ଫିଲିପିୟ 3:12 - ମୁଣ୍ଡା ନାୱା ନିୟାମ୍

¹² ନେୟା ରାଃ ମାନେ କାହା ଚି ଇଙ୍ଗ୍ ନାମ୍ ଛାବା କେଦାଇଙ୍ଗ୍ ୟାଦୋ ପୁରା ଜାନାଇଙ୍ଗ୍; ମେନ୍ଦୋ ଏନ୍ ଜିନିଷ୍ କେ ସାସାବ୍ ଲାଗିନ୍ତେ ନିର୍ ସେନୋଃ ତାନିଙ୍ଗ୍, ଅକନାଃ ଲାଗିନ୍ ମାସୀହ୍ ୟୀଶୁ ଇଙ୍ଗ୍‍କେ ସାବ୍ ଲିଦିଙ୍ଗ୍‍ୟାଏ।

ପାର୍‌ମେଶ୍ୱାର୍‌ଆଃ ଜୀନିଦ୍‌ ବାଚାନ୍‌ ନାୱା ନିୟାମ୍‌

¹² ଆଇଙ୍ଗ୍‌ ଏନ୍‌ ସବେନାଃ ସିଦାରେଇଙ୍ଗ୍‌ ନାମ୍‌ ଚାବାକାଦା ଚାଏ ଆଇଙ୍ଗ୍‌ ସିଦାରେଇଙ୍ଗ୍‌ ପକ୍‌ତାଚାବାକାନା, ମେନ୍ତେଦ କାଇଙ୍ଗ୍‌ କାଜିତାନା । ମେନ୍‌ଦ ଆଇଙ୍ଗ୍‌ ନାଲା ନାମେ ନାଗେନ୍ତେଇଙ୍ଗ୍‌ ନିରେତାନା, ଆଡଃ ୟୀଶୁ ଖ୍ରୀଷ୍ଟ୍‌ ଆଇଃକ୍‌ଗି ଆଇଙ୍ଗ୍‌କେ ସିଦାରେ ଜିତାଅକାଦିୟାଁ ।

ଫିଲିପିୟ 3:12 Iomraidhean Croise

ମାତ୍ତିଉ 5:48

ଏନାମେନ୍ତେ ହୋବାଅଃ ଚାହି ଚି ଆପେ ସବେନ୍ ଇମ୍ତା ବୁଗିନ୍ କାମି ରିକାଏପେ, ଜେଲେକା ଆପେୟାଃ ସିର୍ମାଦିଶୁମ୍ ରେନ୍ ଆପୁ ସବେନ୍ ଇମ୍ତା ବୁଗିନ୍ କାମି ରିକାୟାଏ।

କୁଲାକାନ୍ 9:15

ମେନ୍ଦୋ ପ୍ରାଭୁ ଇନିଃକେ କାଜିକିଜାଏ, “ଆମ୍ ସେନ୍‍ମେ, ଚିୟାଃଚି ଇନିଃ ଦୋ ଏଟାଃଜାତି କୋକେ ହାର୍ ରାଜା କୋକେ ହାର୍ ଇସ୍ରାଏଲୀ କୋୱାଃ ନାଡ଼େଏ ରେ ଇଙ୍ଗ୍ଆଃ ନୁତୁମ୍ ପାର୍ଚାର୍ ଲାଗିନ୍ ଇଙ୍ଗ୍‍କେ ସେୱାକାଏ ମେନ୍ତେ ସାଲାକାଜାଇଙ୍ଗ୍।

ରୋମ୍‍ରେନ୍ 8:39

ଈକିର୍ କାହା, ହାର୍ ଏଟାଃ ଜେତାନ୍ ସିର୍ଜାଅ ଆବୁକେ ପାର୍ମେଶ୍ଵାର୍ ରାଃ ଦୁଲାଡ଼୍ ତେ ଅକନାଃ ଆବୁୱାଃ ପ୍ରାଭୁ ମାସୀହ୍ ୟୀଶୁ ରେ ମେନାଃ କାଏ ଗେନା ଧାଡ଼ିୟାଏ।

୧ କରିନ୍ଥିୟ 13:10

ମେନ୍ଦୋ ଚିମ୍ତାଙ୍ଗ୍ ସବେନାଃ ପୁରା ରିକାନିଃ ହିଜୁଗାଏ, ଇମ୍ତା ସାରେଃତେୟାଃ ମେଟାଅ କେନୋଗା।

୧ କରିନ୍ଥିୟ 13:12

ନାଆ ଆବୁକେ ଆଏନା ରେ ଧୁନ୍ଦଲା ଗି ନେଲୋଃ ତାନା, ମେନ୍ଦୋ ଏନ୍ ସାମାୟ୍ ଆମ୍‍ନାଙ୍ଗ୍-ସାମ୍‍ନାଙ୍ଗ୍ ନେଲେୟାବୁ, ନାଆ ଦୋ ଇଙ୍ଗ୍ଆଃ ସେଣା ତାରା ଗିୟାଃ, ମେନ୍ଦୋ ଏନ୍ ସାମାୟ୍ ପୁରାପୁରି କେ ସାରିଉରୁମେ ୟାଇଙ୍ଗ୍, ଜେଲେକା ପାର୍ମେଶ୍ଵାର୍ ଇଙ୍ଗ୍‍କେ ସାରିକାଦିଙ୍ଗ୍ଆଏ।

୧ କରିନ୍ଥିୟ 9:24

ଚିନାଃ ଆପେ କାପେ ସାରିୟା ଚି ନୀନିର୍ ପିଡ଼ି ରେଦୋ ସବେନ୍ ଗିକୋ ନିରେୟା, ମେନ୍ଦୋ ଜିତାଅ ରାଃ ଯଅ ମିହୋଡ଼୍ ଗି ନାମେୟାଏ? ଆପେ ଏନ୍ ଲେକାଗି ନିରେପେ ଚି ଜିତାଅଃପେ।

୨ କରିନ୍ଥିୟ 13:9

ଚିମ୍ତାଙ୍ଗ୍ ଆଲେ ନାରାଦୁରା ମେନାଲେୟା, ଆଡୋଃ ଆପେ ପେଡ଼େଜାନ୍ ମେନାପେୟା, ଦୋ ଆଲେ ରାଶିକାଅଃ ତାନାଲେ, ହାର୍ ନେୟା ହଗି ବିନ୍ତି ତାନାଲେ, ଚି ଆପେ ପୋକ୍ତା ହୋବା କେନୋଃପେ।

୨ କରିନ୍ଥିୟ 7:1

ଏନାମେନ୍ତେ ହେ ଦୁଲାଡ଼୍‍କୋ, ଯାବ୍ ଚି ନେ କିରିୟା ଆବୁକେ ନାମାକାନା, ଦୋ ଦେଲା, ଆବୁ ଆପାନ୍ କେ ହୋଡ଼ମୋ ଆଡୋଃ ଆତ୍ମା ରାଃ ସବେନ୍ ମାଇଲା ଏତେ ଫାର୍ଚିଏନ୍ କାବୁ, ହାର୍ ପାର୍ମେଶ୍ଵାର୍ ରାଃ ବୋରୋ ମାଣ୍ତାଅତାନ୍ ଲୋଃ ପାବିତାର୍ ଜୀଦାନ୍ ଜୀହିଦୋଃ କାବୁ।

ଗାଲାତିୟ 5:17

ଚିୟାଃଚି ପାପ୍ ରିକା ସାନାଙ୍ଗ୍ ହୋଡ଼ମୋ ପାବିତାର୍ ଆତ୍ମା ରାଃ ବିରୋଧ୍ ରେ ହାର୍ ପାବିତାର୍ ଆତ୍ମା ପାପ୍ ରିକା ସାନାଙ୍ଗ୍ ହୋଡ଼ମୋ ରାଃ ବିରୋଧ୍ ରେ ରିକା ନାଙ୍ଗ୍ ସାନାଙ୍ଗ୍ଆଏ, ହାର୍ ନିକିନ୍ ମିହୋଡ଼୍ ଏଟାଃ ନିଜାଃ ବିରୋଧୀ ତାନ୍‍କିନ୍, ଏନାମେନ୍ତେ ଚି ଅକନାଃ ଆପେ ରିକା ନାଙ୍ଗ୍ ସାନାଙ୍ଗ୍ ତାନାପେ ଏନା କାପେ ରିକା ଧାଡ଼ିୟା।

ଏଫିସିୟ 1:4

ଜେଲେକା ଇନିଃ ଆବୁକେ ଅତେଦିଶୁମ୍ ରାଃ ସିର୍ଜାଅ ସିଦା ରେ ମାସୀହ୍ ରେ ସାଲାକାଃବୁୱାଏ ଚି ଆବୁ ଇନିଜାଃ ନାଡ଼େଏ ରେ ଦୁଲାଡ଼୍ ରେ ପାବିତାର୍ ଆଡୋଃ ନିର୍ଦୋଷ୍ ହୋବାଅଃୱାବୁ।

ଏଫିସିୟ 4:12

ଏନାତେ ପାବିତାର୍ ହୋଡ଼ୋକୋ ସେକାଡ଼େନ୍ କାକୋ ହାର୍ ସେୱା ରାଃ କାମି ରିକାଅଃକା ହାର୍ ମାସୀହ୍ ରାଃ ହୋଡ଼ମୋ ବାଇ ଇଦିୟୋଃକା।

ଫିଲିପିୟ 1:1

ମାସୀହ୍ ୟୀଶୁ ରାଃ ଦାସୀ ପାଉଲୁସ୍ ହାର୍ ତିମୁଥିୟୁସ୍ ଆଃ ପାଡ଼େତେ ସବେନ୍ ପାବିତାର୍ ହୋଡ଼ୋକୋୱାଃ ନୁତୁମ୍ ରେ ଅକନ୍‍କୋ ମାସୀହ୍ ୟୀଶୁ ରେ ହୋବାକେତେ ଫିଲିପ୍ପି ସାହାର୍ ରେ ତାଇନ୍ ତାନାକୋ, ହାର୍ ବିଶାପ୍ କୋକେହ ଆଡୋଃ ସବେନ୍ ଦାସୀ କୋକେହ,

ଫିଲିପିୟ 3:16

ଏନାମେନ୍ତେ ଚିମିନ୍ ସାନ୍ତେ ଧାଡ଼ି ତାନାବୁ, ପାର୍ମେଶ୍ଵାର୍ ଆବୁକେ ଉଦୁବାଃ କାବୁୱାଏ ଏନ୍ ଲେକାଗି ସେନେକାବୁ।

ଫିଲିପିୟ 3:3

ଚିୟାଃଚି ଖାତ୍ନା ରିକାତାନ୍ କୋ ଦୋ ଆବୁଗି ତାନ୍‍ବୁ ଅକନ୍ କୋ ପାର୍ମେଶ୍ଵାର୍ ରାଃ ଆତ୍ମା ରାଃ ଆୟାର୍ ତେ ଆରାଧାନା ତାନାବୁ, ଆଡୋଃ ମାସୀହ୍ ୟୀଶୁ ରେ ମାରାଙ୍ଗ୍ଏନ୍ ଲେକା ଆଟ୍‍କାର୍ ତାନାବୁ, ହାର୍ତେ ହୋଡ଼ମୋ ରେ ଭାରୋସା କାବୁ ମାଣ୍ତାଅ ତାନା।

ଫିଲିପିୟ 3:8

ମେନ୍ଦୋ ଇଙ୍ଗ୍ ଇଙ୍ଗ୍ଆଃ ପ୍ରାଭୁ ମାସୀହ୍ ୟୀଶୁ ରାଃ ଉରୁମ୍ ରାଃ ବୁଗିନାଃ ଚାଲ୍ତେ ସବେନ୍ କାଜି କୋକେ ହାନି ବୁଝାଅଃ ତାନିଙ୍ଗ୍। ଅକନାଃ ଚାଲ୍ତେ ଇଙ୍ଗ୍ ସବେନ୍ ଜିନିଷ୍‍କୋ ରାଃ ହାନି ଉଠାଓକେଦାଇଙ୍ଗ୍, ଆଡୋଃ ଏନାକୋକେ କାତ୍ୱାର୍ ବୁଝାଅଃ ତାନିଙ୍ଗ୍, ଏନାତେଚି ଇଙ୍ଗ୍ ମାସୀହ୍ କେ ନାମିୟାଇଙ୍ଗ୍।

୧ ଥେସ୍‌ଲନିକା 5:15

ହୋସିୟାର୍! ଜେତାଏ ଜାହାଁଏକେ ଏତ୍କାନ୍ ରାଃ ବାଦ୍‍ଲା ରେ ଏତ୍କାନ୍ ଆଲୋପେ ରିକାୟା, ମେନ୍ଦୋ ସାଦାଏ ବୁଗିନାଃ ରିକାନାଙ୍ଗ୍ ସେକାଡ଼୍ ରେ ତାଇନ୍‍ପେ, ଆପେ-ଆପେକୋରେ ହାର୍ ସବେନ୍ କୋ ନାଙ୍ଗ୍ ବୁଗିନାଃଗି ରିକାନାଙ୍ଗ୍ କୋଷିସ୍ ଏପେ।

୨ ଥେସ୍‌ଲନିକା 2:13

ହେ ହାଗାକୋ, ଆଡୋଃ ପ୍ରାଭୁ ଆଃ ଦୁଲାଡ଼ାନ୍ ହୋଡ଼ୋକୋ, ଆଲେ ଆପେୟାଃ ବିଷାୟ୍ ରେ ସବେନ୍ ଇମ୍ତାଙ୍ଗ୍ ପାର୍ମେଶ୍ଵାର୍ ରାଃ ଧାନ୍ୟାବାଦ୍ ରିକା କାତେୟାଲେ ଏନା ଲାଗାତିଙ୍ଗ୍ ମେନାଃ, ଚିୟାଃଚି ପାର୍ମେଶ୍ଵାର୍ ଆପେକେ ମୁନୁ ଏତେ ସାଲାକାଃ ପେୟାଏ ଚି ଆତ୍ମା ରାଃ ହୋରାତେ ପାବିତାର୍ ବାଇକେତେ, ସାର୍ତି କେ ପାତି କେତେ ବାଞ୍ଚାଅ ନାମେପେ,

୧ ତିମଥି 5:10

ହାର୍ ବୁଗିନ୍ କାମିକୋ ରେ ନୁତୁମାନ୍ ତାଇନ୍ ଲେନାଏ, ଅକଏ ହୋନ୍-ଗାଣା କୋକେ ଆସୁଲ୍ ହାରା କାଃକୋୱାଏ; ପେଡ଼ାକୋକେ ମାଇନ୍ କାଃଆଏ, ପାବିତାର୍ ହୋଡ଼ୋକୋୱାଃ କାଟା ଆବୁଙ୍ଗ୍ କାଃଆଏ, ଦୁକୁତାନ୍ କୋକେ ଦେଙ୍ଗା କାଃଆଏ, ହାର୍ ସବେନ୍ ବୁଗିନ୍ କାମିକୋ ରେ ମୋନ୍ ଲାଗାଅ ଲେଦାଏ।

୧ ତିମଥି 6:19

ହାର୍ ଆୟୁର୍ତେ ଲାଗିନ୍ ମିୟାଃ ବୁଗିନ୍ ନାହି ଲେକା ସାର୍ତି ଜୀଦାନ୍ କେ ନାମେ ଲାଗିନ୍ତେ ଧାନ୍ ହୁଣ୍ଡିକାକୋ।

ଇବ୍ରାନୀୟୋରେନ୍ 12:14

ସବେନ୍ କୋଲୋଃ ମେଶାନ୍ ତେ ତାଇୟୋଃପେ, ଆଡୋଃ ଏନ୍ ପାବିତାର୍ କେ ନାନାମ୍ ରାଃ ଦାଣା ରେ ତାଇୟୋଃପେ, ଏନା କାତାଇୟୋଃ ରେ ପ୍ରାଭୁ କେ ଜେତାଏ ଚିଉଲା ହ କାଏ ନେଲ୍ ଧାଡ଼ିୟାଏ।

ଇବ୍ରାନୀୟୋରେନ୍ 12:23

ଆଡୋଃ ଏନ୍ ପାହିଲା ଜାନାମ୍ କୋୱାଃ ସାଧାରାନ୍ ଦୁନୁବ୍ ରେ ହାର୍ କାଲିସିୟା ରେ, ଅକନ୍ କୋୱାଃ ନୁତୁମ୍ ସିର୍ମାଦିଶୁମ୍ ରେ ଅଲାକାନା, ହାର୍ ସବେନ୍ କୋୱାଃ ବିଚାର୍ନିଃ ପାର୍ମେଶ୍ଵାର୍ ନାଡ଼େଏ ତାଃ, ଆଡୋଃ ତେୟାର୍ କାନ୍ ଧାର୍ମୀ କୋୱାଃ ଆତ୍ମାକୋତାଃ,

ଇବ୍ରାନୀୟୋରେନ୍ 13:21

ଇନିଃ ଆପେକେ ସବେନ୍ କାଜି କୋରେ ପୋକ୍ତାବାଇ ପେକାଏ, ଏନାତେ ଆପେ ଇନିଜାଃ ସାନାଙ୍ଗ୍ କେ ପୁରାୟାପେ, ହାର୍ ଅକନାଃ କୋ ଇନିଃକେ ସୁକୁୱାଇୟା, ଏନା ୟୀଶୁ ମାସୀହ୍ ରାଃ ହୋରାତେ ଆବୁ ରେ ଅମୋନେକାଏ। ଇନିଜାଃ ଗି ମାନାରାଙ୍ଗ୍ ଜାନାଓ-ଜାନାଓ ହୋବାଅଃକା। ଆମୀନ୍।

ୟାକୁବ୍ 3:2

ଏନାମେନ୍ତେ ଚି ଆବୁ ସବେନ୍ କୋ ଥିମ୍ବାଗି କାଜି ରେ ଥୋଦୋଃ ତାନାବୁ; ଅକଏ ବାଚାନ୍ ରେ କାଏ ଥୋଦୋଃ ତାନାଏ ଇନିଃଗି ପୁରା ସାରିକାନ୍ ହୋଡ଼ ତାନିଃ; ଆଡୋଃ ଆଜାଃ ସବେନ୍ ହୋଡ଼ମୋ ଚେତାନ୍ ରେ ହଗି ଲାଗାମ୍ ଲାଗାଅ ଧାଡ଼ିୟାଏ।

1 ପାତ୍ରାସ୍ 5:10

ନାଆ ପାର୍ମେଶ୍ଵାର୍ ଅକନିଃ ସବେନ୍ ଆନୁଗ୍ରାହ୍ ରାଃ ଏହେମ୍ ନିଈ ତାନିଃ, ଅକନିଃ ଆପେକେ ମାସୀହ୍ ରେ ଆଜାଃ ଜାନାଓ-ଜାନାଓ ମାନାରାଙ୍ଗ୍ ଲାଗିନ୍ କେଡ଼ାକେଃପେୟାଏ, ଆପେୟାଃ ହୁଡିଙ୍ଗ୍ ସାମାୟ୍ ରାଃ ଦୁକୁ ସାହାଅ ତାୟୋମ୍ତେ ଆଏଃ ଗି ଆପେକେ ପୋକ୍ତା ହାର୍ କେଟେଃ ଆଡୋଃ ପେଡ଼େଜାନ୍ ବାଇପେୟାଏ।

2 ପାତ୍ରାସ୍ 3:18

ମେନ୍ଦୋ ଆବୁୱାଃ ପ୍ରାଭୁ ଆଡୋଃ ବାଞ୍ଚାଅନିଃ ୟୀଶୁ ମାସୀହ୍ ରାଃ ଆନୁଗ୍ରାହ୍ ଆଡୋଃ ଉରୁମ୍ ରେ ମାରାଙ୍ଗ୍ ଇଦିଅଃପେ। ଇନିଜାଃ ଗି ମାନାରାଙ୍ଗ୍ ନାଆ ହଗି ହୋବାଅଃକା, ଆଡୋଃ ଜାନାଓ-ଜାନାଓ ଜାକେଦ୍ ହୋବାକାତୋଃକା। ଆମୀନ୍।