ଫିଲିପିୟ 3:19 - ମୁଣ୍ଡା ନାୱା ନିୟାମ୍

¹⁹ ଇନ୍‍କୁୱାଃ ଟୁଣ୍ଡୁ କାଜି ବିନାଶ୍ ତାନାଃ, ଇନ୍‍କୁୱାଃ ଇଶ୍ୱାର୍ ଲାହେଃ ତାନାଃ, ଇନ୍‍କୁ ଆକୋୱାଃ ଗିୟୁଃ ରାଃ କାଜି କୋରେ ମାରାଙ୍ଗ୍ଏନ୍ ଆଟ୍‍କାର୍ ୟାକୋ ଆଡୋଃ ଅତେ ରାଃ ଜିନିଷ୍ କୋରେ ମୋନ୍ ଏମେୟାକୋ।

ପାର୍‌ମେଶ୍ୱାର୍‌ଆଃ ଜୀନିଦ୍‌ ବାଚାନ୍‌ ନାୱା ନିୟାମ୍‌

¹⁹ ନାରାକ୍‌ରେ ଇନ୍‌କୁଆଃ ଜୀଦାନ୍‌ ଜିୟନଃତେ ସେନଃତାନା । ଚିଆଃଚି ଇନ୍‌କୁଆଃ ହଡ଼୍‌ମରାଃ ଇଛାସାନାଙ୍ଗ୍‌ଗି ଆକଆଃ ମାହାପୁରୁ ତାନିଃ, ଅକ୍‌ନାଃ ଗିହୁଗାନ୍‌ତେୟାଃ ତାନାଃ, ଏନା ନାଗେନ୍ତେ ଇନ୍‌କୁ ଆପାନ୍‌କେ ମାରାଙ୍ଗ୍‌ ମେନ୍ତେକ କାଜିନ୍‌ତାନା । ଅତେରେୟାଃ ବିଷାଏ ନାଗେନ୍ତେ ଏସ୍‌କାର୍‌ ଇନ୍‌କୁ ଉଡ଼ୁଗାଃକ ।

ଫିଲିପିୟ 3:19 Iomraidhean Croise

ମାତ୍ତିଉ 16:23

ଏନ୍ତେ ୟୀଶୁ ବିୟୁର୍ କେତେ ପାତ୍ରାସ୍ କେ କାଜିକେଦାଏ, “ହେ ଶାଏତାନ୍ ଇଙ୍ଗ୍ଆଃ ନାଡ଼େଏ ତେ ଗେନାନ୍ ମେ, ଆମ୍ ଇଙ୍ଗ୍ଆଃ ପାର୍ମେଶ୍ଵାର୍ ରାଃ କାମି କେ ଛେକାଃ ତାନାମ୍, ଚିୟାଃଚି ଆମ୍ ପାର୍ମେଶ୍ଵାର୍ ରାଃ ପାହୋମ୍ ଲେକା କାହା, ମେନ୍ଦୋ ହୋଡ଼ୋକୋୱାଃ ଲେକା ପାହୋମ୍ ତାନାମ୍।”

ମାତ୍ତିଉ 25:41

ଏନ୍ତେ ଇନିଃ ଲେଙ୍ଗା ପାଡ଼୍ ରେନ୍ କୋକେ କାଜିୟାକୋୱାଏ, ‘ହେ ସାର୍ପାୱକାନ୍ ହୋଡ଼ୋକୋ, ଇଙ୍ଗ୍ଆଃ ନାଡ଼େଜେତେ ଏନ୍ ଜାନାଓ ରାଃ ସେଙ୍ଗେଲ୍ ତେ ସେନୋଃପେ, ଅକନାଃ ଶାଏତାନ୍ ହାର୍ ଇନିଜାଃ ଶାଏତାନ୍ ଦାସୀକୋ ଲାଗିନ୍ତେ ପାର୍ମେଶ୍ଵାର୍ ବାଇୟାକାଦାଏ।

ଲୁକା 12:19

ହାର୍ ଇଙ୍ଗ୍ଆଃ ଜୀଉ କେ କାଜିୟାଇଙ୍ଗ୍ ଚି ଜୀଉ, ଆମାଃ ତାଃରେ ଥିମ୍ବା ବାରାଶ୍ ଲାଗିନ୍ ଥିମ୍ବାଗି ସାମ୍ପାତିକୋ ମାଣ୍ଡାଅ କାନା; ସାଥାଅନ୍ ମେ, ଜୋମେ ମେ, ନୁୱେ ମେ, ସୁକୁ ରେ ତାଇନ୍ ମେ।

ଲୁକା 16:19

“ମିୟାଃ କିଶାଣ୍ ହୋଡ଼ ତାଇକେନାଏ ଅକନିଃ ଥିମ୍ବା ଗୋନୋଙ୍ଗାନ୍ ଲିଜାଃ ତୁସିଙ୍ଗ୍ଏନ୍ ତାଇନାଏ ହାର୍ ସବେନ୍ ହୁଲାଙ୍ଗ୍ ସୁକୁ ରେ ତାଇନ୍ ତାଇନାଏ ହାର୍ ବୁଗିନ୍-ବୁଗିନ୍ ଜୋଜୋମାଃ ଜୋମ୍ ତାଇନାଏ।

ଲୁକା 18:4

ଚିମିନ୍ ହୁଲାଙ୍ଗ୍ ସାନ୍ ଦୋ କାଏ ମାନାତିଙ୍ଗ୍ ଜାନାଏ ମେନ୍ଦୋ ଟୁଣ୍ଡୁ ରେ ମୋନ୍ ରେ ପାହୋମ୍ କେତେ କାଜିକେଦାଏ, ଇଙ୍ଗ୍ ନାଦୋ ପାର୍ମେଶ୍ଵାର୍ କେ ବୋରୋୟାଇଙ୍ଗ୍ ନାଦୋ ହୋଡ଼ୋକୋକେ ଖାତିର୍ କୋୱାୟାଇଙ୍ଗ୍।

ରୋମ୍‍ରେନ୍ 16:18

ଚିୟାଃଚି ନେକାନ୍ ହୋଡ଼ୋକୋ ଆବୁୱାଃ ପ୍ରାଭୁ ମାସୀହ୍ କେ କାକୋ ସେୱା ତାନାକୋ, ମେନ୍ଦୋ ଆପାନାଃ ଲାହେଃ ରାଃ ଦାସୀ ତାନ୍ କୋ; ହାର୍ ବୁଗିନ୍-ବୁଗିନ୍ ବାକାଣ୍ କେତେ ସାଧା-ସିଧା ହୋଡ଼ୋ କୋୱାଃ ମୋନ୍ କେ ବେଦାତାଃକୋ।

ରୋମ୍‍ରେନ୍ 6:21

ଏନାମେନ୍ତେ ଅକନ୍ କାଜିକୋଏତେ ନାଆ ଆପେ ଗିୟୁଗୋଃ ତାନାପେ, ଇମ୍ତା ଆପେ ଏନା କୋଏତେ ଚିକାନ୍ ଯଅ ନାମ୍ ତାଇକେନାପେ? ଚିୟାଃଚି ଏନାକୋରାଃ ଟୁଣ୍ଡୁ ଦୋ ଗୋନୋଏଃ ତାନାଃ।

୧ କରିନ୍ଥିୟ 3:3

ଚିୟାଃଚି ନାଆ ସାନ୍ ହୋଡ଼ମୋ ସାନାଙ୍ଗ୍ ଲେକା ତାଇନ୍ ତାନାପେ। ଏନାମେନ୍ତେ ଚିମ୍ତାଙ୍ଗ୍ ଆପେୟାଃ ରେ ହିସିଙ୍ଗା ହାର୍ ଏପେଗେର୍ ମେନାଃ, ଦୋ ଚିନାଃ ଆପେ ହୋଡ଼ମୋ ସାନାଙ୍ଗ୍ ଲେକା ତାଇନ୍ ହୋଡ଼ ନାହାଲାପେ? ହାର୍ ଚିନାଃ ସାଧାରାନ୍ ହୋଡ଼ୋକୋ ଲେକା କାପେ ଜୀହିଦୋଃ ତାନା?

୧ କରିନ୍ଥିୟ 5:2

ହାର୍ ଆପେ ଦୋ ହୋନାଙ୍ଗ୍ ଦୁକୁ ଆଟ୍‍କାରେ ତେପେ, ଏନାତେ ନେକାନ୍ କାମିନିଃ ଆପେୟାଃ ଥାଲାଏତେ ଅଡୋଙ୍ଗ୍ ରିକାତେୟାଃଏ, ମେନ୍ଦୋ ଆପେ ଘାମାଣ୍ଡ୍ ତାନାପେ।

୧ କରିନ୍ଥିୟ 5:6

ଆପେୟାଃ ଘାମାଣ୍ଡ୍ ରିକା ବେଶ୍ ନାହାଲା; ଚିନାଃ ଆପେ କାପେ ସାରିୟା ଚି ହୁଡିଙ୍ଗ୍ ଗି ଖାମୀର୍ ଆଟା ରେ ମେଶା କେତେ ସିପୁଃ ଲେରେ ପୁରା ସିପୁଃକାନ୍ ଆଟା ଖାମୀର୍ କୋଃତାନା?

୨ କରିନ୍ଥିୟ 11:12

ମେନ୍ଦୋ ଅକନାଃ ଇଙ୍ଗ୍ ରିକାତାନିଙ୍ଗ୍, ଏନାଗି ରିକାକାତେୟାଇଙ୍ଗ୍ ଏନାତେ ଅକନ୍ ହୋଡ଼ୋକୋ ତାକ୍ ଦାଣା-ବାଡ଼ା ତାନାକୋ ଇନ୍‍କୁକେ ତାକ୍ କାଇଙ୍ଗ୍ ଏମାକୋୱା, ଏନାତେ ଅକନ୍ କାଜି ରେ ଇନ୍‍କୁ ଘାମାଣ୍ଡ୍ ତାନାକୋ, ଏନାରେ ଇନ୍‍କୁ ଆଲେୟାଃ ଲେକାଗି ହୋବାଅଃ କାକୋ।

୨ କରିନ୍ଥିୟ 11:15

ଏନାମେନ୍ତେ ଆଗାର୍ ଇନିଜାଃ ଦାସୀକୋ ହଗି ଧାରାମ୍ ରାଃ ଦାସୀକୋ ଲେକା ବାଇୟେନ୍ ତାନାକୋ, ଏଣ୍ଡେ ଏନା ଜାହାନ୍ ମାରାଙ୍ଗ୍ କାଜି ନାହାଲା, ମେନ୍ଦୋ ଇନ୍‍କୁୱାଃ ଟୁଣ୍ଡୁ ଇନ୍‍କୁୱାଃ କାମିକୋ ଲେକା ହୋବାଅଃୱା।

ଗାଲାତିୟ 6:13

ଚିୟାଃଚି ଖାତ୍ନା ରିକାତାନ୍ କୋ ଆକୋ ଗି ମୁଶା ନାବୀ ରାଃ ଆଇନ୍ ରେ କାକୋ ସେନ୍ ତାନା, ମେନ୍ଦୋ ଆପେୟାଃ ଖାତ୍ନା ନେୟାମେନ୍ତେ ରିକା ନାଙ୍ଗ୍ ସାନାଙ୍ଗ୍ ତାନାକୋ ଚି ଆପେୟାଃ ହୋଡ଼ମୋ ବିଷାୟ୍ ରେ ଘାମାଣ୍ଡ୍ ଧାଡ଼ିୟାକୋ।

ଫିଲିପିୟ 2:21

ଚିୟାଃଚି ସବେନ୍ ଆପାନାଃ ଗି ସାନାଙ୍ଗ୍ ରାଃ ଦାଣା ରେ ତାଇନୋଃ ତାନାକୋ, ମେନ୍ଦୋ ୟୀଶୁ ମାସୀହ୍ ରାଃ କାହା।

କୁଲୁସିୟୋରେନ୍ 3:2

ଅତେ ରେୟାଃ କାହା ମେନ୍ଦୋ ସିର୍ମାଦିଶୁମ୍ ରାଃ ଜିନିଷ୍ କୋୱାଃ ନାମ୍ ବାଡ଼ା ରେ ତାଇନ୍‍ପେ।

୨ ଥେସ୍‌ଲନିକା 1:9

ଇନ୍‍କୁ ପ୍ରାଭୁ ଆଃ ନାଡ଼େଏ ତେ, ଆଡୋଃ ଇନିଜାଃ ପେଡ଼େଏ ରାଃ ଯୁନୁଲ୍‍ତାନ୍ ତେ ସାଙ୍ଗିନ୍ ହୋବାକେତେ ଜାନାଓ ରାଃ ବିନାଶ୍ ରାଃ ଶାଜାଇ ନାମେୟାକୋ।

୨ ଥେସ୍‌ଲନିକା 2:12

ଏନାରାଃ ଚାଲ୍ତେ ଚିମିନ୍ ହୋଡ଼ୋକୋ ସାର୍ତି କେ କାକୋ ପାତିତାନା, ମେନ୍ଦୋ ଆଧାର୍ମ୍ କେ ସୁକୁଅଃ ତାନାକୋ, ଇନ୍‍କୁ ସବେନ୍ ସାଜାକୋ ନାମେୟା।

୨ ଥେସ୍‌ଲନିକା 2:8

ଏନ୍ତେ ଏନ୍ ଆଧାର୍ମୀ ଉଦୁବ୍ ଅଗାଏ, ଅକନିଃକେ ପ୍ରାଭୁ ୟୀଶୁ ଆଜାଃ ମୋଚା ରାଃ ଅଙ୍ଗ୍ ତେ ଗୋଜିୟାଏ, ହାର୍ ଆଜାଃ ହିଜୁଃ ରାଃ ଯୁନୁଲ୍ ତେ ରୋଙ୍ଗୋ ତାଇୟାଏ।

୧ ତିମଥି 6:5

ହାର୍ ଏନ୍ ହୋଡ଼ୋ କୋରେ ସାମା ରେ କାପାଜିକୋ ହୋବାଅଃୱା ଅକନ୍‍କୋୱାଃ ମୋନ୍ ବାଗ୍‍ଡ଼ାଅ ଛାବାକାନା, ହାର୍ ଇନ୍‍କୁ ସାର୍ତି କେ କାକୋ ଆଟ୍‍କାର୍ ଉରୁମେୟା, ଇନ୍‍କୁ ବୁଝାଅଃ ତାନାକୋ ଚି ପାର୍ମେଶ୍ଵାର୍ ରାଃ ସେୱା ରିକା ଟାକା କାମି ରାଃ ହୋରା ତାନାଃ।

୨ ତିମଥି 3:4

ବାଏମାନ୍, ଢିଟ୍, ଆପାନ୍‍କେ ମାରାଙ୍ଗ୍ଏନ୍ ବାଇଏନ୍, ହାର୍ ପାର୍ମେଶ୍ଵାର୍ କେ କାହା ମେନ୍ଦୋ ସୁକୁ ରାଶିକା କେ ଦୁଲାଡ଼େନ୍ ତାନ୍‍କୋ ହୋବାଅଃୱା।

ୟାକୁବ୍ 4:16

ମେନ୍ଦୋ ନାଆ ଆପେୟାଃ ମାଇନେନ୍ କାଜିକୋରେଗି ମାରାଙ୍ଗ୍ଏନ୍ ତାନାପେ, ନେଲେକା ମାରାଙ୍ଗ୍ଏନ୍ ଠାଉକା ନାହାଲା।

2 ପାତ୍ରାସ୍ 2:1

ଜେଲେକା ଏନ୍ ହୋଡ଼ୋକୋୱାଃ ରେ ହିହିଡ଼୍ ନାବୀ କୋ ତାଇକେନାକୋ, ଏନ୍‍ଲେକା ଆପେୟାଃ ଥାଲା ରେହ ହିହିଡ଼୍ ଶିଖାଅତାନ୍ କୋ ହୋବାଅଃୱାକୋ, ଅକନ୍‍କୋ ନାଶ୍ ରିକାତେୟାଃ ଏତ୍କାନ୍ ହୋରା କେ ଉକୁ-ଉକୁ ତେ ଉଦୁବ୍ ୟାକୋ, ଆଡୋଃ ଏନ୍ ପେଡ଼େଜାନ୍ ପ୍ରାଭୁ କେ ଅକନିଃ ଇନ୍‍କୁକେ କିରିଙ୍ଗ୍ କାଃକୋୱାଏ ମାନା ୟାକୋ, ହାର୍ ଆକୋ ଆପାନ୍ କେ ସେକାଡ଼୍ ଗି ବିନାଶ୍ ରେ ଉୟୁଗେୟାକୋ।

2 ପାତ୍ରାସ୍ 2:13

ଏଟାଃ କୋୱାଃ ବୁରାଇ ରିକାଏ ରାଃ ବାଦ୍‍ଲି ଇନ୍‍କୁୱାଃଗି ବୁରାଇ ହୋବାଅଃୱା। ଇନ୍‍କୁକେ ଶିଙ୍ଗି ତିକିନ୍ ନୁ-ବୁଲୋଃ କେତେ ଏତ୍କାନ୍ ତେୟାଃ ରେ ମାଜାକୋୱା। ନେକାନ୍ କୋ ଚାଦାଃ ବୁଦାଃ ହାର୍ ଦୋଷୀ ତାନ୍ କୋ; ଚିମ୍ତାଙ୍ଗ୍ ଆକୋ ଆପେ ଲୋଃ ଜୋମ୍ ନୁୱେ ୟାକୋ, ଦୋ ଆକୋୱାଃ ପାଡ଼େତେ ଦୁଲାଡ଼୍ ରେୟାଃ ଭୋଜ୍ ମାଣ୍ଡାଅ କେତେ ବୁଲୋଃ କେତେ ଏତ୍କାନ୍ ତେୟାଃ ରେ ମାଜା ଇଦି ୟାକୋ।

2 ପାତ୍ରାସ୍ 2:3

ଇନ୍‍କୁ ପାଇସା ଟାକା ରାଃ ହାୟା ତେ କାଜିକୋକେ ବାଇକେତେ ଆପେକେ ଆକୋୱାଃ ଫାଏଦା ଲାଗିନ୍ ବାଇପେୟାକୋ, ଆଡୋଃ ଅକନ୍ ଦାଣ୍ଡ୍ ରାଃ ଆନାଚୁ ଇନ୍‍କୁୱାଃ ରେ ସିଦା ଏତେ ଗି ହୋବାଚୁକାଅକାନା ଏନାରାଃ ହିଜୁଃ ରେ ଜାହାନ୍ ଦେରି ବାନୋଗା, ଆଡୋଃ ଇନ୍‍କୁୱାଃ ବିନାଶ୍ କାଏ ଦୁଣୁମୋଃୱାଏ।

ଯିହୁଦା 1:10

ମେନ୍ଦୋ ନେ ହୋଡ଼ୋକୋ ଅକନ୍ କାଜିକେ କାକୋ ସାରିୟା, ଏନାକୋକେ ହିନ୍‍ସାତି କାଜିୟାକୋ, ଆଡୋଃ ଅକନ୍ କାଜିକୋକେ ବେଗାର୍ ସାରିଧାଡ଼ି ପାଶୁକୋ ଲେକା ଜାତିତେଗି ସାରିୟାକୋ, ଏନ୍ ଲେକାତେ ଆକୋ ଆପାନ୍ କେ ନାଷ୍ଟ୍‍ୟାକୋ।

ଯିହୁଦା 1:16

ନିକୁ ଦୋ କାକୋସୁକୁଅଃୱା, ନାମାକାନ୍ ହାନାଟିଙ୍ଗ୍ ରେହଗି ହିନ୍‍ସାତି ୟାକୋ, ଆଡୋଃ ଆକୋୱାଃ ଏତ୍କାନ୍ ସାନାଙ୍ଗ୍ ଲେକା ସେସେନ୍ ତାନ୍ ତାନ୍‍କୋ, ଆଡୋଃ ଆକୋୱାଃ ମୋଚା ତେ ଆପାନାଃ ଘାମାଣ୍ଡ୍ କାଜିକୋ କାଜିୟାକୋ, ଆଡୋଃ ଆକୋୱାଃ ଲାଭ୍ ଲାଗିନ୍ ମୋଚା ନେନେଲ୍ ମାନାରାଙ୍ଗ୍ କୋ ରିକା ୟାକୋ।

ଯିହୁଦା 1:4

ଚିୟାଃଚି ଚିମିନାଙ୍ଗ୍ ନେକାନ୍ ହୋଡ଼ୋକୋ ହାପାତେ ଆବୁଲୋଃ ମେଶା କାନାକୋ, ଅକନ୍ କୋୱାଃ ନେ ଦାଣ୍ଡ୍ ରାଃ ବିଷାୟ୍ ରେ ସିଦା ସାମାୟ୍ ରେଗି ଅଲାକାନ୍ ତାଇକେନା; ନିକୁ ପାର୍ମେଶ୍ଵାର୍ କେ କାମାନାତିଙ୍ଗ୍ ହୋଡ଼ୋକୋ ତାନ୍‍କୋ, ଆଡୋଃ ଆବୁୱାଃ ପାର୍ମେଶ୍ଵାର୍ ରାଃ ଆନୁଗ୍ରାହ୍ କେ ସିଣିଇ କାମି ରେ ବାଦ୍‍ଲାଅ ତାଃକୋ, ହାର୍ ଆବୁୱାଃ ମିୟାଃ ଭାଇର୍ ଗୋମ୍‍କେ ଆଡୋଃ ପ୍ରାଭୁ ୟୀଶୁ ମାସୀହ୍ କେ ମାନା ୟାକୋ।

ଉଦୁବ୍‍କାଜି 18:7

ଚିମିନାଙ୍ଗ୍ ଇନିଃ ଆପାନ୍ କେ ମାନାରାଙ୍ଗ୍ କେଦାଏ ହାର୍ ସୁକୁ-ଜୋମ୍ ରେ ତାଇଜାନାଏ, ଇମିନାଙ୍ଗ୍ ଇନିଃକେ ହାସୁ ଆଡୋଃ ଦୁକୁ ଏମାଇପେ; ଚିୟାଃଚି ଇନିଃ ଆପାନାଃ ମୋନ୍ ରେ ପାହୋମ୍ ତାନାଏ, ‘ଇଙ୍ଗ୍ ରାନୀ ଲେକା ଦୁବ୍ କାନାଇଙ୍ଗ୍, କାଇଙ୍ଗ୍ ବିଧୋବା କାନା; ହାର୍ ଦୁକୁ ରେ ଚିଉଲା ହ କାଇଙ୍ଗ୍ ଉୟୁଗୋଃୱା।’

ଉଦୁବ୍‍କାଜି 19:20

ଏନ୍ ପାଶୁ ଆଡୋଃ ଇନିଜାଃ ଲୋଃ ଏନ୍ ହିହିଡ଼୍ ନାବୀ ସାବ୍ ଜାନାଏ, ଅକନିଃ ଇନିଜାଃ ନାଡ଼େଏ ରେ ନେଲେକା ଚିହ୍ନା କୋ ଦେଖାଅ ଲେଦାଏ, ଅକନାଃତେ ଇନିଃ ଇନ୍‍କୁକେ ହିଡ଼୍ ଲେଃକୋ ତାଇନାଏ ଅକନ୍ କୋୱାଃ ରେ ଏନ୍ ପାଶୁ ରାଃ ଛାପ୍ ତାଇକେନା ଆଡୋଃ ଅକନ୍ କୋ ଇନିଜାଃ ମୂର୍ତି ରାଃ ପୂଜା ତାଇକେନାକୋ। ନେ ବାରାନ୍ କିନ୍ ଜୀନିଃ-ଜୀନିଃଗି ଏନ୍ ସେଙ୍ଗେଲ୍ ରାଃ ଗାଡା ରେ, ଅକନାଃ ଚି ଗାନ୍ଧାକ୍ ତେ ଜୁଲୋଃତାନା, ହୁରାଙ୍ଗ୍ଅଗାକୋ।

ଉଦୁବ୍‍କାଜି 21:8

ମେନ୍ଦୋ ବୋରୋତାନ୍ କୋ, ଆଡୋଃ ଆବିଶ୍ଵାସୀକୋ, ଆଡୋଃ ସିତ୍ରୁକୋ, ଆଡୋଃ ହୋଡ଼ ଗୋଗୋଏଃକୋ, ଆଡୋଃ ବ୍ୟାଭିଚାରୀକୋ, ଆଡୋଃ ଦେଓଁଣା ସେୱାତାନ୍ କୋ, ଆଡୋଃ ମୁର୍ତ୍ତିପୂଜାତାନ୍ କୋ, ଆଡୋଃ ସବେନ୍ ଲୋଗୋ ତାନ୍ କୋୱାଃ ହାନାଟିଙ୍ଗ୍ ଏନ୍ ସାମୁଦାର୍ ରେ ନାମୋଗା, ଅକନାଃ ସେଙ୍ଗେଲ୍ ଆଡୋଃ ଗାନ୍ଧାକ୍ ରେ ଜୁଲ୍ କାତେୟଃୱା: ନେୟା ଏଟାଃ ଗୋନୋଏଃ ତାନାଃ।”

ଉଦୁବ୍‍କାଜି 22:15

ମେନ୍ଦୋ ସେତାକୋ, ହାର୍ ଦେଓଁଣା ପୂଜାତାନ୍ କୋ, ହାର୍ ବ୍ୟାଭିଚାରୀ କୋ, ହାର୍ ହୋଡ଼ ଗୋଗୋଏଃକୋ, ହାର୍ ମୁର୍ତ୍ତି ପୂଜାତାନ୍ କୋ, ହାର୍ ହିହିଡ଼୍ ନାଙ୍ଗ୍ ସୁକୁଅଃ ତାନ୍ କୋ ହାର୍ ହିହିଡ଼୍ ଶିଖାଅଃ ତାନ୍ କୋ ବାହାରି ରେ ତାଇନାକୋ।”