ଫିଲିପିୟ 3:8 - ମୁଣ୍ଡା ନାୱା ନିୟାମ୍

⁸ ମେନ୍ଦୋ ଇଙ୍ଗ୍ ଇଙ୍ଗ୍ଆଃ ପ୍ରାଭୁ ମାସୀହ୍ ୟୀଶୁ ରାଃ ଉରୁମ୍ ରାଃ ବୁଗିନାଃ ଚାଲ୍ତେ ସବେନ୍ କାଜି କୋକେ ହାନି ବୁଝାଅଃ ତାନିଙ୍ଗ୍। ଅକନାଃ ଚାଲ୍ତେ ଇଙ୍ଗ୍ ସବେନ୍ ଜିନିଷ୍‍କୋ ରାଃ ହାନି ଉଠାଓକେଦାଇଙ୍ଗ୍, ଆଡୋଃ ଏନାକୋକେ କାତ୍ୱାର୍ ବୁଝାଅଃ ତାନିଙ୍ଗ୍, ଏନାତେଚି ଇଙ୍ଗ୍ ମାସୀହ୍ କେ ନାମିୟାଇଙ୍ଗ୍।

ପାର୍‌ମେଶ୍ୱାର୍‌ଆଃ ଜୀନିଦ୍‌ ବାଚାନ୍‌ ନାୱା ନିୟାମ୍‌

⁸ ଏନାକ ଏସ୍‌କାର୍‌ କାଗି, ଆଇଁୟାଃ ପ୍ରାଭୁ ୟୀଶୁ ଖ୍ରୀଷ୍ଟ୍‌କେ ସାରିକିଃ ହରାତେ ଅକନ୍‌ ପୁରାଃ ଗନଙ୍ଗ୍‌ଆଁନ୍‌ ସେଣାଁ ନାମାକାଦାଇଙ୍ଗ୍‌, ଏନାଲଃ ଜକାଲେରେ ଏଟାଃ ସବେନାଃକେ ଆଇଙ୍ଗ୍‌ ନାହାଁଃ ସାମାକାଜି ଲେକାଇଙ୍ଗ୍‌ ଆଟ୍‌କାରେତାନା । ଖ୍ରୀଷ୍ଟ୍‌କେ ନାମି ନାଗେନ୍ତେ ଆଇଙ୍ଗ୍‌ ସବେନାଃଇଙ୍ଗ୍‌ ବାଗିକାଦା,

ଫିଲିପିୟ 3:8 Iomraidhean Croise

ଲୁକା 1:43

ହାର୍ ଇଙ୍ଗ୍‍କେ ଥିମ୍ବାଗି ମାଇନାନ୍ ଲେକା ଆଟ୍‍କାରିଙ୍ଗ୍ ତାନା, ଇଙ୍ଗ୍ଆଃ ପ୍ରାଭୁ ଆଃ ଏଙ୍ଗା ଇଙ୍ଗ୍ ଲୋଃ ନାପାମ୍ ହିଜୁଃ ଜାନାଏ!

ଲୁକା 11:20

ମେନ୍ଦୋ ଆଗାର୍ ଇଙ୍ଗ୍ ପାର୍ମେଶ୍ଵାର୍ ରାଃ ପେଡ଼େଏ ତେ ବୋଙ୍ଗାଆତ୍ମା କୋକେ ଅଡୋଙ୍ଗ୍ କୋତାନାଇଙ୍ଗ୍, ଦୋ ପାର୍ମେଶ୍ଵାର୍ ରାଃ ରାଇଜ୍ ଆପେୟାଃ ନାଡ଼େଏ ହିଜୁଃ ସେଟେର୍ କାନା।

ଯୋହାନ୍ 14:20

ଏନ୍ ହୁଲାଙ୍ଗ୍ ଆପେ ସାରିୟାପେ ଚି ଇଙ୍ଗ୍ ଇଙ୍ଗ୍ଆଃ ଆବା ରେ ମେନାଇଙ୍ଗ୍‍ୟା, ହାର୍ତେ ଆପେ ଇଙ୍ଗ୍ଆଃ ରେ ହାର୍ ଇଙ୍ଗ୍ ଆପେୟାଃ ରେ।

ଯୋହାନ୍ 14:7

ଆଗାର୍ ଆପେ ଇଙ୍ଗ୍‍କେ ସାରିଲେନ୍ତେୟାଃପେ, ଦୋ ଇଙ୍ଗ୍ଆଃ ଆବା କେ ହଗି ସାରିତେପେ, ହାର୍ ନାଆ ଏତେ ଇନିଃକେ ସାରି ତାନାପେ ଆଡୋଃ ଇନିଃକେ ନେଲ୍ ହ କାଇଜାପେ।”

ଯୋହାନ୍ 16:3

ନେଲେକା ଇନ୍‍କୁ ନେୟା ନେଲାଗିନ୍ ରିକା ୟାକୋ ଚିୟାଃଚି ଇନ୍‍କୁ ନା ଆବା କେ ସାରିୟାକୋ ନା ଇଙ୍ଗ୍‍କେ ସାରିୟାକୋ।

ଯୋହାନ୍ 17:3

ହାର୍ ଜାନାଓ ଜୀଦାନ୍ ନେୟା ତାନାଃ ଚି ଇନ୍‍କୁ ଆମ୍‍କେ ମିୟାଃ ଭାଇର୍ ସାର୍ତି ପାର୍ମେଶ୍ଵାର୍ ମେନ୍ତେ ହାର୍ ଇଙ୍ଗ୍ ୟୀଶୁ ମାସୀହ୍ କେ ଅକନିଃକେ ଆମ୍ ଅତେ ରେ କୁଲ୍ କାଦିଙ୍ଗାମ୍, ସାରିକାକୋ।

ଯୋହାନ୍ 17:8

ଚିୟାଃଚି ଅକନ୍ ସାନ୍ଦେଶ୍ ଆମ୍ ଇଙ୍ଗ୍‍କେ ଏମ୍ କାଦିଙ୍ଗାମ୍, ଇଙ୍ଗ୍ ଏନାକୋକେ ଇନ୍‍କୁ ତାଃ ସେଟେର୍ ତାଦିଙ୍ଗ୍, ହାର୍ ଇନ୍‍କୁ ଏନା କୋକେ ବିଶ୍ଵାସ୍ କେଦାକୋ, ହାର୍ତେ ସାର୍ତି-ସାର୍ତି ସାରିକେଦାକୋ ଚି ଇଙ୍ଗ୍ ଆମାଃ ପାଡ଼େତେ ହିଜୁଃ କାନିଙ୍ଗ୍, ହାର୍ ବିଶ୍ଵାସ୍ କେଦାକୋ ଚି ଆମ୍ ଗି ଇଙ୍ଗ୍‍କେ କୁଲ୍ କାଦିଙ୍ଗାମ୍।

ଯୋହାନ୍ 20:13

ଇନ୍‍କୁ ଇନିଃକେ କାଜିକେଦାକୋ, “ହେ ମାଈ, ଆମ୍ ଚିନାଃ ମେନ୍ତେ ରାଆ ତାନାମ୍?” ଇନିଃ ଇନ୍‍କୁକେ କାଜିୟାଃକୋୱାଏ, “ଇନ୍‍କୁ ଇଙ୍ଗ୍ଆଃ ପ୍ରାଭୁ କେ ଉଠାଓ ଇଦିକେଦାକୋ ହାର୍ ଇଙ୍ଗ୍ କାଇଙ୍ଗ୍ ସାରିତାନା ଚି ଇନିଃକେ କୋତାଃ ରେ କୋ ମାଣ୍ଡାଅ କିଜାକୋ।”

ଯୋହାନ୍ 20:28

ନେୟା ଆୟୁମ୍‍କେତେ ଥୋମା କାଜିରୁଆଡ଼୍ କିଜାଏ, “ହେ ଇଙ୍ଗ୍ଆଃ ପ୍ରାଭୁ, ହେ ଇଙ୍ଗ୍ଆଃ ପାର୍ମେଶ୍ଵାର୍!”

କୁଲାକାନ୍ 20:24

ମେନ୍ଦୋ ଇଙ୍ଗ୍ ଇଙ୍ଗ୍ଆଃ ଜୀଉ ନାଙ୍ଗ୍ ଚିନାଃ ଅଗି କାଇଙ୍ଗ୍ ପାହୋମ୍ ତାନା ଚି ଏନାକେ ଦୁଲାଡ଼୍ ୟାଇଙ୍ଗ୍, ମେନ୍ଦୋ ନେୟା ଚି ଇଙ୍ଗ୍ ଚିଲ୍‍କା ତେ ଇଙ୍ଗ୍ଆଃ ନୀନିର୍ କେ ହାର୍ ଏନ୍ ସେୱା କେ ପୁରାୟାଇଙ୍ଗ୍ ଅକନାଃ ଚି ଇଙ୍ଗ୍ ଇଙ୍ଗ୍ଆଃ ପାର୍ମେଶ୍ଵାର୍ ରାଃ ଆନୁଗ୍ରାହ୍ ରାଃ ସୁସାମାଚାର୍ ରେ ଗୋୱା ଏମ୍ ଲାଗିନ୍ ପ୍ରାଭୁ ୟୀଶୁ ତେ ନାମ୍ କାଦାଇଙ୍ଗ୍।

ରୋମ୍‍ରେନ୍ 8:18

ଚିୟାଃଚି ଇଙ୍ଗ୍ ସାର୍ତିଗୀ ଆଟ୍‍କାର୍ ତାନିଙ୍ଗ୍ ଚି ନେ ସାମାୟ୍ ରାଃ ଦୁକୁ ଆଡୋଃ ସାସାତି ଏନ୍ ମାନାରାଙ୍ଗ୍ ରାଃ ନାଡ଼େଏ ରେ ଏନା ଜାହାନାଃ ହ ନାହାଲା, ଅକନାଃ ଆବୁ କେ ନେଲୋଗା।

ରୋମ୍‍ରେନ୍ 8:39

ଈକିର୍ କାହା, ହାର୍ ଏଟାଃ ଜେତାନ୍ ସିର୍ଜାଅ ଆବୁକେ ପାର୍ମେଶ୍ଵାର୍ ରାଃ ଦୁଲାଡ଼୍ ତେ ଅକନାଃ ଆବୁୱାଃ ପ୍ରାଭୁ ମାସୀହ୍ ୟୀଶୁ ରେ ମେନାଃ କାଏ ଗେନା ଧାଡ଼ିୟାଏ।

୧ କରିନ୍ଥିୟ 2:2

ଚିୟାଃଚି ଇଙ୍ଗ୍ ନେୟା ପାହୋମ୍ ଛାବା ଲେଦାଇଙ୍ଗ୍ ଚି ଆପେୟାଃ ଥାଲାରେ ୟୀଶୁ ମାସୀହ୍, ମାନେ କ୍ରୁଶ୍ ରେ ଗୋଜାକାନ୍ ୟୀଶୁ ମାସୀହ୍ କେ ବାଗିକେତେ ଆଡୋଃ ଜେତାନ୍ ବିଷାୟ୍ କେ କାଇଙ୍ଗ୍ କାଜିୟା।

୧ କରିନ୍ଥିୟ 9:10

ଚି ବିଶେଷ୍ କେତେ ଆବୁ ଲାଗିନ୍ ଗି କାଜି ତାନାଏ। ହାଁ, ଆବୁୱାଃ ଲାଗିନ୍ତେ ଗି ଅଲାକାନା, ଚିୟାଃଚି ନେୟା ଠାଉକା ତାନାଃ ଚି ଶିୟୁଃ ନିଃ ଆଶ୍ରା ତେ ଶିୟୁଃ ଚାଏ, ହାର୍ ଦାଉଁରି ନିଃ ହାନାଟିଙ୍ଗ୍ ନାମ୍ ଆଶ୍ରା ତେ ଦାଉଁରି କାଏ।

୨ କରିନ୍ଥିୟ 4:4

ହାର୍ ଏନ୍ ଆବିଶ୍ଵାସୀ କୋ ଲାଗିନ୍, ଅକନ୍ କୋୱାଃ ସେଣା କେ ନେ ଅତେଦିଶୁମ୍ ରେନ୍ ଇଶ୍ୱାର୍ ଆନ୍ଧା କାଦାଏ, ଏନାତେ ମାସୀହ୍ ଅକନିଃ ପାର୍ମେଶ୍ଵାର୍ ରାଃ ଛାପା ତାନିଃ, ଇନିଜାଃ ଯୁନୁଲାନ୍ ସୁସାମାଚାର୍ ରାଃ ମାସ୍କାଲ୍ ଇନ୍‍କୁୱାଃ ରେ ଆଲୋ ନେଲୋଃକା।

୨ କରିନ୍ଥିୟ 4:6

ଏନାମେନ୍ତେ ଚି ପାର୍ମେଶ୍ଵାର୍ ଗି ତାନିଃ, ଅକନିଃ କାଜିକେଦାଏ, “ନୁବାଃ ଏତେ ମାସ୍କାଲ୍ ଜୁଲୋଃକା,” ହାର୍ ଇନିଃଗି ଆବୁୱାଃ ହିର୍‍ଦାୟ୍ ରେ ଜୁଲ୍ ଜାନାଏ, ଏନାତେ ପାର୍ମେଶ୍ଵାର୍ ରାଃ ମାନାରାଙ୍ଗ୍ ରାଃ ଉରୁମ୍ ରାଃ ମାସ୍କାଲ୍ ୟୀଶୁ ମାସୀହ୍ ରାଃ ମେଏଃମୁହାଡ଼୍ ତେ ମାସ୍କାଲ୍ ଅଃକା।

ଗାଲାତିୟ 1:16

ଚିମ୍ତା ସାନାଙ୍ଗ୍ ହୋବାଜାନା ଚି ଇଙ୍ଗ୍ଆଃ ରେ ଆଜାଃ ହୋନ୍‍କଡ଼ା କେ ଉଦୁବିଙ୍ଗାଏ ଚି ଇଙ୍ଗ୍ ଏଟାଃଜାତି କୋରେ ଇନିଜାଃ ସୁସାମାଚାର୍ ଉଦୁବେୟାଇଙ୍ଗ୍; ଇମ୍ତା ଇଙ୍ଗ୍ ଜେତାନ୍ ହୋଡ଼ ଲୋଃ ସାଲାହ୍ କାଇଙ୍ଗ୍ ଇଦିକେଦା।

ଏଫିସିୟ 4:13

ଚିମିନ୍ ସାନ୍ତେ ଆବୁ ସବେନ୍ କୋ ବିଶ୍ଵାସ୍ ହାର୍ ପାର୍ମେଶ୍ଵାର୍ ରାଃ ହୋନ୍ ରାଃ ନେଲ୍ ଉରୁମ୍ ରେ ମିଃ କାବୁ ବାଇୟେନ୍ ତାନା, ହାର୍ ମିୟାଃ ପୁରାଃ ପୋକ୍ତା ହୋଡ଼ କାବୁ ବାଇୟେନ୍ ତାନା ହାର୍ ମାସୀହ୍ ରାଃ ସବେନ୍ ଫେରେଃକାନ୍ ତେ କାବୁ ଫେରେଃ ଇଦିଅଃତାନା।

ଫିଲିପିୟ 1:1

ମାସୀହ୍ ୟୀଶୁ ରାଃ ଦାସୀ ପାଉଲୁସ୍ ହାର୍ ତିମୁଥିୟୁସ୍ ଆଃ ପାଡ଼େତେ ସବେନ୍ ପାବିତାର୍ ହୋଡ଼ୋକୋୱାଃ ନୁତୁମ୍ ରେ ଅକନ୍‍କୋ ମାସୀହ୍ ୟୀଶୁ ରେ ହୋବାକେତେ ଫିଲିପ୍ପି ସାହାର୍ ରେ ତାଇନ୍ ତାନାକୋ, ହାର୍ ବିଶାପ୍ କୋକେହ ଆଡୋଃ ସବେନ୍ ଦାସୀ କୋକେହ,

ଫିଲିପିୟ 3:10

ଏନାତେ ଇଙ୍ଗ୍ ମାସୀହ୍ କେ ଆଡୋଃ ଇନିଜାଃ ଜୀବିନିରିଦ୍ ରାଃ ପେଡ଼େଏ କେ, ଆଡୋଃ ଇନିଃ ଲୋଃ ଦୁକୁ କୋରେ ମେଶାନ୍ ରାଃ ମାନେ କେ ସାରିୟାଇଙ୍ଗ୍, ଆଡୋଃ ଇନିଜାଃ ଗୋନୋଏଃ ରେ ଆଜାଃ ଲେକା ହୋବାୱାଇଙ୍ଗ୍।

ଫିଲିପିୟ 3:12

ନେୟା ରାଃ ମାନେ କାହା ଚି ଇଙ୍ଗ୍ ନାମ୍ ଛାବା କେଦାଇଙ୍ଗ୍ ୟାଦୋ ପୁରା ଜାନାଇଙ୍ଗ୍; ମେନ୍ଦୋ ଏନ୍ ଜିନିଷ୍ କେ ସାସାବ୍ ଲାଗିନ୍ତେ ନିର୍ ସେନୋଃ ତାନିଙ୍ଗ୍, ଅକନାଃ ଲାଗିନ୍ ମାସୀହ୍ ୟୀଶୁ ଇଙ୍ଗ୍‍କେ ସାବ୍ ଲିଦିଙ୍ଗ୍‍ୟାଏ।

ଫିଲିପିୟ 3:7

ମେନ୍ଦୋ ଅକନ୍-ଅକନ୍ କାଜି ଇଙ୍ଗ୍ଆଃ ଲାଭ ଲାଗିନ୍ ତାଇକେନା, ଏନାକୋକେ ଗି ଇଙ୍ଗ୍ ମାସୀହ୍ ରାଃ ଲାଗିନ୍ ହାନି ବୁଝାଅ ଜାନାଇଙ୍ଗ୍।

୨ ତିମଥି 4:6

ଚିୟାଃଚି ନାଆ ଇଙ୍ଗ୍ ଦାଣେ ଲେକା ଦୁଲୋଃ ଲାଗିନ୍ ସେକାଡ଼୍ କାନିଙ୍ଗ୍, ହାର୍ ଇଙ୍ଗ୍ଆଃ ସେନୋଃ ସାମାୟ୍ ହିଜୁଃ ସେଟେର୍ କାନା।

ଇବ୍ରାନୀୟୋରେନ୍ 3:14

ଚିୟାଃଚି ଆବୁ ମାସୀହ୍ ରାଃ ହାନାଟିଙ୍ଗ୍ ହୋବାକାନାବୁ, ଆଗାର୍ ଆବୁ ଆବୁୱାଃ ସିଦା ରାଃ ଭାରୋସା ରେ ଟୁଣ୍ଡୁ ସାନ୍ତେ କେଟେଃ ତେ ବାଇକେତେ ତାଇନୋଃତାନାବୁ।

1 ପାତ୍ରାସ୍ 2:7

ଏନାତେ, ଆପେୟାଃ ଲାଗିନ୍ ଅକନ୍‍କୋ ବିଶ୍ଵାସ୍ ତାନାପେ ନେୟା ଗୋନୋଙ୍ଗାନ୍ ଦିରି ତାନାଃ, ମେନ୍ଦୋ ଅକନ୍‍କୋ କାକୋ ବିଶ୍ଵାସ୍ ତାନା ଇନ୍‍କୁ ନାଙ୍ଗ୍, “ଅକନ୍ ଦିରି କେ ରାଜମିସ୍ତ୍ରୀ କୋ ଏଣ୍ଡାଃ ଲେଦାକୋ, ଏନାଗି କୋନା ରାଃ ମୁଖ୍ୟା ନେଓ-ଦିରି ହୋବାଜାନା,”

2 ପାତ୍ରାସ୍ 1:2

ପାର୍ମେଶ୍ଵାର୍ ପାଡ଼େତେ ହାର୍ ଆବୁୱାଃ ପ୍ରାଭୁ ୟୀଶୁ ରାଃ ନେଲ୍ଉରୁମ୍ ରାଃ ହୋରାତେ ଆନୁଗ୍ରାହ୍ ହାର୍ ଜୀଉସୁକୁ ଆପେ ରେ ଥିମ୍ବା ତେଗି ହାରା ଇଦିଅଃକା।

2 ପାତ୍ରାସ୍ 1:3

ଚିୟାଃଚି ଇନିଜାଃ ପାର୍ମେଶ୍ଵାର୍ ପେଡ଼େଏ ସବେନାଃ କେ ଅକନାଃ ଜୀଦାନ୍ ହାର୍ ଭାକ୍ତି ରେ ଲାଗାତିଙ୍ଗ୍, ଆବୁକେ ଇନିଜାଃ ଗି ନେଲ୍ଉରୁମ୍ ହୋରାତେ ଏମାକାଃ ବୁୱାଏ, ଅକନିଃ ଆବୁକେ ଆଜାଃ ଗି ମାନାରାଙ୍ଗ୍ ହାର୍ ବୁଗିନ୍ ଗୁନ୍ ରାଃ ହୋରାତେ କେଡ଼ା କାଃବୁୱାଏ।

2 ପାତ୍ରାସ୍ 1:8

ଚିୟାଃଚି ଆଗାର ନେ ବାକାଣ୍ କୋ ଆପେୟାଃ ତାଃରେ ନାଆ ତାଇନୋଃ ରେଦୋ ହାର୍ ହାରା ଇଦିଅଃତାନା, ଦୋ ଆପେକେ ଆବୁୱାଃ ପ୍ରାଭୁ ୟୀଶୁ ମାସୀହ୍ ରାଃ ନେଲ୍ଉରୁମ୍ ରେ ସାମାଗୀ ହାର୍ କାଯୋଅକାନ୍ ଲେକା କାଏରିକାପେୟାଏ।

2 ପାତ୍ରାସ୍ 3:18

ମେନ୍ଦୋ ଆବୁୱାଃ ପ୍ରାଭୁ ଆଡୋଃ ବାଞ୍ଚାଅନିଃ ୟୀଶୁ ମାସୀହ୍ ରାଃ ଆନୁଗ୍ରାହ୍ ଆଡୋଃ ଉରୁମ୍ ରେ ମାରାଙ୍ଗ୍ ଇଦିଅଃପେ। ଇନିଜାଃ ଗି ମାନାରାଙ୍ଗ୍ ନାଆ ହଗି ହୋବାଅଃକା, ଆଡୋଃ ଜାନାଓ-ଜାନାଓ ଜାକେଦ୍ ହୋବାକାତୋଃକା। ଆମୀନ୍।

1 ଯୋହାନ୍ 1:3

ଅକନାଃକେ ଆଲେ ନେଲ୍ କେଦାଲେ ହାର୍ ଆୟୁମ୍ କେଦାଲେ ଏନାରାଃ ସାମାଚାର୍ ଆପେ କେହ ଏମ୍ ତାନାଲେ, ଏନାମେନ୍ତେ ଚି ଆପେ ହ ଆଲେ ଲୋଃ ମିଃରେ ତାଇନୋଃପେ, ହାର୍ ଆବୁୱାଃ ନେ ମିଃରେ ତାଇନୋଃ ଆପୁ ଲୋଃ ହାର୍ ଇନିଜାଃ ହୋନ୍ ୟୀଶୁ ମାସୀହ୍ ଲୋଃ ମେନାଃ।

1 ଯୋହାନ୍ 2:19

ଇନ୍‍କୁ ଦୋ ଆବୁତେଗି ଅଡୋଙ୍ଗ୍ କାନାକୋ, ମେନ୍ଦୋ ଆବୁ ଥାଲା ରେନ୍ କାକୋ ତାଇନ୍ କେନା, ଚିୟାଃଚି ଆଗାର୍ ଇନ୍‍କୁ ଆବୁୱାଃ ଥାଲା ରେନ୍ କୋ ତାଇନ୍‍ତେ, ଏଣ୍ଡେ ଦୋ ଆବୁଲୋଃ ତାଇନ୍ ଜାନ୍ତେ, ମେନ୍ଦୋ ନେୟାଲାଗିନ୍ତେ ଅଡୋଙ୍ଗ୍ ଜାନାକୋ ଚି ନେୟା ଉଦୁବୋଃକା ଚି ଇନ୍‍କୁ ସବେନ୍ ଆବୁ ଥାଲା ରେନ୍ କୋଏତେ ନାହାଲାକୋ।

1 ଯୋହାନ୍ 5:20

ଆବୁ ନେୟା ହଗି ସାରିତାନାବୁ ଚି ପାର୍ମେଶ୍ଵାର୍ ରାଃ ହୋନ୍ ହିଜୁଃକାନାଏ ହାର୍ ଇନିଃ ଆବୁକେ ସେଣା ଏମ୍ କାଦାଏ ଚି ଆବୁ ଏନ୍ ସାର୍ତି ପାର୍ମେଶ୍ଵାର୍ କେ ନେଲ୍ଉରୁମିକାବୁ; ହାର୍ ଆବୁ ଏଣ୍ତେରେ ଅକନ୍ ସାର୍ତି ମେନାଃ, ମାନେ ଇନିଜାଃ ହୋନ୍‍କଡ଼ା ୟୀଶୁ ମାସୀହ୍ ରେ ତାଇନୋଃ ତାନାବୁ। ସାର୍ତି ପାର୍ମେଶ୍ଵାର୍ ହାର୍ ଜାନାଓ ଜୀଦାନ୍ ନେୟାଗି ତାନାଃ।