ଫିଲିପିୟ 2:5 - ମୁଣ୍ଡା ନାୱା ନିୟାମ୍

⁵ ଜେଲେକା ମାସୀହ୍ ୟୀଶୁ ରାଃ ମୋନ୍ ତାଇକେନା ଏନ୍ ଲେକାଗି ଆପେୟାଃ ମୋନ୍ ହଗି ହୋବାଅଃକା;

ପାର୍‌ମେଶ୍ୱାର୍‌ଆଃ ଜୀନିଦ୍‌ ବାଚାନ୍‌ ନାୱା ନିୟାମ୍‌

⁵ ୟୀଶୁ ଖ୍ରୀଷ୍ଟ୍‌ଆଃ ମନ୍‌ ଉଡ଼ୁଃ ଲେକାଗି ଆପେୟାଃ ମନ୍‌ ଉଡ଼ୁଃକ ହବାଅଃକା ।

ଫିଲିପିୟ 2:5 Iomraidhean Croise

ମାତ୍ତିଉ 11:29

ଇଙ୍ଗ୍ଆଃ ବାହାରୋମ୍ ଗୋଃଏପେ, ହାର୍ ଇଙ୍ଗ୍ ଏତେ ଶିଖାଅନ୍‍ପେ ଇଙ୍ଗ୍ ଲେବେଃ ହାର୍ ମୋନ୍ ରେ ନାରାମ୍ ମେନାଇଙ୍ଗ୍‍ୟା ହାର୍ ଆପେ ଆପେୟାଃ ମୋନ୍ ରେ ଆରାମ୍ ପେ ନାମେୟା।

ଲୁକା 22:27

ଚିୟାଃଚି ମାରାଙ୍ଗ୍ ଅକଏ ତାନିଃ? ଇନିଃ ଅକନିଃ ଜୋମ୍ ଲାଗିନ୍ ଦୁବ୍ କାନାଏ, ଚି ଇନିଃ ଅକନିଃ ସେୱା ତାନାଏ? ଚିନାଃ ଇନିଃ ନାହାଲି ଅକନିଃ ଜୋମ୍ ଲାଗିନ୍ ଦୁବ୍ କାନାଏ? ମେନ୍ଦୋ ଇଙ୍ଗ୍ ଆପେ ଥାଲା ରେ ସେୱାକ୍ ଲେକା ମେନାଇଙ୍ଗ୍ ୟା।”

କୁଲାକାନ୍ 10:38

ପାର୍ମେଶ୍ଵାର୍ ଚିଲ୍‍କା ତେ ୟୀଶୁ ନାଜ୍ରେଥିୟା କେ ପାବିତାର୍ ଆତ୍ମା ଆଡୋଃ ପେଡ଼େଏ ତେ ଆଭିଷେକ୍ କିଜାଏ; ଇନିଃ ବୁଗିନାଃ ରିକାତାନ୍ ଲୋଃ ହାର୍ ସବେନ୍ କୋକେ ଅକନ୍ କୋ ଶାଏତାନ୍ ତେ ସାସାତି ଲେନାକୋ, ବେଶ୍ ରିକାତାନ୍ ଲୋଃ ହୋନୋର୍ କେଦାଏ, ଚିୟାଃଚି ପାର୍ମେଶ୍ଵାର୍ ଇନିଃ ଲୋଃ ତାଇକେନାଏ।

କୁଲାକାନ୍ 20:35

ଇଙ୍ଗ୍ ଆପେକେ ସବେନାଃ ରିକା କେତେ ଦେଖାଅ କେଃପେୟାଇଙ୍ଗ୍, ଚି ନେଲେକାଗି କାମି-କାମିକେତେ ନାରାଦୁରା କୋକେ ଦେଙ୍ଗା କୋପେ, ହାର୍ ପ୍ରାଭୁ ୟୀଶୁ ରାଃ ବାଚାନ୍ କେ ପାହୋମେ ଲାଗାତିଙ୍ଗ୍ ମେନାଃ, ଅକନାଃ ଇନିଃ ଆଏଃଗି କାଜିକାଦାଏ, “ଇଦି ଏତେ ଏମେ ତେୟାଃ ବୁଗିନ୍ ତାନାଃ।”

ରୋମ୍‍ରେନ୍ 14:15

ଆଗାର୍ ଆମାଃ ହାଗା ଆମାଃ ଜୋଜୋମାଃ ହୋରାତେ ଦୁକୁଅଃ ତାନାଏ, ଏଣ୍ଡେ ଆମ୍ ଦୁଲାଡ଼୍ ରାଃ ହୋରା କାମ୍ ସେସେନ୍ ତାନା, ଅକେୟାଃ ଲାଗିନ୍ ମାସୀହ୍ ଗୋଏଃ ଜାନାଏ, ଇନିଃକେ ଆମ୍ ଆମାଃ ଜୋଜୋମାଃ ହୋରାତେ ଆଲୋମ୍ ବାଗ୍ଡ଼ାୱିୟା।

ରୋମ୍‍ରେନ୍ 15:3

ଚିୟାଃଚି ମାସୀହ୍ ଆଏଃ ଆପାନ୍ କେ କାଏ ସୁକୁ କେଦା, ମେନ୍ଦୋ ଜେଲେକା ପାବିତାର୍ ପୁଥି ରେ ଅଲାକାନା: “ଆମ୍‍କେ ନିନ୍ଦାତାନ୍ କୋୱା ନିନ୍ଦା ଇଙ୍ଗ୍ଆଃ ଚେତାନ୍ ରେ ଠୋଅ ଜାନା।”

ରୋମ୍‍ରେନ୍ 15:5

ସାହାତିଙ୍ଗ୍ ହାର୍ ସାହାସ୍ଏମ୍ ନିଃ ପାର୍ମେଶ୍ଵାର୍ ଆପେକେ ନେୟା ବାର୍ଦାନ୍ ଏମାପେକାଏ ଏନାତେ ଆପେ ମାସୀହ୍ ୟୀଶୁ ଲେକା ଆପେ ଥାଲା ରେ ମିୟାଃ ମୋନ୍ ତାଇନ୍‍ପେ।

୧ କରିନ୍ଥିୟ 10:33

ଜେଲେକା ଇଙ୍ଗ୍ ହଗି ସବେନ୍ କାଜିକୋରେ ସବେନ୍ କୋକେ ସୁକୁ ମାଣ୍ଡାଅ କୋୱାଇଙ୍ଗ୍, ହାର୍ ଇଙ୍ଗ୍ଆଃ କାହା ମେନ୍ଦୋ ଥିମ୍ବାଗି ହୋଡ଼ୋକୋୱାଃ ଲାଭ୍ ଦାଣା ତାନିଙ୍ଗ୍ ଏନାତେ ଇନ୍‍କୁ ବାଞ୍ଚାଅ ନାମେକାକୋ।

ଏଫିସିୟ 5:2

ହାର୍ ଦୁଲାଡ଼୍ ରେ ସେନେପେ ଜେଲେକା ମାସୀହ୍ ହଗି ଆପେ କେ ଦୁଲାଡ଼୍ କେଦାଏ, ହାର୍ ଆବୁୱାଃ ଲାଗିନ୍ ଆଏଃ ଆପାନ୍ କେ ବୁଗିନ୍ ସୋୱାନ୍ ନାଙ୍ଗ୍ ପାର୍ମେଶ୍ଵାର୍ ରାଃ ଆୟୁର୍ ଦାଣେ ରାକାବ୍ ୟାନାଏ।

ଫିଲିପିୟ 1:1

ମାସୀହ୍ ୟୀଶୁ ରାଃ ଦାସୀ ପାଉଲୁସ୍ ହାର୍ ତିମୁଥିୟୁସ୍ ଆଃ ପାଡ଼େତେ ସବେନ୍ ପାବିତାର୍ ହୋଡ଼ୋକୋୱାଃ ନୁତୁମ୍ ରେ ଅକନ୍‍କୋ ମାସୀହ୍ ୟୀଶୁ ରେ ହୋବାକେତେ ଫିଲିପ୍ପି ସାହାର୍ ରେ ତାଇନ୍ ତାନାକୋ, ହାର୍ ବିଶାପ୍ କୋକେହ ଆଡୋଃ ସବେନ୍ ଦାସୀ କୋକେହ,

1 ପାତ୍ରାସ୍ 2:21

ଆଡୋଃ ଆପେ ନେୟାଲାଗିନ୍ ଗି କେଡ଼ା କାନାପେ, ଚିୟାଃଚି ମାସୀହ୍ ହଗି ଆପେୟାଃ ଲାଗିନ୍ ଦୁକୁ ସାହାତିଙ୍ଗ୍ କେତେ ଆପେକେ ମିୟାଃ ନାମୁନା ଏମ୍ କାଦାଏ ଚି ଆପେ ହଗି ଆଜାଃ କାଟା-ମାଣ୍ଡା କୋରେ ସେନେପେ।

1 ପାତ୍ରାସ୍ 4:1

ଏନାମେନ୍ତେ ଯାବ୍ ଚି ମାସୀହ୍ ହୋଡ଼ମୋ ରେ ତାଇକେତେ ଦୁକୁ ସାହାଅ କେଦାଏ ଦୋ ଆପେ ହ ଏନ୍‍ଲେକାଗି ମୋନ୍ ତେ ହୋବାକେତେ ଏନାକେ ହାତ୍ୟାର୍ ବାଇୟେପେ, ଚିୟାଃଚି ଅକଏ ମାସୀହ୍ ନାଙ୍ଗ୍ ହୋଡ଼ମୋ ରେ ଦୁକୁ ସାହାଅ କେଦାଏ ଇନିଃ ପାପ୍ କାମି କେ ବାଗେ ତାଦାଏ,

1 ଯୋହାନ୍ 2:6

ଅକଏ ନେୟା କାଜିୟାଏ ଚି ଇଙ୍ଗ୍ ଇନିଃରେ ବାଇ ତାଇନୋଃୱାଇଙ୍ଗ୍, ଇନିଃକେ ଲାଗାତିଙ୍ଗ୍ ମେନାଃ ଚି ଆଏଃ ହଗି ଏନ୍‍ଲେକାଗି ଜୀଦାନ୍ ସେନେନ୍ କାଏ ଜେଲେକା ମାସୀହ୍ ଜୀହିଦୋଃ ତାଇକେନାଏ।