ଫିଲିପିୟ 4:1 - ମୁଣ୍ଡା ନାୱା ନିୟାମ୍

¹ ଏନାମେନ୍ତେ ହେ ଇଙ୍ଗ୍ଆଃ ଦୁଲାଡ଼ାନ୍ ହାଗାକୋ, ଆପେ ଲୋଃ ନାପାମ୍ ନାଙ୍ଗ୍ ଇଙ୍ଗ୍ଆଃ ଥିମ୍ବାଗି ସାନାଙ୍ଗ୍ ମେନାଃ, ଆପେ ଇଙ୍ଗ୍ଆଃ ରାଶିକା ଆଡୋଃ ମୁକୁଟ୍ ତାନ୍‍ପେ, ହେ ଦୁଲାଡ଼ାନ୍ ହାଗାକୋ, ପ୍ରାଭୁ ରେ ନେଲେକାଗି ବାଇକେତେ ତାହିନୋଃପେ।

ପାର୍‌ମେଶ୍ୱାର୍‌ଆଃ ଜୀନିଦ୍‌ ବାଚାନ୍‌ ନାୱା ନିୟାମ୍‌

¹ ହେ ଦୁଲାଡ଼୍‌ ହାଗା ମିଶିକ, ଆପେକେ ନେନେଲ୍‌ ନାଗେନ୍ତେ ଆଇଁୟାଃ ପୁରାଃଗି ସାନାଙ୍ଗ୍‌ । ଆପେୟାଃ ନାଗେନ୍ତେ ଆଇଁୟାଃ ଚିମିନ୍‌ଗି ରାସ୍‌କା ଆଡଃ ଚିମିନ୍‌ଗି ଆପାନ୍‌କେ ମାରାଙ୍ଗ୍‌ ମେନ୍ତେଇଙ୍ଗ୍‌ କାଜିନ୍‌ତାନା । ହାଗା ମିଶିକ ଆଇଁୟାଃ ଇନିତୁ ଲେକାତେ ପ୍ରାଭୁତାଃରେ ତିଙ୍ଗୁକେଟେଦ୍‌କେଦ୍‌ତେ ଜୀଦାନ୍‌ ବିତାଏପେ ।

ଫିଲିପିୟ 4:1 Iomraidhean Croise

ମାତ୍ତିଉ 10:22

ଇଙ୍ଗ୍ଆଃ ନୁତୁମ୍ ରାଃ ଲାଗିନ୍ତେ ସବେନ୍ ହୋଡ଼ୋକୋ ଆପେକେ ଖିସ୍ ପେୟାକୋ, ମେନ୍ଦୋ ଅକଏ ଆଖ୍ରୀ ସାନ୍ତେ ସାହାତିଙ୍ଗ୍ କେତେ ତାଇନୋଗାଏ ଇନିଜାଃ ଗି ବାଞ୍ଚାଅ ହୋବାଅଃୱା।

ଯୋହାନ୍ 8:31

ଏନ୍ତେ ୟୀଶୁ ଏନ୍ ୟାହୁଦୀ ଗୁରୁ କୋକେ ଅକନ୍‍କୋ ଇନିଃକେ ବିଶ୍ଵାସ୍ ଲିଜାକୋ, କାଜିକେଃକୋୱାଏ, “ଆଗାର୍ ଆପେ ଇଙ୍ଗ୍ଆଃ ବାଚାନ୍ ରେ ତାଇନ୍ ରେଦୋ ପେ, ଏଣ୍ଡେ ସାର୍ତି ଗି ଇଙ୍ଗ୍ଆଃ ଚେଲା ହୋବାୱାପେ।

କୁଲାକାନ୍ 11:23

ଇନିଃ ଏନ୍ତାଃରେ ସେଟେର୍ କେତେ ହାର୍ ପାର୍ମେଶ୍ଵାର୍ ରାଃ ଆନୁଗ୍ରାହ୍ ନେଲ୍‍କେତେ ରାଶିକା ଜାନାଏ, ହାର୍ ସବେନ୍ କୋକେ ଉପ୍‍ଦେଶ୍ ଏମ୍‍କେଦାଏ ଚି ମୋନ୍ ଧ୍ୟାନ୍ କେତେ ପ୍ରାଭୁ ରେ ବାଇ କେତେ ତାଇନୋଃପେ।

କୁଲାକାନ୍ 14:22

ଆଡୋଃ ଏନ୍ତାଃକୋରେ ଚେଲା କୋୱାଃ ବିଶ୍ଵାସ୍ କେ କେଟେଃ କେଦାକିନ୍ ହାର୍ ନେୟା ଉପ୍‍ଦେଶ୍ ଏମ୍ ତାଇକେନାକିନ୍ ଚି ବିଶ୍ଵାସ୍ ରେ ବାଇକାନ୍ ତାଇନୋଃପେ; ହାର୍ ନେୟା କାଜି ତାଇକେନାକିନ୍, “ଆବୁକେ ଥିମ୍ବାଗି ଦୁକୁ କୋ ସାହାତିଙ୍ଗ୍ କେତେ ପାର୍ମେଶ୍ଵାର୍ ରାଃ ରାଇଜ୍ ରେ ବୋଲୋ ହୋବାଅଃୱା।”

କୁଲାକାନ୍ 2:42

ଆଡୋଃ ଇନ୍‍କୁ କୁଲାକାନ୍ ଚେଲା କୋୱାଃ ତେ ଶିଖାଅ ନାନାମ୍, ହାର୍ ମିଃତାଃ ନାପାମ୍ ନାଙ୍ଗ୍ ହାର୍ ହୋଲୋଙ୍ଗ୍ କେଚାଃ ରେ ହାର୍ ବିନ୍ତି କାତେ ରେ ତାଇନ୍ ଜାନାକୋ।

ରୋମ୍‍ରେନ୍ 2:7

ଅକନ୍‍କୋ ବୁଗିନ୍ କାମି ରେ ବାଇକେତେ ମାନାରାଙ୍ଗ୍, ଆଡୋଃ ମାଇନ୍, ହାର୍ ଚିଉଲାଅ କାକୋ ଗୋଜୋଗା ଏନାରାଃ ଦାଣା ରେ ମେନାକୋୱା, ଇନ୍‍କୁକେ ଇନିଃ ଜାନାଓ ଜୀଦାନ୍ ଏମାକୋୱାଏ;

୧ କରିନ୍ଥିୟ 15:58

ଏନାମେନ୍ତେ ହେ ଇଙ୍ଗ୍ଆଃ ଦୁଲାଡ଼୍ ହାଗାକୋ ହାର୍ ମିଶିକୋ, କେଟେଃ ହାର୍ ପୋକ୍ତା ହୋବାଅଃପେ, ଏନ୍ତେ ପ୍ରାଭୁ ଆଃ କାମି ରେ ସବେନ୍ ଇମ୍ତାଙ୍ଗ୍ ହାରା ଇଦିଅଃପେ, ଚିୟାଃଚି ନେୟା ସାରିତାନାପେ ଚି ଆପେୟାଃ କାମି ଅକନାଃ ପ୍ରାଭୁ ରେ କାମି କାଦାପେ ଏନା ସାମା କାହୋବାଅଃୱା।

୧ କରିନ୍ଥିୟ 16:13

ଏୟୋନ୍ କାନ୍ ତାଇନ୍‍ପେ, ବିଶ୍ୱାସ୍ ରେ କେଟେଃ ତାଇନ୍‍ପେ, ଜାୱାନ୍ ହୋଡ଼ୋକୋ ଲେକା ସାହାସ୍ ଏପେ, ପେଡ଼େଜାନ୍ ବାଇୟୋଃପେ।

୨ କରିନ୍ଥିୟ 1:14

ଜେଲେକା ଆପେୟାଃ ଏତେ ଚିମିନାଙ୍ଗ୍ କୋ ମାନାତିଙ୍ଗ୍ ଜାନାକୋ ଚି ଆଲେ ଆପେୟାଃ ଘାମାଣ୍ଡ୍ ରାଃ କାରାନ୍ ତାନ୍‍ଲେ, ଏନ୍ ଲେକାଗି ଆପେ ହଗି ପ୍ରାଭୁ ୟୀଶୁ ରାଃ ହୁଲାଙ୍ଗ୍ ଆଲେୟାଃ ନାଙ୍ଗ୍ ଘାମାଣ୍ଡ୍ ରାଃ କାଜି ହୋବାଅଃୱାପେ।

ଗାଲାତିୟ 5:1

ମାସୀହ୍ ଆବୁକେ ଆଲୋକାବୁ ଦାସୀ ନା ମେନ୍ତେ ରାଡ଼ା କାଃବୁୱାଏ; ଏନାମେନ୍ତେ ନେୟା ରେ ଗି କେଟେଜେନ୍ ପେ, ଆଡୋଃ ଦାସୀକାନ୍ ତେୟାଃ ଆରାଣା ରେ ଆଲୋପେ ରୁଆଡ଼ା।

ଫିଲିପିୟ 1:27

ଖାଲି ନିମିନାଙ୍ଗ୍ ରିକାଏପେ ଚି ଆପେୟାଃ ସେସେନ୍ ମାସୀହ୍ ରାଃ ସୁସାମାଚାର୍ ଲେକା ହୋବାଅଃକା ଏନାତେ ହୋବା ଧାଡ଼ିୟୋଗା ଇଙ୍ଗ୍ ହିଜୁଃକେତେ ଆପେକେ ନେଲ୍ ପେୟାଇଙ୍ଗ୍, ଚାହେ ଆପେ ତାଃ କାଇଙ୍ଗ୍ ସେଟେରୋଗା; ଏଣ୍ଡେ ହ ଆପେୟାଃ ବିଷାୟ୍ ରେ ନେୟା ଆୟୁମେୟାଇଙ୍ଗ୍ ଚି ଆପେ ମିୟାଃ ଗି ଆତ୍ମା ରେ ବାଇକେତେ ତାଇନୋଃ ତାନାପେ। ଆଡୋଃ ମିୟାଃ ମୋନ୍ ହୋବା କେତେ ସୁସାମାଚାର୍ ରାଃ ବିଶ୍ଵାସ୍ ଲାଗିନ୍ତେ କାମି ତାନାପେ।

ଫିଲିପିୟ 1:8

ନେୟା ରେ ପାର୍ମେଶ୍ଵାର୍ ଇଙ୍ଗ୍ଆଃ ଗୋୱା ତାନିଃ ଚି ଇଙ୍ଗ୍ ମାସୀହ୍ ୟୀଶୁ ଲେକା ଦୁଲାଡ଼୍ ମାଣ୍ଡାଅ କେତେ ଆପେ ସବେନ୍ କୋଲୋଃ ନାପାମ୍ ସାନାଙ୍ଗ୍ ତାନିଙ୍ଗ୍।

ଫିଲିପିୟ 2:16

ଏନାତେ ମାସୀହ୍ ରାଃ ହୁଲାଙ୍ଗ୍ ଇଙ୍ଗ୍ ମାରାଙ୍ଗ୍ ଜାନିଙ୍ଗ୍ ଲେକା ପାହୋମେ ୟାଇଙ୍ଗ୍ ଚି ଇଙ୍ଗ୍ଆଃ ନୀନିର୍ ହାର୍ ନା ଇଙ୍ଗ୍ଆଃ କାମି ସାମାଗୀ କା ହୋବାନା।

ଫିଲିପିୟ 2:26

ଚିୟାଃଚି ଇନିଃ ଆପେ ସବେନ୍ କୋକେ ନେନେଲ୍ ସାନାଙ୍ଗ୍ ପେ ତାଇନାଏ, ଏନାମେନ୍ତେ ଇନିଃ ଆକ୍‍ବାକାଅଃ ତାଇନାଏ ଚିୟାଃଚି ଆପେ ଇନିଃକେ ବେମାର୍ ରେ ମେନିଜାଏ ମେନ୍ତେ ଆୟୁମ୍ ଲେଦାପେ।

କୁଲୁସିୟୋରେନ୍ 4:12

ଇପଫ୍ରାସ୍ ଅକନିଃ ଆପେୟାଃ ହାତୁ ଏତେ ଗି ତାନିଃ ହାର୍ ମାସୀହ୍ ୟୀଶୁ ରାଃ ଦାସୀ ତାନିଃ, ଆପେକେ ଜୋହାର୍ ପେତାନାଏ ହାର୍ ସାଦାଏ ଆପେ ଲାଗିନ୍ ରାଶିକା ତେ ବିନ୍ତି କାତେୟାଏ, ଏନାତେ ଆପେ କେଟେଃ ହୋବା କେତେ ପୁରାଃ ବିଶ୍ୱାସ୍ ଲୋଃ ପାର୍ମେଶ୍ଵାର୍ ରାଃ ସାନାଙ୍ଗ୍ ରେ ବାଇତାଇନୋଃପେ।

୧ ଥେସ୍‌ଲନିକା 3:13

ଏନାତେ ପ୍ରାଭୁ ୟୀଶୁ ଆପେୟାଃ ମୋନ୍ କୋକେ ନେକା ପେଡ଼େଏ ଏମେକାଏ ଚି ଚିମ୍ତାଙ୍ଗ୍ ଆବୁୱାଃ ପ୍ରାଭୁ ୟୀଶୁ ଆଜାଃ ସବେନ୍ ପାବିତାର୍ ହୋଡ଼ୋ କୋଲୋଃ ହିଜୁଗାଏ, ଇମ୍ତା ଆପେ ଆବୁୱାଃ ପାର୍ମେଶ୍ଵାର୍ ଆଡୋଃ ଆପୁ ରାଃ ସାମ୍‍ନାଙ୍ଗ୍ ରେ ପାବିତାର୍ ରେ ନିର୍ଦୋଷ୍ ହୋବାଅଃୱାପେ।

୨ ଥେସ୍‌ଲନିକା 2:15

ଏନାମେନ୍ତେ ହେ ହାଗାକୋ, ତିଙ୍ଗୁ କେଟେଃ କାନ୍‍ପେ ତାଇନୋଃପେ, ହାର୍ ଅକନ୍-ଅକନ୍ କାଜିକୋକେ ଆପେ ବାଚାନ୍ ୟାଦୋ ଚିଠି ସାକାମ୍ ରାଃ ହୋରାତେ ଆଲେ ତେ ଶିଖାଅ କାନାପେ, ଏନାକୋକେ ସାବା କାପେ।

୨ ତିମଥି 2:1

ଏନାଲାଗିନ୍ତେ ହେ ଇଙ୍ଗ୍ଆଃ ହୋନ୍ ତିମୁଥିୟୁସ୍, ଆମ୍ ଏନ୍ ଆନୁଗ୍ରାହ୍ ତେ ଅକନାଃ ମାସୀହ୍ ୟୀଶୁ ରେ ମେନାଃ, ପେଡ଼େଏ ନାମେମେ।

ଇବ୍ରାନୀୟୋରେନ୍ 10:23

ହିଜୁଃପେ ଆବୁ ଆବୁୱାଃ ଆଶ୍ରା ରେୟାଃ ମାନାତିଙ୍ଗ୍ କାଜି କେ କେଟେଃ ତେବୁ ସାବାକାଃ, ଚିୟାଃଚି ଅକଏ କିରିୟା ଏମା କାଦାଏ ଇନିଃ ବିଶ୍ଵାସେ ଲେକାନିଃ ତାନିଃ;

ଇବ୍ରାନୀୟୋରେନ୍ 3:14

ଚିୟାଃଚି ଆବୁ ମାସୀହ୍ ରାଃ ହାନାଟିଙ୍ଗ୍ ହୋବାକାନାବୁ, ଆଗାର୍ ଆବୁ ଆବୁୱାଃ ସିଦା ରାଃ ଭାରୋସା ରେ ଟୁଣ୍ଡୁ ସାନ୍ତେ କେଟେଃ ତେ ବାଇକେତେ ତାଇନୋଃତାନାବୁ।

ଇବ୍ରାନୀୟୋରେନ୍ 4:14

ଏନାମେନ୍ତେ ଚିମ୍ତାଙ୍ଗ୍ ଆବୁୱାଃ ନେଲେକା ସବେନ୍ ଏତେ ମାରାଙ୍ଗ୍ ୟାଜାକ୍ ମେନାଇଜା, ଅକନିଃ ସିର୍ମାଦିଶୁମ୍ ହୋରାତେ ସେନ୍ ଜାନାଏ, ମାନେ ପାର୍ମେଶ୍ଵାର୍ ରାଃ ହୋନ୍ ୟୀଶୁ, ଦୋ ହିଜୁଃପେ, ଆବୁ ଆପାନାଃ ମାନାତିଙ୍ଗ୍ ରେୟାଃ ବିଶ୍ଵାସ୍ କେ କେଟେଃ ତେ ସାବ୍ କାଃବୁ।

2 ପାତ୍ରାସ୍ 3:17

ଏନାମେନ୍ତେ ହେ ଦୁଲାଡ଼୍‍କୋ, ଆପେ ସିଦା ଏତେ ଗି ନେ କାଜିକୋକେ ସାରିକେତେ ହୁସିୟାର ତାଇନ୍‍ପେ, ଏନାତେ ଆଧାର୍ମୀ କୋୱାଃ ହିହିଡ଼୍ ରେ ପାଶେ କେତେ ଆପେୟାଃ ବାଇକାନ୍ କେ ଆଲୋଜାଃ ଚିପେ ଆଦେୟା।