ଫିଲିପିୟ 2:12 - ମୁଣ୍ଡା ନାୱା ନିୟାମ୍

¹² ଏନାମେନ୍ତେ ହେ ଦୁଲାଡ଼୍‍କୋ, ଜେଲେକାତେ ଆପେ ସାଦାଏଗି କାଜି ମାନାତିଙ୍ଗ୍ ତାନାପେ, ଏନ୍ ଲେକାଗି ନାଆ ହଗି ଇଙ୍ଗ୍ଆଃ ଆପେ ଲୋଃ ତାଇନ୍ ଇମ୍ତା ଭାଇର୍ କାହା ମେନ୍ଦୋ ବିଶେଷ୍ କେତେ ନାଆ ଇଙ୍ଗ୍ ଆପେ ତାଃଏତେ ସାଙ୍ଗିନ୍ ରେ ତାଇନ୍ ରେ ହଗି ବୋରୋତାନ୍ ହାର୍ ଥାର୍ତାରାୱତାନ୍ ଲୋଃ ଆପାନାଃ-ଆପାନାଃ ବାଞ୍ଚାଅ ରାଃ କାମି କେ ପୁରା ଇଦିପେ।

ପାର୍‌ମେଶ୍ୱାର୍‌ଆଃ ଜୀନିଦ୍‌ ବାଚାନ୍‌ ନାୱା ନିୟାମ୍‌

¹² ତାବ୍‌ଦ ହେ ଦୁଲାଡ଼୍‌ ହାଗା ମିଶିକ, ଆଇଙ୍ଗ୍‌ ଆପେଲଃ ତାଇନ୍‌ତାନ୍‌ ଦିପିଲିରେ ଆପେ ଜେ'ଲେକା ସବେନ୍‌ ଇମ୍‌ତା ମାନାତିଙ୍ଗ୍‌ ତାଇକେନାପେ, ନାହାଁଃ ଆଇଙ୍ଗ୍‌ ଆପେତାଃଏତେ ସାଙ୍ଗିନ୍‌ରେ ତାଇନଃତାନ୍‌ ଦିପିଲିରେୟ ପୁରାଃଗି ବର ଆଡଃ ଏକ୍‌ଲାଅଃତାନ୍‌ଲଃ ଆପେୟାଃ ଜୀଉବାଞ୍ଚାଅ ପୁରାଏପେ ।

ଫିଲିପିୟ 2:12 Iomraidhean Croise

ମାତ୍ତିଉ 11:12

ଯୋହାନ୍ ବାପ୍ତିସ୍ମା ଏହେମ୍ ନିଜାଃ ପାର୍ଚାର୍ ହୁଲାଙ୍ଗ୍ ଏତେ ନାଆ ସାନ୍ତେ ସିର୍ମାଦିଶୁମ୍ ରାଃ ରାଇଜ୍ ପେଡ଼େଏ ତେ ହାରା ଇଦିଅଃ ତାନା, ହାର୍ ପେଡ଼େଜାନ୍ ହୋଡ଼ୋକୋ ଏନାକେ ରେଏଃ କେ ତାନାକୋ।

ମାତ୍ତିଉ 11:29

ଇଙ୍ଗ୍ଆଃ ବାହାରୋମ୍ ଗୋଃଏପେ, ହାର୍ ଇଙ୍ଗ୍ ଏତେ ଶିଖାଅନ୍‍ପେ ଇଙ୍ଗ୍ ଲେବେଃ ହାର୍ ମୋନ୍ ରେ ନାରାମ୍ ମେନାଇଙ୍ଗ୍‍ୟା ହାର୍ ଆପେ ଆପେୟାଃ ମୋନ୍ ରେ ଆରାମ୍ ପେ ନାମେୟା।

କୁଲାକାନ୍ 16:29

ଏନ୍ତେ ବାନ୍ଦିଅଡ଼୍ଆଃ କେ ହୋରୋନିଃ ବାତୀ ଆସି କେତେ ଭିତାର୍ ନିର୍ କେଦାଏ ଆଡୋଃ ଥାର୍ଥାରାଅ ତାନ୍ ଲୋଃ ପାଉଲୁସ୍ ହାର୍ ଶିଲାସ୍ କିନାଃ ଆୟୁର୍ ରେ ଉୟୁଃଜାନାଏ।

କୁଲାକାନ୍ 9:6

ମେନ୍ଦୋ ନାଆ ବିରିଃ କେତେ ସାହାର୍ ତେ ସେନୋଃମେ, ହାର୍ ଅକନାଃକୋ ଆମ୍‍କେ ରିକା ମେନାଃ ଏନା ଆମ୍‍କେ କାଜିୟୋଗା।”

ରୋମ୍‍ରେନ୍ 2:7

ଅକନ୍‍କୋ ବୁଗିନ୍ କାମି ରେ ବାଇକେତେ ମାନାରାଙ୍ଗ୍, ଆଡୋଃ ମାଇନ୍, ହାର୍ ଚିଉଲାଅ କାକୋ ଗୋଜୋଗା ଏନାରାଃ ଦାଣା ରେ ମେନାକୋୱା, ଇନ୍‍କୁକେ ଇନିଃ ଜାନାଓ ଜୀଦାନ୍ ଏମାକୋୱାଏ;

୧ କରିନ୍ଥିୟ 15:58

ଏନାମେନ୍ତେ ହେ ଇଙ୍ଗ୍ଆଃ ଦୁଲାଡ଼୍ ହାଗାକୋ ହାର୍ ମିଶିକୋ, କେଟେଃ ହାର୍ ପୋକ୍ତା ହୋବାଅଃପେ, ଏନ୍ତେ ପ୍ରାଭୁ ଆଃ କାମି ରେ ସବେନ୍ ଇମ୍ତାଙ୍ଗ୍ ହାରା ଇଦିଅଃପେ, ଚିୟାଃଚି ନେୟା ସାରିତାନାପେ ଚି ଆପେୟାଃ କାମି ଅକନାଃ ପ୍ରାଭୁ ରେ କାମି କାଦାପେ ଏନା ସାମା କାହୋବାଅଃୱା।

୧ କରିନ୍ଥିୟ 2:3

ଇଙ୍ଗ୍ ନାରାଦୁରା ହାର୍ ବୋରୋତାନ୍ ଲୋଃ, ହାର୍ ଥିମ୍ବାଗି ଥାର୍ଥାରାଅଃ ତାନ୍ ଲୋଃ ଆପେୟାଃ ଥାଲା ରେ ତାଇନ୍ ଜାନିଙ୍ଗ୍।

୧ କରିନ୍ଥିୟ 4:14

ଇଙ୍ଗ୍ ଆପେକେ ଗିୟୁଗୋଃପେ ମେନ୍ତେ ନେ ବାକାଣ୍ କାଇଙ୍ଗ୍ ଅଲ୍ ତାନା, ମେନ୍ଦୋ ଆପାନାଃ ଦୁଲାଡ଼୍ ହୋନ୍ କୋ ଲେକା ଆଟ୍‍କାର୍ କେତେ ଆପେକେ ଚେତାଓ ପେତାନିଙ୍ଗ୍।

୨ କରିନ୍ଥିୟ 7:15

ଚିମ୍ତାଙ୍ଗ୍ ଇନିଃକେ ଆପେ ସବେନ୍ କୋୱାଃ ଆନାଚୁ ମାନାତିଙ୍ଗ୍ କାଜି ମୋନେ ହିଜୁଃତାନା ଚି ଚିଲ୍‍କା ଆପେ ବୋରୋତାନ୍ ଲୋଃ ଆଡୋଃ ଥାର୍ଥାରାଅ ତାନ୍ ଲୋଃ ଇନିଃକେ ନାପାମ୍ ଜାନାପେ, ଦୋ ଇନିଜାଃ ଦୁଲାଡ଼୍ ଆପେ ନାଙ୍ଗ୍ ଆଡୋଃଗି ବାଢ଼ାଅଃ ଇଦିଅଃତାନା।

ଏଫିସିୟ 6:5

ହେ ଦାସୀକୋ, ଅକନ୍‍କୋ ନେ ଅତେଦିଶୁମ୍ ରେ ଆପେୟାଃ ଗୋମ୍‍କେକୋ ତାନ୍‍କୋ, ଆପାନ୍ ସୋଜ୍ ମୋନ୍ ରାଃ ଲେକାତେ ହାର୍ ବୋରୋତାନ୍ ଲୋଃ ଆଡୋଃ ଥାର୍ଥାରାଅଃ ତାନ୍‍ଲୋଃ ଇନ୍‍କୁୱାଃ ଆନାଚୁ କୋକେ ମାନାତିଙ୍ଗ୍ଏପେ, ଜେଲେକା ମାସୀହ୍ ରାଃ ମାନାତିଙ୍ଗ୍ ତାନାପେ।

ଫିଲିପିୟ 1:27

ଖାଲି ନିମିନାଙ୍ଗ୍ ରିକାଏପେ ଚି ଆପେୟାଃ ସେସେନ୍ ମାସୀହ୍ ରାଃ ସୁସାମାଚାର୍ ଲେକା ହୋବାଅଃକା ଏନାତେ ହୋବା ଧାଡ଼ିୟୋଗା ଇଙ୍ଗ୍ ହିଜୁଃକେତେ ଆପେକେ ନେଲ୍ ପେୟାଇଙ୍ଗ୍, ଚାହେ ଆପେ ତାଃ କାଇଙ୍ଗ୍ ସେଟେରୋଗା; ଏଣ୍ଡେ ହ ଆପେୟାଃ ବିଷାୟ୍ ରେ ନେୟା ଆୟୁମେୟାଇଙ୍ଗ୍ ଚି ଆପେ ମିୟାଃ ଗି ଆତ୍ମା ରେ ବାଇକେତେ ତାଇନୋଃ ତାନାପେ। ଆଡୋଃ ମିୟାଃ ମୋନ୍ ହୋବା କେତେ ସୁସାମାଚାର୍ ରାଃ ବିଶ୍ଵାସ୍ ଲାଗିନ୍ତେ କାମି ତାନାପେ।

ଫିଲିପିୟ 1:29

ଚିୟାଃଚି ମାସୀହ୍ ରାଃ ହୋରାତେ ଆପେୟାଃ ରେ ନେୟା ଆନୁଗ୍ରାହ୍ ହୋବାକାନା ଚି ଏନାରେ ବିଶ୍ଵାସ୍ ଏପେ ଏନା ଭାଇର୍ କାହା ମେନ୍ଦୋ ଇନିଜାଃ ଲାଗିନ୍ତେ ଦୁକୁ ଅଗି ସାହାତିଙ୍ଗ୍ଏପେ।

ଫିଲିପିୟ 1:5

ଏନାମେନ୍ତେ ଚି ଆପେ ସିଦା ହୁଲାଙ୍ଗ୍ ଏତେ ଇଦିକେତେ ଇସିଙ୍ଗ୍ ସାନ୍ ୟୀଶୁ ମାସୀହ୍ ରାଃ ସୁସାମାଚାର୍ କେ ପାସ୍ରାଅ ରେ ଇଙ୍ଗ୍ଆଃ ଲୋଃ ମିଃତେ ତାଇକେନାପେ।

ଫିଲିପିୟ 1:6

ଇଙ୍ଗ୍‍କେ ନେ କାଜି ରାଃ ଭାରୋସା ମେନାଃ ଚି ପାର୍ମେଶ୍ଵାର୍ ଅକନିଃ ଆପେ ରେ ବୁଗିନ୍ କାମି ଏଟେଃ କେଦାଏ, ଇନିଃଗି ଏନାକେ ୟୀଶୁ ମାସୀହ୍ ରାଃ ହୁଲାଙ୍ଗ୍ ସାନ୍ତେ ପୁରାୟାଏ।

ଫିଲିପିୟ 2:19

ଇଙ୍ଗ୍ ପ୍ରାଭୁ ୟୀଶୁ ରେ ଆଶ୍ରା ତାନିଙ୍ଗ୍ ଚି ତିମୁଥିୟୁସ୍ କେ ଆପେତାଃ ସେକାଡ଼୍‍ଗୀ କୁଲେୟାଇଙ୍ଗ୍, ଏନାତେ ଆପେୟାଃ ହାଲ୍ ଆୟୁମ୍ କେତେ ଇଙ୍ଗ୍ଆଃ ଜୀଉ କେ ସୁକୁ ନାମୋଗା।

ଫିଲିପିୟ 4:1

ଏନାମେନ୍ତେ ହେ ଇଙ୍ଗ୍ଆଃ ଦୁଲାଡ଼ାନ୍ ହାଗାକୋ, ଆପେ ଲୋଃ ନାପାମ୍ ନାଙ୍ଗ୍ ଇଙ୍ଗ୍ଆଃ ଥିମ୍ବାଗି ସାନାଙ୍ଗ୍ ମେନାଃ, ଆପେ ଇଙ୍ଗ୍ଆଃ ରାଶିକା ଆଡୋଃ ମୁକୁଟ୍ ତାନ୍‍ପେ, ହେ ଦୁଲାଡ଼ାନ୍ ହାଗାକୋ, ପ୍ରାଭୁ ରେ ନେଲେକାଗି ବାଇକେତେ ତାହିନୋଃପେ।

ଫିଲିପିୟ 4:15

ହେ ଫିଲିପ୍ପି ରେନ୍ କୋ, ଆପେ-ଆପେଗୀପେ ସାରିତାନା ଚି ସୁସାମାଚାର୍ ପାର୍ଚାର୍ ରାଃ ଏନେଟେଃ ରେ, ଚିମ୍ତା ଇଙ୍ଗ୍ ମାକିଦୁନିୟା ରାଇଜ୍ ଏତେ ବିଦା ହୋବାନାଇଙ୍ଗ୍, ଇମ୍ତା ଆପେକେ ବାଗିକେତେ ଆଡୋଃ ଜେତାନ୍ କାଲିସିୟା ରେନ୍ କୋ ଏହେମ୍ ହାର୍ ଇଦି ବିଷାୟ୍ ରେ ଇଙ୍ଗ୍ଆଃ ଦେଙ୍ଗା କାକୋ ରିକାକାଦା।

୧ ଥେସ୍‌ଲନିକା 1:3

ଆଡୋଃ ଆବୁୱାଃ ପାର୍ମେଶ୍ଵାର୍ ହାର୍ ଆପୁ ଆଃ ନାଡ଼େଏ ରେ ଆପେୟାଃ ବିଶ୍ଵାସ୍ କୋରାଃ କାମିକୋ, ହାର୍ ଦୁଲାଡ଼୍ ରାଃ କାମିକୋ, ହାର୍ ଆବୁୱାଃ ପ୍ରାଭୁ ୟୀଶୁ ମାସୀହ୍ ରେ ଆଶ୍ରା ତେ ନେଲ୍‍ହୋରା ତାନ୍ କେ ସବେନ୍ ହୁଲାଙ୍ଗ୍ ପାହୋମେ ତାନାଲେ।

୨ ତିମଥି 2:10

ଏନାଲାଗିନ୍ତେ ଇଙ୍ଗ୍ ସାଲାକାନ୍ ହୋଡ଼ୋକୋ ନାଙ୍ଗ୍ ସବେନାଃ ସାହାତିଙ୍ଗ୍ ୟାଇଙ୍ଗ୍, ଚି ଇନ୍‍କୁ ହଗି ଏନ୍ ବାଞ୍ଚାଅ କେ ଅକନାଃ ମାସୀହ୍ ୟୀଶୁ ରେ ମେନାଃ ଜାନାଓ ମାନାରାଙ୍ଗ୍ ଲୋଃ ନାମେକାକୋ।

ଇବ୍ରାନୀୟୋରେନ୍ 12:1

ଏନାମେନ୍ତେ ଚିମ୍ତାଙ୍ଗ୍ ଗୋୱା କୋରାଃ ନିମିନାଙ୍ଗ୍ ମାରାଙ୍ଗ୍ ରିମିଲ୍ ଲେକା ଥିମ୍ବା ହୋଡ଼ୋକୋ ଆବୁକେ ବିୟୁର୍ କାଃବୁୱାଏ, ଏଣ୍ଡେ ହିଜୁଃପେ, ସବେନ୍ କେସେଃତାନ୍ କାଜିକୋକେ ହାର୍ ପାଶେ ତେୟାଃ ପାପ୍ କୋକେ ବାଗିୟାବୁ ହାର୍ ସାହାତିଙ୍ଗ୍ ତାନ୍ ଲୋଃ ଏନ୍ ନୀନିର୍ ରେ ଅକନାଃ ରେ ଆବୁକେ ନିର୍ ମେନାଃ ନିରେୟାବୁ,

ଇବ୍ରାନୀୟୋରେନ୍ 4:1

ଏନାମେନ୍ତେ ଚିମ୍ତାଙ୍ଗ୍ ଚି ପାର୍ମେଶ୍ଵାର୍ ରାଃ ସାଥାୱନ୍ ଜାଗା ରେ ବୋଲୋ ରେୟାଃ କିରିୟା ନାଆ ସାନ୍ତେ ମେନାଃ, ଦୋ ଆବୁକେ ବୋରୋ ଚାହି; ନେକା ଆଲୋ ହୋବାଅଃକା ଚି ଆପେ କୋଏତେ ଜେତାଏ ଏନାତେ ବାଗି କେନୋଗାଏ।

ଇବ୍ରାନୀୟୋରେନ୍ 4:11

ଏନାମେନ୍ତେ ଆବୁ ଏନ୍ ସାଥାୱନ୍ ଜାଗା ରେ ବୋଲୋ ଲାଗିନ୍ତେ କୋଷିସ୍ ୟାବୁ, ନେକା ଆଲୋହୋବାଅଃକା ଚି ଜେତାଏ ଇନ୍‍କୁୱାଃ ଲେକା ଆନାଚୁ କାମାନାତିଙ୍ଗ୍ କେତେ ଉୟୁଃ କେନୋଗାଏ।

ଇବ୍ରାନୀୟୋରେନ୍ 5:9

ହାର୍ ପୋକ୍ତା ବାଇକେତେ, ଆଜାଃ ଆନାଚୁ ମାନାତିଙ୍ଗ୍ ତାନ୍ ସବେନ୍ କୋ ଲାଗିନ୍ତେ ଜାନାଓ-ଜାନାଓ ରାଃ ବାଞ୍ଚାଅ ରାଃ କାରାନ୍ ବାଇଜାନାଏ।

1 ପାତ୍ରାସ୍ 2:11

ହେ ଦୁଲାଡ଼୍‍କୋ, ଇଙ୍ଗ୍ ଆପେକେ ଆର୍ଜିପେ ତାନିଙ୍ଗ୍ ଚି ଆପେ ଆପାନ୍ କେ ଏଟାଃ ଦିଶୁମ୍ ରେନ୍ ଆଡୋଃ ହୁଡିଙ୍ଗ୍ ଦିନ୍ ଲାଗିନ୍ ହୋନୋର୍ ହିଜୁଃକାନ୍ ସାରିକେତେ ନେ ଅତେଦିଶୁମ୍ ରେ ଏନ୍ ହୋଡ଼ମୋ ରାଃ ଏତ୍କାନ୍ ସାନାଙ୍ଗ୍ କୋଏତେ ଅକନାଃ ଆତ୍ମା ଲୋଃ ଲାଡ଼ାଇ ରିକାୟାଏ, ଏନାତେ ବାଚାଓ କେତେ ତାଇଅଃପେ।

2 ପାତ୍ରାସ୍ 3:18

ମେନ୍ଦୋ ଆବୁୱାଃ ପ୍ରାଭୁ ଆଡୋଃ ବାଞ୍ଚାଅନିଃ ୟୀଶୁ ମାସୀହ୍ ରାଃ ଆନୁଗ୍ରାହ୍ ଆଡୋଃ ଉରୁମ୍ ରେ ମାରାଙ୍ଗ୍ ଇଦିଅଃପେ। ଇନିଜାଃ ଗି ମାନାରାଙ୍ଗ୍ ନାଆ ହଗି ହୋବାଅଃକା, ଆଡୋଃ ଜାନାଓ-ଜାନାଓ ଜାକେଦ୍ ହୋବାକାତୋଃକା। ଆମୀନ୍।