ଫିଲିପିୟ 2:29 - ମୁଣ୍ଡା ନାୱା ନିୟାମ୍

²⁹ ଏନାମେନ୍ତେ ଆପେ ପ୍ରାଭୁ ରେ ଇନିଃକେ ଥିମ୍ବାଗି ରାଶିକା ତେ ସ୍ଵାଗାତି ପେ, ହାର୍ ନେଲେକାନ୍ କୋକେ ମାଇନ୍ କୋପେ।

ପାର୍‌ମେଶ୍ୱାର୍‌ଆଃ ଜୀନିଦ୍‌ ବାଚାନ୍‌ ନାୱା ନିୟାମ୍‌

²⁹ ଏନାତେ ମିଆଁଦ୍‌ ପ୍ରାଭୁଆଃ ବିଶ୍ୱାସୀ ହାଗା ଲେକା ଆପେ ଇନିଃକେ ସୁକୁତେ ଦାରମିପେ ଆଡଃ ଆୟାଃ ଲେକାନ୍‌ ସବେନ୍‌ ହଡ଼କକେ ମାଇନ୍‌କପେ ।

ଫିଲିପିୟ 2:29 Iomraidhean Croise

ଲୁକା 9:5

ଅକଏ ଆପେକେ କାକୋ ଗ୍ରାହାନ୍ ପେୟା ଏନ୍ ହାତୁ ତେ ଅଡୋଙ୍ଗ୍‍ତାନ୍ ଲୋଃ ଆପେୟାଃ କାଟା ରାଃ ଧୂଡ଼ି କୋଟା କେପେ ଚି ଇନ୍‍କୁୱାଃ ରେ ଗୋୱା ହୋବାଃ ୱା।”

ଯୋହାନ୍ 13:20

ଇଙ୍ଗ୍ ଆପେକେ ସାର୍ତି-ସାର୍ତି କାଜିତାନିଙ୍ଗ୍ ଚି ଅକଏ ଇଙ୍ଗ୍ଆଃ କୁଲ୍ ନିଈ କେ ଗ୍ରାହାନ୍ ୟାଏ, ଇନିଃ ଇଙ୍ଗ୍‍କେ ଗ୍ରାହାନ୍ ୟାଏ, ହାର୍ତେ ଅକଏ ଇଙ୍ଗ୍‍କେ ଗ୍ରାହାନ୍ ୟାଏ, ଇନିଃ ଇଙ୍ଗ୍ଆଃ କୁଲ୍ ନିଃକେ ଗ୍ରାହାନ୍ ୟାଏ।”

କୁଲାକାନ୍ 2:46

ହାର୍ ଇନ୍‍କୁ ସବେନ୍ ହୁଲାଙ୍ଗ୍ ମିୟାଃ ମୋନ୍ ହୋବାକେତେ ମାନ୍ଦିର୍ ନାଡ଼େଏ ଜାଗା ରେ ହୁଣ୍ଡିନ୍ ତାଇକେନାକୋ, ହାର୍ ଅଡ଼୍ଆଃ-ଅଡ଼୍ଆଃ ରେ ହୋଲୋଙ୍ଗ୍ କେଚାଃ ତାଇନାକୋ, ଏନ୍ତେ ରାଶିକା ହାର୍ ମୋନ୍ ରାଃ ଫାର୍ଚିତେ ଜୋଜୋମାଃ ଜୋମ୍ ତାଇକେନାକୋ।

କୁଲାକାନ୍ 28:10

ଇନ୍‍କୁ ଆଲେକେ ଥିମ୍ବାଗିକୋ ମାଇନ୍ କେଦା, ହାର୍ ଚିମ୍ତାଙ୍ଗ୍ ଆଲେ ସେନ୍ ଏଟେଃ ଜାନାଲେ ଇମ୍ତା ଅକନାଃ ଆଲେୟାଃ ଲାଗିନ୍ତେ ଦାର୍‍କାର୍ ତାଇକେନା, ଜାହାଜ୍ ରେ ମାଣ୍ତାଅ ତାଦାକୋ।

କୁଲାକାନ୍ 8:8

ଏନାମେନ୍ତେ ଏନ୍ ସାହାର୍ ରେନ୍ ହୋଡ଼ୋକୋ ଥିମ୍ବାଗି ରାଶିକା ଜାନାକୋ।

ରୋମ୍‍ରେନ୍ 10:15

ହାର୍ ଆଗାର୍ କାକୋ କୁଲୋଃ ରେଦୋ, ଚିଲ୍‍କା ପାର୍ଚାର୍ ୟାକୋ? ଜେଲେକା ପାବିତାର୍ ପୁଥି ରେ ଅଲାକାନା, “ଇନ୍‍କୁୱାଃ କାଟା ଚିମିନାଙ୍ଗ୍ ସୁଗାଡ଼ା, ଅକନ୍‍କୋ ବୁଗିନ୍ କାଜି କୋରାଃ ସୁସାମାଚାର୍ ଉଦୁବ୍ ତାନାକୋ।”

ରୋମ୍‍ରେନ୍ 16:2

ଚି ଆପେ, ଜେଲେକା ପାବିତାର୍ ହୋଡ଼ୋକୋ ଲାଗାତିଙ୍ଗ୍ ମେନାଃ, ଇନିଃ କେ ପ୍ରାଭୁ ରେ ଗ୍ରାହାନିପେ; ହାଡୋଃ ଜେତାନ୍ କାଜିକୋରେ ଇନିଃକେ ଆପେୟାଃ ଦାର୍‍କାର୍ ମେନାଃ ରେଦୋ ଇନିଃକେ ଦେଙ୍ଗାଇପେ, ଚିୟାଃଚି ଇନିଃ ଥିମ୍ବାଗି ହୋଡ଼ୋକୋକେ ହାର୍ ଇଙ୍ଗ୍ କେ ହଗି ଦେଙ୍ଗା କାଦିଙ୍ଗ୍ଆଏ।

୧ କରିନ୍ଥିୟ 16:10

ଆଗାର୍ ତିମୁଥିୟୁସ୍ କୁରିନ୍ଥିୟୋ ସାହାର୍ ରେ ହିଜୁଃ କେନୋଃ ୱାଏ, ଏଣ୍ଡେ ଇନିଃକେ ବୁଗିନ୍ ଲେକାତେ ମାଇନିୟାପେ ଚି ବେଗାର୍ ବୋରୋତେ ତାଇନାଏ, ଚିୟାଃଚି ଇନିଃ ଇଙ୍ଗ୍ଆଃ ଲେକା ପ୍ରାଭୁ ରାଃ କାମି ତାନାଏ।

୧ କରିନ୍ଥିୟ 16:18

ଇନ୍‍କୁ ଇଙ୍ଗ୍ଆଃ ଆଡୋଃ ଆପେୟାଃ ଆତ୍ମା କେ ସୁକୁ ଏମ୍‍କେଦାକୋ, ଏନାମେନ୍ତେ ନେକାନ୍ କୋକେ ମାନାତିଙ୍ଗ୍ କୋପେ।

୨ କରିନ୍ଥିୟ 10:18

ଚିୟାଃଚି ଜେତାଏ ଆପାନାଃ ନୁତୁମ୍ ଆଏଃଗି ରିକାୟାଏ, ଇନିଃ କାହା, ମେନ୍ଦୋ ଅକନିଜାଃ ନୁତୁମ୍ ପ୍ରାଭୁ ରିକାୟାଏ, ଇନିଃଗି ଗ୍ରାହାନ୍ ଅଗାଏ।

୨ କରିନ୍ଥିୟ 7:2

ଆଲେକେ ଆପେୟାଃ ମୋନ୍ ରେ ଜାଗା ଏମେପେ। ଆଲେ ଜେତାଏ ଲୋଃ ଆନ୍ୟାୟ କାଲେ ରିକାକାଦା, ନା ଜେତାଏକେ କାଲେ ବାଗ୍‍ଡ଼ାଅ କାଦା, ହାର୍ ନା ଜେତାଏକେ ହିଡ଼୍ କାଦାଲେ।

ଫିଲିପିୟ 2:28

ଏନାମେନ୍ତେ ଇଙ୍ଗ୍ ଇନିଃକେ କୁଲ୍ ଲାଗିନ୍ ଥିମ୍ବାଗି ସାନାଙ୍ଗ୍ କେଦାଇଙ୍ଗ୍ ଚି ଚିମ୍ତା ଆପେ ଇନିଃକେ ଆଡୋଃମିଶା ନେଲିୟାପେ ଦୋ ରାଶିକାୱାପେ ହାର୍ ଇଙ୍ଗ୍ଆଃ ହ ଚିନ୍ତା କାମ୍ତି କେନୋଗା।

କୁଲୁସିୟୋରେନ୍ 4:10

ଆରିସ୍ଥାର୍ଖୁସ୍, ଅକନିଃ ଇଙ୍ଗ୍ଆଃ ଲୋଃ ବାନ୍ଦିଅଡ଼୍ଆଃ ରେ ଥୋଲାକାନ୍ ମେନାଇଜା, ହାର୍ ମାର୍କୁସ୍ ଅକନିଃ ବାର୍ନାବାସ୍ ରାଃ ହାଗା ଠୋଗୋଗାଏ (ଅକନିଜାଃ ବିଷାୟ୍ ରେ ଆପେ ଆନାଚୁ ନାମ୍ ଲେଦାପେ ଚି ଆଗାର୍ ଇନିଃ ଆପେୟାଃ ନାଡ଼େଏ ହିଜୁଃ ରେଦୋ ଇନିଃକେ ବୁଗିନ୍ ଲେକାତେ ସ୍ଵାଗାତିପେ),

୧ ଥେସ୍‌ଲନିକା 5:12

ହେ ହାଗାକୋ, ଆଲେ ଆପେକେ କେ ଆର୍ଜିପେ ତାନାଲେ ଚି ଅକନ୍‍କୋ ଆପେ ରେ ଥିମ୍ବାଗି କାମିତାନାକୋ, ହାର୍ ପ୍ରାଭୁ ରେ ଆପେୟାଃ ଆଗୁୱା ତାନ୍‍କୋ, ହାର୍ ଆପେକେ ଶିଖାଅପେ ତାନାକୋ, ଇନ୍‍କୁକେ ମାଇନ୍ କୋପେ।

୧ ତିମଥି 5:17

ଅକନ୍ ମାରିହୋଡ଼ୋକୋ ଆକୋୱାଃ କାମିକୋକେ ବୁଗିଲେକାତେ ଚାଲାଓ ତାନାକୋ, ବିଶେଷ୍ କେତେ ଇନ୍‍କୁ ଅକନ୍‍କୋ ବାଚାନ୍ ଉଦୁବ୍ ହାର୍ ଶିଖାଅ ରେ କାମି ତାନାକୋ, ବାର୍ ଗୁନା ମାଇନ୍ ନାମେ ଲେକାନ୍ କୋ ତାନ୍‍କୋ।

ଇବ୍ରାନୀୟୋରେନ୍ 13:17

ଆପେକେ ଆତ୍ମାନ୍ କାଜି କୋରେ ଆୟାର୍ ଇଦିତାନ୍ ଆଗୁୱା କୋକେ ମାନାତିଙ୍ଗ୍ କୋପେ ହାର୍ ଇନ୍‍କୁୱାଃ ଆଧିନ୍ ରେ ତାଇନ୍‍ପେ, ଚିୟାଃଚି ଇନ୍‍କୁ ଏନ୍ ହୋଡ଼ୋକୋ ଲେକା ଆପେୟାଃ ଜୀଉ ଲାଗିନ୍ ହୋରୋ ତାନାକୋ ଅକନ୍ କୋକେ ହିସାବ୍ ଏମ୍ ହୋବାଅଃୱା; ଇନ୍‍କୁ ନେ କାମି କେ ସୁକୁ ତେ ରିକାଏକାକୋ, ଗେରାଙ୍ଗ୍ ତାନ୍ ଲୋଃ ଦୋ କାହା, ଚିୟାଃଚି ନେକା ରିକାଏ ରେ ଜେତାନ୍ ଲାଭ୍ ବାନୋଗା।

3 ଯୋହାନ୍ 1:10

ଏନାମେନ୍ତେ ଚିମ୍ତାଙ୍ଗ୍ ଇଙ୍ଗ୍ ହିଜୁଗାଇଙ୍ଗ୍ ଏଣ୍ଡେ ଇନିଜାଃ କାମି କୋରାଃ ଅକନାଃ ଇନିଃ ରିକା ତାନାଏ, ମୋନେ ରିକାୟାଇଙ୍ଗ୍, ଚି ଇନିଃ ଆଲେୟାଃ ବିଷାୟ୍ ରେ ଖାରାପ୍-ଖାରାପ୍ କାଜି ରେ ଏଗେର୍ ୟାଏ, ହାର୍ତେ ନେୟା ରେ ହଗି କାଏ ଆସ୍‍ଦିଅଃ ତାନାଏ ହାର୍ ବିଶ୍ଵାସୀ ହାଗା କୋକେ ହ କାଏ ଗ୍ରାହାନ୍ କୋତାନାଏ, ହାର୍ ଅକନ୍ କୋ ଗ୍ରାହାନ୍ ସାନାଙ୍ଗ୍ ତାନାକୋ, ଇନ୍‍କୁକେ ମାନା କୋୱାଏ; ହାର୍ କାଲିସିୟା ତେ ଅଡୋଙ୍ଗ୍ ତାକୋୱାଏ।