ଫିଲିପିୟ 4:18 - ମୁଣ୍ଡା ନାୱା ନିୟାମ୍

¹⁸ ଇଙ୍ଗ୍ଆଃ ତାଃ ସବେନାଃ ମେନାଃ। ମେନ୍ଦୋ ଥିମ୍ବା ହେତେ ହଗି ଥିମ୍ବା ମେନାଃ; ଅକନ୍ ଜିନିଷ୍‍କୋ ଆପେ ଇପଫୃଦିତୁସ୍ ରାଃ ତିଈ ରେ କୁଲ୍ କେଦାପେ ଏନାକୋ ନାମ୍ କେତେ ଇଙ୍ଗ୍ ମୋନ୍ ତେ ଫେରେଃ ଜାନିଙ୍ଗ୍, ହେନା ଦୋ ଦୁଲାଡ଼୍ ନାମେଲେକାନାଃ ବୁଗିନ୍ ସୋୱାନ୍, ଗ୍ରାହାନ୍ ଲେକାନାଃ ଦାଣେ ତାନାଃ, ଅକନାଃ ପାର୍ମେଶ୍ଵାର୍ କେ ବେଶ୍ ସାନାଙ୍ଗ୍ଆ।

ପାର୍‌ମେଶ୍ୱାର୍‌ଆଃ ଜୀନିଦ୍‌ ବାଚାନ୍‌ ନାୱା ନିୟାମ୍‌

¹⁸ ଆପେତାଃଏତେ ଆଇଙ୍ଗ୍‌ ନାମାକାଦ୍‌ ସବେନ୍ ଦାନ୍ ନାଗେନ୍ତେ ଆଇଁୟାଃ ପୁରାଃଗି ହବାକାନା । ଏନା ଆଇଁୟାଃ ଲାଗାତିଙ୍ଗ୍‌ୟାଁଃଏତେ ଆଦ୍‌କାଗି ହବାକାନା । ଆପେ ଏପାଫ୍ରାଦିତ୍‌ଆଃ ତିଃଇରେ କୁଲାକାଦ୍‌ ଦାନ୍, ଆଇଁୟାଃ ସବେନ୍ ଲାଗାତିଙ୍ଗ୍‌ତେୟାଃକେ ପୁରାକାଦା, ଏନା ପାର୍‌ମେଶ୍ୱାର୍‌ଆଃ ଉଦ୍ଦେଶ୍‌ରେ ରାକାବାକାନ୍‌ ବୁଗିନ୍‌ ସହାନ୍‌ ଦାଣେଁ ଆଡଃ ଆଇଃକ୍‌ ତେଲାଏ ଚାଏ ଆଇଃକ୍‌କେ ସୁକୁଆଇ ଦାଣେଁ ଲେକାନାଃ ତାନାଃ ।

ଫିଲିପିୟ 4:18 Iomraidhean Croise

କୁଲାକାନ୍ 10:4

ଇନିଃ ଇନିଃକେ ଧ୍ୟାନ୍‍ତେ ନେଲ୍ କିଜାଏ ହାର୍ ବୋରୋ କେତେ କାଜିକେଦାଏ, “ହେ ପ୍ରାଭୁ, ଚିନାଃ ହୋବାନା?” ଇନିଃ ଇନିଃକେ କାଜିକେଦାଏ, “ଆମାଃ ବିନ୍ତି ହାର୍ ଦାନ୍ ମୋନେ ଲାଗିନ୍ ପାର୍ମେଶ୍ଵାର୍ ରାଃ ସାମାନାଙ୍ଗ୍ ରେ ସେଟେର୍ କାନା।

ରୋମ୍‍ରେନ୍ 12:1

ଏନାମେନ୍ତେ ହେ ହାଗାକୋ ହାର୍ ମିଶିକୋ, ଇଙ୍ଗ୍ ଆପେକେ ପାର୍ମେଶ୍ଵାର୍ ରାଃ ଦାୟା ମୋନେ ରିକା କେତେ ଆର୍ଜି ପେତାନିଙ୍ଗ୍, ଚି ଆପେୟାଃ ହୋଡ଼ମୋ କେ ଜୀହିଦାକାନ୍ ହାର୍ ପାବିତାର୍ ହାର୍ ପାର୍ମେଶ୍ଵାର୍ ରାଃ ସାନାଙ୍ଗ୍ ଲେକା ଦାଣେ ରାକାବେପେ। ନେୟାଗି ଆପେୟାଃ ଆତ୍ମାନ୍ ସେୱା ତାନାଃ।

୨ କରିନ୍ଥିୟ 11:8

ଇଙ୍ଗ୍ ଏଟାଃ କାଲିସିୟା କୋକେ ରେଏଃ କେଃକୋୱାଇଙ୍ଗ୍, ମାନେ ଇଙ୍ଗ୍ ଇନ୍‍କୁ ତାଃଏତେ ନାଲା ଇଦିକେଦାଇଙ୍ଗ୍ ଏନାତେ ଆପେୟାଃ ସେୱାୟାଇଙ୍ଗ୍।

୨ କରିନ୍ଥିୟ 9:12

ଚିୟାଃଚି ନେ ଦାନ୍ ସେୱା କାମି କେ ପୁରା ତାନ୍ତେ ପାବିତାର୍ ହୋଡ଼ୋକୋୱାଃ ଦାର୍‍କାର୍ ପୁରାଅଃ ତାନା ମେନ୍ତେ ଭାଇର୍ କାହା, ମେନ୍ଦୋ ହୋଡ଼ୋକୋ ପାଡ଼େତେ ପାର୍ମେଶ୍ଵାର୍ ଆଃ ହଗି ଥିମ୍ବାଗି ଧାନ୍ୟାବାଦ୍ ହୋବାଅଃତାନା।

ଏଫିସିୟ 5:2

ହାର୍ ଦୁଲାଡ଼୍ ରେ ସେନେପେ ଜେଲେକା ମାସୀହ୍ ହଗି ଆପେ କେ ଦୁଲାଡ଼୍ କେଦାଏ, ହାର୍ ଆବୁୱାଃ ଲାଗିନ୍ ଆଏଃ ଆପାନ୍ କେ ବୁଗିନ୍ ସୋୱାନ୍ ନାଙ୍ଗ୍ ପାର୍ମେଶ୍ଵାର୍ ରାଃ ଆୟୁର୍ ଦାଣେ ରାକାବ୍ ୟାନାଏ।

ଫିଲିପିୟ 4:12

ଇଙ୍ଗ୍ ହୁଡିଙ୍ଗେନ୍ ହଗି ସାରିୟାଇଙ୍ଗ୍ ଆଡୋଃ ମାରାଙ୍ଗେନ୍ ହଗି ସାରିୟାଇଙ୍ଗ୍; ସବେନ୍ କାଜି ରେ ହାର୍ ସବେନ୍ ଲେକାନାଃ ରେ ବିୟୋଃ ତାଇନ୍, ରେଙ୍ଗେଃ ତାଇନ୍, ଆଡୋଃ ମାରାଙ୍ଗ୍ଏନ୍-ହୁଡିଙ୍ଗେନ୍ ଶିଖାଅ କାନିଙ୍ଗ୍।

୨ ଥେସ୍‌ଲନିକା 1:3

ହେ ହାଗାକୋ, ଆପେୟାଃ ବିଷାୟ୍ ରେ ଆଲେକେ ସବେନ୍ ସାମାୟ୍ ପାର୍ମେଶ୍ଵାର୍ କେ ଧାନ୍ୟାବାଦ୍ ରିକା ଚାହି, ହାର୍ ନେୟା ବୁଗିନାଃ ହ ତାନାଃ, ଏନାଲାଗିନ୍ତେ ଚି ଆପେୟାଃ ବିଶ୍ଵାସ୍ ଥିମ୍ବାଗି ହାରା ଇଦିୟୋଃ ତାନାଃ ହାର୍ତେ ଆପେ ସବେନ୍ କୋୱାଃ ଦୁଲାଡ଼୍ ଆପେ ଥାଲା ରେ ଥିମ୍ବାଗି ହାରା ଇଦିୟୋଃ ତାନା।

ଇବ୍ରାନୀୟୋରେନ୍ 13:16

ଏଟାଃକୋୱାଃ ବୁଗିନାଃ ରିକା ହାର୍ ସୁକୁ ମୋନ୍ ତେ ଦେଙ୍ଗା ଏହେମ୍ ଆଲୋପେ ରିଡ଼ିଙ୍ଗ୍ଏୟା, ଚିୟାଃଚି ପାର୍ମେଶ୍ଵାର୍ ନେଲେକାନ୍ ଦାଣେକୋଏତେ ସୁକୁଅଗାଏ।

1 ପାତ୍ରାସ୍ 2:5

ଆପେ ହଗି ଜୀହିଃ ଦିରିକୋ ଲେକା ଆତ୍ମାନ୍ ଅଡ଼୍ଆଃ ବାଇୟୋଃ ତାନାପେ, ଅକନାଃ ଏତେ ପାବିତାର୍ ୟାଜାକ୍ ବାଇକେତେ, ନେଲେକାନ୍ ଆତ୍ମାନ୍ ଦାଣେ ରାକାବେପେ ଅକନାଃ ୟୀଶୁ ମାସୀହ୍ ରାଃ ହୋରାତେ ପାର୍ମେଶ୍ଵାର୍ କେ ଗ୍ରାହାନ୍ ହୁୟୋଗା।