Naul nga Pol Muli tevi Kalesia Nir renge Rom 7:2 - Uripiv

² Ko erpok, re nesevin san nga m̃ilik ji diwen sen, ko nale nesesreien esre totoni tevi diwen sen daron nga diwen sen mimaur malum. Suri owra nir nga marlik pa ji diwen ser sete arongwos parkorti tevi norman m̃inij. Ko poro nga diwen sen pimij vajin, ko erpe artelasi tweni vinnen vajin renge nale nesesreien nen nga m̃isre totoni tevi diwen sen.

Naul nga Pol Muli tevi Kalesia Nir renge Rom 7:2 Iomraidhean Croise

Naul nga Pol Muli tevi Kalesia Nir renge Rom 7:3

Ko poro nga diwen sen mimaur malum ko vinnen pukorti tevi norman m̃inij, ko ngok otor otvi pa nale nesesreien nen vajin, ololi pa esij. Ko poro nga diwen sen emij, ko nale nesesreien nen setemun orrul totkoni vajin, ko ni sete ololi esij poro pukorti tevi norman m̃inij.

Naul nga Pol Muli tevi Kalesia Nir renge Rom 7:6

Ko lelingenok vajin, artelasi tweni kerr renge nale nesesreien, erpe rrammij lingi, ko setemun orrul totkoni kerr. Ko rramm̃ejmajing vajin renge sel nga mimerr se Nem̃in On, ko sete renge sel nga m̃itra, sel ne nale nesesreien.

Korin 1 7:39

Ko nesevin nga mutotko pa sete orongwose puwlu lingi diwen sen daron nga mimaur malume, ko daron nga diwen sen mimij vajin ko orongwose pia-lik ji jinibb m̃inij. Ko diwen sen nen pivi ko wor kalesia.

Korin 1 7:4

Ko sete nesevin kis emetmete niben, ko diwen sen kele. Ko renge murrun ngok kele, sete diwen sen emetmet kis ni niben, ko nesen sen kele.