ଫିଲିପିୟ 2:6 - ମୁଣ୍ଡା ନାୱା ନିୟାମ୍

⁶ ଅକନିଃ ପାର୍ମେଶ୍ଵାର୍ ଲେକା ହୋବାକେତେ ହଗି ପାର୍ମେଶ୍ଵାର୍ ରାଃ ବାରାବାରି ଲେକା ତାଇନୋଃ କାଜିକେ ଆଏଃ ରେଏଃ-ମାଣ୍ଡାଅ ୟାଇଙ୍ଗ୍ ମେନ୍ତେ କାଏ ଆଟ୍‍କାର୍ କେଦା।

ପାର୍‌ମେଶ୍ୱାର୍‌ଆଃ ଜୀନିଦ୍‌ ବାଚାନ୍‌ ନାୱା ନିୟାମ୍‌

⁶ ଇନିଃ ପାର୍‌ମେଶ୍ୱାର୍‌ ତାଇନ୍‌ରେୟ, ପାର୍‌ମେଶ୍ୱାର୍‌ଲଃ ମିଦ୍‌ ଜକାଗି ତାଇନଃ ନାଙ୍ଗ୍‌ କାଏ ମନେକେଦା ।

ଫିଲିପିୟ 2:6 Iomraidhean Croise

ମାତ୍ତିଉ 1:23

“ନେଲେପେ, ମିହୋଡ଼୍ ଡିଣ୍ଡା କୁଡ଼ି ହୋଡ଼ମୋ ରେ ତାଇନାଏ, ହାର୍ ମିୟାଃ ହୋନ୍‍କଡ଼ା ଜାନାମିୟାଏ, ଆଡୋଃ ଇନିଜାଃ ନୁତୁମ୍ ଇମାନୁଏଲ୍ ମାଣ୍ଡାଅଃୱା, ଏନା ରାଃ ମାନେ, ‘ପାର୍ମେଶ୍ଵାର୍ ଆବୁୱାଃ ଲୋଃ।’ ”

ଯୋହାନ୍ 1:18

ପାର୍ମେଶ୍ଵାର୍ କେ ଅକଏ ହ ଚିଉଲା କାକୋ ନେଲାକାଇଜା, ମିୟାଃଗି ହୋନ୍‍କଡ଼ା, ଅକନିଃ ସାର୍ତିଗୀ ପାର୍ମେଶ୍ଵାର୍ ତାନିଃ ହାର୍ ଆପୁ ରାଃ ସବେନ୍ ଏତେ ନାଡ଼େଏ ରେ ମେନିଜା, ଇନିଃଗି ଆବୁକେ ଉଦୁବ୍ କେଦାଏ ଚି ପାର୍ମେଶ୍ଵାର୍ ଚିଲ୍‍କା ତାନିଃ।

ଯୋହାନ୍ 10:30

ଇଙ୍ଗ୍ ହାର୍ ଆପୁ ମିଃ ତାନ୍‍ଲେ।”

ଯୋହାନ୍ 10:33

ୟାହୁଦୀ ଗୁରୁକୋ ଇନିଃକେ କାଜିରୁଆଡ଼୍ କିଜାକୋ, “ବୁଗିନ୍ କାମି ଲାଗିନ୍ ଆଲେ ଆମାଃ ଚେତାନ୍ ରେ କାଲେ ଥେର୍ ମେତାନା, ମେନ୍ଦୋ ପାର୍ମେଶ୍ଵାର୍ ରାଃ ନିନ୍ଦା ଲାଗିନ୍ତେ, ହାର୍ ଏନାଲାଗିନ୍ ଚି ଆମ୍ ହୋଡ଼ ହୋବାକେତେ ଆମ୍ ଆପାନ୍ କେ ପାର୍ମେଶ୍ଵାର୍ ଦାବି ତାନାମ୍।”

ଯୋହାନ୍ 10:38

ମେନ୍ଦୋ ଆଗାର୍ ଇଙ୍ଗ୍ କାମିତାନିଙ୍ଗ୍ ରେଦୋ, ଆପେ ଇଙ୍ଗ୍‍କେ କାପେ ବିଶ୍ଵାସ୍ ରେହ, ଏନ୍ କାମି ଲାଗିନ୍ତେ ଦୋ ବିଶ୍ଵାସ୍ ଏପେ, ଏନାତେ ଆପେ ସାରି ୟାପେ, ହାର୍ ବୁଝାଅଃୱାପେ, ଚି ଆପୁ ଇଙ୍ଗ୍ଆଃ ରେ ମେନିଜା, ଆଡୋଃ ଇଙ୍ଗ୍ ଆପୁ ରେ ମେନାଇଙ୍ଗ୍ ୟା।”

ଯୋହାନ୍ 14:28

ଆପେ ଆୟୁମ୍ କାଦାପେ ଚି ଇଙ୍ଗ୍ କାଜିକେଦାଇଙ୍ଗ୍, ‘ଇଙ୍ଗ୍ ସେନୋଃ ତାନିଙ୍ଗ୍, ହାର୍ ଆପେତାଃ ଆଡୋଃଗି ହିଜୁଗାଇଙ୍ଗ୍।’ ଆଗାର୍ ଇଙ୍ଗ୍‍କେ ଦୁଲାଡ଼୍ ତାନାପେ ରେଦୋ, ନେ ବାକାଣ୍ ତେ ରାଶିକାଅଃ ତେୟାଃପେ ଚି ଇଙ୍ଗ୍ ଆବା ତାଃ ସେନୋଃ ତାନିଙ୍ଗ୍, ଚିୟାଃଚି ଆବା ଇଙ୍ଗ୍ ଏତେ ମାରାଙ୍ଗ୍ ତାନିଃ।

ଯୋହାନ୍ 14:9

ୟୀଶୁ ଇନିଃକେ କାଜିକେଦାଏ, “ହେ ଫିଲିପୁସ୍, ଇଙ୍ଗ୍ ଇମିନ୍ ହୁଲାଙ୍ଗ୍ ଏତେ ଆପେ ଲୋଃ ମେନାଇଙ୍ଗ୍ ୟା, ହାର୍ ଚିନାଃ ଆମ୍ ଇଙ୍ଗ୍‍କେ କାମ୍ ସାରିୟା? ଅକଏ ଇଙ୍ଗ୍‍କେ ନେଲ୍ କାଦିଙ୍ଗାଏ ଇନିଃ ଆବା କେ ନେଲ୍ କାଦାଏ। ଆମ୍ ଚିନାଃ ମେନ୍ତେ କାଜିୟାମ୍ ଚି ଅକନିଃ ଆବା ତାନିଃ ଆଲେକେ ଦେଖାଅଲେମ୍?

ଯୋହାନ୍ 17:5

ନାଆ ହେ ଆବା, ଇଙ୍ଗ୍ଆଃ ମାନାରାଙ୍ଗ୍ ଆମାଃ ସାମାନାଙ୍ଗ୍ ରେ ରିକାଏମେ ଅକନ୍ ମାନାରାଙ୍ଗ୍ ଅତେଦିଶୁମ୍ ରାଃ ବାବାଇ ସିଦାରେ, ଇଙ୍ଗ୍ଆଃ ଆମାଃ ଲୋଃ ତାଇକେନା।”

ଯୋହାନ୍ 20:28

ନେୟା ଆୟୁମ୍‍କେତେ ଥୋମା କାଜିରୁଆଡ଼୍ କିଜାଏ, “ହେ ଇଙ୍ଗ୍ଆଃ ପ୍ରାଭୁ, ହେ ଇଙ୍ଗ୍ଆଃ ପାର୍ମେଶ୍ଵାର୍!”

ଯୋହାନ୍ 5:18

ନେୟା ଲାଗିନ୍ତେ ୟାହୁଦୀ ଗୁରୁକୋ ଆଡୋଃଗି ଥିମ୍ବା ଇନିଃକେ ଗୋଏଃ ଲାଗିନ୍ ହୋରା ଦାଣା-ବାଡ଼ା କେଦାକୋ, ଚିୟାଃଚି ଇନିଃ ଆରାମେ ହୁଲାଙ୍ଗ୍ ରାଃ ନିୟାମ୍ କେ କାଏ ମାନାତିଙ୍ଗ୍ ତାଇନାଏ ଏନା ଭାଇର୍ କାହା, ମେନ୍ଦୋ ପାର୍ମେଶ୍ଵାର୍ କେ ଆଜାଃ ଆପୁ କାଜିକେତେ ଆଏଃ ଆପାନ୍ କେ ପାର୍ମେଶ୍ଵାର୍ ଲେକା ବାଇତାଇନାଏ।

ଯୋହାନ୍ 5:23

ଏନାମେନ୍ତେ ଚି ସବେନ୍ ହୋଡ଼ୋକୋ ଜେଲେକା ଆପୁ କେ ମାଇନ୍ ତାନାକୋ ଏନ୍‍ଲେକାଗି ଇଙ୍ଗ୍‍କେ ହଗି ମାଇନ୍ କାକୋ। ଅକଏ ଇଙ୍ଗ୍‍କେ କାଏ ମାଇନ୍ ତାନାଏ, ହିନିଃ ଆପୁ କେ ଅକନିଃ ଇଙ୍ଗ୍‍କେ କୁଲା କାଦିଙ୍ଗାଏ, କାଏ ମାଇନ୍ ତାନାଏ।

ରୋମ୍‍ରେନ୍ 9:5

ପୁର୍ଖାହୋଡ଼ୋକୋ ହଗି ଆକୋୱାଃଗି ତାନ୍‍କୋ, ହାର୍ ମାସୀହ୍ ହ ହୋଡ଼ମୋ ଲେକାତେଦୋ ଇନ୍‍କୁ ଏତେ ହୋବାଜାନାଏ, ଅକନିଃ ସବେନ୍ କୋୱାଃ ଚେତାନ୍ ମାରାଙ୍ଗ୍-ଉତ୍ତାର୍ ପାର୍ମେଶ୍ଵାର୍ ତାନିଃ, ଯୁଗ୍-ଯୁଗ୍ ସାନ୍ତେ ଧାନ୍ୟା ହୋବାଅଃକା। ଆମୀନ୍।

୨ କରିନ୍ଥିୟ 4:4

ହାର୍ ଏନ୍ ଆବିଶ୍ଵାସୀ କୋ ଲାଗିନ୍, ଅକନ୍ କୋୱାଃ ସେଣା କେ ନେ ଅତେଦିଶୁମ୍ ରେନ୍ ଇଶ୍ୱାର୍ ଆନ୍ଧା କାଦାଏ, ଏନାତେ ମାସୀହ୍ ଅକନିଃ ପାର୍ମେଶ୍ଵାର୍ ରାଃ ଛାପା ତାନିଃ, ଇନିଜାଃ ଯୁନୁଲାନ୍ ସୁସାମାଚାର୍ ରାଃ ମାସ୍କାଲ୍ ଇନ୍‍କୁୱାଃ ରେ ଆଲୋ ନେଲୋଃକା।

୨ କରିନ୍ଥିୟ 8:9

ଆପେ ଆବୁୱାଃ ପ୍ରାଭୁ ୟୀଶୁ ମାସୀହ୍ ରାଃ ଆନୁଗ୍ରାହ୍ କେ ସାରିୟାପେ ଚି, ଇନିଃ କିଶାଣ୍ ତାଇନ୍ କେତେ ହଗି ଆପେୟାଃ ଲାଗିନ୍ ଗାରିବ୍ ବାଇଜାନାଏ, ଏନାତେ ଇନିଜାଃ କାଙ୍ଗାଲ୍ ହୋବାଜାନ୍ତେ ଆପେ କିଶାଣ୍ ବାଇ କେନୋଃପେ।

୧ ତିମଥି 1:17

ନାଆ ଜାନାଓ ରେନ୍ ରାଜା କାଏଗୋଜୋଃ ନିଃ, କାଏନେଲୋଃ ନିଃ, ମିୟାଃଗି ପାର୍ମେଶ୍ଵାର୍ ରାଃ ମାଇନ୍ ହାର୍ ମାନାରାଙ୍ଗ୍ ଜାନାଓ-ଜାନାଓ ହୋବା କାତୋଃକା। ଆମୀନ୍।

୧ ତିମଥି 3:16

ନେୟାରେ ସାନ୍ଦେହ୍ ବାନୋଃ ଚି ପାର୍ମେଶ୍ଵାର୍ କେ ବୋରୋଇ ତାନ୍ କାଜି ରାଃ ଉକୁକାନ୍ କାଜି ଈକିର୍ ଗିୟା, ମାନେ, ଇନିଃ ଅକନିଃ ମାନ୍‍ୱା ହୋଡ଼ମୋ ରେ ନେଲ୍ ଲେନାଏ, ଆତ୍ମା ରେ ଧାର୍ମୀ ବାଇଜାନାଏ, ସିର୍ମାଦାସୀ କୋକେ ନେଲ୍ ଜାନାଏ, ଏଟାଃଜାତି କୋରେ ଇନିଜାଃ ପାର୍ଚାର୍ ହୋବାଜାନା, ଅତେଦିଶୁମ୍ ରେନ୍ ହୋଡ଼ୋକୋ ଇନିଜାଃ ରେ ବିଶ୍ଵାସ୍ କେଦାକୋ, ହାର୍ ମାନାରାଙ୍ଗ୍ ରେ ଚେତାନ୍ ରାକାବ୍ ଜାନାଏ।

ତିତସ୍‌ 2:13

ହାର୍ ଏନ୍ ସୁକୁୱାନ୍ ଆଶ୍ରା ରାଃ ମାନେ ଆବୁୱାଃ ମାରାଙ୍ଗ୍ ପାର୍ମେଶ୍ଵାର୍ ହାର୍ ବାଞ୍ଚାଅନିଃ ୟୀଶୁ ମାସୀହ୍ ରାଃ ମାନାରାଙ୍ଗ୍ କେ ନେନେଲ୍ ଲାଗିନ୍ ନେଲ୍ ହୋରୋଏ କାବୁ।

ଇବ୍ରାନୀୟୋରେନ୍ 1:3

ହୋନ୍‍କଡ଼ା ଗି ଇନିଜାଃ ମାନାରାଙ୍ଗ୍ ରାଃ ଯୁନୁଲ୍ ହାର୍ ସବେନ୍ ଲେକାତେ ପାର୍ମେଶ୍ଵାର୍ ଲେକାଗିୟାଃଏ, ହାର୍ ସବେନ୍ ଜିନିଷ୍‍କୋକେ ଆପାନାଃ ପେଡ଼େଏ ରେୟାଃ ବାଚାନ୍ ତେ ସାମ୍ଭ୍ଡ଼ାଅ ତାନାଏ। ଇନିଃ ପାପ୍ କୋକେ ଚାପିକେତେ ଚେତାନ୍ ଜାଗା ରେ ସବେନ୍ଏତେ ପେଡ଼େଜାନ୍ ଗାଃ ଜୋମ୍ ପାଡ଼୍ ରେ ଦୁବ୍ ଜାନାଏ।

ଇବ୍ରାନୀୟୋରେନ୍ 1:6

ଆଡୋଃ ଅକୋଇମ୍ତାଙ୍ଗ୍ ପାହିଲା ହୋନ୍ କେ ଅତେଦିଶୁମ୍ ରେ ଆଡୋଃଗି ଆଉୱେୟାଏ, ଦୋ କାଜିୟାଏ, “ପାର୍ମେଶ୍ଵାର୍ ରାଃ ସବେନ୍ ସିର୍ମାଦାସୀକୋ ଇନିଃକେ ଜୋହାର୍ କାକୋ।”

ଇବ୍ରାନୀୟୋରେନ୍ 1:8

ମେନ୍ଦୋ ହୋନ୍‍କଡ଼ା ବିଷାୟ୍ ରେ କାଜିୟାଏ, “ହେ ପାର୍ମେଶ୍ଵାର୍, ଆମାଃ ସିଂହାସାନ୍ ଜାନାଓ-ଜାନାଓ ତାଇନା: ଆମାଃ ରାଇଜ୍ ରାଃ ରାଜ୍ ଦାଣ୍ଡ୍ ନ୍ୟାୟ ରାଃ ରାଜ୍ ଦାଣ୍ଡ୍ ତାନାଃ।

ଇବ୍ରାନୀୟୋରେନ୍ 13:8

ୟୀଶୁ ମାସୀହ୍ ହୋଲା ହାର୍ ଇସିଙ୍ଗ୍ ହାର୍ ଜାନାଓ-ଜାନାଓ ମିଃଗି ତାଇନାଏ।

ଉଦୁବ୍‍କାଜି 21:6

ଆଡୋଃ ଇନିଃ ଇଙ୍ଗ୍‍କେ କାଜିକେଦାଏ, “ନେ କାଜିକୋ ପୁରା ଛାବାଜାନା। ଇଙ୍ଗ୍ ଆଲ୍‍ଫା ଆଡୋଃ ଓମେଗା, ଏନେଟେଃ ଆଡୋଃ ଟୁଣ୍ଡୁ ତାନିଙ୍ଗ୍। ଇଙ୍ଗ୍ ତେତାଙ୍ଗ୍ ତାନ୍ ନିଃକେ ଜୀଦାନ୍ ରାଃ ଦାଆ ରେୟାଃ ପାଝ୍ରା ଏତେ ବେଗାର୍ ଗୋନୋଙ୍ଗ୍ ଏତେ ଆନୁଇୟାଇଙ୍ଗ୍।