ଫିଲିପିୟ 3:10 - ମୁଣ୍ଡା ନାୱା ନିୟାମ୍

¹⁰ ଏନାତେ ଇଙ୍ଗ୍ ମାସୀହ୍ କେ ଆଡୋଃ ଇନିଜାଃ ଜୀବିନିରିଦ୍ ରାଃ ପେଡ଼େଏ କେ, ଆଡୋଃ ଇନିଃ ଲୋଃ ଦୁକୁ କୋରେ ମେଶାନ୍ ରାଃ ମାନେ କେ ସାରିୟାଇଙ୍ଗ୍, ଆଡୋଃ ଇନିଜାଃ ଗୋନୋଏଃ ରେ ଆଜାଃ ଲେକା ହୋବାୱାଇଙ୍ଗ୍।

ପାର୍‌ମେଶ୍ୱାର୍‌ଆଃ ଜୀନିଦ୍‌ ବାଚାନ୍‌ ନାୱା ନିୟାମ୍‌

¹⁰ ନାହାଁଃଦ, ନେଆଁଇଙ୍ଗ୍‌ ସାନାଙ୍ଗ୍‌ତାନା, ଆଇଙ୍ଗ୍‌ ଖ୍ରୀଷ୍ଟ୍‌କେ ସାରିୟାଇଙ୍ଗ୍‌ ଆଡଃ ଆୟାଃ ଜୀଉବିନିରିଦ୍‌ରାଃ ପେଡ଼େଃକେଇଙ୍ଗ୍‌ ଆଟ୍‌କାର୍‌ ଦାଡ଼ିକା, ଆୟାଃ ଦୁକୁହାସୁକେ ଆଟ୍‌କାର୍‌କେଦ୍‌ତେ ଗନଏଃରେୟ ଆୟାଃ ଲେକାଇଙ୍ଗ୍‌ ହବାଅଃକା,

ଫିଲିପିୟ 3:10 Iomraidhean Croise

ମାତ୍ତିଉ 20:23

ୟୀଶୁ ଇନ୍‍କୁକେ କାଜିୟାଃକୋୱାଏ, “ଆପେ ଇଙ୍ଗ୍ଆଃ ଦୁକୁ ଦୋ ପେ ସାହାତିଙ୍ଗ୍ ୟା, ମେନ୍ଦୋ ଇଙ୍ଗ୍ଆଃ ଜୋମ୍ ପାଡ଼୍ ହାର୍ ଇଙ୍ଗ୍ଆଃ ଲେଙ୍ଗା ପାଡ଼୍ ଦୁଦୁବ୍ ଏହେମ୍ ଇଙ୍ଗ୍ଆଃ କାମି ନାହାଲା, ମେନ୍ଦୋ ଅକେୟାଃ ଲାଗିନ୍ତେ ଇଙ୍ଗ୍ଆଃ ଆପୁ ପାଡ଼େତେ ବାଇକାନା, ଇନ୍‍କୁ ଲାଗିନ୍ତେ ଏନା ତାନାଃ।”

ଯୋହାନ୍ 10:18

ଜେତାଏ ହ ଇଙ୍ଗ୍ଆଃ ଜୀଉ କେ ରେଏଃ କାକୋ ଧାଡ଼ିୟା, ମେନ୍ଦୋ ଏନାକେ ଇଙ୍ଗ୍ ଗି ଏମେୟାଇଙ୍ଗ୍। ଇଙ୍ଗ୍‍କେ ଏନା ଏହେମ୍ ରାଃ ଆଧିକାର୍ ହ ମେନାଃ, ହାର୍ ଏନା ଏତେ ଇଦି ରାଃ ହ ଆଧିକାର୍ ମେନାଃ: ନେ ଆନାଚୁ ଇଙ୍ଗ୍‍କେ ଇଙ୍ଗ୍ଆଃ ଆପୁ ଏତେ ନାମାକାନା।”

ଯୋହାନ୍ 17:3

ହାର୍ ଜାନାଓ ଜୀଦାନ୍ ନେୟା ତାନାଃ ଚି ଇନ୍‍କୁ ଆମ୍‍କେ ମିୟାଃ ଭାଇର୍ ସାର୍ତି ପାର୍ମେଶ୍ଵାର୍ ମେନ୍ତେ ହାର୍ ଇଙ୍ଗ୍ ୟୀଶୁ ମାସୀହ୍ କେ ଅକନିଃକେ ଆମ୍ ଅତେ ରେ କୁଲ୍ କାଦିଙ୍ଗାମ୍, ସାରିକାକୋ।

ରୋମ୍‍ରେନ୍ 8:17

ହାର୍ ଆଗାର୍ ହୋନ୍ ଗାଣାକୋ ତାନ୍‍ବୁ ରେଦୋ ଆଧିକାରୀ ନାମେକୋ ତାନ୍‍ବୁ, ପାର୍ମେଶ୍ଵାର୍ ରାଃ ଆଧିକାରୀ ନାମେକୋ ତାନ୍‍ବୁ ହାର୍ ମାସୀହ୍ ଲୋଃ ମିଃତେ ଆଧିକାରୀ ନାମେକୋ ତାନ୍‍ବୁ, ଚିମ୍ତାଙ୍ଗ୍ ଆବୁ ଇନିଜାଃ ଲୋଃ ଦୁକୁ ସାହାତିଙ୍ଗ୍ ତାନାବୁ ଦୋ ଇନିଜାଃ ଲୋଃ ମାନାରାଙ୍ଗ୍ ହ ନାମେୟାବୁ।

ରୋମ୍‍ରେନ୍ 8:29

ଚିୟାଃଚି ଅକନ୍ କୋକେ ଇନିଃ ସୀଦାଏତେ ସାରିକାଦାଏ ଇନ୍‍କୁକେ ସୀଦାଏତେଗି ଦୋହୋକାଃକୋୱାଏ ଚି ଇନିଜାଃ ହୋନ୍ ଲେକା ହୋବାଅଃକାକୋ, ଏନାତେ ଇନିଃ ଥିମ୍ବାଗି ହାଗାକୋ ଥାଲାରେ ସିଦାଜାନାମ୍ ହୋନ୍ ହୋବାଅଃୱାଏ।

ରୋମ୍‍ରେନ୍ 8:36

ଜେଲେକା ଅଲାକାନା, “ଆମାଃ ଲାଗିନ୍ ଆଲେ ଗୋଟା ଶିଙ୍ଗି ଗୋଜୋଃ ତାନାଲେ; ଆଲେ ଗୋଜୋଃ ନାଙ୍ଗ୍ ସେକାଡ଼ାକାନ୍ ମିଣ୍ଡୀ କୋୱାଃ ଲେକା ଗିନ୍ତି ଜାନାଲେ।”

୨ କରିନ୍ଥିୟ 1:10

ଇନିଃଗି ଆଲେକେ ଗୋନୋଏଃ ରାଃ ନେକାନ୍ ମାରାଙ୍ଗ୍ ସାଙ୍କାଟ୍ ଏତେ ବାଚାଓ କେଃଲେୟାଏ; ହାର୍ ଇନିଜାଃ ଚେତାନ୍ ରେ ଆଲେୟାଃ ଆଶ୍ରା ମେନାଃ ଚି ଇନିଃ ଆୟୁର୍ ତେହଗି ବାଚାଓ କାତେୟାଏ।

୨ କରିନ୍ଥିୟ 1:5

ଚିୟାଃଚି ଜେଲେକା ଆବୁ ମାସୀହ୍ ରାଃ ଦୁକୁ କୋରେ ଥିମ୍ବା ମେଶାନ୍ ତାନାବୁ, ଏନ୍‍ଲେକାଗି ଆବୁ ଶାନ୍ତି ରେହଗି ମାସୀହ୍ ରାଃ ହୋରାତେ ଥିମ୍ବା ମେଶାନ୍ ତାନାବୁ।

୨ କରିନ୍ଥିୟ 13:4

ଇନିଃ ନାରାଦୁରା ରାଃ ହୋରାତେ କ୍ରୁଶ୍ ରେ ରାକାବ୍ ରିକା ଦୋ ଜାନାଏ, ଏଣ୍ତେ ରେହ ପାର୍ମେଶ୍ଵାର୍ ରାଃ ପେଡ଼େଏ ତେ ଜୀନିଦ୍ ମେନାଇଜା। ଆଲେ ହଗି ଇନିଃରେ ନାରାଦୁରା ତାନ୍‍ଲେ, ମେନ୍ଦୋ ପାର୍ମେଶ୍ଵାର୍ ରାଃ ପେଡ଼େଏ ତେ ଅକନାଃ ଆପେ ଲାଗିନ୍ ତାନାଃ, ଇନିଜାଃ ଲୋଃ ଜୀହିଦୋଃ ୱାଲେ।

ଗାଲାତିୟ 2:20

ଇଙ୍ଗ୍ ମାସୀହ୍ ଲୋଃ କ୍ରୁଶ୍ ରେ ରାକାବାକାନିଙ୍ଗ୍, ନାଆ ଇଙ୍ଗ୍ ଜୀହିଃ ବାଙ୍ଗୁଇଙ୍ଗ୍‍ୟା, ମେନ୍ଦୋ ମାସୀହ୍ ଇଙ୍ଗ୍ଆଃ ରେ ଜୀହିଃ ମେନାଇଜା; ହାର୍ ନାଆ ଇଙ୍ଗ୍ ହୋଡ଼ମୋ ରେ ଯେ ଜୀହିଦୋଃ ତାନିଙ୍ଗ୍ ଏନା ଏନ୍ ବିଶ୍ଵାସ୍ ତେ ଭାଇର୍ ଜୀହିଦୋଃ ତାନିଙ୍ଗ୍ ଅକନାଃ ପାର୍ମେଶ୍ଵାର୍ ରାଃ ହୋନ୍ ଚେତାନ୍ ରେ ମେନାଃ, ଅକନିଃ ଇଙ୍ଗ୍‍କେ ଦୁଲାଡ଼୍ କେଦିଙ୍ଗ୍ଆଏ ହାର୍ ଇଙ୍ଗ୍ଆଃ ଲାଗିନ୍ତେ ଆଏଃ ଆପାନ୍ କେ ଏମ୍ ତାଦାଏ।

ଗାଲାତିୟ 6:17

ଆୟୁର୍ ତେ ଜେତାଏ ଇଙ୍ଗ୍‍କେ ଦୁକୁ ଆଲୋ ଏମାଇଙ୍ଗ୍ କାଏ, ଚିୟାଃଚି ଇଙ୍ଗ୍ ୟୀଶୁ ଆଃ ଚିହ୍ନା କୋ ଇଙ୍ଗ୍ଆଃ ହୋଡ଼ମୋ ରେ ଇଦିବାଡ଼ା ତାନିଙ୍ଗ୍।

ଏଫିସିୟ 4:13

ଚିମିନ୍ ସାନ୍ତେ ଆବୁ ସବେନ୍ କୋ ବିଶ୍ଵାସ୍ ହାର୍ ପାର୍ମେଶ୍ଵାର୍ ରାଃ ହୋନ୍ ରାଃ ନେଲ୍ ଉରୁମ୍ ରେ ମିଃ କାବୁ ବାଇୟେନ୍ ତାନା, ହାର୍ ମିୟାଃ ପୁରାଃ ପୋକ୍ତା ହୋଡ଼ କାବୁ ବାଇୟେନ୍ ତାନା ହାର୍ ମାସୀହ୍ ରାଃ ସବେନ୍ ଫେରେଃକାନ୍ ତେ କାବୁ ଫେରେଃ ଇଦିଅଃତାନା।

ଫିଲିପିୟ 3:8

ମେନ୍ଦୋ ଇଙ୍ଗ୍ ଇଙ୍ଗ୍ଆଃ ପ୍ରାଭୁ ମାସୀହ୍ ୟୀଶୁ ରାଃ ଉରୁମ୍ ରାଃ ବୁଗିନାଃ ଚାଲ୍ତେ ସବେନ୍ କାଜି କୋକେ ହାନି ବୁଝାଅଃ ତାନିଙ୍ଗ୍। ଅକନାଃ ଚାଲ୍ତେ ଇଙ୍ଗ୍ ସବେନ୍ ଜିନିଷ୍‍କୋ ରାଃ ହାନି ଉଠାଓକେଦାଇଙ୍ଗ୍, ଆଡୋଃ ଏନାକୋକେ କାତ୍ୱାର୍ ବୁଝାଅଃ ତାନିଙ୍ଗ୍, ଏନାତେଚି ଇଙ୍ଗ୍ ମାସୀହ୍ କେ ନାମିୟାଇଙ୍ଗ୍।

କୁଲୁସିୟୋରେନ୍ 1:24

ନାଆ ଇଙ୍ଗ୍ ଏନ୍ ଦୁକୁ କୋରାଃ ନାଙ୍ଗ୍ ରାଶିକାଅଃ ତାନିଙ୍ଗ୍, ଅକନାଃ ଆପେ ଲାଗିନ୍ ସାହାଅ ତାନିଙ୍ଗ୍ ହାର୍ ମାସୀହ୍ ରାଃ ସାରେଜାକାନ୍ ଦୁକୁ କୋ ନାଙ୍ଗ୍ ଇନିଜାଃ ହୋଡ଼ମୋ ଲାଗିନ୍, ମାନେ କାଲିସିୟା ଲାଗିନ୍, ଇଙ୍ଗ୍ଆଃ ହୋଡ଼ମୋ ରେ ପୁରା ତାନିଙ୍ଗ୍;

କୁଲୁସିୟୋରେନ୍ 2:13

ପାର୍ମେଶ୍ଵାର୍ ଆପେ କେ ହଗି, ଅକନ୍ କୋ ଆପେୟାଃ ପାପ୍ କୋରେ ହାର୍ ହୋଡ଼ମୋ ତାପେୟାଃ କାଖାତ୍ନାକାନ୍ ରେ ଗୋଏଃକାନ୍ ତାଇକେନାପେ, ମାସୀହ୍ ଲୋଃ ଜୀହିଃ କେଃପେୟାଏ, ହାର୍ ଆବୁୱାଃ ସବେନ୍ ପାପ୍ କୋକେ ଛାମା କେଦାଏ।

କୁଲୁସିୟୋରେନ୍ 3:1

ଏନାମେନ୍ତେ, ଚିମ୍ତାଙ୍ଗ୍ ମାସୀହ୍ ଲୋଃ ଜୀହିଃ ବିରିଃ ଜାନାପେ, ଏଣ୍ଡେ ସିର୍ମାଦିଶୁମ୍ ରାଃ ଜିନିଷ୍ କୋୱାଃ ନାମ୍ ବାଡ଼ା ରେ ତାଇନ୍‍ପେ, ଅକତାଃରେ ମାସୀହ୍ ମେନାଇଜା ହାର୍ ପାର୍ମେଶ୍ଵାର୍ ରାଃ ଜୋମ୍ ପାଡ଼୍ ରେ ଦୁବ୍ କାନାଏ।

1 ପାତ୍ରାସ୍ 1:3

ଆବୁୱାଃ ପ୍ରାଭୁ ୟୀଶୁ ମାସୀହ୍ ରାଃ ପାର୍ମେଶ୍ଵାର୍ ଆଡୋଃ ଆପୁ ରାଃ ଧାନ୍ୟାବାଦ୍ ହୋବାଅଃକା, ଅକନିଃ ୟୀଶୁ ମାସୀହ୍ କେ ଗୋଜାକାନ୍ ଏତେ ଜୀବିନିରିଦ୍ ରାଃ ହୋରାତେ, ଆଜାଃ ମାରାଙ୍ଗ୍ ଦାୟା ଏତେ ଆବୁକେ ଜୀନିଦ୍ ଆଶ୍ରା ଲାଗିନ୍ ନାୱା ଜାନାମ୍ ଏମ୍ କାଦାଏ,

2 ପାତ୍ରାସ୍ 1:13

ଇଙ୍ଗ୍ ନେୟା ଇଙ୍ଗ୍ଆଃ ଲାଗିନ୍ ଠାଉକା ଆଟ୍‍କାର୍ ତାନିଙ୍ଗ୍ ଚି ଚିମ୍ତାଙ୍ଗ୍ ସାନ୍ ଇଙ୍ଗ୍ ଇଙ୍ଗ୍ଆଃ ହୋଡ଼ମୋ ରେ ଡେରା ଅଡ଼୍ଆଃ ଲେକା ଜୀହିଦୋଃ ତାନିଙ୍ଗ୍ ଇମ୍ତାଙ୍ଗ୍ ସାନ୍ ଆପେକେ ମୋନେ ରିକା-ରିକା କେତେ ଫେରେଃ କାତେ ପେୟାଇଙ୍ଗ୍।

1 ଯୋହାନ୍ 2:3

ଆଗାର୍ ଆବୁ ଇନିଜାଃ ଆନାଚୁ କୋକେ ମାନାତିଙ୍ଗ୍ ୟାବୁ, ଏଣ୍ଡେ ଏନାତେ ଆବୁ ସାରିକେୟାବୁ ଚି ଆବୁ ଇନିଃକେ ସାରି କିଜାବୁ।

1 ଯୋହାନ୍ 2:5

ମେନ୍ଦୋ ଅକଏ ଇନିଜାଃ ବାଚାନ୍ କେ ମାନାତିଙ୍ଗ୍ ୟାଏ, ଇନିଜାଃ ରେ ସାର୍ତିଗୀ ପାର୍ମେଶ୍ଵାର୍ ରାଃ ଦୁଲାଡ଼୍ ପୁରାଜାନା। ଆବୁ ନେୟାତେ ଗି ସାରିୟାବୁ, ଚି ଆବୁ ଇନିଃ ରେ ମେନାବୁୱା।

ଉଦୁବ୍‍କାଜି 1:18

ଇଙ୍ଗ୍ ଗୋଏଃ ଲେନାଇଙ୍ଗ୍, ଆଡୋଃ ନାଆ ନେଲେମ୍ ଇଙ୍ଗ୍ ଜାନାଓ-ଜାନାଓ ଲାଗିନ୍ ଜୀହିଃ ମେନାଇଙ୍ଗ୍; ଆଡୋଃ ଗୋନୋଏଃ ହାର୍ ପାତାଲ୍ ରାଃ ଚାଭି ଇଙ୍ଗ୍ ତାଃ ରେୟା।