ଫିଲିପିୟ 4:11 - ମୁଣ୍ଡା ନାୱା ନିୟାମ୍

¹¹ ନେୟା କାହା ଚି ଇଙ୍ଗ୍ ଇଙ୍ଗ୍ଆଃ ଘାଟି ମେନ୍ତେ ନେୟା କାଜିତାନିଙ୍ଗ୍: ଚିୟାଃଚି ଇଙ୍ଗ୍ ନେୟା ଶିଖାଅକାନିଙ୍ଗ୍ ଚି ଇଙ୍ଗ୍ ଜାଲେକାଗି ମେନାଇଙ୍ଗ୍‍ୟା, ଏନା ରେଗି ଖୁସ୍ ମେନାଇଙ୍ଗ୍‍ୟା।

ପାର୍‌ମେଶ୍ୱାର୍‌ଆଃ ଜୀନିଦ୍‌ ବାଚାନ୍‌ ନାୱା ନିୟାମ୍‌

¹¹ ଆଇଙ୍ଗ୍‌ ଆପାନ୍‌କେ ଜାଞ୍ଜିଆକାନ୍‌ ଲେକା ଆଟ୍‌କାର୍‌କେଦ୍‌ତେ କାଇଙ୍ଗ୍‌ କାଜିତାନା, ଚିଆଃଚି ଆଇଙ୍ଗ୍‌ ଆଇଁୟାଃତାଃରେ ଅକଆଃ ମେନାଃ ଇମ୍‌ନାଙ୍ଗ୍‌ରେଗି ରାସ୍‌କାଅଃ ନାଙ୍ଗ୍‌ ଇତୁକାନାଇଙ୍ଗ୍‌ ।

ଫିଲିପିୟ 4:11 Iomraidhean Croise

ଲୁକା 3:14

ସିପାହୀକୋ ହ ଇନିଃକେ ନେୟା କୁଲିକିଜାକୋ, ଏଣ୍ଡେ “ଆଲେ ଚିନାଃ ରିକାୟାଲେ?” ଇନିଃ ଇନ୍‍କୁକେ କାଜିକେଦାଏ, “ଜେତାଏ ତେ ଜାବାରାନ୍ ଟାକା ଆଲୋପେ ଇଦିୟା, ଆଡୋଃ ଝୁଠ୍ ଦୋଷ୍ ଜେତାଏ କେ ଆଲୋପେ ଲାଗାଅୟା, ଆପେୟାଃ ନାଲା ଟାକା ରେ ଗି ସୁକୁଅଃପେ।”

୨ କରିନ୍ଥିୟ 11:27

ଥିମ୍ବାଗି କାମି ହାର୍ ଦୁକୁ ରେ; ଘାରି-ଘାରି ଏୟୋନ୍ ତାନ୍ ରେ, ରେଙ୍ଗେଃ-ତେତାଙ୍ଗ୍ ରେ, ଘାରି-ଘାରି ଯୋଜୋମାଃ କାତାଇକେନ୍ ରେ, ରାବାଙ୍ଗ୍ ତାନ୍ ରେ, ସାମା ହୋଡ଼ମୋ ରେ;

୨ କରିନ୍ଥିୟ 6:10

ଥିମ୍ବାଗି ଦୁକୁ ନାମ୍ କେଦାଲେ, ମେନ୍ଦୋ ସବେନ୍ ଇମ୍ତା ରାଶିକାଅଃ ତାନାଲେ; କାଙ୍ଗାଲ୍ ଲେକା ମେନାଲେୟା, ମେନ୍ଦୋ ଥିମ୍ବାଗି ହୋଡ଼ୋକୋକେ କିଶାଣ୍ ବାଇକୋୱାଲେ; ନେଲେକା ମେନାଲେୟା ଜେଲେକା ଆଲେୟାଃ ତାଃ ଜାହାନାଃ ବାନୋଃ ଏଣ୍ଡେହ ସବେନାଃ ମାଣ୍ଡାଅୟାଲେ।

୨ କରିନ୍ଥିୟ 8:9

ଆପେ ଆବୁୱାଃ ପ୍ରାଭୁ ୟୀଶୁ ମାସୀହ୍ ରାଃ ଆନୁଗ୍ରାହ୍ କେ ସାରିୟାପେ ଚି, ଇନିଃ କିଶାଣ୍ ତାଇନ୍ କେତେ ହଗି ଆପେୟାଃ ଲାଗିନ୍ ଗାରିବ୍ ବାଇଜାନାଏ, ଏନାତେ ଇନିଜାଃ କାଙ୍ଗାଲ୍ ହୋବାଜାନ୍ତେ ଆପେ କିଶାଣ୍ ବାଇ କେନୋଃପେ।

୨ କରିନ୍ଥିୟ 9:8

ପାର୍ମେଶ୍ଵାର୍ ସବେନ୍ ଲେକାନାଃ ଆନୁଗ୍ରାହ୍ ଆପେକେ ଦାର୍‍କାର୍ ଏତେହ ଥିମ୍ବା ଏମ୍ ଧାଡ଼ିୟାଏ। ଅକନିଃ ସବେନ୍ କାଜିକୋରେ ହାର୍ ସବେନ୍ ଇମ୍ତା, ସବେନାଃଗି, ଅକନାଃ ଆପେକେ ଦାର୍‍କାର୍ ମେନାଃ, ଆପେତାଃ ରେ ତାଇନ୍ ଚାହି; ହାର୍ ସବେନ୍ ଲେକାନାଃ ବୁଗିନ୍ କାମି ନାଙ୍ଗ୍ ଆପେତାଃ ଥିମ୍ବାଗି ତାଇନ୍ କା।

ଫିଲିପିୟ 3:8

ମେନ୍ଦୋ ଇଙ୍ଗ୍ ଇଙ୍ଗ୍ଆଃ ପ୍ରାଭୁ ମାସୀହ୍ ୟୀଶୁ ରାଃ ଉରୁମ୍ ରାଃ ବୁଗିନାଃ ଚାଲ୍ତେ ସବେନ୍ କାଜି କୋକେ ହାନି ବୁଝାଅଃ ତାନିଙ୍ଗ୍। ଅକନାଃ ଚାଲ୍ତେ ଇଙ୍ଗ୍ ସବେନ୍ ଜିନିଷ୍‍କୋ ରାଃ ହାନି ଉଠାଓକେଦାଇଙ୍ଗ୍, ଆଡୋଃ ଏନାକୋକେ କାତ୍ୱାର୍ ବୁଝାଅଃ ତାନିଙ୍ଗ୍, ଏନାତେଚି ଇଙ୍ଗ୍ ମାସୀହ୍ କେ ନାମିୟାଇଙ୍ଗ୍।

ଇବ୍ରାନୀୟୋରେନ୍ 10:34

ଚିୟାଃଚି ଆପେ କୈଦୀ କୋଲୋଃ ଦୁକୁତାନ୍ ରେ ଦୁକୁ ଜାନାପେ, ହାର୍ ଆପେୟାଃ ସାମ୍ପାତି କେହ ରାଶିକା ତେ ରେଏଃ ଇଦି ରିକା କେଦାପେ; ଏନା ନେୟା ଆଟ୍‍କାର୍ କେତେ ଚି ଆପେୟାଃ ତାଃ ମିୟାଃ ଆଡୋଃଗି ବୁଗିନ୍ ହାର୍ ସବେନ୍ ହୁଲାଙ୍ଗ୍ ତାଇନୋଃ ତେୟାଃ ସାମ୍ପାତି ମେନାଃ।