ଫିଲିପିୟ 3:20 - ମୁଣ୍ଡା ନାୱା ନିୟାମ୍

²⁰ ମେନ୍ଦୋ ଆବୁୱାଃ ଦିଶୁମ୍ ଦୋ ସିର୍ମାଦିଶୁମ୍ ରେୟା; ଆଡୋଃ ଆବୁ ମିୟାଃ ବାଞ୍ଚାଅନିଃ ପ୍ରାଭୁ ୟୀଶୁ ମାସୀହ୍ କେ ଏନ୍ତାଃ ଏତେ ହିଜୁଃ ରାଃ ହୋରା କେବୁ ନେଲ୍ ତାନା।

ପାର୍‌ମେଶ୍ୱାର୍‌ଆଃ ଜୀନିଦ୍‌ ବାଚାନ୍‌ ନାୱା ନିୟାମ୍‌

²⁰ ଏନା ଜାହାନାଃଗି ହବାଅଃକା, ଆବୁ ସିର୍ମା ଦିଶୁମ୍‌ରେନ୍‌କ ତାନ୍‌ବୁ, ସିର୍ମାଏତେ ଆବୁଆଃ ବାଞ୍ଚାଅନିଃ ପ୍ରାଭୁ ୟୀଶୁ ଖ୍ରୀଷ୍ଟ୍‌ଆଃ ହିନିଜୁଃକେ ନେଲ୍‌ ହରାତାନାବୁ ।

ଫିଲିପିୟ 3:20 Iomraidhean Croise

ମାତ୍ତିଉ 19:21

ୟୀଶୁ କାଜିକେଦାଏ, “ଆମ୍ ପୁରାଃଗି ଠିକ୍ ହୋବାଅଃ ସାନାଙ୍ଗ୍ ତାନାମ୍ ରେଦୋ ଜୁ ଆମାଃ ସାମ୍ପାତି ଆଖ୍ରିଙ୍ଗ୍ କେତେ ଗାରିବ୍ କୋକେ ଏମାକୋମ୍ ଆଡୋଃ ଏନାରେ ଆମ୍ ସିର୍ମାଦିଶୁମ୍ ରେ କିଶାଣ୍ ବାଇୟୋଗାମ୍ ହାର୍ ହିଜୁଃକେତେ ଇଙ୍ଗ୍‍କେ ଅତୋଙ୍ଗିଙ୍ଗ୍ ମେ।”

ଲୁକା 12:21

ଏନ୍‍ଲେକାଗି ଏନ୍ ହୋଡ଼ ହଗି ତାନିଃ ଅକଏ ଆଜାଃ ଲାଗିନ୍ ଧାନ୍ ହୁଣ୍ଡିତାନାଏ, ମେନ୍ଦୋ ପାର୍ମେଶ୍ଵାର୍ ରାଃ ନେପେଲ୍ ରେ ଧାନୀ ନାହାଲାଏ।”

ଲୁକା 14:14

ଏଣ୍ଡେ ଆମ୍ ଆଶିଷ୍ ନାମେୟାମ୍, ଚିୟାଃଚି ଇନ୍‍କୁ ତାଃ ରେ ଆମ୍‍କେ ବାଦ୍‍ଲା ଏମେଲାଗିନ୍ ଜେତ୍ନାଃ ବାନୋଃ, ମେନ୍ଦୋ ଆମ୍‍କେ ଧାର୍ମୀ କୋୱାଃ ଜୀବିନିରିଦ୍ ରେ ନେୟା ରାଃ ଯଅ ନାମୋଗା।”

କୁଲାକାନ୍ 1:11

ଆଡୋଃ ଇନ୍‍କୁକେ କାଜିକେଦାକୋ, “ହେ ଗାଲିଲୀ ଜିଲ୍ଲା ରେନ୍ ହୋଡ଼ୋକୋ, ଆପେ ଚିନାଃ ମେନ୍ତେ ତିଙ୍ଗୁ କେତେ ରିମିଲ୍‍ଦିଶୁମ୍ ପାଡ଼୍ ନେଲ୍ ତାନାପେ? ନେ ୟୀଶୁ ଗି ଅକନିଃ ଆପେ ନାଡ଼େଏ ତେ ସିର୍ମାଦିଶୁମ୍ ରେ ଇଦି ଜାନାଏ, ଜେଲେକା ତେ ଆପେ ଇନିଃକେ ସିର୍ମାଦିଶୁମ୍ ସେନ୍‍ତାନ୍ ନେଲ୍ କିଜାପେ ଏନ୍‍ଲେକାଗି ଇନିଃ ଆଡୋଃଗି ହିଜୁଗାଏ।”

୧ କରିନ୍ଥିୟ 1:7

ନେତାଃ ସାନ୍ ଚି ଜେତାନ୍ ବାର୍ଦାନ୍ ଆପେ ରେ ଘାଟି ବାନୋଃ, ହାର୍ ଆପେ ଆବୁୱାଃ ପ୍ରାଭୁ ୟୀଶୁ ମାସୀହ୍ ରାଃ ହିଜୁଃ ରୁଆଡ଼୍ କେ ନେଲ୍ ହୋରା କାତେତାନାପେ।

୧ କରିନ୍ଥିୟ 15:48

ଜେଲେକା ଇନିଃ ହାସା ରେନିଃ ତାଇକେନାଏ, ଏନ୍ ଲେକାଗି ଇନ୍‍କୁ ହଗି ତାନ୍‍କୋ ଅକନ୍‍କୋ ହାସା ରେନ୍ ତାନ୍‍କୋ; ହାର୍ ଜେଲେକା ଇନିଃ ସିର୍ମାଦିଶୁମ୍ ରେନ୍ ତାନିଃ, ଏନ୍ ଲେକାଗି ଇନ୍‍କୁହଗି ତାନ୍‍କୋ ଅକନ୍‍କୋ ସିର୍ମାଦିଶୁମ୍ ରେନ୍ ତାନ୍‍କୋ।

୨ କରିନ୍ଥିୟ 4:18

ହାର୍ ଆଲେ ଦୋ ନେଲାକାନ୍ ଜିନିଷ୍‍କୋକେ କାହା ମେନ୍ଦୋ କାନେଲାକାନ୍ ଜିନିଷ୍‍କୋକେ ନେଲ୍ କାତେୟାଲେ, ଚିୟାଃଚି ନେଲାକାନ୍ ଜିନିଷ୍ ହୁଡିଙ୍ଗ୍ ହୁଲାଙ୍ଗ୍ ନାଙ୍ଗ୍ ତାନାଃ, ମେନ୍ଦୋ କାନେଲାକାନ୍ ଜିନିଷ୍ ସବେନ୍ ହୁଲାଙ୍ଗ୍ ନାଙ୍ଗ୍ ବାଇକାନ୍ ତାଇନୋଗା।

୨ କରିନ୍ଥିୟ 5:8

ଏନାମେନ୍ତେ ଆଲେ ଆପାନ୍ ରେ ବିଶ୍ଵାସ୍ ମାଣ୍ଡାଅ କାଃଲେ, ହାର୍ ହୋଡ଼ମୋ ତେ ଆଲାଗ୍ ହୋବାକେତେ ପ୍ରାଭୁ ଲୋଃ ତାଇନୋଃ ଆଡୋଃଗି ବୁଗିନ୍ ଆଟ୍‍କାର୍ ଆଦାତାନାଲେ।

ଗାଲାତିୟ 4:26

ମେନ୍ଦୋ ଚେତାନ୍ ରାଃ ୟୀରୁଶାଲେମ୍ ରାଡ଼ାକାନ୍ ମେନାଇଜା, ଆଡୋଃ ଇନିଃ ଆବୁୱାଃ ଏଙ୍ଗା ତାନିଃ।

ଏଫିସିୟ 2:19

ଏନାମେନ୍ତେ ନାଆ ଆପେ ଏଟାଃଦିଶୁମ୍ ରେନ୍ ଆଡୋଃ ଏଟାଃଅଡ଼୍ଆଃ ରେନ୍ ନାହାଲାପେ, ମେନ୍ଦୋ ପାବିତାର୍ ହୋଡ଼ୋକୋ ଲୋଃ ମିୟାଃ ହାତୁ ରେନ୍ କୋ ହାର୍ ପାର୍ମେଶ୍ଵାର୍ ରାଃ ଅଡ଼୍ଆଃ ରେନ୍ କୋ ହୋବାଜାନାପେ।

ଏଫିସିୟ 2:6

ହାର୍ ମାସୀହ୍ ୟୀଶୁ ରେ ଇନିଃ ଲୋଃ ଜୀହିଃରୁଆଡ଼୍ କେଃବୁୱାଏ, ହାର୍ ସିର୍ମାଦିଶୁମ୍ ଜାଗା ରେ ଇନିଃ ଲୋଃ ଦୁବ୍ କେଃ ବୁୱାଏ।

ଫିଲିପିୟ 1:10

ନେତାଃ ସାନ୍ତେ ଚି ଆପେ ବେଶ୍ ତେ ବେଶ୍ କାଜିକୋକେ ସୁକୁଅଃପେ, ହାର୍ ମାସୀହ୍ ରାଃ ହୁଲାଙ୍ଗ୍ ସାନ୍ତେ ଫାର୍ଚିକାନ୍ ବାଇତାଇନ୍ ପେ, ଆଡୋଃ ଆଲୋପେ ଦୋଷୀୟୋଃୱା।

ଫିଲିପିୟ 1:27

ଖାଲି ନିମିନାଙ୍ଗ୍ ରିକାଏପେ ଚି ଆପେୟାଃ ସେସେନ୍ ମାସୀହ୍ ରାଃ ସୁସାମାଚାର୍ ଲେକା ହୋବାଅଃକା ଏନାତେ ହୋବା ଧାଡ଼ିୟୋଗା ଇଙ୍ଗ୍ ହିଜୁଃକେତେ ଆପେକେ ନେଲ୍ ପେୟାଇଙ୍ଗ୍, ଚାହେ ଆପେ ତାଃ କାଇଙ୍ଗ୍ ସେଟେରୋଗା; ଏଣ୍ଡେ ହ ଆପେୟାଃ ବିଷାୟ୍ ରେ ନେୟା ଆୟୁମେୟାଇଙ୍ଗ୍ ଚି ଆପେ ମିୟାଃ ଗି ଆତ୍ମା ରେ ବାଇକେତେ ତାଇନୋଃ ତାନାପେ। ଆଡୋଃ ମିୟାଃ ମୋନ୍ ହୋବା କେତେ ସୁସାମାଚାର୍ ରାଃ ବିଶ୍ଵାସ୍ ଲାଗିନ୍ତେ କାମି ତାନାପେ।

କୁଲୁସିୟୋରେନ୍ 1:5

ଏନ୍ ଆଶ୍ରାକାନ୍ ତେୟାଃ ଜିନିଷ୍ ଲାଗିନ୍ ଅକନାଃ ଆପେ ଲାଗିନ୍ତେ ସିର୍ମାଦିଶୁମ୍ ରେ ଦୋହୋକାନା, ଅକନ୍ ବିଷାୟ୍ ରେ ଆପେ ହେନ୍ ସୁସାମାଚାର୍ ରାଃ ସାର୍ତି ବାଚାନ୍ ରେ ଆୟୁମ୍ ଛାବା କାଦାପେ,

୧ ଥେସ୍‌ଲନିକା 1:10

ହାର୍ତେ ଇନ୍‍କୁ କାଜିୟାକୋ ଇନିଜାଃ ହୋନ୍‍କଡ଼ା କେ ସିର୍ମାଦିଶୁମ୍ ଏତେ ହିଜୁଃ ରାଃ ହୋରା ନେଲ୍ କାତେତାନାପେ ଅକନିଃକେ ଇନିଃ ଗୋଜାକାନ୍ କୋଏତେ ଜୀହିଃ ବିରିଃ କିଜାଏ, ମାନେ ୟୀଶୁ କେ, ଅକଏ ଚି ଆବୁ କେ ହିଜୁଃତେୟାଃ ଖିସ୍ ତେ ବାଞ୍ଚାଅ ୟାଏ।

୧ ଥେସ୍‌ଲନିକା 4:16

ଚିୟାଃଚି ପ୍ରାଭୁ ଆଏଃଗି ସିର୍ମାଦିଶୁମ୍ ତେ ଜୋର୍ତେ ଆଚୁତାନ୍ ଲୋଃ ଆଡ଼୍‍ଗୁନାଏ, ହାର୍ ମାରାଙ୍ଗ୍ ସିର୍ମାଦାସୀ ଆଃ ଷାଡି ଆୟୁମୋଗା, ହାର୍ ପାର୍ମେଶ୍ଵାର୍ ରାଃ ତୁର୍ହୀ ଅଙ୍ଗ୍ଅଗା, ହାର୍ ଅକନ୍‍କୋ ମାସୀହ୍ ରେ ଗୋଜାକାନାକୋ, ହିନ୍‍କୁ ସିଦା ଜୀଉ ବିରିଦାକୋ।

୨ ତିମଥି 4:8

ହିଜୁଃତାନ୍ ସାମାୟ୍ ରେ ଇଙ୍ଗ୍ଆଃ ଲାଗିନ୍ ଧାରାମ୍ ରାଃ ଏନ୍ ମୁକୁଟ୍ ମାଣ୍ଡାଅ କାନା, ଅକନାଃ କେ ପ୍ରାଭୁ, ଅକନିଃ ଧାର୍ମୀ ଆଡୋଃ ବିଚାର୍‍ନିଃ ତାନିଃ, ଇଙ୍ଗ୍‍କେ ଏନ୍ ହୁଲାଙ୍ଗ୍ ଏମେୟାଏ ହାର୍ ଇଙ୍ଗ୍‍କେ ଭାଇର୍ କାହା ମେନ୍ଦୋ ଏନ୍ ସବେନ୍ କୋକେ ହଗି ଅକନ୍‍କୋ ଇନିଜାଃ ହିଜୁଃରୁଆଡ଼୍ କେ ଦୁଲାଡ଼୍ ତେ ନେଲ୍ ହୋରା ତାନାକୋ

ତିତସ୍‌ 2:13

ହାର୍ ଏନ୍ ସୁକୁୱାନ୍ ଆଶ୍ରା ରାଃ ମାନେ ଆବୁୱାଃ ମାରାଙ୍ଗ୍ ପାର୍ମେଶ୍ଵାର୍ ହାର୍ ବାଞ୍ଚାଅନିଃ ୟୀଶୁ ମାସୀହ୍ ରାଃ ମାନାରାଙ୍ଗ୍ କେ ନେନେଲ୍ ଲାଗିନ୍ ନେଲ୍ ହୋରୋଏ କାବୁ।

ଇବ୍ରାନୀୟୋରେନ୍ 12:22

ମେନ୍ଦୋ ଆପେ ସିୟୋନ୍ ବୁରୁ ନାଡ଼େଏ ତାଃ, ଆଡୋଃ ଜୀହିଃ ପାର୍ମେଶ୍ଵାର୍ ରାଃ ହାତୁ, ସିର୍ମାଦିଶୁମ୍ ରେୟାଃ ୟୀରୁଶାଲେମ୍ ନାଡ଼େଏ ଆଡୋଃ କାଲେକାଅଃ ସିର୍ମାଦାସୀ କୋୱାଃ

ଇବ୍ରାନୀୟୋରେନ୍ 9:28

ଏନ୍ ଲେକାଗି ମାସୀହ୍ ହ ପୁରାଃଗି ହୋଡ଼ୋକୋୱାଃ ପାପ୍ କୋକେ ଗୋଅ ଇଦି ଲାଗିନ୍ ମିଶାଗି ଦାଣେ ଜାନାଏ; ଏନ୍ତେ ଆଡୋଃ-ମିଶା ପାପ୍ ଗୋଅ ଲାଗିନ୍ତେ କାହା ମେନ୍ଦୋ ଅକନ୍ ହୋଡ଼ୋକୋ ଆଏଃ କେ ନେଲ୍ ହୋରା ତାନାକୋ ଇନ୍‍କୁକେ ବାଞ୍ଚାଅ ଲାଗିନ୍ତେ ନେଲୋଗାଏ।

ଉଦୁବ୍‍କାଜି 1:7

ନେଲିପେ, ଇନିଃ ରିମିଲ୍ ଲୋଃ ହିଜୁଃ ରାଃ ମେନିଜା, ଆଡୋଃ ସବେନ୍ ହୋଡ଼ୋକୋ ମେଏଃତେ ଇନିଃକେ ନେଲିୟାକୋ, ନେକାଚି ଅକନ୍‍କୋ ଇନିଃକେ ହୋଟୋର୍ ଲିଜାକୋ ଇନ୍‍କୁହଗି ମେଏଃ ତେ ନେଲିୟାକୋ, ଆଡୋଃ ଅତେ ରେନ୍ ସବେନ୍ କିଲିରେନ୍ କୋ ଇନିଜାଃ ଚାଲ୍ତେ କୁଡ଼ାମ୍ ବିଡ଼ା ତାନ୍‍ଲୋଃ ରାଆୟାକୋ। ହାଁ। ଆମୀନ୍।