ଫିଲିପିୟ 4:8 - ମୁଣ୍ଡା ନାୱା ନିୟାମ୍

⁸ ଏନାତେ ହେ ହାଗାକୋ, ଅକନ୍-ଅକନ୍ କାଜିକୋ ସାର୍ତି ତାନାଃ, ଆଡୋଃ ଅକନ୍-ଅକନ୍ କାଜିକୋ ମାଇନାନ୍ ତାନାଃ, ଆଡୋଃ ଅକନ୍-ଅକନ୍ କାଜିକୋ ଠାଉକା ତାନାଃ, ଆଡୋଃ ଅକନ୍-ଅକନ୍ କାଜିକୋ ପାବିତାର୍ ତାନାଃ, ଆଡୋଃ ଅକନ୍-ଅକନ୍ କାଜିକୋ ଦୁଲାଡ଼େଲେକାନ୍ ତାନାଃ, ଆଡୋଃ ଅକନ୍-ଅକନ୍ କାଜି ବୁଗିନାଃ ତାନାଃ, ମାନେ ଅକନାଃ କୋ ଆୟୁମ୍ ଲେକାନାଃ ଆଡୋଃ ସାହାରାଅ ଲେକାନାଃ କାଜିକୋ ତାନାଃ ଏନାରେ ଧ୍ୟାନ୍ ଲାଗାୱେପେ।

ପାର୍‌ମେଶ୍ୱାର୍‌ଆଃ ଜୀନିଦ୍‌ ବାଚାନ୍‌ ନାୱା ନିୟାମ୍‌

⁸ ଟୁଣ୍ଡୁରେ, ହେ ଆଇଁୟାଃ ହାଗା ମିଶିକ, ଅକ ସବେନ୍‌ ବିଷାଏକ ବୁଗିନାଃ ଆଡଃ ମାଇନଃ ଲେକାନାଃ ତାନାଃ, ଅକଆଃ ସାର୍‌ତି, ମାଇନାନ୍‌, ଠାଉକାନ୍‌, ପୁରାଃ ଫାର୍‌ଚି, ସୁଗାଡ଼ାନ୍‌, ଆଡଃ ମାଇନଃତେୟାଃ, ଏନ୍‌ ସବେନାଃ ଆପେୟାଃ ଉଡ଼ୁଃରାଃ ବିଷାଏ ହବାଃଅକା ।

ଫିଲିପିୟ 4:8 Iomraidhean Croise

ମାତ୍ତିଉ 22:16

ଏନ୍ତେ ଇନ୍‍କୁ ଆକୋୱାଃ ଚେଲାକୋକେ ହେରୋଦ୍ ରାଜା ରାଃ କାଜି ରେ ଏକ୍ ମୋନ୍ ହୋବାକାନ୍ କୋଲୋଃ ଇନିଃତାଃ ନେୟା କାଜି ଲାଗିନ୍ତେ କୁଲ୍ କେଃକୋୱାକୋ, “ହେ ଗୁରୁ, ଆଲେ ସାରିତାନାଲେ, ଚି ଆମ୍ ସାର୍ତି କାଜି କାଜିୟାମ୍, ହାର୍ ପାର୍ମେଶ୍ଵାର୍ ରାଃ ହୋରା ସାର୍ତି ତେ ଶିଖାଅ କୋୱାମ୍, ହାର୍ ଅକଏ ଚିନାଃ ପାହୋମ୍ ୟାଏ ଏନା କାମ୍ ଖାତିର୍ ୟା, ଚିୟାଃଚି ଆମ୍ ସବେନ୍ ହୋଡ଼ୋକୋକେ ମିଃଗି ନେଲ୍ କୋୱାମ୍।

ମାର୍କୁସ୍ 6:20

ଚିୟାଃଚି ହେରୋଦ୍ ରାଜା ଯୋହାନ୍ ବାପ୍ତିସ୍ମା ଏମ୍ ନିଈ କେ ଧାର୍ମୀ ହାର୍ ପାବିତାର୍ ହୋଡ଼ ସାରିକେତେ ଇନିଃକେ ମାଇନ୍ ତାଇନାଏ, ହାର୍ ଇନିଃକେ ବାଞ୍ଚାଅ କେତେ ମାଣ୍ଡାଅ ତାଇନାଏ, ହାର୍ ହେରୋଦ୍ ରାଜା ଯୋହାନ୍ ବାପ୍ତିସ୍ମା ଏମ୍ ନିଜାଃ କାଜି କୋକେ ଆୟୁମ୍‍କେତେ ବାହୁତ୍ ଘାବ୍ରାଅଃ ତାଇନାଏ, ମେନ୍ଦୋ ରାଶିକା ତେ ଆୟୁମ୍ ତାଇନାଏ।

ଲୁକା 16:15

ୟୀଶୁ ଇନ୍‍କୁକେ କାଜିକେଦାଏ, “ଆପେ ଦୋ ହୋଡ଼ୋକୋୱାଃ ସାମ୍ନାଙ୍ଗ୍ ରେ ଆପେ ଆପାନ୍ କେ ଧାର୍ମୀ ବାଇ ତାନାପେ, ମେନ୍ଦୋ ପାର୍ମେଶ୍ଵାର୍ ଆପେୟାଃ ମୋନ୍ କେ ସାରିୟାଏ, ଚିୟାଃଚି ଅକନ୍ ଜିନିଷ୍‍କୋ ହୋଡ଼ୋ କୋୱାଃ ନେପେଲ୍ ରେ ମାଇନ୍ ନାମେ ଲେକା ତାନାଃ, ଏନା ପାର୍ମେଶ୍ଵାର୍ ରାଃ ନାଡ଼େଏଃ ରେ ହିଲାଙ୍ଗ୍ ତାନାଃ।

ଲୁକା 2:25

ଏନ୍ ସାମାୟ୍ ୟୀରୁଶାଲେମ୍ ରେ ସିମିୟୋନ୍ ନୁତୁମ୍ ମିୟାଃ ହୋଡ଼ ତାଇକେନାଏ, ହାର୍ ଏନ୍ ହୋଡ଼ ଧାର୍ମୀ ଆଡୋଃ ପାର୍ମେଶ୍ଵାର୍ କେ ମାନାତିଙ୍ଗ୍ ନିଈ ତାଇକେନାଏ, ଆଡୋଃ ଇସ୍ରାଏଲ୍ ଦିଶୁମ୍ ରେନ୍ ହୋଡ଼ୋକୋ ଶାନ୍ତି ନାମେ ୟାକୋ ମେନ୍ତେ ମାସୀହ୍ କେ ହୋରୋ ତାଇନାଏ, ଆଡୋଃ ପାବିତାର୍ ଆତ୍ମା ଇନିଜାଃ ଲୋଃ ତାଇକେନାଏ।

ଲୁକା 23:50

ଏନ୍ତାଃରେ ଯୋଶେଫ୍ ନୁତୁମ୍ ମିହୋଡ଼୍ ୟାହୁଦୀ ମାରାଙ୍ଗ୍‍ସାଭା ରେନ୍ ସାଦାଶ୍ୟା ତାଇକେନାଏ, ହାର୍ ଇନିଃ ବୁଗିନ୍ ହାର୍ ଧାର୍ମୀ ହୋଡ଼ ତାଇକେନାଏ।

ଯୋହାନ୍ 7:18

ଅକଏ ଆଜାଃ ପାଡ଼େତେ କାଜିୟାଏ, ଇନିଃ ଆୟାଃ ନୁତୁମ୍ ସାନାଙ୍ଗାଏ, ମେନ୍ଦୋ ଅକଏ ଆୟାଃ କୁକୁଲ୍ ନିଜାଃ ନୁତୁମ୍ ସାନାଙ୍ଗାଏ ହିନିଃଗି ସାର୍ତି ତାନିଃ, ହାର୍ ଇନିଜାଃ ରେ ଲୋଗୋ ବାନୋଗା।

କୁଲାକାନ୍ 10:22

ଇନ୍‍କୁ କାଜିକେଦାକୋ, “କୁର୍ନେଲିୟୁସ୍ ଶାଅସିପାହୀ କୋୱା ଗୋମ୍‍କେ ଅକନିଃ ଧାର୍ମୀ ହାର୍ ପାର୍ମେଶ୍ଵାର୍ କେ ବୋରୋତାନ୍ ନିଈ ହାର୍ ସବେନ୍ ୟାହୁଦୀ ଜାତି କୋରେ ନୁତୁମାନ୍ ହୋଡ଼ ତାନିଃ, ଇନିଃ ମିୟାଃ ପାବିତାର୍ ସିର୍ମାଦାସୀ ତେ ନେ ଆନାଚୁ ନାମାକାଦାଏ ଚି ଆମ୍‍କେ ଆଜାଃ ଅଡ଼୍ଆଃ କେଡ଼ାକେତେ ଆମାଃ ତେ ବାଚାନ୍ ଆୟୁମେ ୟାଏ।”

କୁଲାକାନ୍ 22:12

“ଏନ୍ତେ ହାନାନ୍ୟାହ୍ ନୁତୁମ୍ ହୋଡ଼ ମୁଶା ନାବୀ ରାଃ ଆଇନ୍ ରାଃ ଲେକାତେ ପାର୍ମେଶ୍ଵାର୍ କେ ବୋରୋତାନ୍ ନିଈ ତାଇକେନାଏ, ଅକନିଃ ଏନ୍ତାଃରେ ତାଇନ୍ ତାନ୍ ସବେନ୍ ୟାହୁଦୀ ହୋଡ଼ୋକୋ ରେ ନୁତୁମାନ୍ ତାଇନ୍ କେନାଏ,

କୁଲାକାନ୍ 6:3

ଏନାମେନ୍ତେ, ହେ ହାଗାକୋ, ଆପେୟାଃ ଏତେ ସାତ୍ ଝାନ୍ ବୁଗିନ୍ ହୋଡ଼ୋକୋକେ ଅକନ୍ କୋ ପାବିତାର୍ ଆତ୍ମା ହାର୍ ସେଣା ତେ ଫେରେଜାକାନ୍ ତାଇନାକୋ, ଇନ୍‍କୁ କେ ସାଲା କୋପେ, ଏନାତେ ଆଲେ ଇନ୍‍କୁକେ ନେ କାମି କେ ଜିମା ଏମାକୋୱାଲେ।

ରୋମ୍‍ରେନ୍ 13:13

ଜେଲେକା ଶିଙ୍ଗି ଇମ୍ତା ଲାଗାତିଙ୍ଗ୍ ତାନାଃ, ଏନ୍ ଲେକାଗି ସୋଜ୍ ମୋନ୍ ତେ ସେସେନ୍ କାବୁ, ରିଜ୍-ରାଙ୍ଗ୍ ରେ କାହା, ବୁଲୋଃ ରେ କାହା, ବ୍ୟାଭିଚାର୍ ରେ କାହା, ଶିତୃ ସାନାଙ୍ଗ୍ କାହା, ଲାପ୍ଡ଼ାଇ କାହା ହାର୍ ହିସିଙ୍ଗା କାହା।

ରୋମ୍‍ରେନ୍ 13:3

ଚିୟାଃଚି ହାକିମ୍ କୋ ବୁଗିନ୍ କାମିତାନ୍‍କୋ ଲାଗିନ୍ କାହା, ମେନ୍ଦୋ ଖାରାପ୍ କାମିତାନ୍‍କୋ ଲାଗିନ୍ ବୋରୋୱାନ୍ ତାନ୍‍କୋ, ଏନାମେନ୍ତେ ଆଗାର୍ ଆମ୍ ହାକିମ୍ କେ କାମ୍ ବୋରୋଇ ସାନାଙ୍ଗ୍ ତାନ୍ ରେଦୋ, ବୁଗିନ୍ କାମି ରିକାଏମ୍, ହାର୍ ଇନିଃ ଆମ୍ କେ ସାହାରାଅ ମେୟାଏ।

ରୋମ୍‍ରେନ୍ 14:18

ଅକଏ ନେଲେକାତେ ମାସୀହ୍ ରାଃ ସେୱା ରିକା ତାନାଏ, ଇନିଃ ପାର୍ମେଶ୍ଵାର୍ କେ ସୁକୁୱାଇ ତାନାଏ ହାର୍ ହୋଡ଼ୋକୋ ଇନିଃକେ ବୁଗିନ୍ ମେତାଇ ତାନାକୋ।

ରୋମ୍‍ରେନ୍ 2:29

ମେନ୍ଦୋ ୟାହୁଦୀ ଇନିଃଗି ତାନିଃ ଅକଏ ମୋନ୍ ତେ ତାନିଃ। ହାର୍ ଖାତ୍ନା ଏନାଗି ତାନାଃ ଅକନାଃ ମୋନ୍ ରାଃ ଖାତ୍ନା ତାନାଃ, ଅକନାଃ ଆତ୍ମା ରାଃ କାମି ତେ ହୋବାକାନା, ଏନା ଅଲାକାନ୍ ଲେକାତେ ନାହାଲା: ନେକାନ୍ କୋୱାଃ ସାହାରାଅ ହୋଡ଼ୋକୋ ପାଡ଼େତେ କାହା, ମେନ୍ଦୋ ପାର୍ମେଶ୍ଵାର୍ ପାଡ଼େତେ ହୋବାଅଃୱାଃ।

୧ କରିନ୍ଥିୟ 4:5

ଏନାମେନ୍ତେ ଚିମିନ୍ ସାନ୍ତେ ପ୍ରାଭୁ କାଏ ହିଜୁଃୱା, ସାମାୟ୍ ତେ ସିଦାରେ ଜେତାନ୍ ବାକାଣ୍ ରାଃ ବିଚାର୍ ଆଲୋପେ ରିକାୟା; ଇନିଃଗି ନୁବାଃ ରାଃ ଉକୁକାନ୍ ବାକାଣ୍ କୋକେ ମାସ୍କାଲ୍ ରେ ଦେଖାଅୟାଏ, ହାର୍ ମୋନ୍ ରେୟାଃ ସାନାଙ୍ଗ୍ କୋକେ ଉଦୁବ୍ ତାଆଏ, ଇମ୍ତା ପାର୍ମେଶ୍ଵାର୍ ପାଡ଼େତେ ସବେନ୍ ମିପୀହୋଡ଼୍ କୋୱାଃ ସାହାରାଅ ହୋବାଅଃୱା।

୨ କରିନ୍ଥିୟ 13:7

ଆଲେ ଆବୁୱାଃ ପାର୍ମେଶ୍ଵାର୍ ତେ ନେୟା ବିନ୍ତି ତାନାଲେ ଚି ଆପେ ଜାହାନ୍ ଏତ୍କାନ୍ କାମି ଆଲୋପେ ରିକାଏ, ଏନାମେନ୍ତେ କାହା ଚି ଆଲେ ଆଟ୍‍କାର୍ ଉରୁମ୍ ତେ ପୋକ୍ତା ନେଲୋଃୱାଲେ, ମେନ୍ଦୋ ଏନାମେନ୍ତେ ଚି ଆପେ ବୁଗିନାଃ ରିକାଏପେ, ଚାହେ ଆଲେ କାଠାଉକା ଲେକା ଆଟ୍‍କାରୋଃ ତାନାଲେ।

୨ କରିନ୍ଥିୟ 6:8

ମାଇନ୍ ନାନାମ୍ ଇମ୍ତାରେ ହାର୍ ମାଇନ୍ କାନାମୋଃ ଇମ୍ତାରେ, ବାଦ୍‍ନାମ୍ ହାର୍ ନୁତୁମୋଃ ତାନ୍ ଇମ୍ତାରେ। ଲୋଗୋତାନ୍ ହୋଡ଼ୋକୋ ଲେକା ଆଟ୍କାରୋଃ ୱାଲେ ଏଣ୍ଡେହ ବିଶ୍ଵାସେ ଲେକାନ୍ କୋ ହୋଡ଼ୋକୋ ତାନ୍‍ଲେ;

୨ କରିନ୍ଥିୟ 8:18

ଆଲେ ଇନିଃ ଲୋଃ ଏଟାଃ ବିଶ୍ଵାସୀ ହାଗା କେହ କୁଲ୍ କାଇଜାଲେ ଅକନିଜାଃ ନୁତୁମ୍ ସୁସାମାଚାର୍ ପାର୍ଚାର୍ ରିକାରେ ସବେନ୍ ବିଶ୍ଵାସୀ କୋତାଃ କାଲିସିୟା ରେ ନୁତୁମୋଃ ତାନା;

୨ କରିନ୍ଥିୟ 8:21

ଚିୟାଃଚି ନେ ବାକାଣ୍ ଖାଲି ପ୍ରାଭୁ ଆଃ ନେପେଲ୍ ରେ କାହା, ମେନ୍ଦୋ ହୋଡ଼ୋକୋୱାଃ ନେପେଲ୍ ରେହ ମାଇନାନ୍ ମେନ୍ତେ ହୋବାଅଃକା ମେନ୍ତେଲେ ପାହୋମ୍ ତାନା।

ଗାଲାତିୟ 5:22

ମେନ୍ଦୋ ଆତ୍ମା ରାଃ ଯଅ ଦୁଲାଡ଼୍, ରାଶିକା, ମେଶା, ସାହାତିଙ୍ଗ୍, ଆଡୋଃ ଦାୟା, ବୁଗିନାଃ, ବିଶ୍ଵାସ୍,

ଏଫିସିୟ 4:25

ଏନାମେନ୍ତେ ହିହିଡ଼୍ ବାଗି କେତେ ସବେନ୍ ମିପୀହୋଡ଼୍ କୋ ଆପାନ୍ ନାଡ଼େଏ-ଜାପାଃ ରେନ୍ କୋକେ ସାର୍ତି ବାକାଣ୍ ଚାଏ, ଚିୟାଃଚି ଆବୁ ଦୋ ଆବୁ ରେ ମିୟାଃ ହୋଡ଼ମୋ ରାଃ ହାନାଟିଙ୍ଗ୍ କୋ ତାନ୍‍ବୁ।

ଏଫିସିୟ 5:9

(ଚିୟାଃଚି ମାସ୍କାଲ୍ ରାଃ ଯଅ ସବେନ୍ ଲେକାନାଃ ବୁଗିନାଃ, ହାର୍ ଧାରାମ୍ ହୋରା ହାର୍ ସାର୍ତି ତାନାଃ),

ଏଫିସିୟ 6:14

ଏନାମେନ୍ତେ ସାର୍ତି ତେ ଆପାନାଃ ମାୟାଙ୍ଗ୍ କେଟେଃ କେତେ ଆଡୋଃ ଧାରାମ୍ ରାଃ ମେଣେଏଃ ଝୁଲା ତୁସିଙ୍ଗ୍ କେତେ;

ଫିଲିପିୟ 3:1

ଏନାମେନ୍ତେ ହେ ଇଙ୍ଗ୍ଆଃ ବିଶ୍ଵାସୀ ହାଗାକୋ, ପ୍ରାଭୁ ରେ ରାଶିକାଅଃ ପେ। ଏନ୍ କାଜି କୋକେଗି ଆପେକେ ଘାରି-ଘାରି ଅଲେ ରେ ଇଙ୍ଗ୍ କେ ଦୋ ଜାହାନ୍ ଦୁକୁ ବାନୋଗା, ହାର୍ ନେୟାରେ ଆପେୟାଃ ସୁକୁ ମେନାଃ,

କୁଲୁସିୟୋରେନ୍ 4:5

ସାମାୟ୍ କେ ବୁଗିନ୍ ଲେକାତେ କାମି ରେ ଆଉୱେପେ ଆବିଶ୍ଵାସୀ କୋୱାଃ ସାମାନାଙ୍ଗ୍ ରେ ସେଣା ତେ ସେନେପେ।

୧ ଥେସ୍‌ଲନିକା 4:12

ଏନାତେ ବାହାରି ରେନ୍ ହୋଡ଼ୋକୋ ଏତେ ମାଇନ୍ ନାମ୍ ଧାଡ଼ିୟାପେ, ହାର୍ ଆପେକେ ଜେତାନ୍ ଜିନିଷ୍ ରାଃ ଘାଟି କାହୋବାଅଃଚା।

୧ ତିମଥି 2:2

ରାଜାକୋ ଲାଗିନ୍ ଆଡୋଃ ସବେନ୍ ମାପ୍‍ରାଙ୍ଗ୍ ପାଦ୍ ରେ ତାଇନ୍ ତାନ୍‍କୋ ଲାଗିନ୍, ନେୟାମେନ୍ତେ ଚି ଆବୁ ଆରାମ୍ ରେ ଆଡୋଃ ଜୀଉସୁକୁ ଲୋଃ ପୁରା ପାର୍ମେଶ୍ଵାର୍ କେ ବୋରୋ ତାନ୍‍ଲୋଃ ହାର୍ ମାଇନ୍ ନାମେ ତାନ୍‍ଲୋଃ ଜୀଦାନ୍ ଜୀହିଦାବୁ।

୧ ତିମଥି 3:11

ଏନ୍‍ଲେକାଗି କୁଡ଼ି କୋକେ ହଗି ମାଇନାନ୍ ନାମେ ଲେକାନ୍ ହୋବାଅଃ ଚାହି, ଦୋଷ୍ ଲାଗାଅନିଃ ଦୋ କାହା, ମେନ୍ଦୋ ହୋସିୟାର୍ ହାର୍ ସବେନ୍ କାଜି କୋରେ ବିଶ୍ଵାସ୍ ନାମେ ଲେକାନିଃ ବାଇଏନ୍ କାକୋ।

୧ ତିମଥି 3:4

ଆଜାଃ ଅଡ଼୍ଆଃ ରେନ୍ କୋକେ ବୁଗିନ୍ ତେ ଚାଲାଓନିଃ, ଆଡୋଃ ଆପାନାଃ ହୋନ୍ ଗାଣା କୋକେ ମାଇନ୍ ତେ ହାର୍ ବୁଗିନ୍ ତେ ଆଧିକାର୍ ଲୋଃ ମାଣ୍ଡାଅନିଃ ତାଇନ୍‍କାଏ।

୧ ତିମଥି 4:12

ଆମ୍ ଜାୱାନ୍ ତାନ୍‍ମେ ମେନ୍ତେ ଜେତାଏ ଆଲୋକାକୋ ହିଲାଙ୍ଗ୍ଏକା, ମେନ୍ଦୋ କାଜି ରେ, ହାର୍ ସେସେନ୍ ରେ, ହାର୍ ଦୁଲାଡ଼୍ ରେ ହାର୍ ବିଶ୍ଵାସ୍ ରେ ହାର୍ ପାବିତାର୍ ଜୀହିଦୋଃ ରେ ବିଶ୍ଵାସୀକୋ ଲାଗିନ୍ତେ ନାମୁନା ବାଇଏନ୍‍ମେ।

୧ ତିମଥି 5:10

ହାର୍ ବୁଗିନ୍ କାମିକୋ ରେ ନୁତୁମାନ୍ ତାଇନ୍ ଲେନାଏ, ଅକଏ ହୋନ୍-ଗାଣା କୋକେ ଆସୁଲ୍ ହାରା କାଃକୋୱାଏ; ପେଡ଼ାକୋକେ ମାଇନ୍ କାଃଆଏ, ପାବିତାର୍ ହୋଡ଼ୋକୋୱାଃ କାଟା ଆବୁଙ୍ଗ୍ କାଃଆଏ, ଦୁକୁତାନ୍ କୋକେ ଦେଙ୍ଗା କାଃଆଏ, ହାର୍ ସବେନ୍ ବୁଗିନ୍ କାମିକୋ ରେ ମୋନ୍ ଲାଗାଅ ଲେଦାଏ।

୧ ତିମଥି 5:2

ବୁଡୀ କୁଡ଼ି କୋକେ ଏଙ୍ଗା ଲେକା; ହାର୍ ଧାଙ୍ଗ୍‍ଡ଼ି କୁଡ଼ି କୋକେ ମିଶି ଲେକା ସବେନ୍ ପାବିତାର୍ ତେ ବୁଝାଅକୋମେ।

ତିତସ୍‌ 1:8

ମେନ୍ଦୋ ପେଡ଼ାକୋକେ ସୁସାର୍ ରିକାଏନିଃ, ବୁଗିନାଃ କେ ସାନାଙ୍ଗ୍ ନିଃ, ଆଜାଃ ମୋନ୍ କେ ବୁଝାଅ ମାଣ୍ଡାଅନିଃ, ଧାରାମାନ୍ ନିଃ, ପାବିତାର୍ ତାଇନ୍ ନିଃ ହାର୍ ବୁଗିନ୍ ମୋନ୍ ରେ ସେସେନ୍ ନିଃ।

ତିତସ୍‌ 2:14

ଅକଏ ଆଏଃ ଆପାନ୍ କେ ଆବୁ ଲାଗିନ୍ ଏମ୍‍ତାଦାଏ ଏନାତେ ଆବୁକେ ସବେନ୍ ରାକାମ୍ ରାଃ ଆଧାର୍ମ୍ ଏତେ ଛୋଡ଼ାଓ ବୁୱାଏ, ହାର୍ ଫାର୍ଚି କେତେ ଆୟାଃ ଲାଗିନ୍ ମିୟାଃ ନେକାନ୍ ଜାତି ବାଇବୁୱାଏ ଅକନ୍‍କୋ ବୁଗିନ୍-ବୁଗିନ୍ କାମି ନାଙ୍ଗ୍ ସେକାଡ଼୍ କାନୋଗାକୋ।

ତିତସ୍‌ 2:2

ମାନେ ହାଡ଼ାମ୍ କୋକେ ହୋସିୟାର୍ ହାର୍ ମାଇନ୍ ନାମେ ଲେକାନ୍, ଆଜାଃ ମୋନ୍ କେ ବୁଝାଅ ମାଣ୍ଡାଅନିଃ, ହାର୍ ଇନ୍‍କୁୱାଃ ବିଶ୍ଵାସ୍ ହାର୍ ଦୁଲାଡ଼୍ ହାର୍ ସାହାତିଙ୍ଗ୍ ପେଡ଼େଏ ପୋକ୍ତା ତାଇନୋଃ ଚାହି।

ତିତସ୍‌ 2:7

ସବେନ୍ କାଜି କୋରେ ଆମ୍ ଆପାନ୍ କେ ବୁଗିନ୍ କାମି ରାଃ ନାମୁନା ବାଇୟେନ୍ ମେ। ଆମାଃ ଶିଖାଅ କାଜିକୋରେ ଫାର୍ଚି ମୋନ୍, ମାଇନୋଃ ଲେକାନ୍ ସେସେନ୍,

ତିତସ୍‌ 3:14

ଆବୁୱାଃ ହୋଡ଼ୋକୋ ହଗି ଦାର୍‍କାର୍ ଜିନିଷ୍‍କୋକେ ପୁରା ଲାଗିନ୍ତେ ବୁଗିନ୍ କାମି ରେ ତାଇନୋଃ ଶିଖାଅନ୍ କାକୋ ଏନାତେ କାଯୋକାନ୍ ଲେକା କାକୋ ହୋବାଅଃୱା।

ଇବ୍ରାନୀୟୋରେନ୍ 11:2

ନେୟା କୋରାଃ ବିଷାୟ୍ ରେଗି ସିଦା ରେନ୍ ହାଡ଼ାମ୍ ହୋଡ଼ୋକୋୱାଃ ବୁଗିନ୍ ଗୋୱା ଏମାକାନା।

ଇବ୍ରାନୀୟୋରେନ୍ 13:18

ଆଲେୟାଃ ଲାଗିନ୍ ବିନ୍ତି କାତେପେ, ଚିୟାଃଚି ଆଲେକେ ଭାରୋସା ମେନାଃ ଚି ଆଲେୟାଃ ଆଟ୍‍କାର୍ ଉରୁମ୍ ମୋନ୍ ଫାର୍ଚି ମେନାଃ: ହାର୍ ଆଲେ ସବେନ୍ ବାକାଣ୍ ରେ ବୁଗିନ୍ ତେ ସେସେନ୍ ସାନାଙ୍ଗ୍ ତାନାଲେ।

ୟାକୁବ୍ 1:27

ଆବୁୱାଃ ପାର୍ମେଶ୍ଵାର୍ ଆଡୋଃ ଆପୁ ଆଃ ନାଡ଼େଏ ଫାର୍ଚି ହାର୍ ନିୟାର୍ ଧାରାମ୍ କାମି ନେୟା ତାନାଃ ଚି ଟୁରା ହାର୍ ବିଧୋବା କୋୱାଃ ଦୁକୁ ରେ ଇନ୍‍କୁକେ ଦେଙ୍ଗା କୋକାଏ, ହାର୍ ଆଏଃ-ଆପାନ୍ କେ ଅତେଦିଶୁମ୍ ଏତେ ଫାର୍ଚି ଜୀଦାନ୍ ତାଇନୋଃକାଏ।

ୟାକୁବ୍ 3:17

ମେନ୍ଦୋ ଅକନ୍ ସେଣା ଚେତାନ୍ ଏତେ ହିଜୁଗା ଏନା ସିଦା ଦୋ ଫାର୍ଚି ତାଇନା ହାର୍ ମେଶାଅଃ ଲେକାନ୍, ଲେବେଃ ହାର୍ ଶିବିଲ୍ ଲେକାନାଃ ହାର୍ ଦାୟା ହାର୍ ବୁଗିନ୍ ଯଅ କୋଏତେ ଲାଦିୟାକାନ୍ ହାର୍ କାବାଦ୍‍ଲା ଥାବୋଃୱା ହାର୍ ବେଗାର୍ ବେଦା ଲେକା ତାଇନା।

1 ପାତ୍ରାସ୍ 1:22

ଏନାତେ ଚିମ୍ତାଙ୍ଗ୍ ଆପେ ହାଗାଦୁଲାଡ଼୍ ରାଃ କାଲୋଗୋ ଦୁଲାଡ଼୍ ଲାଗିନ୍ତେ ସାର୍ତି ରାଃ ମାନାତିଙ୍ଗ୍ ହୋରାତେ ଆପେୟାଃ ମୋନ୍ କୋକେ ପାବିତାର୍ କାଦାପେ, ଦୋ ଗୋଟା ମୋନ୍ ତେ ମିହୋଡ଼୍ ଏଟାଃ ନିଃକେ ଥିମ୍ବା ଦୁଲାଡ଼୍ ମାଣ୍ତାଏପେ।

1 ପାତ୍ରାସ୍ 2:12

ଏଟାଃଜାତିକୋ ତାଃରେ ଆପେୟାଃ ଚାଲ୍-ଚାଲାନ୍ ବୁଗିନ୍ ତାଇୟୋଃକା; ଏନାତେ ଅକନ୍–ଅକନ୍ କାଜି କୋରେ ଇନ୍‍କୁ ଆପେକେ ଖାରାପ୍ କାମିତାନ୍ ହୋଡ଼ୋକୋ ମେନ୍ତେ କାଜିକେତେ ବାଦ୍‍ନାମ୍ ପେତାନାକୋ, ଇନ୍‍କୁ ଆପେୟାଃ ବୁଗିନ୍ କାମି କୋକେ ନେଲ୍‍କେତେ ଏନାକୋରାଃ ଲାଗିନ୍ତେଗି ବୁଗିନ୍-ବିଚାର୍ ହୁଲାଙ୍ଗ୍ ରେ ପାର୍ମେଶ୍ଵାର୍ ରାଃ ମାନାରାଙ୍ଗ୍‍ୟାକୋ।

1 ପାତ୍ରାସ୍ 4:8

ସବେନାଃ ତେ ଠାଉକା କାଜି ନେୟା ତାନାଃ ଚି ମିହୋଡ଼୍ ଏଟାଃ ନିଈ ଲୋଃ ଥିମ୍ବା ଦୁଲାଡ଼୍ ଦୋହୋଏପେ, ଚିୟାଃଚି ଦୁଲାଡ଼୍ ଥିମ୍ବାଗି ପାପ୍ କୋକେ ହାରୁବ୍ ତାଆଏ।

2 ପାତ୍ରାସ୍ 3:1

ହେ ଦୁଲାଡ଼୍‍କୋ, ନାଆ ଇଙ୍ଗ୍ ଆପେକେ ନେ ଏଟାଃ ଚିଠି ଅଲ୍ ପେତାନିଙ୍ଗ୍, ଆଡୋଃ ବାରାନାଃ ରେ ମୋନେ ରିକା କେତେ ଆପେୟାଃ ଫାର୍ଚି ମୋନ୍ କେ ଏୟୋନ୍ ପେତାନିଙ୍ଗ୍।

1 ଯୋହାନ୍ 3:18

ହେ ହୋନ୍‍କୋ, ଆବୁ କାଜି ହାର୍ ମୋଚା ତେ ଭାଇର୍ କାହା, ମେନ୍ଦୋ କାମି ହାର୍ ସାର୍ତି ଲୋଃତେ ଦୁଲାଡ଼୍ ମାଣ୍ଡାଅ କାବୁ।

1 ଯୋହାନ୍ 3:3

ହାର୍ ଅକଏ ମାସୀହ୍ ରେ ନେୟା ଆଶ୍ରା ମାଣ୍ଡାଅୟାଏ, ଇନିଃ ଆଏଃ ଆପାନ୍ କେ ଏନ୍‍ଲେକାଗି ପାବିତାର୍ ରିକାୟାଏ ଜେଲେକା ଇନିଃ ପାବିତାର୍ ତାନିଃ।

1 ଯୋହାନ୍ 4:1

ହେ ଦୁଲାଡ଼୍ କୋ, ସବେନ୍ ଆତ୍ମା କେ ଆଲୋପେ ପାତିୟା; ମେନ୍ଦୋ ଆତ୍ମା କୋକେ ସାରିଉରୁମ୍ କୋପେ ଚି ଇନ୍‍କୁ ପାର୍ମେଶ୍ଵାର୍ ପାଡ଼େତେ ତାନ୍‍କୋ ଚି କାହା: ଚିୟାଃଚି ଥିମ୍ବାଗି ହିହିଡ଼୍ ନାବୀ କୋ ଅତେଦିଶୁମ୍ ରେ ଅଡୋଙ୍ଗ୍ କାନାକୋ।