ଫିଲିପିୟ 2:15 - ମୁଣ୍ଡା ନାୱା ନିୟାମ୍

¹⁵ ଏନାତେ ଆପେ ନିର୍ଦୋଷ୍ ହାର୍ ସୋଜ୍ ହୋଡ଼ ହୋବାକେତେ ଟେଢ଼ା ଆଡୋଃ ଖାରାପ୍ ହୋଡ଼ୋକୋୱାଃ ଥାଲା ରେ ପାର୍ମେଶ୍ଵାର୍ ରାଃ ବୁଗିନ୍ ହୋନ୍ ବାଇଏନ୍ ପେ, ଅକନ୍ କୋୱାଃ ଥାଲା ରେ ଆପେ ଜୀଦାନ୍ ରାଃ ବାଚାନ୍ ଇଦିତାନ୍ ଲୋଃ ଅତେଦିଶୁମ୍ ରେ ଜୁଲୋଃତାନ୍ ମାସ୍କାଲ୍ କୋଲେକା ମାସ୍କାଲୋଃ ତାନାପେ।

ପାର୍‌ମେଶ୍ୱାର୍‌ଆଃ ଜୀନିଦ୍‌ ବାଚାନ୍‌ ନାୱା ନିୟାମ୍‌

¹⁵ ଏନାରେ, ଆପେ ବେଗାର୍‌ ଚିଟାକାନ୍‌ ଆଡଃ ପାର୍‌ମେଶ୍ୱାର୍‌ଆଃ ଫାର୍‌ଚିଆକାନ୍‌ ହନ୍‌କପେ ହବାଅଃଆ । ମେନ୍‌ଦ ନେ ଅତେଦିଶୁମ୍‌ରେ ଜିୟନଃତାନ୍‌ ଏତ୍‌କାନ୍‌ ହଡ଼କ ଥାଲାରେ ତାଇନଃତାନାପେ, ଏନାତେ ଆପେ ଇନ୍‌କୁକେ ଜୀଦାନ୍‌ ଏମଃରେୟାଃ ବାଚାନ୍‌ ଉଦୁବ୍‌କ ଇମ୍‌ତା ରିମିଲ୍‌କେ ମାର୍ସାଲେତାନ୍‌ ଇପିଲ୍‌କ ଲେକା ଇନ୍‌କୁଆଃ ଆୟାର୍‌ରେ ଜୁଲଃ ଲାଗାତିଙ୍ଗ୍‌ୟାଁଃ ।

ଫିଲିପିୟ 2:15 Iomraidhean Croise

ମାତ୍ତିଉ 10:16

“ନେଲେପେ, ଇଙ୍ଗ୍ ଆପେକେ ମିଣ୍ଡୀ କୋ ଲେକା ହୁଣ୍ଡାର୍ କୋ ଲେକାନ୍ ହୋଡ଼ୋକୋ ଥାଲା ରେ କୁଲ୍‍ପେ ତାନାଇଙ୍ଗ୍, ଏନାଲାଗିନ୍ ବିଷ୍ ରାକାବ୍ ବିଙ୍ଗ୍ କୋଏତେ ବୁଦ୍ଧିମାନ୍ ହୋଡ଼ ଗେନାଃୱାଏ ଏନ୍‍ଲେକା ଏନ୍ ହୋଡ଼ୋକୋୱାଃ ତେ ଗେନା ରେ ତାଇନ୍‍ପେ ହାର୍ ଦୁଦ୍‍ମୁଲ୍ ଲେକା ନିର୍ଦୋଷ୍ ବାଇନ୍‍ପେ।

ମାତ୍ତିଉ 17:17

ୟୀଶୁ କାଜିରୁଆଡ଼୍ କେଃକୋୱାଏ, “ହେ ଆବିଶ୍ଵାସୀ ଆଡୋଃ ସେଠ୍ରା ହୋଡ଼ୋକୋ, ଇଙ୍ଗ୍ ଚିଉଲା ସାନ୍ତେ ଆପେୟାଃ ଲୋଃ ତାଇନାଇଙ୍ଗ୍? ଚିମିନ୍ ସାନ୍ତେ ଆପେୟାଃ ସାହାତିଙ୍ଗ୍ ୟାଇଙ୍ଗ୍? ଇନିଃକେ ନେତାଃ ଇଙ୍ଗ୍ଆଃ ନାଡ଼େଏ ଆୱିପେ।”

ମାତ୍ତିଉ 5:45

ଏନାତେ ଆପେ ଆପେୟାଃ ସିର୍ମାଦିଶୁମ୍ ରେନ୍ ଆପୁ ରାଃ ସାନ୍ତାନ୍ ପେ ବାଇୟୋଗା। ଚିୟାଃଚି ହିନିଃ ବୁଗିନ୍ ହାର୍ ଖାରାପ୍ ବାରାନ୍ କୋ ଲାଗିନ୍ ଶିଙ୍ଗି ତୁରେୟାଏ, ଆଡୋଃ ଧାର୍ମୀ ହାର୍ ଆଧାର୍ମୀ ବାରାନ୍ କୋ ଲାଗିନ୍ ଦାଆ ଗାମାୟାଏ।

ମାତ୍ତିଉ 5:48

ଏନାମେନ୍ତେ ହୋବାଅଃ ଚାହି ଚି ଆପେ ସବେନ୍ ଇମ୍ତା ବୁଗିନ୍ କାମି ରିକାଏପେ, ଜେଲେକା ଆପେୟାଃ ସିର୍ମାଦିଶୁମ୍ ରେନ୍ ଆପୁ ସବେନ୍ ଇମ୍ତା ବୁଗିନ୍ କାମି ରିକାୟାଏ।

ଲୁକା 1:6

ଇନ୍‍କିନ୍ ବାରାନ୍ କିନ୍ ପାର୍ମେଶ୍ଵାର୍ ରାଃ ନେନେଲ୍ ରେ ଧାର୍ମୀ ତାଇକେନାକିନ୍, ଆଡୋଃ ପ୍ରାଭୁ ରାଃ ସବେନ୍ ଆନାଚୁ କୋକେ ହାର୍ ନିୟାମ୍ କୋକେ ବେଗାର୍ ଗାଲ୍ତି କେତେ ମାନାତିଙ୍ଗ୍ ତାଇକେନାକିନ୍।

ଲୁକା 6:35

ମେନ୍ଦୋ ଆପେ ଆପେୟାଃ ବାଇରୀ କୋଲୋଃ ଦୁଲାଡ଼୍ ମାଣ୍ଡାଅ ୱେପେ, ଆଡୋଃ ବୁଗିନାଃ ରିକାଏପେ, ଆଡୋଃ ରୁଆଡ଼୍ ନାମେ ରାଃ ଆଶ୍ରା କାମାଣ୍ଡାଅ କେତେ ଉଧାର୍ ଏମେପେ; ଆଡୋଃ ଆପେୟାଃ ଲାଗିନ୍ ମାରାଙ୍ଗ୍ ଯଅ ହୋବାୱା, ଆଡୋଃ ଆପେ ମାରାଙ୍ଗ୍ଉତ୍ତାର୍ ପାର୍ମେଶ୍ଵାର୍ ରାଃ ସାନ୍ତାନ୍ ପେ ବାଇୟୋଗା, ଚିୟାଃଚି ହିନିଃ ଇନ୍‍କୁ ନାଙ୍ଗ୍ ଅକଏ ଧାନ୍ୟାବାଦ୍ କାକୋ ରିକାୟା ଆଡୋଃ ଖାରାପ୍ କୋ ନାଙ୍ଗ୍ ହ ଶୋଗାଅ ନିଈ ତାନିଃ।

ଯୋହାନ୍ 5:35

ଯୋହାନ୍ ଦୋ ଜୁଲୋଃତାନ୍ ହାର୍ ମାର୍ଶାଲୋଃତାନ୍ ଲେକା ବାତୀ ତାଇକେନାଏ, ହାର୍ ଆପେକେ ହୁଡିଙ୍ଗ୍ ସାମାୟ୍ ସାନ୍ ଇନିଜାଃ ମାସ୍କାଲ୍ ରେ ରାଶିକାନ୍ ବେଶ୍ ସାନାଙ୍ଗ୍ କେନା।

କୁଲାକାନ୍ 2:40

ଇନିଃ ଆଡୋଃଗି ଥିମ୍ବା ବାକାଣ୍ କୋତେ ହ ଗୋୱା ଏମ୍-ଏମ୍ କେତେ ବୁଝାଅ କେଃକୋୱାଏ ଚି ଆପେ ଆପାନ୍ କେ ନେ ଟେଢ଼ା ପିଢ଼ୀ ଏତେ ବାଞ୍ଚାଅ ୱେପେ।

କୁଲାକାନ୍ 20:30

ଆପେୟାଃ ଥାଲା ଏତେ ୟଗି ନେକା-ନେକା ହୋଡ଼ୋକୋ ଆଡୋଙ୍ଗ୍ଅଗାକୋ, ଅକନ୍‍କୋ ଚେଲାକୋକେ ଆକୋୱାଃ ଦୋୟା ତେ ଥାଇଃ ଇଦି ଲାଗିନ୍ ଟେଢ଼ା-ମେଢ଼ା କାଜିକୋ କାଜିୟାକୋ।

ରୋମ୍‍ରେନ୍ 16:19

ଆପେୟାଃ ଆନାଚୁ ମାନାତିଙ୍ଗ୍ କାଜିକୋ ସବେନ୍ ହୋଡ଼ୋକୋତାଃ ସେଟେର୍ କାନା, ଏନାମେନ୍ତେ ଇଙ୍ଗ୍ ଆପେୟାଃ ଲାଗିନ୍ତେ ରାଶିକାଅଃ ତାନିଙ୍ଗ୍, ମେନ୍ଦୋ ଇଙ୍ଗ୍ ନେୟା ସାନାଙ୍ଗ୍ ତାନିଙ୍ଗ୍ ଚି ବୁଗିନାଃ ଲାଗିନ୍ ସେଣାନ୍ ମେନ୍ଦୋ ଏତ୍କାନାଃ ଲାଗିନ୍ କାଦୋଷ୍ କାନ୍ ବାଇୟେନ୍ ପେ।

୧ କରିନ୍ଥିୟ 1:8

ପାର୍ମେଶ୍ଵାର୍ ଆପେକେ ଟୁଣ୍ଡୁ ସାନ୍ତେ ହ କେଟେଃ ରିକାୟାଏ ଏନାତେ ଆପେ ଆବୁୱାଃ ପ୍ରାଭୁ ୟୀଶୁ ମାସୀହ୍ ରାଃ ହିଜୁଃ ହୁଲାଙ୍ଗ୍ ସାନ୍ତେ ନିର୍ଦୋଷ୍ ତାଇନୋଃୱାପେ।

୨ କରିନ୍ଥିୟ 6:17

ଏନାମେନ୍ତେ ପ୍ରାଭୁ କାଜିୟାଏ, “ଇନ୍‍କୁୱାଃ ଥାଲାଏତେ ଅଡୋଙ୍ଗ୍ଅଃପେ ହାର୍ ଆଲାଗ୍ ତାଇନୋଃପେ; ହାର୍ ଆଶୁଦ୍ଧ୍ ଜିନିଷ୍ ଆଲୋପେ ଜୁଟିଃୟା, ଏଣ୍ଡେ ଇଙ୍ଗ୍ ଆପେକେ ଗ୍ରାହାନ୍ ପେୟାଇଙ୍ଗ୍;

ଏଫିସିୟ 5:27

ହାର୍ ଏନାକେ ମିୟାଃ ଏନ୍‍ଲେକା ମାସ୍କାଲାନ୍ କାଲିସିୟା ବାଇକେତେ ଆୟାଃ ସାମାନାଙ୍ଗ୍ ରେ ତିଙ୍ଗୁୟାଏ, ଏଣ୍ତେରେ ଜେତାନ୍ ଦାଗ୍ କାହା, ଜେତାନ୍ ସୁର୍କୁଇଙ୍ଗ୍ କାହା, ଜାହାନ୍ ଏଟାଃ ଦୋଷ୍-କାଜି କାହା, ମେନ୍ଦୋ ପାବିତାର୍ ଆଡୋଃ ନିର୍ଦୋଷ୍ ତାହିନା।

ଫିଲିପିୟ 1:10

ନେତାଃ ସାନ୍ତେ ଚି ଆପେ ବେଶ୍ ତେ ବେଶ୍ କାଜିକୋକେ ସୁକୁଅଃପେ, ହାର୍ ମାସୀହ୍ ରାଃ ହୁଲାଙ୍ଗ୍ ସାନ୍ତେ ଫାର୍ଚିକାନ୍ ବାଇତାଇନ୍ ପେ, ଆଡୋଃ ଆଲୋପେ ଦୋଷୀୟୋଃୱା।

ଫିଲିପିୟ 3:6

ଉତ୍ସାହ୍ ରାଃ ବିଷାୟ୍ ରେ କାଜି ରେଦୋ କାଲିସିୟା କେ ସାତାଅନିଃ; ଆଡୋଃ ମୁଶା ନାବୀ ରାଃ ଆଇନ୍ ରାଃ ଧାରାମ୍ ହୋରା ବିଷାୟ୍ ରେ କାଜି ରେଦୋ ବେଗାର୍ ଦୋଷ୍ କାନ୍ ତାଇକେନାଇଙ୍ଗ୍।

୧ ଥେସ୍‌ଲନିକା 5:23

ଶାନ୍ତି ରାଃ ପାର୍ମେଶ୍ଵାର୍ ଆଏଃଗି ଆପେକୋକେ ପୁରାଃ ଲେକାତେ ପାବିତାର୍ କାଏ; ହାର୍ ଆବୁୱାଃ ପ୍ରାଭୁ ୟୀଶୁ ମାସୀହ୍ ରାଃ ହିଜୁଃ ସାନ୍ତେ ଆପେୟାଃ ପୁରା ଆତ୍ମା ହାର୍ ଜୀଉ ହାର୍ ହୋଡ଼ମୋ ନିର୍ଦୋଷ୍ ଗି ବାଞ୍ଚାଅ ତାଇନୋଃକା।

୧ ତିମଥି 3:10

ହାର୍ ଆକୋଗି ସିଦାତେ ଜାଞ୍ଚୋଃ କାକୋ, ଏନ୍ତେ ଆଗାର୍ ନିର୍ଦୋଷ୍ ଅଡୋଙ୍ଗାକୋ ଏଣ୍ଡେ କାଲିସିୟା ରାଃ ଦାସୀ କାମି-କାମି କାକୋ।

୧ ତିମଥି 3:2

ନେୟା ଲାଗାତିଙ୍ଗ୍ ମେନାଃ ଚି ଆଗୁୱା ନିର୍ଦୋଷ୍ ଆଡୋଃ ମିୟାଃଗି କୁଡ଼ି ରାଃ କଡ଼ା, ଆଜାଃ ମୋନ୍ କେ ବୁଝାଅ କେତେ ମାଣ୍ଡାଅନିଃ, ସେଣାନ୍ ହୋଡ଼, ମାଇନାନ୍ ହୋଡ଼, ପେଡ଼ୋକୋକେ ବେଶ୍ ତେ ନେନେଲ୍ ନିଃ, ହାର୍ ବେଶ୍ ଶିଖାଅନିଃ ତାଇନୋଃ ଚାହି।

୧ ତିମଥି 5:14

ଏନାମେନ୍ତେ ଇଙ୍ଗ୍ ନେୟା ସାନାଙ୍ଗ୍ ତାନିଙ୍ଗ୍ ଚି ଧାଙ୍ଗ୍‍ଡ଼ି ବିଧୋବା କୋ ଆଣାଦୀଏନ୍ କାକୋ, ହାର୍ ହୋନ୍-ଗାଣା ଜାନାମେ କାକୋ ହାର୍ ଅଡ଼୍ଆଃ ଦୁହାର୍ ସାମ୍ଭଲାଅ କାକୋ, ହାର୍ ଜେତାନ୍ ବିରୋଧୀ କେ ବାଦ୍‍ନାମ୍ ରିକା ରାଃ ମାଉକା ଆଲୋ ଏମେକାକୋ।

୧ ତିମଥି 5:20

ପାପ୍ ତାନ୍ କୋକେ ସବେନ୍ ବିଶ୍ଵାସୀ କୋୱା ନାଡ଼େଏ ରେ ବୋତୋଙ୍ଗ୍ କୋମେ, ଏନାତେ ଏଟାଃ ହୋଡ଼ୋକୋ ବୋରୋୟାକୋ।

୧ ତିମଥି 5:7

ନେ କାଜିକୋକେ ହଗି ଆନାଚୁ ଏମାକୋମ୍ ଏନାତେ ଇନ୍‍କୁ ନିର୍ଦୋଷ୍ ତାଇନ୍ କାକୋ।

ତିତସ୍‌ 1:6

ମାରିହୋଡ଼ ନିର୍ଦୋଷ୍ ହାର୍ ମିୟାଃଗି କୁଡ଼ି ରାଃ କଡ଼ା ତାଇନ୍ ଚାହି, ଇନିଜାଃ ହୋନ୍ କୋ ବିଶ୍ଵାସୀ ତାଇନ୍ ଚାହି, ହାର୍ ଇନ୍‍କୁ ରେ ସିଣିଇକାମି କାତାଇନ୍ ଚାହି ହାର୍ ଇନ୍‍କୁ କାମାନାତିଙ୍ଗ୍‍ତାନ୍ ଲେକା କାକୋ ତାଇନ୍ ଚାହି।

ତିତସ୍‌ 2:10

ଚୋର୍ହା କାମିକୋ ଆଲୋ ରିକାକାକୋ, ମେନ୍ଦୋ ସବେନ୍ ଲେକାତେ ପୁରା ବିଶ୍ଵାସେ ଲେକାନ୍ ହୋଡ଼ ବାଇୟୋଃକାକୋ ଏନାତେ ଇନ୍‍କୁ ସବେନ୍ କାଜି କୋରେ ଆବୁୱାଃ ବାଞ୍ଚାଅନିଃ ପାର୍ମେଶ୍ଵାର୍ ରାଃ ଶିଖାଅ କେ ସିଙ୍ଗାରେ କାକୋ।

ତିତସ୍‌ 2:15

ପୁରା ଆଧିକାର୍ ଲୋଃ ନେ କାଜିକୋକେ କାଜିୟାକୋମ୍, ହାର୍ ବୁଝାଅକୋମ୍ ହାର୍ ଭୁଲ୍ ଉଦୁବ୍ କେତେ ସୁଧ୍‍ରାଓ କାନ୍ତେ କୋମ୍। ଜେତାଏ ଆମ୍‍କେ ଆଲୋ ହିଲାଙ୍ଗ୍ ମେକାକୋ।

ଇବ୍ରାନୀୟୋରେନ୍ 7:26

ଏନାମେନ୍ତେ ନେଲେକାନ୍ ମାରାଙ୍ଗ୍ ୟାଜାକ୍ ଗି ଆବୁୱାଃ ଲାଗାତିଙ୍ଗ୍ କୋକେ ପୁରା ଧାଡ଼ିୟାଏ, ଇନିଃ ପାବିତାର୍ ଆଡୋଃ ନିର୍ଦୋଷ୍ ହାର୍ ଫାର୍ଚି, ଆଡୋଃ ପାପୀକୋୱାଃ ଏତେ ଏଟାଃ ଆଡୋଃ ସିର୍ମାଦିଶୁମ୍ ଏତେ ହଗି ସାଲାଙ୍ଗୀ କାନ୍ ତାନିଃ।

1 ପାତ୍ରାସ୍ 2:12

ଏଟାଃଜାତିକୋ ତାଃରେ ଆପେୟାଃ ଚାଲ୍-ଚାଲାନ୍ ବୁଗିନ୍ ତାଇୟୋଃକା; ଏନାତେ ଅକନ୍–ଅକନ୍ କାଜି କୋରେ ଇନ୍‍କୁ ଆପେକେ ଖାରାପ୍ କାମିତାନ୍ ହୋଡ଼ୋକୋ ମେନ୍ତେ କାଜିକେତେ ବାଦ୍‍ନାମ୍ ପେତାନାକୋ, ଇନ୍‍କୁ ଆପେୟାଃ ବୁଗିନ୍ କାମି କୋକେ ନେଲ୍‍କେତେ ଏନାକୋରାଃ ଲାଗିନ୍ତେଗି ବୁଗିନ୍-ବିଚାର୍ ହୁଲାଙ୍ଗ୍ ରେ ପାର୍ମେଶ୍ଵାର୍ ରାଃ ମାନାରାଙ୍ଗ୍‍ୟାକୋ।

1 ପାତ୍ରାସ୍ 2:9

ମେନ୍ଦୋ ଆପେ ମିୟାଃ ସାଲାକାନ୍ ଜାତି ରେନ୍ କୋ, ଆଡୋଃ ରାଜା-ପାଦ୍ ରେନ୍ ୟାଜାକ୍ କୋ, ହାର୍ ପାବିତାର୍ ହୋଡ଼ୋକୋ, ଆଡୋଃ (ପାର୍ମେଶ୍ଵାର୍ ଗାଃ) ଆପାନାଃ ହୋଡ଼ୋକୋ ତାନ୍‍ପେ, ଏନାଲାଗିନ୍ତେ ଚି ଅକନିଃ ଆପେକେ ନୁବାଃ ଏତେ ଆୟାଃ ଆକ୍‍ଦାନ୍ଦା ମାସ୍କାଲ୍ ରେ କେଡ଼ାକେଦାଏ, ଇନିଜାଃ ଗୁନ୍ ଦେଖାଅ ଏପେ।

2 ପାତ୍ରାସ୍ 3:14

ଏନାମେନ୍ତେ, ହେ ଦୁଲାଡ଼୍‍କୋ, ଯାବ୍ ଚି ଆପେ ନେ କାଜି କୋରାଃ ଆଶ୍ରା ନେଲ୍ ତାନାପେ, ଏଣ୍ଡେ ବୁଗିନାଃ ରିକାଏପେ ଚି ଆପେ ଜୀଉସୁକୁ ଲୋଃ ଇନିଜାଃ ନାଡ଼େଏ ବେଦାଗ୍ ଆଡୋଃ ନିର୍ଦୋଷ୍ ହୋବାଅଃ ୱାପେ,

ଉଦୁବ୍‍କାଜି 2:5

ଏନାଲାଗିନ୍ତେ ପାହୋମେମ୍ ଚି ଆମ୍ କୋତାଃ ଏତେ ଉୟୁଃ କାନାମ୍, ଆଡୋଃ ପାପ୍ କାମି ବାଗେ ମେ ଆଡୋଃ ସିଦା ଲେକାଗି କାମିମେ। ଆଗାର୍ ଆମ୍ ପାପ୍ କାମି କାମ୍ ବାଗେୟା, ଏଣ୍ଡେ ଇଙ୍ଗ୍ ଆମ୍ ତାଃ ହିଜୁଃକେତେ ଆମାଃ ମାସ୍କାଲ୍ ଖୁଣ୍ଟୁ କେ ଆଜାଃ ଜାଗା ଏତେ ଆତୋମ୍ ତାଃଇଙ୍ଗ୍।

ଉଦୁବ୍‍କାଜି 3:9

ନେଲେମ୍, ଇଙ୍ଗ୍ ଶାଏତାନ୍ ରାଃ ଏନ୍ ମାଣ୍ଡ୍‍ଲୀ କୋକେ ଆମାଃ ଆଧିକାର୍ ରେ ଜିମା ତାକୋୱାଇଙ୍ଗ୍ ଅକନ୍‍କୋ ୟାହୁଦୀ କାଜିୟୋଃ ତାନାକୋ, ମେନ୍ଦୋ ନାହାଲାକୋ ହାର୍ ଲୋଗୋତାନାକୋ, ନେଲେମ୍ ଇଙ୍ଗ୍ ନେକା ବାଇକୋୱାଇଙ୍ଗ୍ ଚି ଇନ୍‍କୁ ହିଜୁଃକେତେ ଆମାଃ କାଟାସୁବା ରେ ଉୟୁଗାକୋ, ଆଡୋଃ ନେୟା ସାରିକେୟାକୋ ଚି ଇଙ୍ଗ୍ ଆମାଃ ଲୋଃ ଦୁଲାଡ଼୍ ମାଣ୍ଡାଅ କାଦିଙ୍ଗ୍।