ଫିଲିପିୟ 3:6 - ମୁଣ୍ଡା ନାୱା ନିୟାମ୍

⁶ ଉତ୍ସାହ୍ ରାଃ ବିଷାୟ୍ ରେ କାଜି ରେଦୋ କାଲିସିୟା କେ ସାତାଅନିଃ; ଆଡୋଃ ମୁଶା ନାବୀ ରାଃ ଆଇନ୍ ରାଃ ଧାରାମ୍ ହୋରା ବିଷାୟ୍ ରେ କାଜି ରେଦୋ ବେଗାର୍ ଦୋଷ୍ କାନ୍ ତାଇକେନାଇଙ୍ଗ୍।

ପାର୍‌ମେଶ୍ୱାର୍‌ଆଃ ଜୀନିଦ୍‌ ବାଚାନ୍‌ ନାୱା ନିୟାମ୍‌

⁶ ଆଡଃ ଆଇଁୟାଃ ଚିହୁଲ୍‌ଲେନ୍‌ କାଜି ମେନାଃରେଦ, ଆଇଙ୍ଗ୍‌ ମିହୁଡ଼୍‌ କାଲିସିୟାକେ ସିଗିଦି ହଡ଼ ତାଇକେନାଇଙ୍ଗ୍‌ । ଆନ୍‌ଚୁ ମାନାତିଙ୍ଗ୍‌କେଦ୍‌ ହରାତେ ମିହୁଡ଼୍‌ ହଡ଼ ଧାର୍‌ମାନ୍‌ ହବାଦାଡ଼ିୟଃରେଦ ଆଇଙ୍ଗ୍‌ ବେଗାର୍‌ ଚିଟାଅଃନିଃ ତାଇକେନାଇଙ୍ଗ୍‌ ।

ଫିଲିପିୟ 3:6 Iomraidhean Croise

ମାତ୍ତିଉ 23:25

“ହେ ଆଇନ୍ ଗୁରୁକୋ ହାର୍ ଫାରିସୀ ହୋଡ଼ୋକୋ ଆପେ ବେଦାହୋଡ଼ୋକୋ, ଆପେୟାଃ ଚେତାନ୍ ରେ ହାୟ୍! ଆପେ ଡୁଭ୍‍ନୀ ହାର୍ ଥାଡ଼ିୟା ଲେକାନ୍ ହୋଡ଼ୋକୋ ତାନ୍‍ପେ ଅକନାଃ କେ ଚେତାନ୍-ଚେତାନ୍ ଦୋପେ ଗାସାର୍ ଏୟା ମେନ୍ଦୋ ଏନା ଭିତାର୍ ରେ ମାଇଲା ତାଇନା ଏନ୍ ଲେକାଗି ଆପେ ହୋଡ଼ୋକୋୱାଃ ନେପେଲ୍ ତେଦୋ ବୁଗିନ୍ ନେଲୋଃୱାପେ ମେନ୍ଦୋ ମୋନ୍ ତେ ଲୋଭୀ ହାର୍ ସ୍ଵାର୍ଥୀ ତେ ଫେରେଃ କାନାପେ।

ମାତ୍ତିଉ 5:20

ଚିୟାଃଚି ଇଙ୍ଗ୍ ଆପେକେ କାଜିତାନିଙ୍ଗ୍, ଚି ଆଗାର୍ ଆପେୟାଃ ଧାରାମ୍-କାମି ଆଇନ୍ ଗୁରୁ କୋୱାଃ ହାର୍ ଫାରିସୀ ହୋଡ଼ୋକୋୱାଃ ଧାରାମ୍-କାମି ତେ ବାଢ଼ାଅ କେତେ କା ହୋବାଅଃ ରେ, ଏଣ୍ଡେ ଆପେ ସିର୍ମାଦିଶୁମ୍ ରାଃ ରାଇଜ୍ ରେ ଚିଉଲା ହ ବୋଲୋ କାପେ ଧାଡ଼ିୟା।

ଲୁକା 1:6

ଇନ୍‍କିନ୍ ବାରାନ୍ କିନ୍ ପାର୍ମେଶ୍ଵାର୍ ରାଃ ନେନେଲ୍ ରେ ଧାର୍ମୀ ତାଇକେନାକିନ୍, ଆଡୋଃ ପ୍ରାଭୁ ରାଃ ସବେନ୍ ଆନାଚୁ କୋକେ ହାର୍ ନିୟାମ୍ କୋକେ ବେଗାର୍ ଗାଲ୍ତି କେତେ ମାନାତିଙ୍ଗ୍ ତାଇକେନାକିନ୍।

କୁଲାକାନ୍ 21:20

ଇନ୍‍କୁ ନେୟା ଆୟୁମ୍ କେତେ ପାର୍ମେଶ୍ଵାର୍ ରାଃ ମାନାରାଙ୍ଗ୍ କେଦାକୋ। ଏନ୍ତେ ଇନ୍‍କୁ ପାଉଲୁସ୍ କେ କାଜିକିଜାକୋ, “ହେ ହାଗା, ଆମ୍ ନେଲ୍ ତାନାମ୍ ଚି ୟାହୁଦୀକୋ ଏତେ ଚିମିନ୍ ହାଜାର୍ ହୋଡ଼ୋକୋ ବିଶ୍ଵାସ୍ କେଦାକୋ, ହାର୍ ସବେନ୍ କୋ ମୁଶା ନାବୀ ରାଃ ଆଇନ୍ ରେ ମୋନ୍ ଲାଗାଅ କାଦାକୋ।

କୁଲାକାନ୍ 22:5

ନେ କାଜି ରାଃ ବିଷାୟ୍ ରେ ମାରାଙ୍ଗ୍ ୟାଜାକ୍ ହାର୍ ସବେନ୍ ମାରାଙ୍ଗ୍‍ସାଭା ରେନ୍ ମାରିହୋଡ଼ୋକୋ ଗୋୱା ତାନ୍‍କୋ। ଇନ୍‍କୁ ତାଃତେ ଇଙ୍ଗ୍ ୟାହୁଦୀ ହାଗାକୋୱାଃ ନୁତୁମ୍ ରେ ଚିଠି ଇଦିକେତେ ଦାମେଶ୍କସ୍ ସାହାର୍ ତେ ସେନ୍ ତାଇକେନାଇଙ୍ଗ୍ ଚି ଅକନ୍‍କୋ ହେନ୍ତାଃ ରେ ତାଇନାକୋ ଇନ୍‍କୁକେ ହ ଦାଣ୍ଡ୍ ଏମାକୋଲାଗିନ୍ ତେ ଥୋଲ୍ କେତେ ୟୀରୁଶାଲେମ୍ ଆଉ କୋୱାଇଙ୍ଗ୍।

କୁଲାକାନ୍ 26:5

ଆଗାର୍ ଇନ୍‍କୁ ଗୋୱା ଏମ୍ ସାନାଙ୍ଗ୍ତାନ୍ ରେଦୋ, ମିଃ ସିଟିୟା ତେ ଇଙ୍ଗ୍‍କେ ଉରୁମିଙ୍ଗ୍ ୟାକୋ ଚି ଇଙ୍ଗ୍ ଫାରିସୀ ହୋଡ଼ ତାଇକେତେ ଆଲେୟାଃ ଧାରାମ୍ ରାଃ ସବେନ୍ ଏତେ କେଟେଃ ହୋରା ଲେକାତେ ସେସେନ୍ କେନାଇଙ୍ଗ୍।

କୁଲାକାନ୍ 8:3

ଶାଉଲ୍ କାଲିସିୟା କୋକେ ସାତାଅ କୋତାଇକେନାଏ, ହାର୍ ଅଡ଼୍ଆଃ-ଅଡ଼୍ଆଃ ବୋଲୋ କେତେ କଡ଼ାକୋକେ ଆଡୋଃ କୁଡ଼ିକୋକେ ଅର୍-ଅର୍ କେତେ ବାନ୍ଦିଅଡ଼୍ଆଃ ରେ ଆଦେର୍ କୋତାଇନାଏ।

ରୋମ୍‍ରେନ୍ 7:9

ଇଙ୍ଗ୍ ଦୋ ସିଦା ବେଗାର୍ ମୁଶା ନାବୀ ରାଃ ଆଇନ୍ ତେ ଜୀହିଃ ତାଇକେନାଇଙ୍ଗ୍, ମେନ୍ଦୋ ଚିମ୍ତାଙ୍ଗ୍ ଆନାଚୁ ହିଜୁଃଜାନା, ଦୋ ପାପ୍ ଜୀହିଃ ଜାନାଏ, ହାର୍ ଇଙ୍ଗ୍ ଗୋଏଃ ଜାନାଇଙ୍ଗ୍।

୧ କରିନ୍ଥିୟ 10:32

ଆପେ ଜେତାୟାଃ ବିଶ୍ଵାସ୍ ବାଗେ ରାଃ କାରାନ୍ ଆଲୋପେ ବାଇୟୋଃୱା ୟାହୁଦୀକୋ ନାଙ୍ଗ୍ କାହା, ୟୁନାନୀ ହୋଡ଼ୋକୋ ନାଙ୍ଗ୍ କାହା ହାର୍ ପାର୍ମେଶ୍ଵାର୍ ରାଃ କାଲିସିୟା ନାଙ୍ଗ୍ ହ କାହା।

୧ କରିନ୍ଥିୟ 15:9

ଚିୟାଃଚି ଇଙ୍ଗ୍ କୁଲାକାନ୍ ଚେଲା କୋଏତେ ସବେନ୍ ଏତେ ହୁଡିଙ୍ଗ୍ ତାନିଙ୍ଗ୍, ମେନ୍ଦୋ କୁଲାକାନ୍ ଚେଲା କାଜିୟୋଃ ଲେକାନିଃ ହ ନାହାଲାଇଙ୍ଗ୍, ଚିୟାଃଚି ଇଙ୍ଗ୍ ପାର୍ମେଶ୍ଵାର୍ ରାଃ କାଲିସିୟା କେ ସାତାଅ ଲେଦାଇଙ୍ଗ୍।

ଫିଲିପିୟ 2:15

ଏନାତେ ଆପେ ନିର୍ଦୋଷ୍ ହାର୍ ସୋଜ୍ ହୋଡ଼ ହୋବାକେତେ ଟେଢ଼ା ଆଡୋଃ ଖାରାପ୍ ହୋଡ଼ୋକୋୱାଃ ଥାଲା ରେ ପାର୍ମେଶ୍ଵାର୍ ରାଃ ବୁଗିନ୍ ହୋନ୍ ବାଇଏନ୍ ପେ, ଅକନ୍ କୋୱାଃ ଥାଲା ରେ ଆପେ ଜୀଦାନ୍ ରାଃ ବାଚାନ୍ ଇଦିତାନ୍ ଲୋଃ ଅତେଦିଶୁମ୍ ରେ ଜୁଲୋଃତାନ୍ ମାସ୍କାଲ୍ କୋଲେକା ମାସ୍କାଲୋଃ ତାନାପେ।

ଫିଲିପିୟ 3:9

ହାର୍ ଏନାରେ ନାମୋଃଚାଇଙ୍ଗ୍; ଏନା ଏନ୍ ଧାରାମ୍ ହୋରା ତେ କାହା ଅକନାଃ ଇଙ୍ଗ୍ ମୁଶା ନାବୀ ରାଃ ଆଇନ୍ କେ ମାନାତିଙ୍ଗ୍ ତେ ମେନାଃ, ମେନ୍ଦୋ ଏନ୍ ଧାରାମ୍ ହୋରା ଲୋଃତେ ଅକନାଃ ମାସୀହ୍ ରେ ବିଶ୍ୱାସେ ରାଃ ଚାଲ୍ତେ ମେନାଃ ହାର୍ ପାର୍ମେଶ୍ଵାର୍ ପାଡ଼େତେ ବିଶ୍ଵାସ୍ ରେ ନାମୋଃୱା;

୧ ତିମଥି 1:13

ଇଙ୍ଗ୍ ଦୋ ସିଦା ନିନ୍ଦା ରିକାନିଃ, ହାର୍ ବିଶ୍ଵାସୀକୋକେ ସାତାଅକୋ ତାଇନାଇଙ୍ଗ୍, ହାର୍ ଦୁକୁ ଏମ୍‍କୋ ତାଇନାଇଙ୍ଗ୍; ଏଣ୍ଡେ ହ ଇଙ୍ଗ୍ଆଃ ଚେତାନ୍ ରେ ଦାୟା ହୋବାନା, ଚିୟାଃଚି ଇଙ୍ଗ୍ କାବିଶ୍ଵାସ୍ ରାଃ ହୋରାତେ କାବୁଝାଅ-ସୁଝାଅ ନେ କାମି ରିକାଲେଦାଇଙ୍ଗ୍।