ଫିଲିପିୟ 2:16 - ମୁଣ୍ଡା ନାୱା ନିୟାମ୍

¹⁶ ଏନାତେ ମାସୀହ୍ ରାଃ ହୁଲାଙ୍ଗ୍ ଇଙ୍ଗ୍ ମାରାଙ୍ଗ୍ ଜାନିଙ୍ଗ୍ ଲେକା ପାହୋମେ ୟାଇଙ୍ଗ୍ ଚି ଇଙ୍ଗ୍ଆଃ ନୀନିର୍ ହାର୍ ନା ଇଙ୍ଗ୍ଆଃ କାମି ସାମାଗୀ କା ହୋବାନା।

ପାର୍‌ମେଶ୍ୱାର୍‌ଆଃ ଜୀନିଦ୍‌ ବାଚାନ୍‌ ନାୱା ନିୟାମ୍‌

¹⁶ ଏଟାଃକତାଃରେ ଜୀଦାନ୍‌ ଏମଃ କାନାଜି ଉଦୁବେ ଇମ୍‌ତା, ଆପେ ସିର୍ମାକେ ମାର୍ସାଲେତାନ୍‌ ଇପିଲ୍‌କ ଲେକା ହବାଅଃ ଲାଗାତିୟାଁ । ଆପେ ନେ'ଲେକା ହବାଅଃରେଦ, ଖ୍ରୀଷ୍ଟ୍‌ ହୁଲାଙ୍ଗ୍‌ରେ ଆପେୟାଃ ବିଷାଏରେ ଆଇଙ୍ଗ୍‌ ଆପାନ୍‌କେ ମାରାଙ୍ଗ୍‌ ମେନ୍ତେଇଙ୍ଗ୍‌ କାଜିନା, ଚିଆଃଚି ନେଆଁଲଃ ଉଦୁବଃଆ ଯେ, ଆଇଁୟାଃ ସବେନ୍‌ କେଟେଦ୍‌ କାମି କା ସାମାଏଣ୍ଡାଃ କାନା ।

ଫିଲିପିୟ 2:16 Iomraidhean Croise

ମାତ୍ତିଉ 10:27

ଅକନାଃ ଇଙ୍ଗ୍ ଆପେକେ ନୁବାଃ ରେ କାଜିୟାପେ ତାନିଙ୍ଗ୍, ଏନାକେ ଆପେ ମାସ୍କାଲ୍ ରେ କାଜିପେ, ହାର୍ ଅକନାଃ ଲୁତୁର୍ ରେ ହାପା-ହାପା ପେ ଆୟୁମ୍ ତାନା ଏନା ଅଡ଼୍ଆଃ ରାଃ ଛାତ୍ ଚେତାନ୍ ଏତେ ସବେନ୍ କୋକେ ଉଦୁବ୍ କୋପେ।

ଲୁକା 12:8

ଇଙ୍ଗ୍ ଆପେକେ କାଜିପେ ତାନାଇଙ୍ଗ୍ ଜେତାଏ ହ ହୋଡ଼ୋକୋୱାଃ ନାଡ଼େଏ ରେ ଇଙ୍ଗ୍‍କେ ମାନାତିଙ୍ଗ୍ କେୟାକୋ ଚି ଇନ୍‍କୁ ଇଙ୍ଗ୍ଆଃ ଚେଲା ତାନ୍‍କୋ, ଇନ୍‍କୁକେ ଇଙ୍ଗ୍ ମାନ୍‍ୱା ରାଃ ହୋନ୍ ହଗି ପାର୍ମେଶ୍ଵାର୍ ରାଃ ସିର୍ମାଦାସୀ କୋୱାଃ ନାଡ଼େଏ ରେ ଇଙ୍ଗ୍ଆଃ ଚେଲା ତାନ୍‍କୋ ମେନ୍ତେ ମାନାତିଙ୍ଗ୍ କୋୱାଇଙ୍ଗ୍।

ଯୋହାନ୍ 6:63

ଆତ୍ମା ଦୋ ଜୀଦାନ୍ ଏହେମ୍ ନିଈ ତାନିଃ, ହୋଡ଼ମୋ ଏତେ ଜାହାନ୍ ଲାଭ ବାନୋଗା, ଅକନ୍ ବାକାଣ୍ ଇଙ୍ଗ୍ ଆପେକେ କାଜିକେଦାଇଙ୍ଗ୍ ଏନା ଆତ୍ମା ତାନାଃ, ହାର୍ ଜୀଦାନ୍ ହ ତାନାଃ।

ଯୋହାନ୍ 6:68

ଶିମୋନ୍ ପାତ୍ରାସ୍ ଇନିଃକେ କାଜିରୁଆଡ଼୍ କିଜାଏ, “ହେ ପ୍ରାଭୁ, ଆଲେ ଅକଏ ତାଃ ସେନାଲେ? ଜାନାଓ ଜୀଦାନ୍ ରାଃ ବାକାଣ୍ ଦୋ ଆମ୍ ତାଃଗି ମେନାଃ,

କୁଲାକାନ୍ 13:26

“ହେ ହାଗାକୋ, ଆପେ ଜେ ଆବ୍ରାହାମ୍ ଗାଃ ସାନ୍ତାନ୍ କୋ ତାନ୍‍ପେ; ଆଡୋଃ ଆପେ ଜେ ପାର୍ମେଶ୍ଵାର୍ କେ ବୋରୋତାନ୍ ଏଟାଃଜାତି ହୋଡ଼ୋକୋ ତାନ୍‍ପେ, ଆପେ ତାଃ ନେ ବାଞ୍ଚାଅ ରାଃ ବାଚାନ୍ କୁଲାକାନା।

୧ କରିନ୍ଥିୟ 1:8

ପାର୍ମେଶ୍ଵାର୍ ଆପେକେ ଟୁଣ୍ଡୁ ସାନ୍ତେ ହ କେଟେଃ ରିକାୟାଏ ଏନାତେ ଆପେ ଆବୁୱାଃ ପ୍ରାଭୁ ୟୀଶୁ ମାସୀହ୍ ରାଃ ହିଜୁଃ ହୁଲାଙ୍ଗ୍ ସାନ୍ତେ ନିର୍ଦୋଷ୍ ତାଇନୋଃୱାପେ।

୧ କରିନ୍ଥିୟ 9:26

ଏନାମେନ୍ତେ ଇଙ୍ଗ୍ ଆହାମ୍ବାଗି ନିର୍ ଲେକା କାଇଙ୍ଗ୍ ନିରେତାନା, ଇଙ୍ଗ୍ ହୋୟୋ କେ ବିଡ଼ା ଲେକା କାଇଙ୍ଗ୍ ବିପିଡ଼ାତାନା।

୨ କରିନ୍ଥିୟ 1:14

ଜେଲେକା ଆପେୟାଃ ଏତେ ଚିମିନାଙ୍ଗ୍ କୋ ମାନାତିଙ୍ଗ୍ ଜାନାକୋ ଚି ଆଲେ ଆପେୟାଃ ଘାମାଣ୍ଡ୍ ରାଃ କାରାନ୍ ତାନ୍‍ଲେ, ଏନ୍ ଲେକାଗି ଆପେ ହଗି ପ୍ରାଭୁ ୟୀଶୁ ରାଃ ହୁଲାଙ୍ଗ୍ ଆଲେୟାଃ ନାଙ୍ଗ୍ ଘାମାଣ୍ଡ୍ ରାଃ କାଜି ହୋବାଅଃୱାପେ।

ଗାଲାତିୟ 2:2

ଇଙ୍ଗ୍ଆଃ ସେସେନ୍ ପାର୍ମେଶ୍ଵାର୍ ରାଃ ଉଦୁବ୍ ଲେକାତେ ହୋବାଜାନା: ଆଡୋଃ ଅକନ୍ ସୁସାମାଚାର୍ ଇଙ୍ଗ୍ ଏଟାଃଜାତି କୋତାଃ ପାର୍ଚାର୍ ତାନିଙ୍ଗ୍, ଏନାକୋକେ ଇଙ୍ଗ୍ ଇନ୍‍କୁକେ ଉଦୁବ୍ କେଃକୋୱାଇଙ୍ଗ୍, ମେନ୍ଦୋ ଏସ୍କାର୍ ତାଇନ୍ ଲେନ୍ ଇମ୍ତାରେ ଇଙ୍ଗ୍ ଇନ୍‍କୁକେ ଅକନ୍‍କୋ ମାପ୍‍ରାଙ୍ଗ୍ କୋ କାଜିୟୋଃ ତାଇକେନାକୋ, ଏନାତେ ନେକା ଆଲୋକା ହୋବାଅଃକା ଚି ଇଙ୍ଗ୍ଆଃ ନେ ସାମାୟ୍ ରାଃ ୟାଦୋ ସିଦା ସାମାୟ୍ ରାଃ ସେୱା କାମି ସାମା ହୋବାକୋୱା।

ଗାଲାତିୟ 4:11

ଇଙ୍ଗ୍ ଆପେୟାଃ ବିଷାୟ୍ ରେ ବୋରୋ ୟାଇଙ୍ଗ୍, ଚି ନେଲେକା ଆଲୋ ହୋବାଅଃକା ଚି ଅକନ୍ କାମି ଇଙ୍ଗ୍ ଆପେ ଲାଗିନ୍ ରିକା କାଦିଙ୍ଗ୍ ଏନା ସାମାଗୀ ଆଲୋଜାଃ ହୋବାଅଃକା।

ଫିଲିପିୟ 1:10

ନେତାଃ ସାନ୍ତେ ଚି ଆପେ ବେଶ୍ ତେ ବେଶ୍ କାଜିକୋକେ ସୁକୁଅଃପେ, ହାର୍ ମାସୀହ୍ ରାଃ ହୁଲାଙ୍ଗ୍ ସାନ୍ତେ ଫାର୍ଚିକାନ୍ ବାଇତାଇନ୍ ପେ, ଆଡୋଃ ଆଲୋପେ ଦୋଷୀୟୋଃୱା।

ଫିଲିପିୟ 1:6

ଇଙ୍ଗ୍‍କେ ନେ କାଜି ରାଃ ଭାରୋସା ମେନାଃ ଚି ପାର୍ମେଶ୍ଵାର୍ ଅକନିଃ ଆପେ ରେ ବୁଗିନ୍ କାମି ଏଟେଃ କେଦାଏ, ଇନିଃଗି ଏନାକେ ୟୀଶୁ ମାସୀହ୍ ରାଃ ହୁଲାଙ୍ଗ୍ ସାନ୍ତେ ପୁରାୟାଏ।

୧ ଥେସ୍‌ଲନିକା 2:19

ଚିୟାଃଚି ଆଲେୟାଃ ଆଶ୍ରା ୟାଦୋ ରାଶିକା ୟାଦୋ ମାନାରାଙ୍ଗ୍ ରାଃ ମୁକୁଟ୍ ଚିନାଃ ତାନାଃ? ଚିନାଃ ଆବୁୱାଃ ୟୀଶୁ ମାସୀହ୍ ରାଃ ନାଡ଼େଏ ଆଜାଃ ହିଜୁଃ ସାମାୟ୍ ରେ ଆପେ ଗି ନାହାଲାପେ?

୧ ଥେସ୍‌ଲନିକା 3:5

ଏନାମେନ୍ତେ ଚିମ୍ତାଙ୍ଗ୍ ଇଙ୍ଗ୍ ଆଡୋଃ କାଇଙ୍ଗ୍ ତାଇନ୍ ଧାଡ଼ିଜାନା, ଏଣ୍ଡେ ଆପେୟାଃ ବିଶ୍ଵାସ୍ ବିଷାୟ୍ ରେ ସାରି ଲାଗିନ୍ତେ ତିମୁଥିୟୁସ୍ କେ କୁଲ୍ କିଜାଇଙ୍ଗ୍, ଏନାତେ ନେଲେକା ଆଲୋକା ହୋବାଅଃକା ଚି ପାରୀକ୍ଷା ରିକାନିଃ ଶାଏତାନ୍ ଆପେୟାଃ ପାରୀକ୍ଷା ରିକା କେଦାଏ, ହାର୍ ଆଲେୟାଃ କାମି କୋଦୋ ସାମାଜାନା?

ଇବ୍ରାନୀୟୋରେନ୍ 4:12

ଚିୟାଃଚି ପାର୍ମେଶ୍ଵାର୍ ରାଃ ବାଚାନ୍ ଜୀହିଃ, ଆଡୋଃ ପେଡ଼େଜାନ୍ ହାର୍ ବାରାନ୍ ପାଡ଼୍ ଧାର୍ କାନ୍ ତାଲ୍‍ୱାର୍ ତେହଗି ଥିମ୍ବା ଲେସେରା; ହାର୍ ଜୀଉ ଆଡୋଃ ଆତ୍ମା କେ ଆଡୋଃ ଯୋଡ଼ାନ୍-ଯୋଡ଼ାନ୍ କେ ହାର୍ ଜାଙ୍ଗ୍ ରାଶା କେ ଗେନା-ଗେନା କେତେ ଗୁତୁ ଫାରୋମେୟାଏ ଆଡୋଃ ମୋନ୍ ରେୟାଃ ପାହୋମ୍ ଆଡୋଃ ସାନାଙ୍ଗ୍ କୋକେ ବିଚାର୍ ଏୟାଏ।

1 ପାତ୍ରାସ୍ 1:23

ଚିୟାଃଚି ଆପେ ନାଶୋଃତେୟାଃ କାହା ମେନ୍ଦୋ କାଗୋଜୋଃତେୟାଃ ହିତା ଏତେ, ପାର୍ମେଶ୍ଵାର୍ ରାଃ ଜୀହିଃ ଆଡୋଃ ଜାନାଓ ତାଇନ୍ ତେୟାଃ ବାଚାନ୍ ଲୋଃ ନାୱା ଜାନାମ୍ ନାମ୍ କାଦାପେ।

1 ଯୋହାନ୍ 1:1

ଏନ୍ ଜୀଦାନ୍ ରାଃ ବାଚାନ୍ ରାଃ ବିଷାୟ୍ ରେ ଅକନାଃ ମୁନୁ ଏତେ ତାଇନ୍ କେନା, ଅକନାଃକେ ଆଲେ ଆୟୁମ୍ କେଦାଲେ, ହାର୍ ଅକନାଃକେ ଆଲେ ମେଏଃ ତେ ନେଲ୍ କେଦାଲେ, ମେନ୍ଦୋ ଅକନାଃକେ ଆଲେ ଧ୍ୟାନ୍‍ତେ ନେଲ୍ କେଦାଲେ ଆଡୋଃ ତିଈ ତେ ଜୁଟିଃ କେଦାଲେ।

ଉଦୁବ୍‍କାଜି 22:17

ପାବିତାର୍ ଆତ୍ମା ଆଡୋଃ ନାୱା-କୁଡ଼ି ବାରାନ୍ କିନ୍ କାଜିତାନାକିନ୍, “ଦେଲା!” ଆଡୋଃ ଆୟୁମ୍ ତାନ୍‍କୋ ହଗି କାଜିଚାକୋ, “ଦେଲା!” ଅକଏ ତେତାଙ୍ଗ୍ଅଃ ତାନାଏ, ହାର୍ ଅକଏ ସାନାଙ୍ଗ୍ ତାନାଏ ଇନିଃ ଜୀଦାନ୍ ରାଃ ଦାଆ ସାମା ତେଗି ଇଦିକାଏ।