ଫିଲିପିୟ 2:30 - ମୁଣ୍ଡା ନାୱା ନିୟାମ୍

³⁰ ଚିୟାଃଚି ଇନିଃ ମାସୀହ୍ ରାଃ କାମି ଲାଗିନ୍ ଆଜାଃ ଜୀଉ କେ ଜାହାନାଃ ଲେକା କାଏ ଆଟ୍‍କାର୍ କେତେ ଦୁକୁ ସାହାତିଙ୍ଗ୍ କେଦାଏ, ହାର୍ ଅକନାଃ ଆପେ କାପେ ଦେଙ୍ଗା ଧାଡ଼ିତେପେ ଏନା ଇଙ୍ଗ୍‍କେ ଦେଙ୍ଗା ପୁରାକେଦାଏ ହାର୍ ଗୋଜୋଃ ଚେତାନ୍ ରେ ତାଇକେନାଏ।

ପାର୍‌ମେଶ୍ୱାର୍‌ଆଃ ଜୀନିଦ୍‌ ବାଚାନ୍‌ ନାୱା ନିୟାମ୍‌

³⁰ ଚିଆଃଚି ଆପେ ଆଇଙ୍ଗ୍‌କେ ଅକ ଦେଙ୍ଗା କାପେ ଏମ୍‌ ଦାଡ଼ିୟାନା, ଏନା ପୁରାଏ ନାଗେନ୍ତେ ଇନିଃ ଖ୍ରୀଷ୍ଟ୍‌ଆଃ କାମିରେ ଆପ୍‌ନାଃ ଜୀଉକେ ସାଙ୍କାଟ୍‌ରେ ଉୟୁଃକେଦ୍‌ତେ ଗଜଃଲେକାଏ ହବାକାନ୍‌ ତାଇକେନା ।

ଫିଲିପିୟ 2:30 Iomraidhean Croise

କୁଲାକାନ୍ 20:24

ମେନ୍ଦୋ ଇଙ୍ଗ୍ ଇଙ୍ଗ୍ଆଃ ଜୀଉ ନାଙ୍ଗ୍ ଚିନାଃ ଅଗି କାଇଙ୍ଗ୍ ପାହୋମ୍ ତାନା ଚି ଏନାକେ ଦୁଲାଡ଼୍ ୟାଇଙ୍ଗ୍, ମେନ୍ଦୋ ନେୟା ଚି ଇଙ୍ଗ୍ ଚିଲ୍‍କା ତେ ଇଙ୍ଗ୍ଆଃ ନୀନିର୍ କେ ହାର୍ ଏନ୍ ସେୱା କେ ପୁରାୟାଇଙ୍ଗ୍ ଅକନାଃ ଚି ଇଙ୍ଗ୍ ଇଙ୍ଗ୍ଆଃ ପାର୍ମେଶ୍ଵାର୍ ରାଃ ଆନୁଗ୍ରାହ୍ ରାଃ ସୁସାମାଚାର୍ ରେ ଗୋୱା ଏମ୍ ଲାଗିନ୍ ପ୍ରାଭୁ ୟୀଶୁ ତେ ନାମ୍ କାଦାଇଙ୍ଗ୍।

ରୋମ୍‍ରେନ୍ 16:4

ଇନ୍‍କିନ୍ ଇଙ୍ଗ୍ଆଃ ଜୀଉ ଲାଗିନ୍ ଆପାନାଃ ଜୀଦାନ୍ କେ ପାଶେ ଲେଦାକିନ୍ ହାର୍ ଖାଲି ଇଙ୍ଗ୍ ଭାଇର୍ କାହା, ମେନ୍ଦୋ ଏଟାଃଜାତି କୋୱା ସବେନ୍ କାଲିସିୟା ରେନ୍ କୋ ହଗି ଇନ୍‍କିନ୍ କେ ଧାନ୍ୟାବାଦ୍ ତାନାକୋ।

୧ କରିନ୍ଥିୟ 15:53

ଚିୟାଃଚି ଜାରୁରୀ ତାନାଃ ଚି ନେ ଗୋଏଃ-ସୋୟାଅଃ ତେୟାଃ ହୋଡ଼ମୋ କୋଗୋଏଃ-ସୋୟାଅଃ ତେୟାଃ କେ ତୁସିଙ୍ଗେକାଏ ହାର୍ ନେ ଗୋଜୋଃତେୟାଃ ହୋଡ଼ମୋ କାଗୋଜୋଃତେୟାଃ କେ ତୁସିଙ୍ଗେକାଏ।

୧ କରିନ୍ଥିୟ 16:10

ଆଗାର୍ ତିମୁଥିୟୁସ୍ କୁରିନ୍ଥିୟୋ ସାହାର୍ ରେ ହିଜୁଃ କେନୋଃ ୱାଏ, ଏଣ୍ଡେ ଇନିଃକେ ବୁଗିନ୍ ଲେକାତେ ମାଇନିୟାପେ ଚି ବେଗାର୍ ବୋରୋତେ ତାଇନାଏ, ଚିୟାଃଚି ଇନିଃ ଇଙ୍ଗ୍ଆଃ ଲେକା ପ୍ରାଭୁ ରାଃ କାମି ତାନାଏ।

୧ କରିନ୍ଥିୟ 16:17

ଇଙ୍ଗ୍ ସ୍ଥିଫାନାଶ୍ ଆଡୋଃ ଫୁର୍ତୁନାତୁସ୍ ଆଡୋଃ ଆଖାଇକୁସ୍ ରାଃ ହିଜୁଃ ତେ ଖୁସ୍ ଗିୟାଇଙ୍ଗ୍, ଚିୟାଃଚି ଇନ୍‍କୁ ଇଙ୍ଗ୍‍କେ ଦେଙ୍ଗା କେଦିଙ୍ଗ୍ଆକୋ ଅକନାଃଚି ଆପେ କାପେ ଧାଡ଼ିତେୟାଃ।

୨ କରିନ୍ଥିୟ 12:15

ଇଙ୍ଗ୍ ଆପେୟାଃ ଆତ୍ମା କୋ ଲାଗିନ୍ତେ ଥିମ୍ବାଗି ରାଶିକା ତେ ଇଙ୍ଗ୍ଆଃ ସବେନାଃ ଏମାପେୟାଇଙ୍ଗ୍, ମେନ୍ଦୋ ଇଙ୍ଗ୍ ଆପାନ୍ କେ ହଗି ଆପେ ନାଙ୍ଗ୍ ଏମାପେୟାଇଙ୍ଗ୍। ଚିନାଃ ଚିମିନ୍ ଥିମ୍ବା ଇଙ୍ଗ୍ ଆପେ କେ ଦୁଲାଡ଼୍ ପେତାନିଙ୍ଗ୍, ଇମିନ୍ ଗି ହୁଡିଙ୍ଗ୍ ଆପେ ଇଙ୍ଗ୍‍କେ ଦୁଲାଡ଼୍ ୟାପେ?

୨ କରିନ୍ଥିୟ 4:12

ନେ ଲେକାତେ ଗୋନୋଏଃ ଦୋ ଆଲେୟାଃ ରେ ହାର୍ ଜୀଦାନ୍ ଆପେୟାଃ ରେ କାମି ତାନାଏ।

ଫିଲିପିୟ 2:17

ଆଗାର୍ ଇଙ୍ଗ୍‍କେ ଆପେୟାଃ ବିଶ୍ଵାସ୍ ରାଃ ଦାଣେ ଆଡୋଃ ସେୱା ରେ ଇଙ୍ଗ୍ଆଃ ମାୟୋମ୍ ଲିଙ୍ଗୀ ହୋବାଅଃ ରେ ହଗି, ଇଙ୍ଗ୍ ରାଶିକା ମେନାଇଙ୍ଗ୍‍ୟା ଆଡୋଃ ଆପେ ସବେନ୍ କୋଲୋଃ ରାଶିକାଅଃ ତାନିଙ୍ଗ୍।

ଫିଲିପିୟ 2:27

ସାର୍ତି ଗି ଇନିଃ ଦୋ ବେମାର୍ ହୋବା ଲେନାଏ ନେତାଃ ସାନ୍ତେ ଚି ଗୋଜୋଃ ଲେକା ତାଇନ୍ କେନାଏ, ମେନ୍ଦୋ ପାର୍ମେଶ୍ଵାର୍ ଇନିଜାଃ ରେ ଦାୟା କେଦାଏ, ଆଡୋଃ ଇନିଃ ରେ ଭାଇର୍ କାହା, ମେନ୍ଦୋ ଇଙ୍ଗ୍ଆଃ ରେ ହଗି ଚି ଇଙ୍ଗ୍‍କେ ଦୁକୁ ଚେତାନ୍ ଦୁକୁ ଆଲୋକା ହୋବାଅଃଚା।

ଫିଲିପିୟ 4:10

ଇଙ୍ଗ୍ ପ୍ରାଭୁ ରେ ଥିମ୍ବାଗି ରାଶିକା ମେନାଇଙ୍ଗ୍‍ୟା ଚି ନାଆ ନିମିନ୍ ଦିନ୍ ରାଃ ତାୟୋମ୍ତେ ଆପେ ଇଙ୍ଗ୍ଆଃ ଲାଗିନ୍ତେ ଆଡୋଃଗି ପାହୋମ୍ ଏଟେଃ କେଦାପେ; ସାର୍ତିଗୀ ଆପେ କୋକେ ସୁରୁ ଏତେ ନେୟା ରାଃ ବିଚାର୍ ତାଇକେନା, ମେନ୍ଦୋ ଆପେ ମୌକା କାପେ ନାମ୍ ଲେଦା।

ଫିଲିପିୟ 4:18

ଇଙ୍ଗ୍ଆଃ ତାଃ ସବେନାଃ ମେନାଃ। ମେନ୍ଦୋ ଥିମ୍ବା ହେତେ ହଗି ଥିମ୍ବା ମେନାଃ; ଅକନ୍ ଜିନିଷ୍‍କୋ ଆପେ ଇପଫୃଦିତୁସ୍ ରାଃ ତିଈ ରେ କୁଲ୍ କେଦାପେ ଏନାକୋ ନାମ୍ କେତେ ଇଙ୍ଗ୍ ମୋନ୍ ତେ ଫେରେଃ ଜାନିଙ୍ଗ୍, ହେନା ଦୋ ଦୁଲାଡ଼୍ ନାମେଲେକାନାଃ ବୁଗିନ୍ ସୋୱାନ୍, ଗ୍ରାହାନ୍ ଲେକାନାଃ ଦାଣେ ତାନାଃ, ଅକନାଃ ପାର୍ମେଶ୍ଵାର୍ କେ ବେଶ୍ ସାନାଙ୍ଗ୍ଆ।

ଫିଲେମୋନ୍ 1:13

ଇନିଃକେ ଇଙ୍ଗ୍ ଇଙ୍ଗ୍ଆଃ ନାଡ଼େଏ ରେ ଦୋହୋନାଙ୍ଗ୍ ସାନାଙ୍ଗ୍ ତାଇକେନାଇଙ୍ଗ୍ ଚି ଇନିଃ ଆମାଃ ପାଡ଼େତେ ନେ ଥୋଲାକାନ୍ ରେ ଅକନାଃ ସୁସାମାଚାର୍ ଲାଗିନ୍ତେ ହୋବାକାନା, ଇଙ୍ଗ୍ଆଃ ଦେଙ୍ଗା କାଏ।

ଉଦୁବ୍‍କାଜି 12:11

ଇନ୍‍କୁ ମିଣ୍ଡୀହୋନ୍ ରାଃ ମାୟୋମ୍ ହୋରାତେ ଆଡୋଃ ଆପାନାଃ ଗୋୱା ରାଃ ବାଚାନ୍ ଲାଗିନ୍ତେ ଇନିଃତେ ଜିତାଅ ଜାନାକୋ, ଆଡୋଃ ଇନ୍‍କୁ ଆକୋୱାଃ ଜୀଉକୋକେ କାକୋ ଦୁଲାଡ଼୍ କେଦା, ନେତାଃ ସାନ୍ତେ ଚି ଗୋନୋଏଃ ହ ସାହାତିଙ୍ଗ୍ କେଦାକୋ।