende miyeꞌ tuweinge ŋaiye jan bongole yal tatame ŋaiye ŋup yuwo pe, Got se ka ungwisme tinge.

Matyu 19:20

O lahyambe luku nungwisme wusyep Jisas na, “Ŋam si gwande wusyep erŋeme lalme luku. O ŋaimune ŋaiye teter ŋam seheiꞌe?”

Matyu 5:48

Yip pa yurp bwore bwarme miꞌ supule tuꞌe Yai yip ŋaiye narp bwore bwarme miꞌ supule nanah moihlaꞌ.”

Wusyep bwore tikin Mak 10:21

Jisas bep nal nusukumbe kin pe, kin ŋende nihararme kin supule. Pe Jisas ŋaname taꞌe leꞌe, “Bwore mise nom, nin seheiꞌe ŋaisep ilyeh. Na el pe, na ende windau me ŋaiꞌe ŋaiꞌe nin lalme miꞌe pe, na ambaꞌe wuhyau pe, na angang lenge ŋaipwa ŋiꞌ. Pe nin na ambaꞌe ŋaiꞌe ŋaiꞌe bwore ŋaiye sai nanah moihlaꞌ pe, na ot gunde ŋam.”

Wusyep bwore tikin Luk 18:22

Ŋupe ŋaiye Jisas ŋasande wusyep miyeꞌ uku pe, ki ŋaname kin na, “Bwore mise. Kom ŋainde teter sai ŋaiye na ende topoꞌe. Ende windau me ŋaiꞌe ŋaiꞌe nin lalme pe, angange wuhyau el lenge ŋaipwa ŋiꞌ. Na ende tuꞌe luku ti, na ember yitini nin e unuh moihlaꞌ. Miꞌe pe, na ote gunde ŋam.”

Wusyep bwore tikin Luk 21:19

Taꞌe luku pe, pa jin bongole no, pa yambaꞌe laip bwore ŋaiye pa yurp nye nyermbe.”

Wusyep bwore tikin Luk 8:15

O lenge miyeꞌ tuweinge syeꞌ ŋaiye yasande wusyep tikin Got pe, tinge taꞌe ŋesep ŋaiye na gah kekep bwore. Ŋoihmbwaip tinge bwore bwarme. Ŋupe ŋaiye tinge yasande wusyep uku pe, tinge yarpe wusyep uku yenge gare sai pe, ŋai esep kin teŋei bwore wula wula sekete.”

Wusyep bwore tikin Jon 17:23

Ŋam marp moto tinge pe, nin narp ŋoto ŋam. Ka yende tuꞌe luku no, ka ŋoihmbwaip ilyeh supule. Taꞌe luku pe, lenge miyeꞌ tuweinge lalme ŋaiye yarp kekep, ka sisyeme nange nin nember ŋam mat. Topoꞌe nin ŋende nihararme tinge ŋahilyeh taꞌe ŋaiye nin ŋende nihararme ŋam.

1 Korin 2:6

Kom lenge miyeꞌ tuweinge ŋaiye ŋoihmbwaip tinge teŋei bongol me Got pe, poi manange malaŋatme sande tekeꞌe tikin Got malme tinge. Ki yukur natme miyeꞌ ondoh, topoꞌe lenge miyeꞌ kekep eꞌe, ŋaiye ka talai.

Galesia 6:9

Taꞌe luku pe, yukur pa jirnge ŋaiye pa yende ŋaimune ŋaiye ki bwore. Ŋaiye pa bepteme yip tip bworerme pe, se pa talame ŋaisep bwore yil yoto laip yip.

Kolosi 4:12

Epafras topoꞌe ŋember ŋau bwore kin nalme yip. Kin ŋimei yip, topoꞌe miyeꞌ wah tikin Krais Jisas. Nye nyermbe kin ŋende wah nihe ŋaiye ŋanange wusyep ŋisilihme Got ŋaiye ka ungwisme yip no, pa jin bongole tuꞌe ŋaiye yip Kristen miyeꞌ tuweinge bwore mise, topoꞌe yip si jande bworerme ŋoihmbwaip tikin Got supule.

1 Tesalonaika 5:23

Got, kin tehei ŋaiye yip yarp ŋoihmbwaip ŋumwaiye, topoꞌe kin nongohe hwap yip pe, kin ŋende yip tahar bwore prihe. Pe Got nalaŋatme yip kitikin. Bwore mise, kin bepeteme yipihinge, topoꞌe wahriꞌ yip, ŋaiye pa yurp bwore bwarme supule yil ŋembep kin ŋupe ŋaiye Lahmborenge Jisas Krais ka ot.

2 Timoti 3:17

Taꞌe luku pe, lenge miyeꞌ tuweinge tikin Got ka yambaꞌe sande tekeꞌe tutume ŋaiye ka yende ŋaiꞌe ŋaiꞌe tetehei ŋaiye bwore bwore.

Hibru 13:21

Ŋam ma misilihme Got ŋaiye ka yul yip ŋaiꞌe ŋaiꞌe bwore bwore no, pa junde ŋasande kin. Got hindi Jisas Krais, tinge yember ŋoihmbwaip bwore bwore tinge yoto ŋoihmbwaip meleꞌe poi ŋaiye ka hriphrip me poi. Pe nye nyermbe ya lalme maŋaꞌe naŋ embere milme kin. Bwore mise.

Jems 1:5

Kom lahmende ŋaiye seheiꞌme sande tekeꞌe pe, ka isilihme Got ŋaiye ka aŋaꞌe kin. Detale, Got, kin hriphrip ŋembere supule ŋaiye ka angange sande tekeꞌe el lenge mitiŋ lalme. Yukur ka ihyele lenge miyeꞌ tuweinge ŋaiye ka yisilihme sande tekeꞌe.

Jems 3:2

Poi Kristen lalme ŋup syeꞌ poi mende pupwa. O ŋaiye miyeꞌ ende, kin yukur ŋanange wusyep pupwa, pakai, kin narp bwore pe, kin tatame ŋaiye ka embepteme wahriꞌ lalme kitikin.

1 Pita 5:10

Kom pa yambaꞌe nihe syohe nilyehe miꞌe pe, Got miyeꞌ michukor ka gil yip ŋaiye pa yotop Jisas Krais yurp yi yoto bongol kitikin Got ŋaiye ka si nyermbe nyermbe. Kin ka ende ŋoihmbwaip yip ŋaiye teŋeime kin ka si bongol supule.

2 Pita 1:9

Kut Lahmende ŋaiye seheiꞌe ŋoihmbwaip bwore luku ŋaiye ka ende ŋaiꞌe ŋaiꞌe bwore pe, kin taꞌe miyeꞌ ŋaiye ŋembep kin yepelmbe no, yukur kin ŋetekeꞌe ŋaiꞌe ŋaiꞌe bworerme. Topoꞌe kin si ŋoihsipe ŋaiye Got si nongohe pupwa kin.