ଫିଲିପିୟ 2:13 - ମୁଣ୍ଡା ନାୱା ନିୟାମ୍

¹³ ଚିୟାଃଚି ପାର୍ମେଶ୍ଵାର୍ ଗି ତାନିଃ ଅକନିଃ ଆୟାଃ ବୁଗିନ୍ ସାନାଙ୍ଗ୍ ରାଃ ଚାଲ୍ତେ ଆପେୟାଃ ମୋନ୍ ରେ ସାନାଙ୍ଗ୍ ଆଡୋଃ କାମି, ବାରାନ୍ କାଜି ରେ କାମି ତାନାଏ।

ପାର୍‌ମେଶ୍ୱାର୍‌ଆଃ ଜୀନିଦ୍‌ ବାଚାନ୍‌ ନାୱା ନିୟାମ୍‌

¹³ ଚିଆଃଚି ପାର୍‌ମେଶ୍ୱାର୍‌ ଆପେ ଥାଲାରେ କାମିତାନା । ଇନିଃକେ ସୁକୁଇଚି ଲେକା କାମି ନାଗେନ୍ତେ ଇନିଃ ଆପେକେ ଇଛାସାନାଙ୍ଗ୍‌ ଏମାଃଏ ଆଡଃ ଏନା ରିକାଏ ନାଗେନ୍ତେ ପେଡ଼େଃହଁ ଏମାଃଏ ।

ଫିଲିପିୟ 2:13 Iomraidhean Croise

ଲୁକା 12:32

“ଆପେ ମିଣ୍ଡୀକୋୱାଃ ହୁଡିଙ୍ଗ୍ ଗୋଟ୍ ଲେକା ତାନ୍‍ପେ, ଆଲୋପେ ବୋରୋୟା, ଚିୟାଃଚି ଆପେୟାଃ ସିର୍ମାଦିଶୁମ୍ ରେନ୍ ଆପୁ କେ ନେୟା ସୁକୁ କିଜା ଚି ଆପେକେ ରାଇଜ୍ ଏମାପେୟାଏ।

ଲୁକା 2:14

“ସିର୍ମାଦିଶୁମ୍ ରେ ପାର୍ମେଶ୍ଵାର୍ ରାଃ ମାନାରାଙ୍ଗ୍ ହାର୍ ଅତେ ରେ ଏନ୍ ହୋଡ଼ୋକୋୱାଃ ରେ ଅକନ୍ କୋକେ ଇନିଃ ସୁକୁକୋ ତାନାଏ, ଶାନ୍ତି ହୋବାଅଃକା।”

ଯୋହାନ୍ 3:27

ଯୋହାନ୍ କାଜିରୁଆଡ଼୍ କେଦାଏ, “ଚିମିନ୍ ସାନ୍ତେ ହୋଡ଼ କେ ସିର୍ମାଦିଶୁମ୍ ଏତେ କା ଏମୋଗା, ଏନ୍ ସାନ୍ତେ ଇନିଃ ଜେତ୍ନାଃ କାଏ ନାମ୍ ଧାଡ଼ିୟା।

ଯୋହାନ୍ 6:45

ନାବୀ କୋୱା ଅନୋଲ୍ ରେ ନେୟା ଅଲାକାନା, ‘ଇନ୍‍କୁ ସବେନ୍ କୋ ପାର୍ମେଶ୍ଵାର୍ ପାଡ଼େତେ ଶିଖାଅକାନ୍ ତାଇନୋଗାକୋ।’ ଅକନ୍‍କୋ ଆପୁ ତେ ଆୟୁମ୍ କେଦାକୋ ହାର୍ ଶିଖାଅ ଜାନାକୋ, ଇନିଃ ଇଙ୍ଗ୍‍ତାଃ ହିଜୁଃତାନାଏ।

ଯୋହାନ୍ 6:65

ଏନ୍ତେ ଇନିଃ କାଜିକେଦାଏ, “ଏନାମେନ୍ତେ ଇଙ୍ଗ୍ ଆପେକେ କାଜିଲେଦାଇଙ୍ଗ୍ ଚି ଚିମିନ୍ ସାନ୍ତେ ଆପୁ ପାଡ଼େତେ ନେ ବାର୍ଦାନ୍ କା ଏମୋଗା ଏନ୍ ସାନ୍ତେ ଇନିଃ ଇଙ୍ଗ୍ଆଃ ତାଃ କାଏ ହିଜୁଃ ଧାଡ଼ିୟା।”

କୁଲାକାନ୍ 11:21

ପ୍ରାଭୁ ଆଃ ପେଡ଼େଏ ଇନ୍‍କୁୱାଃ ଚେତାନ୍ ରେ ତାଇକେନା, ହାର୍ ଥିମ୍ବାଗି ଏଟାଃଜାତି ହୋଡ଼ୋକୋ ଇନ୍‍କୁୱାଃ ସାନ୍ଦେଶ୍ ଆୟୁମ୍ କେତେ ପ୍ରାଭୁ ୟୀଶୁ ରେ ବିଶ୍ଵାସ୍ କେଦାକୋ।

ରୋମ୍‍ରେନ୍ 12:3

ଚିୟାଃଚି ଇଙ୍ଗ୍ ଏନ୍ ଆନୁଗ୍ରାହ୍ ରାଃ ହୋରାତେ ଅକନାଃ ଇଙ୍ଗ୍‍କେ ନାମ୍ କାନା, ଆପେ ସବେନ୍ କୋକେ କାଜିପେ ତାନିଙ୍ଗ୍ ଚି ଜେଲେକା ଆଟ୍‍କାରେ ଚାହି, ଏନାଏତେ ଜେତାଏ ଆପାନ୍ କେ ମାରାଙ୍ଗ୍ କା-ଆଟ୍‍କାରେ ଚାହି; ମେନ୍ଦୋ ଜେଲେକା ପାର୍ମେଶ୍ଵାର୍ ମିପୀୟାଃ ହୋଡ଼ କେ ବିଶ୍ଵାସ୍ ସୋଙ୍ଗ୍ କେତେ ହାଟିଙ୍ଗ୍ କାଦାଏ, ଏନ୍ ଲେକାଗି ବୁଗିନ୍ ମୋନ୍ ଲେକାତେ ଆପେ ଆପାନ୍ କେ ଆଟ୍‍କାରେପେ।

ରୋମ୍‍ରେନ୍ 9:11

ହାର୍ ନାଆ ସାନ୍ତେ ନାଦୋ ଜାଁୱା ହୋନ୍ ଜାନାମ୍ ଲେନାକିନ୍, ହାର୍ ନାଦୋ ଇନ୍‍କିନ୍ ଜାହାନାଃ ବୁଗିନାଃ ୟାଦୋ ଏତ୍କାନାଃ ରିକାଲେଦାକିନ୍, ଏନାମେନ୍ତେ ଚି ପାର୍ମେଶ୍ଵାର୍ ରାଃ ସାନାଙ୍ଗ୍ ଅକନାଃ ଇନିଜାଃ ସାଲାକାନ୍ ରାଃ ଲେକାତେ ତାନାଃ,

ରୋମ୍‍ରେନ୍ 9:16

ଏନାତେ ନେୟା ସାନାଙ୍ଗ୍ ମାଣ୍ଡାଅ ନିଜାଃ କାହା, କୋଷିସ୍ ରିକାନିଜାଃ କାହା ମେନ୍ଦୋ ଦାୟା ତାନ୍ ପାର୍ମେଶ୍ଵାର୍ ରାଃ କାଜି ତାନାଃ।

୧ କରିନ୍ଥିୟ 12:6

ହାର୍ ପେଡ଼େଏ ରାଃ କାମି ରାକାମ୍ ରାଃ ମେନାଃ, ମେନ୍ଦୋ ପାର୍ମେଶ୍ଵାର୍ ମିହୋଡ଼୍ ଗି ତାନିଃ, ଅକନିଃ ସବେନାଃ ରେ ସବେନ୍ ରାକାମ୍ ରାଃ କାମି ନାଙ୍ଗ୍ ପେଡ଼େଏ ଏମ୍ ତାନାଏ।

୧ କରିନ୍ଥିୟ 15:10

ମେନ୍ଦୋ ଇଙ୍ଗ୍ ଜାହାନାଃଗି ତାନିଙ୍ଗ୍, ପାର୍ମେଶ୍ଵାର୍ ରାଃ ଆନୁଗ୍ରାହ୍ ତେ ତାନିଙ୍ଗ୍। ଇନିଜାଃ ଆନୁଗ୍ରାହ୍ ଅକନାଃଚି ଇଙ୍ଗ୍ ଚେତାନ୍ ରେ ହୋବାଜାନା, ଏନା ସାମାଗୀ କାହୋବାଜାନା, ମେନ୍ଦୋ ଇଙ୍ଗ୍ ଏନ୍ ସବେନ୍ କୋଏତେ ଥିମ୍ବା ଖାଟାଅ ଜାନିଙ୍ଗ୍, ଏଣ୍ତେ ରେହଗି ନେୟା ଇଙ୍ଗ୍ଆଃ ଏତେ କାହୋବାକାନା ମେନ୍ଦୋ ପାର୍ମେଶ୍ଵାର୍ ରାଃ ଆନୁଗ୍ରାହ୍ ଏତେ ହୋବାନା ଅକନାଃ ଇଙ୍ଗ୍ଆଃ ଚେତାନ୍ ରେ ତାଇନ୍ କେନା।

୨ କରିନ୍ଥିୟ 3:5

ନେୟା କାହା ଚି ଆଲେ ଆପାନ୍ ତେଗି ଏନ୍ ଲେକାନିଃ ତାନ୍‍ଲେ ଚି ଆଲେ ତେଗି ଜାହାନ୍ କାଜି ରାଃ ବିଚାର୍ ରିକା ଧାଡ଼ିୟାଲେ, ମେନ୍ଦୋ ଆଲେକେ ଏନ୍ ଲେକା କାମି ଧାଡ଼ିତେୟାଃ ପାର୍ମେଶ୍ଵାର୍ ତେ ନାମାକାନା,

ଏଫିସିୟ 1:11

ଇନିଃରେଗି ଅକନିଜାଃରେ ଆବୁ ହଗି ଆୟାଃ ସାନାଙ୍ଗ୍ ରେୟାଃ ବିଚାର୍ ଲେକାତେ ସବେନାଃ ରିକାୟାଏ, ସିଦା ଏତେ ଦୋହୋ କେତେ ହାନାଟିଙ୍ଗ୍ ବାଇୟୋଃୱାବୁ

ଏଫିସିୟ 1:5

ହାର୍ ଆୟାଃ ମୋନେ ଲେକା ସୁକୁ ସାନାଙ୍ଗ୍ ତେ ଆବୁକେ ଆପାନାଃ ଲାଗିନ୍ତେ ସିଦା ଏତେଗି ଦୋହୋକାଦାଏ ଚି ୟୀଶୁ ମାସୀହ୍ ରାଃ ହୋରାତେ ଆବୁ ଇନିଜାଃ ଆସୁଲ୍ ନାମାନ୍ ହୋନ୍ ହୋବାଅଃୱାବୁ,

ଏଫିସିୟ 1:9

ଚିୟାଃଚି ଇନିଃ ଆଜାଃ ସୁକୁ ମୋନେ ତେ ସାନାଙ୍ଗ୍ ତାନ୍ ରେୟାଃ ମୁଣ୍ଡି କେ ଆବୁକେ ଉଦୁବ୍ କେଃବୁୱାଏ, ଅକନାଃକେ ଇନିଃ ମାସୀହ୍ ରେ ରିକାନାଙ୍ଗ୍ ମୋନେ ଛାବା ଲେଦାଏ

ଏଫିସିୟ 2:8

ଚିୟାଃଚି ବିଶ୍ଵାସ୍ ରାଃ ହୋରାତେ ଆନୁଗ୍ରାହ୍ ଏତେଗି ଆପେପେ ବାଞ୍ଚାଅ ନାମ୍ କାଦା, ହାର୍ ନେୟା ଆପେୟାଃ ପାଡ଼େତେ ନାହାଲା, ମେନ୍ଦୋ ପାର୍ମେଶ୍ଵାର୍ ରାଃ ଦାନ୍ ତାନାଃ;

୨ ଥେସ୍‌ଲନିକା 1:11

ଏନାଲାଗିନ୍ତେ ଆଲେ ଜାନାଓ ଆପେୟାଃ ଲାଗିନ୍ତେ ବିନ୍ତି ତାନାଲେ, ଚି ଆବୁୱାଃ ପାର୍ମେଶ୍ଵାର୍ ଆପେକେ ନେ କେଡ଼ାକାନ୍ କୋ ମେନ୍ତେ ଆଟ୍‍କାରେକାଏ, ହାର୍ ସବେନ୍ ବୁଗିନାଃ ସାନାଙ୍ଗ୍ ହାର୍ ବିଶ୍ଵାସ୍ ରାଃ ସବେନ୍ କାମିକୋକେ ପେଡ଼େଏ ତେ ପୁରାକାଏ,

୨ ତିମଥି 1:9

ଅକନିଃ ଆବୁକେ ବାଞ୍ଚାଅ କେଃବୁଆଏ ହାର୍ ପାବିତାର୍ ଜୀଦାନ୍ ଜୀହିଦୋଃ ନାଙ୍ଗ୍ କେଡ଼ାକେଦାଏ, ହାର୍ ନେୟା ଆବୁୱାଃ ବୁଗିନ୍ କାମିକୋ ଲେକାତେ କାହା, ମେନ୍ଦୋ ଇନିଜାଃ ମୋନ୍ ରାଃ ସାନାଙ୍ଗ୍ ଲେକାତେ ହାର୍ ଏନ୍ ଆନୁଗ୍ରାହ୍ ଲେକାତେ ତାନାଃ ଅକନାଃ ମାସୀହ୍ ୟୀଶୁ ରେ ମୁନୁ ଏତେଗି ଆବୁୱାଃ ଚେତାନ୍ ରେ ହୋବାଜାନା,

ଇବ୍ରାନୀୟୋରେନ୍ 13:21

ଇନିଃ ଆପେକେ ସବେନ୍ କାଜି କୋରେ ପୋକ୍ତାବାଇ ପେକାଏ, ଏନାତେ ଆପେ ଇନିଜାଃ ସାନାଙ୍ଗ୍ କେ ପୁରାୟାପେ, ହାର୍ ଅକନାଃ କୋ ଇନିଃକେ ସୁକୁୱାଇୟା, ଏନା ୟୀଶୁ ମାସୀହ୍ ରାଃ ହୋରାତେ ଆବୁ ରେ ଅମୋନେକାଏ। ଇନିଜାଃ ଗି ମାନାରାଙ୍ଗ୍ ଜାନାଓ-ଜାନାଓ ହୋବାଅଃକା। ଆମୀନ୍।

1 ପାତ୍ରାସ୍ 1:3

ଆବୁୱାଃ ପ୍ରାଭୁ ୟୀଶୁ ମାସୀହ୍ ରାଃ ପାର୍ମେଶ୍ଵାର୍ ଆଡୋଃ ଆପୁ ରାଃ ଧାନ୍ୟାବାଦ୍ ହୋବାଅଃକା, ଅକନିଃ ୟୀଶୁ ମାସୀହ୍ କେ ଗୋଜାକାନ୍ ଏତେ ଜୀବିନିରିଦ୍ ରାଃ ହୋରାତେ, ଆଜାଃ ମାରାଙ୍ଗ୍ ଦାୟା ଏତେ ଆବୁକେ ଜୀନିଦ୍ ଆଶ୍ରା ଲାଗିନ୍ ନାୱା ଜାନାମ୍ ଏମ୍ କାଦାଏ,