ଫିଲିପିୟ 2:17 - ମୁଣ୍ଡା ନାୱା ନିୟାମ୍

¹⁷ ଆଗାର୍ ଇଙ୍ଗ୍‍କେ ଆପେୟାଃ ବିଶ୍ଵାସ୍ ରାଃ ଦାଣେ ଆଡୋଃ ସେୱା ରେ ଇଙ୍ଗ୍ଆଃ ମାୟୋମ୍ ଲିଙ୍ଗୀ ହୋବାଅଃ ରେ ହଗି, ଇଙ୍ଗ୍ ରାଶିକା ମେନାଇଙ୍ଗ୍‍ୟା ଆଡୋଃ ଆପେ ସବେନ୍ କୋଲୋଃ ରାଶିକାଅଃ ତାନିଙ୍ଗ୍।

ପାର୍‌ମେଶ୍ୱାର୍‌ଆଃ ଜୀନିଦ୍‌ ବାଚାନ୍‌ ନାୱା ନିୟାମ୍‌

¹⁷ ହବାସାକାଅଆଃ ପାର୍‌ମେଶ୍ୱାର୍‌ଆଃ ଉଦ୍ଦେଶ୍‌ରେ ଆପେୟାଃ ବିଶ୍ୱାସ୍‌ ଲେକାନ୍‌ ସେୱାରାଃ ଦାଣେଁରେ ଆଇଁୟାଃ ଜୀଦାନ୍‌ରେୟାଃ ମାୟୋମ୍‌କେ ହଁ ଆଇଙ୍ଗ୍‌କେ ଏମଃ ଲାଗାତିଙ୍ଗ୍‌ୟାଁଃ । ଏନାମେନ୍ତେ ଆଇଙ୍ଗ୍‌ ରାସ୍‌କାଅଃତାନାଇଙ୍ଗ୍‌ ଆଡଃ ଆଇଁୟାଃ ନେ ରାସ୍‌କାରେ ଆପେ ମେସାନ୍‌ପେ ମେନ୍ତେଇଙ୍ଗ୍‌ ସାନାଙ୍ଗ୍‌ତାନା ।

ଫିଲିପିୟ 2:17 Iomraidhean Croise

କୁଲାକାନ୍ 20:24

ମେନ୍ଦୋ ଇଙ୍ଗ୍ ଇଙ୍ଗ୍ଆଃ ଜୀଉ ନାଙ୍ଗ୍ ଚିନାଃ ଅଗି କାଇଙ୍ଗ୍ ପାହୋମ୍ ତାନା ଚି ଏନାକେ ଦୁଲାଡ଼୍ ୟାଇଙ୍ଗ୍, ମେନ୍ଦୋ ନେୟା ଚି ଇଙ୍ଗ୍ ଚିଲ୍‍କା ତେ ଇଙ୍ଗ୍ଆଃ ନୀନିର୍ କେ ହାର୍ ଏନ୍ ସେୱା କେ ପୁରାୟାଇଙ୍ଗ୍ ଅକନାଃ ଚି ଇଙ୍ଗ୍ ଇଙ୍ଗ୍ଆଃ ପାର୍ମେଶ୍ଵାର୍ ରାଃ ଆନୁଗ୍ରାହ୍ ରାଃ ସୁସାମାଚାର୍ ରେ ଗୋୱା ଏମ୍ ଲାଗିନ୍ ପ୍ରାଭୁ ୟୀଶୁ ତେ ନାମ୍ କାଦାଇଙ୍ଗ୍।

କୁଲାକାନ୍ 21:13

ମେନ୍ଦୋ ପାଉଲୁସ୍ କାଜିରୁଆଡ଼୍ କେଦାଏ, “ଆପେ ଚିନାଃ ଲାଗିନ୍ ରାଆ-ବାଡ଼ା ତାନାପେ ହାର୍ ଇଙ୍ଗ୍ଆଃ ମୋନ୍ କେ ହୁଡିଙ୍ଗ୍ ତାନାପେ? ଇଙ୍ଗ୍ ଦୋ ପ୍ରାଭୁ ୟୀଶୁ ରାଃ ନୁତୁମ୍ ଲାଗିନ୍ତେ ୟୀରୁଶାଲେମ୍ ରେ ଥୋନୋଲ୍ ଲାଗିନ୍ ଖାଲି କାହା ମେନ୍ଦୋ ଗୋଜେନ୍ ଲାଗିନ୍ତେ ହ ସେକାଡ଼୍ ମେନାଇଙ୍ଗ୍‍ୟା।”

ରୋମ୍‍ରେନ୍ 12:1

ଏନାମେନ୍ତେ ହେ ହାଗାକୋ ହାର୍ ମିଶିକୋ, ଇଙ୍ଗ୍ ଆପେକେ ପାର୍ମେଶ୍ଵାର୍ ରାଃ ଦାୟା ମୋନେ ରିକା କେତେ ଆର୍ଜି ପେତାନିଙ୍ଗ୍, ଚି ଆପେୟାଃ ହୋଡ଼ମୋ କେ ଜୀହିଦାକାନ୍ ହାର୍ ପାବିତାର୍ ହାର୍ ପାର୍ମେଶ୍ଵାର୍ ରାଃ ସାନାଙ୍ଗ୍ ଲେକା ଦାଣେ ରାକାବେପେ। ନେୟାଗି ଆପେୟାଃ ଆତ୍ମାନ୍ ସେୱା ତାନାଃ।

ରୋମ୍‍ରେନ୍ 15:16

ଚି ଇଙ୍ଗ୍ ଏଟାଃଜାତି କୋ ଲାଗିନ୍ତେ ମାସୀହ୍ ୟୀଶୁ ରାଃ ଦାସୀ ହୋବାକେତେ ପାର୍ମେଶ୍ଵାର୍ ରାଃ ସୁସାମାଚାର୍ ରାଃ ସେୱା ୟାଜାକ୍ ଲେକା ରିକାୟାଇଙ୍ଗ୍; ଏନାତେ ଏଟାଃଜାତିକୋ ପାବିତାର୍ ଆତ୍ମା ତେ ପାବିତାର୍ ହୋବାକେତେ ସୁକୁୱାନ୍ ଦାଣେ ଲେକାକୋ ଗ୍ରାହାନ୍ ଅଃକା।

୨ କରିନ୍ଥିୟ 12:15

ଇଙ୍ଗ୍ ଆପେୟାଃ ଆତ୍ମା କୋ ଲାଗିନ୍ତେ ଥିମ୍ବାଗି ରାଶିକା ତେ ଇଙ୍ଗ୍ଆଃ ସବେନାଃ ଏମାପେୟାଇଙ୍ଗ୍, ମେନ୍ଦୋ ଇଙ୍ଗ୍ ଆପାନ୍ କେ ହଗି ଆପେ ନାଙ୍ଗ୍ ଏମାପେୟାଇଙ୍ଗ୍। ଚିନାଃ ଚିମିନ୍ ଥିମ୍ବା ଇଙ୍ଗ୍ ଆପେ କେ ଦୁଲାଡ଼୍ ପେତାନିଙ୍ଗ୍, ଇମିନ୍ ଗି ହୁଡିଙ୍ଗ୍ ଆପେ ଇଙ୍ଗ୍‍କେ ଦୁଲାଡ଼୍ ୟାପେ?

୨ କରିନ୍ଥିୟ 4:12

ନେ ଲେକାତେ ଗୋନୋଏଃ ଦୋ ଆଲେୟାଃ ରେ ହାର୍ ଜୀଦାନ୍ ଆପେୟାଃ ରେ କାମି ତାନାଏ।

୨ କରିନ୍ଥିୟ 6:10

ଥିମ୍ବାଗି ଦୁକୁ ନାମ୍ କେଦାଲେ, ମେନ୍ଦୋ ସବେନ୍ ଇମ୍ତା ରାଶିକାଅଃ ତାନାଲେ; କାଙ୍ଗାଲ୍ ଲେକା ମେନାଲେୟା, ମେନ୍ଦୋ ଥିମ୍ବାଗି ହୋଡ଼ୋକୋକେ କିଶାଣ୍ ବାଇକୋୱାଲେ; ନେଲେକା ମେନାଲେୟା ଜେଲେକା ଆଲେୟାଃ ତାଃ ଜାହାନାଃ ବାନୋଃ ଏଣ୍ଡେହ ସବେନାଃ ମାଣ୍ଡାଅୟାଲେ।

୨ କରିନ୍ଥିୟ 7:4

ଇଙ୍ଗ୍ ଆପେକେ ଥିମ୍ବାଗି ସାହାସ୍ଏତେ କାଜିପେ ତାନିଙ୍ଗ୍, ଇଙ୍ଗ୍ ଆପେ ନାଙ୍ଗ୍ ମାରାଙ୍ଗ୍ ଘାମାଣ୍ଡ୍ ଆଟ୍‍କାର୍ ତାନିଙ୍ଗ୍; ଇଙ୍ଗ୍ ଶାନ୍ତି ତେ ଫେରେଃ କାନାଇଙ୍ଗ୍। ଇଙ୍ଗ୍ ଦୁକୁ ନାମ୍ ତାନ୍ ରେହ ଇଙ୍ଗ୍ ସବେନାଃ ରେ ରାଶିକା ତେ ଫେରେଜାକାନ୍ ତାଇନୋଃ ତାନିଙ୍ଗ୍।

ଫିଲିପିୟ 1:20

ଇଙ୍ଗ୍ ଦୋ ନେୟାଗି ପୁରାଃ ନେଲ୍ ହୋରା ତାନାଇଙ୍ଗ୍ ହାର୍ ଆଶ୍ରା ମାଣ୍ଡାଅ ତାନାଇଙ୍ଗ୍ ଚି ଇଙ୍ଗ୍ ଜାହାନ୍ କାଜି ରେ କାଇଙ୍ଗ୍ ଗିୟୁଗୋଃଚା। ମେନ୍ଦୋ ଜେଲେକା ଇଙ୍ଗ୍ଆଃ ମାରାଙ୍ଗ୍ ସାହାସ୍ ଲେକାତେ ମାସୀହ୍ ରାଃ ମାନାରାଙ୍ଗ୍ ଇଙ୍ଗ୍ଆଃ ହୋଡ଼ମୋ ରାଃ ହୋରାତେ ଜାନାଓ ହୋବାଅଃ ତାନା, ଏନ୍‍ଲେକା ଗି ନାଆ ହଗି ହୋବାଅଃକା, ଚାହେ ଇଙ୍ଗ୍ ଜୀହିଦ୍ ତାଇନାଇଙ୍ଗ୍ ୟାଦୋ ଗୋଏଃ କେନୋଗାଇଙ୍ଗ୍।

ଫିଲିପିୟ 2:18

ଏନ୍‍ଲେକାଗି ଆପେ ହଗି ରାଶିକା ମେନାପେୟା ଆଡୋଃ ଇଙ୍ଗ୍ ଲୋଃ ରାଶିକାନ୍ ପେ।

ଫିଲିପିୟ 2:30

ଚିୟାଃଚି ଇନିଃ ମାସୀହ୍ ରାଃ କାମି ଲାଗିନ୍ ଆଜାଃ ଜୀଉ କେ ଜାହାନାଃ ଲେକା କାଏ ଆଟ୍‍କାର୍ କେତେ ଦୁକୁ ସାହାତିଙ୍ଗ୍ କେଦାଏ, ହାର୍ ଅକନାଃ ଆପେ କାପେ ଦେଙ୍ଗା ଧାଡ଼ିତେପେ ଏନା ଇଙ୍ଗ୍‍କେ ଦେଙ୍ଗା ପୁରାକେଦାଏ ହାର୍ ଗୋଜୋଃ ଚେତାନ୍ ରେ ତାଇକେନାଏ।

ଫିଲିପିୟ 4:18

ଇଙ୍ଗ୍ଆଃ ତାଃ ସବେନାଃ ମେନାଃ। ମେନ୍ଦୋ ଥିମ୍ବା ହେତେ ହଗି ଥିମ୍ବା ମେନାଃ; ଅକନ୍ ଜିନିଷ୍‍କୋ ଆପେ ଇପଫୃଦିତୁସ୍ ରାଃ ତିଈ ରେ କୁଲ୍ କେଦାପେ ଏନାକୋ ନାମ୍ କେତେ ଇଙ୍ଗ୍ ମୋନ୍ ତେ ଫେରେଃ ଜାନିଙ୍ଗ୍, ହେନା ଦୋ ଦୁଲାଡ଼୍ ନାମେଲେକାନାଃ ବୁଗିନ୍ ସୋୱାନ୍, ଗ୍ରାହାନ୍ ଲେକାନାଃ ଦାଣେ ତାନାଃ, ଅକନାଃ ପାର୍ମେଶ୍ଵାର୍ କେ ବେଶ୍ ସାନାଙ୍ଗ୍ଆ।

କୁଲୁସିୟୋରେନ୍ 1:24

ନାଆ ଇଙ୍ଗ୍ ଏନ୍ ଦୁକୁ କୋରାଃ ନାଙ୍ଗ୍ ରାଶିକାଅଃ ତାନିଙ୍ଗ୍, ଅକନାଃ ଆପେ ଲାଗିନ୍ ସାହାଅ ତାନିଙ୍ଗ୍ ହାର୍ ମାସୀହ୍ ରାଃ ସାରେଜାକାନ୍ ଦୁକୁ କୋ ନାଙ୍ଗ୍ ଇନିଜାଃ ହୋଡ଼ମୋ ଲାଗିନ୍, ମାନେ କାଲିସିୟା ଲାଗିନ୍, ଇଙ୍ଗ୍ଆଃ ହୋଡ଼ମୋ ରେ ପୁରା ତାନିଙ୍ଗ୍;

୧ ଥେସ୍‌ଲନିକା 2:8

ଆଡୋଃ ଏନ୍‍ଲେକାଗି ଆଲେ ଆପେକେ ଦୁଲାଡ଼୍‍ପେ ତାଇକେନାଲେ, ପାର୍ମେଶ୍ଵାର୍ ରାଃ ସୁସାମାଚାର୍ ଭାଇର୍ କାହା, ମେନ୍ଦୋ ଆଲେ ଆଲେୟାଃ ଜୀଉ ହ ଏମ୍ ଲାଗିନ୍ତେ ସେକାଡ଼୍ କାନ୍ ତାଇନ୍ କେନାଲେ, ଚିୟାଃଚି ଆପେ ଆଲେଲାଗିନ୍ ଦୁଲାଡ଼ାନ୍ ବାଇଲେନ୍ ତାଇକେନାପେ।

୨ ତିମଥି 4:6

ଚିୟାଃଚି ନାଆ ଇଙ୍ଗ୍ ଦାଣେ ଲେକା ଦୁଲୋଃ ଲାଗିନ୍ ସେକାଡ଼୍ କାନିଙ୍ଗ୍, ହାର୍ ଇଙ୍ଗ୍ଆଃ ସେନୋଃ ସାମାୟ୍ ହିଜୁଃ ସେଟେର୍ କାନା।

1 ପାତ୍ରାସ୍ 2:5

ଆପେ ହଗି ଜୀହିଃ ଦିରିକୋ ଲେକା ଆତ୍ମାନ୍ ଅଡ଼୍ଆଃ ବାଇୟୋଃ ତାନାପେ, ଅକନାଃ ଏତେ ପାବିତାର୍ ୟାଜାକ୍ ବାଇକେତେ, ନେଲେକାନ୍ ଆତ୍ମାନ୍ ଦାଣେ ରାକାବେପେ ଅକନାଃ ୟୀଶୁ ମାସୀହ୍ ରାଃ ହୋରାତେ ପାର୍ମେଶ୍ଵାର୍ କେ ଗ୍ରାହାନ୍ ହୁୟୋଗା।

1 ଯୋହାନ୍ 3:16

ଆବୁ ଦୁଲାଡ଼୍ ନେୟାତେଗି ସାରିକେଦାବୁ, ଚି ୟୀଶୁ ମାସୀହ୍ ଆବୁଲାଗିନ୍ ଆଜାଃ ଜୀଉ ଏମ୍‍କେଦାଏ; ହାର୍ ଆବୁ କେହ ହାଗାକୋ ନାଙ୍ଗ୍ ଜୀଉ ଏମ୍ ଚାହି।