ଫିଲିପିୟ 3:9 - ମୁଣ୍ଡା ନାୱା ନିୟାମ୍

⁹ ହାର୍ ଏନାରେ ନାମୋଃଚାଇଙ୍ଗ୍; ଏନା ଏନ୍ ଧାରାମ୍ ହୋରା ତେ କାହା ଅକନାଃ ଇଙ୍ଗ୍ ମୁଶା ନାବୀ ରାଃ ଆଇନ୍ କେ ମାନାତିଙ୍ଗ୍ ତେ ମେନାଃ, ମେନ୍ଦୋ ଏନ୍ ଧାରାମ୍ ହୋରା ଲୋଃତେ ଅକନାଃ ମାସୀହ୍ ରେ ବିଶ୍ୱାସେ ରାଃ ଚାଲ୍ତେ ମେନାଃ ହାର୍ ପାର୍ମେଶ୍ଵାର୍ ପାଡ଼େତେ ବିଶ୍ଵାସ୍ ରେ ନାମୋଃୱା;

ପାର୍‌ମେଶ୍ୱାର୍‌ଆଃ ଜୀନିଦ୍‌ ବାଚାନ୍‌ ନାୱା ନିୟାମ୍‌

⁹ ଆଡଃ ଇନିଃଲଃ ପୁରାଃତେଇଙ୍ଗ୍‌ ମେସାକାନା । ଜେତା ଧାର୍‌ମାନ୍‌ ଆନ୍‌ଚୁ ମାନାତିଙ୍ଗ୍‌କେଦ୍‌ତେ ନାମ୍‌ ଦାଡ଼ିୟଃଆ, ଏନ୍‌ ଲେକାଦ ଜେତା ଧାର୍‌ମାନ୍‌ ଆଇଁୟାଃ ବାନଃଆ । ନାହାଁଃଦ ଆଇଁୟାଃ ଅକ ଧାର୍‌ମାନ୍‌ ମେନାଃ, ଏନା ଖ୍ରୀଷ୍ଟ୍‌କେ ବିଶ୍ୱାସ୍‌କେଦ୍‌ ହରାତେ ନାମାକାନା, ଏନାଦ ପାର୍‌ମେଶ୍ୱାର୍‌ତାଃଏତେ ହିଜୁଃଆ ଆଡଃ ବିଶ୍ୱାସ୍‌ତେ ହବାଅଃଆ ।

ଫିଲିପିୟ 3:9 Iomraidhean Croise

ମାତ୍ତିଉ 9:13

ଏନାଲାଗିନ୍ ଆପେ ସେନ୍ କେତେ ନେଣ୍ଡେରାଃ ମାନେ ଶିଖାଅନ୍ ପେ, ‘ଇଙ୍ଗ୍ ଦାଣେ କାହା, ମେନ୍ଦୋ ଦାୟା ସାନାଙ୍ଗ୍ ତାନାଇଙ୍ଗ୍।’ ଚିୟାଃଚି ଇଙ୍ଗ୍ ଧାର୍ମୀ କୋକେ କାହା, ମେନ୍ଦୋ ପାପୀକୋକେ କେଡ଼ା ଲାଗିନ୍ତେ ହିଜୁଃ କାନାଇଙ୍ଗ୍।”

ରୋମ୍‍ରେନ୍ 1:17

ଚିୟାଃଚି ସୁସାମାଚାର୍ ରେ ପାର୍ମେଶ୍ଵାର୍ ରାଃ ଧାରାମ୍ କାଜି ବିଶ୍ଵାସ୍ ରେ ଆଡୋଃ ବିଶ୍ଵାସ୍ ତାଇନୋଃ ସାନ୍ତେ ନେଲୋଗା, ଜେଲେକା ପାବିତାର୍ ପୁଥି ରେ ଅଲାକାନା, “ବିଶ୍ଵାସ୍ ରେ ଧାର୍ମୀ ହୋଡ଼ ଜୀହିଃ ତାଇନୋଗାଏ।”

ରୋମ୍‍ରେନ୍ 10:10

ଚିୟାଃଚି ଧାରାମ୍ ହୋରା ରେ ସେସେନ୍ ଲାଗିନ୍ତେ ମୋନ୍ ତେ ବିଶ୍ଵାସ୍ ଲାଗାତିଙ୍ଗ୍ଆ, ହାର୍ ବାଞ୍ଚାଅଃ ଲାଗିନ୍ତେ ମୋଚା ତେ ସ୍ଵୀକାର୍ ଲାଗାତିଙ୍ଗ୍ଆ।

ରୋମ୍‍ରେନ୍ 16:7

ଆନ୍ଦ୍ରୋନିକୁସ୍ ହାର୍ ୟୁନିୟାସ୍ କିନ୍‍କେ ଜୋହାର୍ ଅକନ୍‍କିନ୍ ଇଙ୍ଗ୍ଆଃ କୁଟୁମ୍ବ ତାନ୍‍କିନ୍ ହାର୍ କୁଲାକାନ୍ ଚେଲା କୋୱା ରେ ନୁତୁମାନ୍ ତାନ୍‍କିନ୍, ହାର୍ ଇଙ୍ଗ୍ଆଃ ତେ ସିଦା ରେ ଆକିନ୍ ମାସୀହ୍ ବାଇଲେନାକିନ୍।

ରୋମ୍‍ରେନ୍ 5:21

ଚି ଜେଲେକା ପାପ୍ ଗୋନୋଏଃ ରେ ରାଇଜ୍ କେଦାଏ, ଏନ୍ ଲେକାଗି ଆବୁୱାଃ ପ୍ରାଭୁ ୟୀଶୁ ମାସୀହ୍ ରାଃ ହୋରାତେ ଆନୁଗ୍ରାହ୍ ହଗି ଜାନାଓ ଜୀଦାନ୍ ଲାଗିନ୍ ଧାର୍ମୀ ବାଇତାନ୍ ଲୋଃ ରାଇଜ୍ ୟାଏ।

ରୋମ୍‍ରେନ୍ 8:1

ଏନାମେନ୍ତେ ନାଆ ଅକଏ ମାସୀହ୍ ୟୀଶୁ ରେ ମେନାଇୟା, ଇନ୍‍କୁରେ ଶାଜାଇ ରାଃ ଆନାଚୁ ବାନୋଃୱା। (ଚିୟାଃଚି ଇନ୍‍କୁ ପାପୀ ହୋଡ଼ମୋ ସାନାଙ୍ଗ୍ ଲେକାତେ ଦୋ କାହା ମେନ୍ଦୋ ଆତ୍ମା ଲେକାତେ ସେସେନ୍ ତାନାକୋ।)

ରୋମ୍‍ରେନ୍ 8:3

ଚିୟାଃଚି ଅକନ୍ କାମି ମୁଶା ନାବୀ ରାଃ ଆଇନ୍ ପାପୀ ହୋଡ଼ମୋ ରାଃ ଲେକାତେ କାଏ ଧାଡ଼ି କେଦାଏ, ଏନାକେ ପାର୍ମେଶ୍ଵାର୍ ରିକା କେଦାଏ, ମାନେ ଆଜାଃଗି ହୋନ୍‍କଡ଼ା କେ ପାପୀ ହୋଡ଼ ଲେକା ହାର୍ ଆବୁୱାଃ ପାପ୍ ରାଃ ଦାଣେ ବାଇଏନ୍ ଲାଗିନ୍ତେ କୁଲ୍ କେତେ, ହୋଡ଼ମୋ ରେ ପାପ୍ କେ ଶାଜାଇ ରାଃ ଆନାଚୁ ଏମ୍ କେଦାଏ।

୧ କରିନ୍ଥିୟ 1:30

ମେନ୍ଦୋ ଇନିଜାଃ ପାଡ଼େତେଗି ଆପେ ମାସୀହ୍ ୟୀଶୁ ରେ ମେନାପେୟା, ଅକନିଃ ପାର୍ମେଶ୍ଵାର୍ ପାଡ଼େତେ ଆବୁୱାଃ ଲାଗିନ୍ ସେଣା ହୋବାଜାନାଏ, ମାନେ ଧାରାମ୍, ହାର୍ ପାବିତାର୍, ଆଡୋଃ ଛୋଡ଼ାଓ;

୨ କରିନ୍ଥିୟ 5:17

ଏନାମେନ୍ତେ ଆଗାର୍ ଜାହାଁଏ ମାସୀହ୍ ରେ ମେନିଜା ଦୋ ଇନିଃ ନାୱା ସିର୍ଜାଅ କାନାଏ; ମାରି ବାକାଣ୍ କୋ ଛାବାଜାନା, ନେଲେପେ, ସବେନ୍ ବାକାଣ୍ ନାୱା ହୋବାଜାନା।

୨ କରିନ୍ଥିୟ 5:21

ଅକନିଃ ପାପ୍ କେ କାଏ ସାରି ତାଇନାଏ, ଇନିଃକେଗି ପାର୍ମେଶ୍ଵାର୍ ଆବୁୱାଃ ଲାଗିନ୍ ପାପ୍ ବାଇକେଦାଏ ଏନାତେ ଆବୁ ଇନିଃରେ ହୋବାକେତେ ପାର୍ମେଶ୍ଵାର୍ ରାଃ ଧାରାମ୍ ହୋଡ଼ ବାଇୟୋଃୱାବୁ।

ଗାଲାତିୟ 2:16

ଏଣ୍ଡେୟଗି ନେୟା ସାରିକେତେ ଚି ହୋଡ଼ ମୁଶା ନାବୀ ରାଃ ଆଇନ୍ ରାଃ କାମି କୋଏତେ କାହା, ମେନ୍ଦୋ ଏସ୍କାର୍ ୟୀଶୁ ମାସୀହ୍ ତାଃ ରେ ବିଶ୍ଵାସ୍ କେତେ ଧାର୍ମୀ ବାଇଏନ୍ ତାନାଏ। ଆବୁ ହଦୋ ମାସୀହ୍ ୟୀଶୁ ତାଃ ରେ ବିଶ୍ଵାସ୍ କେଦାବୁ, ଚି ଆବୁ ମୁଶା ନାବୀ ରାଃ ଆଇନ୍ ରାଃ କାମି କୋଏତେ କାହା, ମେନ୍ଦୋ ମାସୀହ୍ ତାଃ ବିଶ୍ଵାସ୍ ରିକାତେ ଧାର୍ମୀ ବାଇୟୋଃୱାବୁ, ଏନାମେନ୍ତେ ଚି ମୁଶା ନାବୀ ରାଃ ଆଇନ୍ ରାଃ କାମି କୋଏତେ ଜେତାଏ ଧାର୍ମୀ କାଏ ବାଇୟୋଃୱା।

ଫିଲିପିୟ 3:6

ଉତ୍ସାହ୍ ରାଃ ବିଷାୟ୍ ରେ କାଜି ରେଦୋ କାଲିସିୟା କେ ସାତାଅନିଃ; ଆଡୋଃ ମୁଶା ନାବୀ ରାଃ ଆଇନ୍ ରାଃ ଧାରାମ୍ ହୋରା ବିଷାୟ୍ ରେ କାଜି ରେଦୋ ବେଗାର୍ ଦୋଷ୍ କାନ୍ ତାଇକେନାଇଙ୍ଗ୍।

୨ ତିମଥି 1:9

ଅକନିଃ ଆବୁକେ ବାଞ୍ଚାଅ କେଃବୁଆଏ ହାର୍ ପାବିତାର୍ ଜୀଦାନ୍ ଜୀହିଦୋଃ ନାଙ୍ଗ୍ କେଡ଼ାକେଦାଏ, ହାର୍ ନେୟା ଆବୁୱାଃ ବୁଗିନ୍ କାମିକୋ ଲେକାତେ କାହା, ମେନ୍ଦୋ ଇନିଜାଃ ମୋନ୍ ରାଃ ସାନାଙ୍ଗ୍ ଲେକାତେ ହାର୍ ଏନ୍ ଆନୁଗ୍ରାହ୍ ଲେକାତେ ତାନାଃ ଅକନାଃ ମାସୀହ୍ ୟୀଶୁ ରେ ମୁନୁ ଏତେଗି ଆବୁୱାଃ ଚେତାନ୍ ରେ ହୋବାଜାନା,

ତିତସ୍‌ 3:5

ଇମ୍ତାଙ୍ଗ୍ ଇନିଃ ଆବୁକେ ବାଞ୍ଚାଅ କେଃବୁୱାଏ; ହାର୍ ନେୟା ଧାରାମ୍ ରାଃ କାମିକୋ ଲେକାତେ କାହା, ଅକନାଃ ଆବୁ କାମି କେଦାବୁ, ମେନ୍ଦୋ ଆଜାଃ ଦାୟା ରାଃ ଲେକାତେ ନାୱା ଜାନାମ୍ ରାଃ ଗାଦିଙ୍ଗ୍ଏନ୍ ହାର୍ ପାବିତାର୍ ଆତ୍ମା ଆବୁକେ ନାୱା ବାଇ ରାଃ ହୋରାତେ ହୋବାଜାନା।

ଇବ୍ରାନୀୟୋରେନ୍ 6:18

ଏନାତେ ବାରିୟା କାବାଦ୍‍ଲାଅଃ କାଜି ରାଃ ହୋରାତେ, ଏନାରେ ପାର୍ମେଶ୍ଵାର୍ ଲୋଗୋ କାଏ ଧାଡ଼ିୟାଏ, ଆବୁୱାଃ ମୋନ୍ ପୋକ୍ତା ତେ ସାହାସ୍ ସାବେକାଏ, ଆବୁଦୋ ନାଡ଼େଏ ରେ ତେୟାର୍ କାନ୍ ଆଶ୍ରା କେବୁ ସାବ୍‍ଜୋମା ମେନ୍ତେ ନିର୍ କାଦାବୁ।

ୟାକୁବ୍ 3:2

ଏନାମେନ୍ତେ ଚି ଆବୁ ସବେନ୍ କୋ ଥିମ୍ବାଗି କାଜି ରେ ଥୋଦୋଃ ତାନାବୁ; ଅକଏ ବାଚାନ୍ ରେ କାଏ ଥୋଦୋଃ ତାନାଏ ଇନିଃଗି ପୁରା ସାରିକାନ୍ ହୋଡ଼ ତାନିଃ; ଆଡୋଃ ଆଜାଃ ସବେନ୍ ହୋଡ଼ମୋ ଚେତାନ୍ ରେ ହଗି ଲାଗାମ୍ ଲାଗାଅ ଧାଡ଼ିୟାଏ।

2 ପାତ୍ରାସ୍ 1:1

ଶିମୋନ୍ ପାତ୍ରାସ୍ ପାଡ଼େତେ ଅକନିଃ ୟୀଶୁ ମାସୀହ୍ ରାଃ ଦାସୀ ହାର୍ କୁଲାକାନ୍ ଚେଲା ତାନିଃ, ଏନ୍ ହୋଡ଼ୋକୋୱାଃ ନୁତୁମ୍ ରେ ଅକନ୍‍କୋ ଆବୁୱାଃ ପାର୍ମେଶ୍ଵାର୍ ହାର୍ ବାଞ୍ଚାଅନିଃ ୟୀଶୁ ମାସୀହ୍ ରାଃ ଧାରାମ୍ ହୋରାତେ ଆବୁୱାଃ ଲେକା ଥିମ୍ବା ଗୋନୋଙ୍ଗାନ୍ ବିଶ୍ଵାସ୍ ନାମ୍ କାଦାକୋ।

1 ଯୋହାନ୍ 3:4

ଜାହାଁଏଗି ପାପ୍ ରିକା ତାନାଏ, ଇନିଃ ପାର୍ମେଶ୍ଵାର୍ ରାଃ ଆଇନ୍ ରାଃ ବିରୋଧ୍ ତାନାଏ, ହାର୍ ପାପ୍ ଦୋ ଆଇନ୍ ରାଃ ବିରୋଧ୍ ତାନାଃ।