ଫିଲିପିୟ 2:26 - ମୁଣ୍ଡା ନାୱା ନିୟାମ୍

²⁶ ଚିୟାଃଚି ଇନିଃ ଆପେ ସବେନ୍ କୋକେ ନେନେଲ୍ ସାନାଙ୍ଗ୍ ପେ ତାଇନାଏ, ଏନାମେନ୍ତେ ଇନିଃ ଆକ୍‍ବାକାଅଃ ତାଇନାଏ ଚିୟାଃଚି ଆପେ ଇନିଃକେ ବେମାର୍ ରେ ମେନିଜାଏ ମେନ୍ତେ ଆୟୁମ୍ ଲେଦାପେ।

ପାର୍‌ମେଶ୍ୱାର୍‌ଆଃ ଜୀନିଦ୍‌ ବାଚାନ୍‌ ନାୱା ନିୟାମ୍‌

²⁶ ଇନିଃ ଆପେ ସବେନ୍‌କକେ ନେନେଲ୍‌ ନାଗେନ୍ତେ ପୁରାଃଗି ସାନାଙ୍ଗ୍‌ତାନା ଆଡଃ ଆପେ, ଇନିଃ କାଏ ସୁକୁତାନା ମେନ୍ତେ କାଜି ଆୟୁମ୍‌କେଦ୍‌ ହରାତେ ଇନିଃ ପୁରାଃଗି ମନ୍‌ରେ ଦୁକୁୟାନା ।

ଫିଲିପିୟ 2:26 Iomraidhean Croise

ମାତ୍ତିଉ 11:28

ହେ ସବେନ୍ ଲାଗାକାନ୍‍କୋ ହାର୍ ହାମ୍ବାଲ୍ ତେ ତେନାକାନ୍ ହୋଡ଼ୋକୋ, ଇଙ୍ଗ୍ଆଃ ତାଃ ହିଜୁଃପେ, ଇଙ୍ଗ୍ ଆପେକେ ଆରାମ୍ ଏମେୟାଇଙ୍ଗ୍।

ମାତ୍ତିଉ 26:37

ଇନିଃ ପାତ୍ରାସ୍ କେ ହାର୍ ଯାବ୍ଦୀ ରାଃ ବାରାନ୍ ହୋନ୍ କିନ୍‍କେ ମିଶା ତେ ଇଦି କେଃକୋୱାଏ ହାର୍ ଥିମ୍ବାଗି ଦୁକୁ ହାର୍ ଆକ୍‍ବାକାଅ ଏଟେଃ ଜାନାଏ।

କୁଲାକାନ୍ 21:13

ମେନ୍ଦୋ ପାଉଲୁସ୍ କାଜିରୁଆଡ଼୍ କେଦାଏ, “ଆପେ ଚିନାଃ ଲାଗିନ୍ ରାଆ-ବାଡ଼ା ତାନାପେ ହାର୍ ଇଙ୍ଗ୍ଆଃ ମୋନ୍ କେ ହୁଡିଙ୍ଗ୍ ତାନାପେ? ଇଙ୍ଗ୍ ଦୋ ପ୍ରାଭୁ ୟୀଶୁ ରାଃ ନୁତୁମ୍ ଲାଗିନ୍ତେ ୟୀରୁଶାଲେମ୍ ରେ ଥୋନୋଲ୍ ଲାଗିନ୍ ଖାଲି କାହା ମେନ୍ଦୋ ଗୋଜେନ୍ ଲାଗିନ୍ତେ ହ ସେକାଡ଼୍ ମେନାଇଙ୍ଗ୍‍ୟା।”

ରୋମ୍‍ରେନ୍ 1:11

ଚିୟାଃଚି ଇଙ୍ଗ୍ ଆପେ ଲୋଃ ନାପାମ୍ ନାଙ୍ଗ୍ ସାନାଙ୍ଗ୍ ତାନିଙ୍ଗ୍ ଚି ଇଙ୍ଗ୍ ଆପେକେ ଜାହାନ୍ ଆତ୍ମିକ୍ ବାର୍ଦାନ୍ ଏମାପେଇଙ୍ଗ୍ ଅକନାଃ ତେ ଆପେ କେଟେଃ ତାଇନୋଗାପେ;

ରୋମ୍‍ରେନ୍ 12:15

ରାଶିକାନ୍ କୋଲୋଃ ରାଶିକାନ୍ ପେ, ହାର୍ ରାଆତାନ୍ କୋଲୋଃ ରାଆ ଏପେ।

ରୋମ୍‍ରେନ୍ 9:2

ଚି ଇଙ୍ଗ୍‍କେ ମାରାଙ୍ଗ୍ ଦୁକୁ ମେନାଃ, ହାର୍ ଇଙ୍ଗ୍ଆଃ ମୋନ୍ ସବେନ୍ ଇମ୍ତାଙ୍ଗ୍ ଦୁକୁ ତାଇନ୍ ତାନା,

୧ କରିନ୍ଥିୟ 12:26

ଏନାମେନ୍ତେ ଆଗାର୍ ମିୟାଃ ହାନାଟିଙ୍ଗ୍ ଦୁକୁ ନାମ୍ ତାନାଏ, ଏଣ୍ଡେ ସବେନ୍ ହାନାଟିଙ୍ଗ୍ ଏନାଲୋଃ ଦୁକୁ ନାମେୟାକୋ, ହାର୍ ଆଗାର୍ ମିୟାଃ ହାନାଟିଙ୍ଗ୍ ରାଃ ମାଇନ୍ ନାମ୍ ତାନାଏ, ଏଣ୍ଡେ ଏନାଲୋଃ ହୋଡ଼ମୋ ରାଃ ସବେନ୍ ହାନାଟିଙ୍ଗ୍ କୋ ରାଶିକାଅଃ ତାନାକୋ।

୨ କରିନ୍ଥିୟ 9:14

ଆଡୋଃ ଇନ୍‍କୁ ଆପେ ଲାଗିନ୍ତେ ବିନ୍ତି ତାନାକୋ; ହାର୍ ନେୟାମେନ୍ତେ ଚି ଆପେୟାଃ ରେ ପାର୍ମେଶ୍ଵାର୍ ରାଃ ଥିମ୍ବାଗି ଆନୁଗ୍ରାହ୍ ମେନାଃ, ଆପେକେ ନେଲ୍ ହୋରା କାତେତାନାକୋ।

ଗାଲାତିୟ 6:2

ଆପେ ମିହୋଡ଼୍ ଏଟାଃ ନିଜାଃ ବାହାରୋମ୍ ଗୋଅଏପେ, ହାର୍ ନେଲେକାତେ ମାସୀହ୍ ରାଃ ନିୟାମ୍ କେ ପୁରାଏପେ।

ଏଫିସିୟ 3:13

ଏନାଲାଗିନ୍ତେ ଇଙ୍ଗ୍ ଆର୍ଜି ତାନିଙ୍ଗ୍ ଚି ଅକନ୍ ଦୁକୁ ଆପେୟାଃ ଲାଗିନ୍ତେ ଇଙ୍ଗ୍‍କେ ହୋବାଅଃ ତାନା, ଏନା ରାଃ ଚାଲ୍ତେ ସାହାସ୍ ଆଲୋପେ ବାଗିୟା, ଚିୟାଃଚି ଏନାରେ ଆପେୟାଃ ମାନାରାଙ୍ଗ୍ ମେନାଃ।

ଫିଲିପିୟ 1:3

ଇଙ୍ଗ୍ ଚିମ୍ତାଙ୍ଗ୍-ଚିମ୍ତାଙ୍ଗ୍ ଆପେକେ ପାହୋମ୍ ୟାଇଙ୍ଗ୍, ଇମ୍ତାଙ୍ଗ୍-ଇମ୍ତାଙ୍ଗ୍ ଇଙ୍ଗ୍ଆଃ ପାର୍ମେଶ୍ଵାର୍ କେ ଧାନ୍ୟାବାଦ୍ ୟାଇଙ୍ଗ୍,

ଫିଲିପିୟ 1:8

ନେୟା ରେ ପାର୍ମେଶ୍ଵାର୍ ଇଙ୍ଗ୍ଆଃ ଗୋୱା ତାନିଃ ଚି ଇଙ୍ଗ୍ ମାସୀହ୍ ୟୀଶୁ ଲେକା ଦୁଲାଡ଼୍ ମାଣ୍ଡାଅ କେତେ ଆପେ ସବେନ୍ କୋଲୋଃ ନାପାମ୍ ସାନାଙ୍ଗ୍ ତାନିଙ୍ଗ୍।

ଫିଲିପିୟ 2:25

ମେନ୍ଦୋ ଇଙ୍ଗ୍ ଇପଫୃଦିତୁସ୍ କେ ଅକନିଃ ଇଙ୍ଗ୍ଆଃ ହାଗା ଆଡୋଃ ମିଃତେ କାମିନିଃ ଆଡୋଃ ଇଙ୍ଗ୍ଆଃ ଲୋଃ ସୁସାମାଚାର୍ କେ ବାଞ୍ଚାଅ ସିପାହୀ ତାନିଃ ଆଡୋଃ ଆପେୟାଃ କୁଲାକାନ୍ ନିଃ, ଆଡୋଃ ଦାର୍‍କାର୍ ଇମ୍ତା ଇଙ୍ଗ୍ କେ ଦେଙ୍ଗା ଏମେନିଃ ତାନିଃ, ଇନିଃକେ ଆପେତାଃ କୁଲ୍ ଲାଗିନ୍ ଲାଗାତିଙ୍ଗ୍ ଆଟ୍‍କାର୍ କେଦାଇଙ୍ଗ୍।

ଫିଲିପିୟ 2:27

ସାର୍ତି ଗି ଇନିଃ ଦୋ ବେମାର୍ ହୋବା ଲେନାଏ ନେତାଃ ସାନ୍ତେ ଚି ଗୋଜୋଃ ଲେକା ତାଇନ୍ କେନାଏ, ମେନ୍ଦୋ ପାର୍ମେଶ୍ଵାର୍ ଇନିଜାଃ ରେ ଦାୟା କେଦାଏ, ଆଡୋଃ ଇନିଃ ରେ ଭାଇର୍ କାହା, ମେନ୍ଦୋ ଇଙ୍ଗ୍ଆଃ ରେ ହଗି ଚି ଇଙ୍ଗ୍‍କେ ଦୁକୁ ଚେତାନ୍ ଦୁକୁ ଆଲୋକା ହୋବାଅଃଚା।

ଫିଲିପିୟ 4:1

ଏନାମେନ୍ତେ ହେ ଇଙ୍ଗ୍ଆଃ ଦୁଲାଡ଼ାନ୍ ହାଗାକୋ, ଆପେ ଲୋଃ ନାପାମ୍ ନାଙ୍ଗ୍ ଇଙ୍ଗ୍ଆଃ ଥିମ୍ବାଗି ସାନାଙ୍ଗ୍ ମେନାଃ, ଆପେ ଇଙ୍ଗ୍ଆଃ ରାଶିକା ଆଡୋଃ ମୁକୁଟ୍ ତାନ୍‍ପେ, ହେ ଦୁଲାଡ଼ାନ୍ ହାଗାକୋ, ପ୍ରାଭୁ ରେ ନେଲେକାଗି ବାଇକେତେ ତାହିନୋଃପେ।

1 ପାତ୍ରାସ୍ 1:6

ନେୟା ଲାଗିନ୍ତେ, ଆପେ ରାଶିକାଅଃ ତାନାପେ, ଏଣ୍ଡେ ହ ନେୟା ଲାଗାତିଙ୍ଗ୍ ତାନାଃ, ଚି ହୁଡିଙ୍ଗ୍ ହୁଲାଙ୍ଗ୍ ଲାଗିନ୍ ରାକାମ୍ ରାଃ ପାରୀକ୍ଷା କୋରେ ଦୁକୁ ନାମେୟାପେ;