ଫିଲିପିୟ 2:8 - ମୁଣ୍ଡା ନାୱା ନିୟାମ୍

⁸ ହାର୍ ହୋଡ଼ ଲେକା ନେପେଲ୍ ରେ ହୋବାୟାନ୍ତେ ଆଏଃ ଆପାନ୍ କେ ମୋନ୍ ରେ ହୁଡିଙ୍ଗ୍ଏନ୍ ନିଃ ବାଇକେଦାଏ। ହାର୍ ନେତାଃ ସାନ୍ତେ ଆନାଚୁ ମାନାତିଙ୍ଗ୍ ନିଃ ହୋବାୟାନାଏ ଚି ଗୋନୋଏଃ, ହାଁ, କ୍ରୁଶ୍ ରାଃ ଗୋନୋଏଃ ହଗି ସାହାତିଙ୍ଗ୍ କେଦାଏ।

ପାର୍‌ମେଶ୍ୱାର୍‌ଆଃ ଜୀନିଦ୍‌ ବାଚାନ୍‌ ନାୱା ନିୟାମ୍‌

⁸ ଇନିଃ ଆଇଃକ୍‌ଗି ଲେବେଃ ମନ୍‌ତେ ହବାୟାନ୍‌ଲଃ ଆଡଃ ସବେନ୍‌ ଗନଏଃରେୟାଃ ହରାରେ ଆୟାଃ କ୍ରୁଶ୍‌ରାଃ ଗନଏଃ ଜାକେଦ୍‌ କାଜି ମାନାତିୟେଁନ୍‌ ଲେକାଏ ହବାୟାନା ।

ଫିଲିପିୟ 2:8 Iomraidhean Croise

ମାତ୍ତିଉ 17:2

ଏନ୍ତାଃରେ ଇନ୍‍କୁୱାଃ ସାମ୍‍ନାଙ୍ଗ୍ ରେ ଆଜାଃ ରୂପ୍ ବାଦ୍‍ଲାଅ ଜାନା, ହାର୍ ଆଜାଃ ମେଏଃମୁହାଡ଼୍ ଶିଙ୍ଗି ଲେକା ଚାମ୍‍କାଓ ଜାନା ହାର୍ ଇନିଜାଃ ଲିଜାଃ ବାତୀ ଲେକା ମାସ୍କାଲ୍ ଜାନା।

ମାତ୍ତିଉ 26:39

ଏନ୍ତେ ଇନିଃ ହୁଡିଙ୍ଗ୍ ଆଡୋଃ ଆୟୁର୍ ତେ ସେନ୍ କେତେ ଇକ୍ଡ଼ୁମ୍ କେଦାଏ, ହାର୍ ନେୟା ବିନ୍ତି କେଦାଏ, “ହେ ଇଙ୍ଗ୍ଆଃ ଆପୁ, ଆଗାର୍ ହୋବା ଧାଡ଼ିୟୋଃ ରେଦୋ ନେ ଦୁକୁ ଇଙ୍ଗ୍ଆଃ ତାଃ ଏତେ ଆତୋମ୍ ତାମ୍, ଏନ୍ ରେହ ଚିଲ୍‍କା ଇଙ୍ଗ୍ ସାନାଙ୍ଗ୍ ତାନାଇଙ୍ଗ୍ ଏନ୍‍ଲେକା କାହା ମେନ୍ଦୋ ଚିଲ୍‍କା ଆମ୍ ସାନାଙ୍ଗ୍ ତାନାମ୍ ଏନ୍‍ଲେକାଗି ହୋବାଅଃକା।”

ମାତ୍ତିଉ 26:42

ହାର୍ ଇନିଃ ଆଡୋଃ ମିଶା ସେନ୍ କେତେ ନେୟା ବିନ୍ତି କେଦାଏ, “ହେ ଇଙ୍ଗ୍ଆଃ ଆପୁ, ଆଗାର୍ ନେୟା ଇଙ୍ଗ୍ଆଃ ବେଗାର୍ ସାହାତିଙ୍ଗ୍ କା ଆତୋମ୍ ଧାଡ଼ିୟୋଃୱା ଏଣ୍ଡେ ଆମାଃ ସାନାଙ୍ଗ୍ ପୁରାଅଃ କା।”

ଲୁକା 9:29

ଚିମ୍ତା ଇନିଃ ବିନ୍ତି ତାଇକେନାଏ, ଇମ୍ତା ଇନିଜାଃ ମେଏଃମୁହାଡ଼୍ ରାଃ ରୂପ୍ ବାଦ୍‍ଲାଅ ଜାନା, ଆଡୋଃ ଇନିଜାଃ ଲିଜାଃ ପୁଣ୍ଡୀ ହୋବାକେତେ ଚାମ୍‍କାଓ ଜାନା।

ଯୋହାନ୍ 10:18

ଜେତାଏ ହ ଇଙ୍ଗ୍ଆଃ ଜୀଉ କେ ରେଏଃ କାକୋ ଧାଡ଼ିୟା, ମେନ୍ଦୋ ଏନାକେ ଇଙ୍ଗ୍ ଗି ଏମେୟାଇଙ୍ଗ୍। ଇଙ୍ଗ୍‍କେ ଏନା ଏହେମ୍ ରାଃ ଆଧିକାର୍ ହ ମେନାଃ, ହାର୍ ଏନା ଏତେ ଇଦି ରାଃ ହ ଆଧିକାର୍ ମେନାଃ: ନେ ଆନାଚୁ ଇଙ୍ଗ୍‍କେ ଇଙ୍ଗ୍ଆଃ ଆପୁ ଏତେ ନାମାକାନା।”

ଯୋହାନ୍ 14:31

ମେନ୍ଦୋ ନେୟା ଏନାମେନ୍ତେ ହୋବାଅଃ ତାନା ଚି ଅତେଦିଶୁମ୍ ସାରିକାଏ ଚି ଇଙ୍ଗ୍ ଆବା କେ ଦୁଲାଡ଼୍ ତାନିଙ୍ଗ୍, ଆଡୋଃ ଚିଲ୍‍କା ଆବା ଇଙ୍ଗ୍‍କେ ଆନାଚୁ ଏମ୍ କାଦିଙ୍ଗାଏ ଏନ୍‍ଲେକାଗି ରିକାତାନିଙ୍ଗ୍। ବିରିଃପେ, ନେତାଃ ତେ ସେନାବୁ।”

ଯୋହାନ୍ 15:10

ଆଗାର୍ ଆପେ ଇଙ୍ଗ୍ଆଃ ଆନାଚୁ କୋକେ ମାନାତିଙ୍ଗ୍ ୟାପେ, ଏଣ୍ଡେ ଇଙ୍ଗ୍ଆଃ ଦୁଲାଡ଼୍ ରେ ବାଇକେତେ ତାଇନୋଃୱାପେ, ଜେଲେକା ଇଙ୍ଗ୍ ଆବା ରାଃ ଆନାଚୁ କୋକେ ମାନାତିଙ୍ଗ୍ କାଦାଇଙ୍ଗ୍, ହାର୍ ଆୟାଃ ଦୁଲାଡ଼୍ ରେ ବାଇକେତେ ତାଇନୋଃୱାଇଙ୍ଗ୍।

ଯୋହାନ୍ 4:34

ୟୀଶୁ ଇନ୍‍କୁକେ କାଜିକେଦାଏ, “ଇଙ୍ଗ୍ଆଃ ଜୋଜୋମାଃ ନେୟା ତାନାଃ ଚି ଇଙ୍ଗ୍ଆଃ କୁଲାକାନ୍ ରାଃ ସାନାଙ୍ଗ୍ ଲେକା ସେସେନାଇଙ୍ଗ୍ ହାର୍ ଆୟାଃ କାମି କେ ପୁରା ୟାଇଙ୍ଗ୍।

କୁଲାକାନ୍ 8:33

ଇନିଃ ଆପ୍‍ମାନ୍ ଜାନାଏ ହାର୍ ବିଚାର୍ କାଏ ନାମ୍ ଧାଡ଼ିକେଦାଏ, ହାର୍ ଇନିଜାଃ ବାଂଶ୍ ରେନ୍ ହୋଡ଼ୋକୋୱାଃ ବିଷାୟ୍ ଅକଏ କାଜିୟାଏ? ଚିୟାଃଚି ଅତେଦିଶୁମ୍ ଏତେ ଇନିଜାଃ ଜୀଉ ଇଦିଜାନା।”

ରୋମ୍‍ରେନ୍ 5:19

ଚିୟାଃଚି ଜେଲେକା ମିୟାଃ ହୋଡ଼ ରାଃ ଆନାଚୁ କାମାନାତିଙ୍ଗ୍ ହୋରାତେ ଥିମ୍ବାଗି ହୋଡ଼ୋକୋ ପାପୀ ହୋବାଜାନାକୋ, ଏନ୍‍ଲେକାଗି ମିୟାଃ ହୋଡ଼ ରାଃ ଆନାଚୁ ମାନାତିଙ୍ଗ୍ ହୋରାତେ ଥିମ୍ବାଗି ହୋଡ଼ୋକୋ ଧାର୍ମୀ ହୋବାଅଃୱାକୋ।

୨ କରିନ୍ଥିୟ 8:9

ଆପେ ଆବୁୱାଃ ପ୍ରାଭୁ ୟୀଶୁ ମାସୀହ୍ ରାଃ ଆନୁଗ୍ରାହ୍ କେ ସାରିୟାପେ ଚି, ଇନିଃ କିଶାଣ୍ ତାଇନ୍ କେତେ ହଗି ଆପେୟାଃ ଲାଗିନ୍ ଗାରିବ୍ ବାଇଜାନାଏ, ଏନାତେ ଇନିଜାଃ କାଙ୍ଗାଲ୍ ହୋବାଜାନ୍ତେ ଆପେ କିଶାଣ୍ ବାଇ କେନୋଃପେ।

ଗାଲାତିୟ 3:13

ମାସୀହ୍ ଅକନିଃ ଆବୁ ଲାଗିନ୍ତେ ସାର୍ପାଅ ଜାନାଏ, ଇନିଃ ଆବୁକେ କିରିଙ୍ଗ୍ କେତେ ମୁଶା ନାବୀ ରାଃ ଆଇନ୍ ରାଃ ସାର୍ପାଅ ତେ ଛୋଡ଼ାଓ କେଃବୁୱାଏ, ଚିୟାଃଚି ଅଲାକାନା, “ଅକଏ ସାହାନ୍ କ୍ରୁଶ୍ ରେ ଲାଟ୍‍କାଅଃୱାଏ ଇନିଃ ସାର୍ପାଅକାନାଏ।”

ତିତସ୍‌ 2:14

ଅକଏ ଆଏଃ ଆପାନ୍ କେ ଆବୁ ଲାଗିନ୍ ଏମ୍‍ତାଦାଏ ଏନାତେ ଆବୁକେ ସବେନ୍ ରାକାମ୍ ରାଃ ଆଧାର୍ମ୍ ଏତେ ଛୋଡ଼ାଓ ବୁୱାଏ, ହାର୍ ଫାର୍ଚି କେତେ ଆୟାଃ ଲାଗିନ୍ ମିୟାଃ ନେକାନ୍ ଜାତି ବାଇବୁୱାଏ ଅକନ୍‍କୋ ବୁଗିନ୍-ବୁଗିନ୍ କାମି ନାଙ୍ଗ୍ ସେକାଡ଼୍ କାନୋଗାକୋ।

ଇବ୍ରାନୀୟୋରେନ୍ 12:2

ଆଡୋଃ ବିଶ୍ଵାସ୍ ରେନ୍ ଆୟାର୍ ନିଃ ଆଡୋଃ ପୁରା ରିକାନିଃ ୟୀଶୁ ପାଡ଼୍ ନେଲ୍ କାତେୟାବୁ, ଅକନିଃ ଏନ୍ ସୁକୁରାଶିକା ଲାଗିନ୍ ଅକନାଃ ଇନିଜାଃ ଆୟୁର୍ ରେ ଦୋହୋଲେନା, ଗିୟୁଃ ରାଃ ଜାହାନ୍ କାଜି କାଏ ପାହୋମ୍ କେତେ କ୍ରୁଶ୍ ରାଃ ଦୁକୁ ସାହାତିଙ୍ଗ୍ କେଦାଏ, ଆଡୋଃ ପାର୍ମେଶ୍ଵାର୍ ରାଃ ସିଂହାସାନ୍ ରାଃ ଜୋମ୍ ପାଡ଼୍ ରେ ସେନ୍ କେତେ ଦୁବ୍ ଜାନାଏ।

ଇବ୍ରାନୀୟୋରେନ୍ 12:4

ଆପେ ପାପ୍ ବିରୋଧ୍ ରେ ଲାଡ଼ାଇ ତାନ୍ ଲୋଃ ଆପେୟାଃ ମାୟୋମ୍ ଲିଙ୍ଗୀଅଃ ସାନ୍ତେ ଏନାରେ ଏନ୍‍ଲେକା କାପେ ସାମ୍ନା କାଦା;

1 ପାତ୍ରାସ୍ 2:24

ଇନିଃ ଆଏଃ ଗି ଆବୁୱାଃ ପାପ୍ କୋକେ ଆଜାଃ ହୋଡ଼ମୋ ରେ ଇଦିକେତେ କ୍ରୁଶ୍ ରେ ରାକାବ୍ ଜାନାଏ, ଅକନାଃ ଏତେ ଆବୁ ପାପ୍‍କୋ ଲାଗିନ୍ ଗୋଏଃ କେତେ ଧାରାମ୍ ଲାଗିନ୍ ଜୀହିଦୋଃ କାବୁ: ଇନିଜାଃ ଘାଅ ହୋବା ଜାନ୍ତେ ଆପେ ବେଶ୍ ଜାନାପେ।

1 ପାତ୍ରାସ୍ 3:18

ଏନାମେନ୍ତେ ଚି ମାସୀହ୍ ହଗି, ମାନେ ଆଧାର୍ମୀ କୋ ଲାଗିନ୍ ଧାର୍ମୀ, ସବେନ୍ ହୋଡ଼ୋକୋୱାଃ ପାପ୍‍କୋ ଲାଗିନ୍ ମିଶାଗି ଗୋଏଃ ଜାନାଏ, ଏନାତେ ଆବୁକେ ପାର୍ମେଶ୍ଵାର୍ ରାଃ ନାଡ଼େଏ ସେଟେର୍ ବୁୱାଏ; ଇନିଃ ହୋଡ଼ମୋ ଲେକାତେ ଦୋ ଗୋଏଃ ଜାନାଏ, ମେନ୍ଦୋ ଆତ୍ମା ଲେକାତେ ଜୀହିଦ୍ ଜାନାଏ।