ଫିଲିପିୟ 4:5 - ମୁଣ୍ଡା ନାୱା ନିୟାମ୍

⁵ ଆପେୟାଃ ଲେବେଃ ମୋନ୍ ସବେନ୍ ହୋଡ଼ୋକୋୱାଃ ରେ ନେଲୋଃକା। ପ୍ରାଭୁ ନାଡ଼େଏ ରିୟା।

ପାର୍‌ମେଶ୍ୱାର୍‌ଆଃ ଜୀନିଦ୍‌ ବାଚାନ୍‌ ନାୱା ନିୟାମ୍‌

⁵ ସବେନ୍‌କଲଃ ଆପେୟାଃ ଲେବେଃମନ୍‌ ହବାଅଃକା । ପ୍ରାଭୁଆଃ ହିନିଜୁଃ ଦିପିଲି ନାଡ଼େଃକାନା ।

ଫିଲିପିୟ 4:5 Iomraidhean Croise

ମାତ୍ତିଉ 6:25

ଏନାଲାଗିନ୍ ଇଙ୍ଗ୍ ଆପେକେ କାଜିପେ ତାନାଇଙ୍ଗ୍, ଚି ଆପାନାଃ ଜୀଉ ଲାଗିନ୍ ନେୟା ଆଲୋପେ ଚିନ୍ତା ରିକାୟା ଚି ଆଲେ ଚିନାଃ ଜୋମେୟାଲେ, ହାର୍ ଚିନାଃ ନୁୱେୟାଲେ; ହାର୍ ନା ଆପାନାଃ ହୋଡ଼ମୋ ଲାଗିନ୍ ଚି ଚିନାଃ ତୁସିଙ୍ଗ୍ ଏନାଲେ। ଚିନାଃ ଜୀଉ ଜୋମେୟାଃ ତେ ହାର୍ ହୋଡ଼ମୋ ଲିଜାଃ ତେ ବାଢ଼ାଅ କେତେ ନାହାଲା?

ମାତ୍ତିଉ 6:34

ଏନାମେନ୍ତେ ଗାପା ଲାଗିନ୍ ଆଲୋପେ ଚିନ୍ତାୟା, ଚିୟାଃଚି ଗାପା ରାଃ ହୁଲାଙ୍ଗ୍ ଆଜାଃ ଚିନ୍ତା ଆଏଃ ଗି ରିକାୟାଏ; ଇସିଙ୍ଗ୍ ଲାଗିନ୍ ଇସିଙ୍ଗ୍ ରାଃ ଦୁକୁ ଗି ଥିମ୍ବା ତାନାଃ।”

ଲୁକା 21:34

ଏନାଲାଗିନ୍ ହୋସିଆର୍ ତାଇନୋଃପେ, ଏନ୍ ଲେକା ଆଲୋକା ହୋବାଅଃକା ଚି ଆପେୟାଃ ମୋନ୍ ଏତ୍କାନ୍ ଆଭ୍ୟାସ୍ ରେ ହାର୍ ବୁବୁଲେନ୍ ରେ, ହାର୍ ନେ ଜୀଦାନ୍ ରାଃ ପାହୋମ୍ କୋରେ ଆଲୋକା ତାଇନୋଃକା, ହାର୍ ଏନ୍ ହୁଲାଙ୍ଗ୍ ଫାନ୍ଦା ଲେକା ଆପେ ରେ ଆଲୋକା ହିଜୁଃ କା।

୧ କରିନ୍ଥିୟ 16:22

ଆଗାର୍ ଜେତାଏ ପ୍ରାଭୁ ଲୋଃ କାଏ ଦୁଲାଡ଼୍ ମାଣ୍ତାଅ ତାନାଏ ରେଦୋ ଇନିଃ ସାର୍ପାଅଃ କାଏ। ହେ ଆଲେୟାଃ ପ୍ରାଭୁ, ହିଜୁଃ ମେ!

୧ କରିନ୍ଥିୟ 6:7

ମେନ୍ଦୋ ସାର୍ତିଗୀ ଆପେ ଥାଲାରେ ମାରାଙ୍ଗ୍ ଦୋଷ୍ ଦୋ ନେୟା ତାନାଃ ଚି ଆପେ-ଆପେ ରେ କାଛେରୀ କାଜିକୋ ହୋବାଅଃ ତାନାପେ। ଆନ୍ୟାୟ ଚିନାଃ ମେନ୍ତେ କାପେ ସାହାତିଙ୍ଗ୍ ତାନା? ଆପାନାଃ ହାନି ଚିନାଃ ମେନ୍ତେ କାପେ ସାହାତିଙ୍ଗ୍ ତାନା?

୧ କରିନ୍ଥିୟ 8:13

ଏନାମେନ୍ତେ ଆଗାର୍ ଜୋଜୋମାଃ ଇଙ୍ଗ୍ଆଃ ମାସୀହ୍ ହାଗା କେ ବିଶ୍ଵାସ୍ ବାଗେ ରାଃ କାରାନ୍ ହୋବାଅଃତାନ୍ ରେଦୋ, ଇଙ୍ଗ୍ ଚିଉଲା ହଗି ଜାଲେକାତେ ହ ମାସ୍ କାଇଙ୍ଗ୍ ଜୋମେୟା, ଏନ୍‍କା ଆଲୋକା ହୋବାଅଃକା ଚି ଇଙ୍ଗ୍ ଇଙ୍ଗ୍ଆଃ ହାଗା ରାଃ ବିଶ୍ଵାସ୍ ବାଗେ ରାଃ କାରାନ୍ ବାଇୟୋଗାଇଙ୍ଗ୍।

୧ କରିନ୍ଥିୟ 9:25

ଜାହାନ୍ ଗି ପାହାଲ୍‍ୱାନ୍ ସବେନ୍ ଲେକାତେ ଧାଡ଼ିୟାଏ ମେନ୍ତେ ବ୍ୟାୟାମ୍ ଶିଖାଅଃୱାଏ; ଇନ୍‍କୁ ଦୋ ମିୟାଃ ଗୋସୋ ହୋବାଅଃ ତେୟାଃ ମୁକୁଟ୍ ନାନାମ୍ ଲାଗିନ୍ତେ ନେୟା ସବେନାଃ ରିକା ୟାକୋ, ମେନ୍ଦୋ ଆବୁ ଏନ୍ ମୁକୁଟ୍ ନାମେ ଲାଗିନ୍ତେ ରିକାତାନାବୁ, ଅକନାଃ କାଗୋସୋୱା।

୨ କରିନ୍ଥିୟ 10:1

ଇଙ୍ଗ୍ ଏନ୍ ପାଉଲୁସ୍ ଗି ଅକନିଃ ଆପେୟାଃ ନାଡ଼େଏ କାଇଙ୍ଗ୍ ସାହାସ୍ ତାନିଙ୍ଗ୍, ମେନ୍ଦୋ ଆପେୟାଃତେ ସାଙ୍ଗିନ୍ ପାଡ଼୍ ତାଇକେତେ ସାହାସ୍ ତାନିଙ୍ଗ୍; ଆପେକେ ମାସୀହ୍ ରାଃ ସୋଜ୍ ହାର୍ ନାରାମ୍ ହୋରାତେ ବୁଝାଅପେ ତାନିଙ୍ଗ୍।

୨ ଥେସ୍‌ଲନିକା 2:2

ଚି ଜାହାନ୍ ଆତ୍ମା, ୟାଦୋ ବାଚାନ୍, ୟାଦୋ ଚିଠି ସାକାମ୍ ରାଃ ହୋରାତେ, ଅକନାଃ ଚି ଆଲେ ପାଡ଼େତେ ତାନାଃ ମେନ୍ତେ, ଆଟ୍‍କାର୍ କେତେ ଚି ପ୍ରାଭୁ ଆଃ ହୁଲାଙ୍ଗ୍ ହିଜୁଃ ଥେବାଃ କାନା, ଆପେୟାଃ ମୋନ୍ ଇମ୍ତାଗି ଆଲୋକା ଆସ୍ଥିରକା ହାର୍ ଆଲୋପେ ବୋରୋୟା।

ତିତସ୍‌ 3:2

ଜେତାଏ କେ ଆଲୋପେ ବାଦ୍‍ନାମେ, ହୋଡ଼ୋକୋ ଲୋଃ ଆଲୋପେ ଏପେଗେରା; ମେନ୍ଦୋ ବୁଝାଅନ୍ ହୋଡ଼ ଲେକା ତାଇନ୍‍ପେ, ହାର୍ ସବେନ୍ ହୋଡ଼ୋକୋ ଲୋଃ ଲେବେଃ ମୋନ୍ ତେ ତାଇନ୍‍ପେ।

ଇବ୍ରାନୀୟୋରେନ୍ 10:25

ଆଡୋଃ ମିହୋଡ଼୍ ଏଟାଃନିଃ ଲୋଃ ମିଃତାଃ ହୁଣ୍ଡିଏନ୍ ଆଲୋକାବୁ ବାଗେକା, ଜେଲେକା ଚି ଚିମିନାଙ୍ଗ୍ କୋ ରିକାତାନ୍ ଗିୟାକୋ, ମେନ୍ଦୋ ମିହୋଡ଼୍ ଏଟାଃନିଃ କେ ବୁଝାଅ କାତେକୋପେ, ଆଡୋଃ ଜେଲେକା-ଜେଲେକା ଏନ୍ ହୁଲାଙ୍ଗ୍ କେ ନାଡ଼େଏ ହିଜୁଃତାନ୍ ନେଲେୟାପେ ଏନ୍‍ଲେକା-ଏନ୍‍ଲେକା ଆଡୋଃଗି ଥିମ୍ବାତେ ନେୟା ରିକାଏପେ।

ଇବ୍ରାନୀୟୋରେନ୍ 10:37

“ଚିୟାଃଚି ନାଆ ହୁଡିଙ୍ଗ୍ ଏତେ ହୁଡିଙ୍ଗ୍ ସାମାୟ୍ ତାଇଜାନା, ହିଜୁଃନିଃ ହିଜୁଗାଏ ଆଡୋଃ କାଏ ଦେରିୟାଏ।

1 ପାତ୍ରାସ୍ 1:11

ଇନ୍‍କୁ ନେ ବାକାଣ୍ କେ ନାନାମ୍ ଲାଗିନ୍ ଦାଣା କେଦାକୋ ଚି ମାସୀହ୍ ରାଃ ଆତ୍ମା ଅକନାଃ ଇନ୍‍କୁୱାଃ ଚେତାନ୍ ରେ ତାଇକେନା, ହାର୍ ଏନା ସିଦା ଏତେଗି ମାସୀହ୍ ରାଃ ଦୁକୁ କୋରାଃ ହାର୍ ଏନାରାଃ ତାୟୋମ୍ତେ ହୋବାଅଃ ତେୟାଃ ମାନାରାଙ୍ଗ୍ ରାଃ ଗୋୱା ଏମ୍ ତାଇକେନାଏ, ଏନା ଚିମ୍ତା ଆଡୋଃ ଚିଲ୍‍କାନ୍ ସାମାୟ୍ ପାଡ଼୍ ଚୁଣ୍ଡୁଲ୍ ଉଦୁବ୍ ତାଇକେନାଏ।

1 ପାତ୍ରାସ୍ 4:7

ସବେନ୍ କାଜି କୋରାଃ ଟୁଣ୍ଡୁ ସେକାଡ଼୍‍ଗୀ ହୋବାଅଃ ରାଃ ମେନାଃ; ଏନାମେନ୍ତେ ବୁଗିନ୍ ମୋନ୍ ତେ ପାହୋମେପେ ହାର୍ ମୋନ୍ କେ ବୁଝାଅ କେତେ ବିନ୍ତି ଲାଗିନ୍ତେ ଏୟୋନ୍ କାନ୍ ତାଇନ୍‍ପେ।

ଉଦୁବ୍‍କାଜି 22:20

ଅକନିଃ ନେ କାଜି କୋରାଃ ଗୋୱା ଏମ୍ ତାନାଏ, ଇନିଃ ନେୟା କାଜିତାନାଏ, “ହାଁ, ଇଙ୍ଗ୍ ସେକାଡ଼୍ ଗି ହିଜୁଃ ତାନିଙ୍ଗ୍।” ଆମୀନ୍। ହେ ପ୍ରାଭୁ ୟୀଶୁ ହିଜୁଃ ମେ!

ଉଦୁବ୍‍କାଜି 22:7

ନେଲେପେ, ଇଙ୍ଗ୍ ସେକାଡ଼୍ ଗି ହିଜୁଃ ତାନିଙ୍ଗ୍! ଧାନ୍ୟା ଇନିଃ ତାନିଃ, ଅକଏ ନେ କିତାବ୍ ରାଃ ଆୟାର୍‍କାଜି ରାଃ କାଜିକୋକେ ମାନାତିଙ୍ଗ୍ ତାନାଏ।”