ଫିଲିପିୟ 1:7 - ମୁଣ୍ଡା ନାୱା ନିୟାମ୍

⁷ ଠାଉକା ତାନାଃ ଚି ଇଙ୍ଗ୍ ଆପେ ସବେନ୍ କୋ ଲାଗିନ୍ ନେଲେକାଗି ପାହୋମେ ୟାଇଙ୍ଗ୍, ଚିୟାଃଚି ଆପେକେ ଇଙ୍ଗ୍ଆଃ ମୋନ୍ ରେ ଦୋହୋ କାଃପେୟାଇଙ୍ଗ୍, ଆଡୋଃ ଇଙ୍ଗ୍ଆଃ ଥୋନୋଲ୍ ତାଇନ୍ ଇମ୍ତା ହାର୍ ସୁସାମାଚାର୍ ରାଃ ବାଞ୍ଚାଅ ଆଡୋଃ ପ୍ରାମାଣ୍ ଏମେ ରେ ଆପେ ସବେନ୍ କୋ ଇଙ୍ଗ୍ଆଃ ଲୋଃ ଆନୁଗ୍ରାହ୍ ରେ ମିଃତେ ମେନାପେୟା।

ପାର୍‌ମେଶ୍ୱାର୍‌ଆଃ ଜୀନିଦ୍‌ ବାଚାନ୍‌ ନାୱା ନିୟାମ୍‌

⁷ ଆପେ ସବେନ୍‌କ ସବେନ୍‌ ଇମ୍‌ତା ଆଇଁୟାଃ ମନ୍‌ସୁରୁଦ୍‌ରେ ମେନାପେୟା, ଏନା ନାଗେନ୍ତେ ଆପେୟାଃ ବିଷାଏରେ ନେ'ଲେକାଇଙ୍ଗ୍‌ ଉଡ଼ୁଃକେଦା । ଆଇଙ୍ଗ୍‌ ତନଲ୍‌ହେତେ ରାଡ଼ାକାନ୍‌ ଦିପିଲିରେ ଆଡଃ ନାହାଁଃ ନେ ଜେହେଲାକାନ୍‌ ଦିପିଲିରେ, ନେ ବାରାନାଃରେ ସୁକୁକାଜିରେୟାଃ ସାନାର୍‌ତିରେ ତିଙ୍ଗୁକେଟେଦ୍‌ ଆଡଃ ଏଟାଃକକେ ଉଦୁବ୍‌ରେୟାଃ ଅକ ସୁଯୋଗ୍‌ ପାର୍‌ମେଶ୍ୱାର୍‌ ଏମାକାଦିୟାଁଏ, ଏନାରେ ଆପେ ସବେନ୍‌କ ହିସାପେ ନାମାକାଦା ।

ଫିଲିପିୟ 1:7 Iomraidhean Croise

କୁଲାକାନ୍ 20:23

ମେନ୍ଦୋ ପାବିତାର୍ ଆତ୍ମା ଭାଇର୍ ସବେନ୍ ସାହାର୍ ରେ ଇଙ୍ଗ୍ଆଃ ଲୋଃ ବାକାଣ୍ ତାଇକେନାଏ ଚି ଥୋନୋଲ୍ ହାର୍ ଦୁକୁ ଆମ୍ ଲାଗିନ୍ ବାଇ ସେକାଡ଼୍ କାନା।

କୁଲାକାନ୍ 21:33

ଏନ୍ତେ ହାଜାର୍ ସିପାହୀ କୋୱାଃ ଗୋମ୍‍କେ ପାଉଲୁସ୍ ନାଡ଼େଏ ହିଜୁଃ କେତେ ଇନିଃକେ ସାବ୍ କିଜାଏ, ହାର୍ ବାରିୟା ସିକ୍ରି ତେ ଥୋଲ୍ ରାଃ ଆନାଚୁ ଏମ୍ କେତେ ହୋଡ଼ୋକୋକେ କୁଲିକେଃକୋୱାଏ, “ନିଈ ଅକଏ ତାନିଃ, ହାର୍ ଚିନାଃ ରିକା କାଦାଏ?”

୧ କରିନ୍ଥିୟ 13:7

ଇନିଃ ସବେନ୍ ବାକାଣ୍ କୋକେ ସାହାତିଙ୍ଗ୍ କେୟାଏ, ସବେନ୍ ବାକାଣ୍ କୋକେ ପାତି କେୟାଏ, ସବେନ୍ ବାକାଣ୍ କୋରାଃ ଆଶ୍ରା ମାଣ୍ଡାଅୟାଏ, ସବେନ୍ ବାକାଣ୍ କୋରେ ସାହାତିଙ୍ଗ୍ ମାଣ୍ଡାଅୟାଏ।

୧ କରିନ୍ଥିୟ 9:23

ଇଙ୍ଗ୍ ନେ ସବେନାଃ ସୁସାମାଚାର୍ ଲାଗିନ୍ତେ ରିକା ତାନିଙ୍ଗ୍ ଏନାତେ ଏଟାଃ କୋଲୋଃ ଏନାରାଃ ଆଶିଷ୍ ହାନାଟିଙ୍ଗ୍ ନାମେୟାଇଙ୍ଗ୍।

୨ କରିନ୍ଥିୟ 3:2

ଆଲେୟାଃ ଚିଠି ଆପେ ଗି ତାନ୍‍ପେ, ଅକନାଃ ଆବୁୱାଃ ମୋନ୍ ରେ ଅଲାକାନା ଆଡୋଃ ଏନାକେ ସବେନ୍ ହୋଡ଼ୋକୋ ନେଲ୍ଉରୁମ୍ ତାନାକୋ ହାର୍ ପାଢ଼ାଅଃ ତାନାକୋ।

୨ କରିନ୍ଥିୟ 7:3

ଇଙ୍ଗ୍ ଆପେକେ ଦୋଷ୍ ଲାଗାଅ ଲାଗିନ୍ତେ କାଇଙ୍ଗ୍ କାଜିପେତାନା। ଚିୟାଃଚି ଇଙ୍ଗ୍ ସିଦାରେଗି କାଜି ଛାବା କାଦାଇଙ୍ଗ୍ ଚି ଆପେ ଆଲେୟାଃ ମୋନ୍ ରେ ଜାଗା ନାମ୍ ଛାବା କାଦାପେ ଏନାତେ ଆଲେ ଆପେୟାଃ ଲୋଃ ଗୋଜେନ୍ ଜୀଦେନ୍ ଲାଗିନ୍ ସେକାଡ଼୍ କାନାଲେ।

ଗାଲାତିୟ 5:6

ମାସୀହ୍ ୟୀଶୁ ରେ ଖାତ୍ନା ହାର୍ କାଖାତ୍ନାକାନ୍ ଜେତ୍ନାଃ କାମି ରାଃ ନାହାଲା, ମେନ୍ଦୋ ଖାଲି ବିଶ୍ଵାସ୍ ଗି ତାନାଃ, ଅକନାଃ ଦୁଲାଡ଼୍ ତେ କାମିୟାଏ।

ଏଫିସିୟ 3:1

ଏନାମେନ୍ତେ ଇଙ୍ଗ୍ ପାଉଲୁସ୍ ଆପେ ଏଟାଃଜାତି କୋ ଲାଗିନ୍ ମାସୀହ୍ ୟୀଶୁ ରାଃ ଥୋଲାକାନ୍ ହୋଡ଼ ତାନିଙ୍ଗ୍

ଏଫିସିୟ 4:1

ଏନାମେନ୍ତେ ଇଙ୍ଗ୍ ଯେ ପ୍ରାଭୁ ଲାଗିନ୍ତେ ଥୋଲାକାନାଇଙ୍ଗ୍, ଆପେ କେ ଆର୍ଜିପେ ତାନାଇଙ୍ଗ୍ ଚି ଅକନ୍ କେନେଡ଼ା ଏତେ ଆପେ କେଡ଼ାକାନ୍ ତାଇକେନାପେ, ଏନ୍ ଠାଉକା ଲେକା ସେନେପେ।

ଏଫିସିୟ 6:20

ଅକନାଃ ଲାଗିନ୍ତେ ଇଙ୍ଗ୍ ସିକିଡ଼ି ରେ ଥୋଲାକାନ୍ ରାଜ୍‍ଦୁତ୍ ତାନିଙ୍ଗ୍; ହାର୍ ନେୟା ୟଗି ଚି ଇଙ୍ଗ୍ ଇନିଜାଃ ବିଷାୟ୍ ରେ ଚିଲ୍‍କା ଇଙ୍ଗ୍ କେ ଲାଗାତିଙ୍ଗ୍ ତାନାଃ ଏନ୍ ଲେକାଗି ସାହାସ୍ ତେ କାଜିୟାଇଙ୍ଗ୍।

ଫିଲିପିୟ 1:12

ହେ ହାଗାକୋ, ଇଙ୍ଗ୍ ସାନାଙ୍ଗ୍ ତାନାଇଙ୍ଗ୍ ଚି ଆପେ ନେୟା ସାରିକେପେ ଚି ଇଙ୍ଗ୍ଆଃ ରେ ଅକନାଃ ବିତାଅ କାନା, ଏନାତେ ସୁସାମାଚାର୍ ଗି ହାରା ଇଦିଜାନା।

ଫିଲିପିୟ 1:13

ନେତାଃ ସାନ୍ତେ ଚି ରୋମ୍ ରେନ୍ ରାଜା ରାଃ ମାହାଲ୍ ଅଡ଼୍ଆଃ ରାଃ ସବେନ୍ ପାଲ୍‍ଟାନ୍ ହାର୍ ସାରେଜାକାନ୍ ସବେନ୍ ହୋଡ଼ୋକୋ ରେ ନେୟା ଉଦୁବ୍ ଛାବାଜାନା ଚି ଇଙ୍ଗ୍ ମାସୀହ୍ ଲାଗିନ୍ ଥୋଲା କାନାଇଙ୍ଗ୍।

ଫିଲିପିୟ 1:14

ଆଡୋଃ ପ୍ରାଭୁ ରେ ଅକନ୍‍କୋ ହାଗା ତାନ୍‍କୋ, ଇନ୍‍କୁ ଏତେ ଥିମ୍ବାକୋ ଇଙ୍ଗ୍ଆଃ ଥୋଲେନ୍ ରାଃ ହୋରାତେ, ସାହାସ୍ ମାଣ୍ଡାଅକେତେ ପାର୍ମେଶ୍ଵାର୍ ରାଃ ବାଚାନ୍ କେ ବେଗାର୍ ବୋରୋତାନ୍ ଲୋଃ ଉଦୁବ୍ ଲାଗିନ୍ ଆଡୋଃଗି ସାହାସ୍ ତାନାକୋ।

ଫିଲିପିୟ 1:5

ଏନାମେନ୍ତେ ଚି ଆପେ ସିଦା ହୁଲାଙ୍ଗ୍ ଏତେ ଇଦିକେତେ ଇସିଙ୍ଗ୍ ସାନ୍ ୟୀଶୁ ମାସୀହ୍ ରାଃ ସୁସାମାଚାର୍ କେ ପାସ୍ରାଅ ରେ ଇଙ୍ଗ୍ଆଃ ଲୋଃ ମିଃତେ ତାଇକେନାପେ।

ଫିଲିପିୟ 2:22

ତିମୁଥିୟୁସ୍ କେ ଆପେ ଦୋପେ ସାରିତାନା ହାର୍ ସାରିକାଇଜାପେ ଚି ଜେଲେକା ହୋନ୍ ଆପୁ ଲୋଃ ରିକାୟାଏ, ଏନ୍‍ଲେକାଗି ଇନିଃ ସୁସାମାଚାର୍ କେ ଫାଏଲାଓ କାମି ରେ ଇଙ୍ଗ୍ଆଃ ଲୋଃ କାମି କାଦାଏ।

ଫିଲିପିୟ 4:14

ଏଣ୍ଡେ ହ ଆପେ ବୁଗିନାଃ ରିକାକେଦାପେ ଚି ଇଙ୍ଗ୍ଆଃ ଦୁକୁ ରେ ପାଇସା ଦେଙ୍ଗା କେତେ ଇଙ୍ଗ୍ଆଃ ଲୋଃ ମିଃଜାନାପେ।

ଫିଲିପିୟ 4:15

ହେ ଫିଲିପ୍ପି ରେନ୍ କୋ, ଆପେ-ଆପେଗୀପେ ସାରିତାନା ଚି ସୁସାମାଚାର୍ ପାର୍ଚାର୍ ରାଃ ଏନେଟେଃ ରେ, ଚିମ୍ତା ଇଙ୍ଗ୍ ମାକିଦୁନିୟା ରାଇଜ୍ ଏତେ ବିଦା ହୋବାନାଇଙ୍ଗ୍, ଇମ୍ତା ଆପେକେ ବାଗିକେତେ ଆଡୋଃ ଜେତାନ୍ କାଲିସିୟା ରେନ୍ କୋ ଏହେମ୍ ହାର୍ ଇଦି ବିଷାୟ୍ ରେ ଇଙ୍ଗ୍ଆଃ ଦେଙ୍ଗା କାକୋ ରିକାକାଦା।

ଫିଲିପିୟ 4:3

ହେ ସାର୍ତି ଗାତିକାମିନିଃ, ଇଙ୍ଗ୍ ଆମ୍‍କେ ହଗି ଆର୍ଜି ମେତାନିଙ୍ଗ୍ ଚି ଆମ୍ ଏନ୍ କୁଡ଼ିକୋୱାଃ ଦେଙ୍ଗା ଏମେ, ଚିୟାଃଚି ଇନ୍‍କୁ ଇଙ୍ଗ୍ଆଃ ଲୋଃ ସୁସାମାଚାର୍ ଉଦୁବ୍ କାମି ରେ, କ୍ଲେମେନ୍ସ୍ ଆଡୋଃ ଇଙ୍ଗ୍ଆଃ ଏଟାଃ ଗାତିକାମିକୋ ଲୋଃ କାମି କାଦାକୋ, ଅକନ୍ କୋୱାଃ ନୁତୁମ୍ ଜୀଦାନ୍ ରେୟାଃ କିତାବ୍ ରେ ଅଲାକାନା।

କୁଲୁସିୟୋରେନ୍ 4:18

ଇଙ୍ଗ୍ ପାଉଲୁସ୍ ଆଃ ଇଙ୍ଗ୍ଆଃ ତିଈ ତେ ଅଲାକାନ୍ ଜୋହାର୍। ଇଙ୍ଗ୍ଆଃ ଥୋଲାକାନ୍ କେ ମୋନେ ମାଣ୍ଡାଏପେ। ଆପେ ଚେତାନ୍ ଆନୁଗ୍ରାହ୍ ହୋବା ଇଦିଅଃକା। ଆମୀନ୍।

କୁଲୁସିୟୋରେନ୍ 4:3

ଆଡୋଃ ଏନାଲୋଃ ଆଲେୟାଃ ଲାଗିନ୍ ହଗି ବିନ୍ତି କାତେପେ ଚି ପାର୍ମେଶ୍ଵାର୍ ଆଲେ ଲାଗିନ୍ ବାଚାନ୍ ଉଦୁବ୍ ନାଙ୍ଗ୍ ନେକା ଦୁହାର୍ ଖଲାଅ ତାଆଏ, ଚି ଆଲେ ମାସୀହ୍ ରାଃ ଏନ୍ ଉକୁକାନ୍ କାଜି ରାଃ ବିଷାୟ୍ ରେ କାଜି ଧାଡ଼ିୟାଲେ ଅକନାଃ ନାଙ୍ଗ୍ ଇଙ୍ଗ୍ ଥୋଲାକାନ୍ ମେନାଇଙ୍ଗ୍‍ୟା।

୧ ଥେସ୍‌ଲନିକା 5:5

ଚିୟାଃଚି ଆପେ ସବେନ୍ ମାସ୍କାଲ୍ ରେନ୍ ହୋନ୍‍କୋ ହାର୍ ଶିଙ୍ଗି ରେନ୍ ହୋନ୍‍କୋ ତାନ୍‍ପେ; ଆବୁ ନାଦୋ ନୁବାଃ ରେନ୍ ତାନ୍‍ବୁ, ନାଦୋ ଆୟୁବ୍ ରେନ୍ ତାନ୍‍ବୁ।

୨ ତିମଥି 1:8

ନେୟାଲାଗିନ୍ତେ ଆବୁୱାଃ ପ୍ରାଭୁ ବିଷାୟ୍ ରେ ଗୋୱା ଏମେଲାଗିନ୍ତେ, ହାର୍ ଇଙ୍ଗ୍ ଇନିଜାଃ ଚାଲ୍ତେ ବାନ୍ଦିଅଡ଼୍ଆଃ ଥୋଲାକାନିଙ୍ଗ୍ ମେନ୍ତେ ଆଲୋମ୍ ଗିୟୁଗୋଃୱା, ମେନ୍ଦୋ ଏନ୍ ପାର୍ମେଶ୍ଵାର୍ ରାଃ ପେଡ଼େଏ ଲେକାତେ ସୁସାମାଚାର୍ ଲାଗିନ୍ ଇଙ୍ଗ୍ଆଃ ଲୋଃ ଦୁକୁ ସାହାତିଙ୍ଗ୍ଏମେ।

୨ ତିମଥି 2:9

ଅକନିଜାଃ ଲାଗିନ୍ତେ ଇଙ୍ଗ୍ ଆପ୍ରାଧି ହୋଡ଼ ଲେକା ଦୁକୁ ସାହାତିଙ୍ଗ୍ ତାନିଙ୍ଗ୍, ନେତାଃ ସାନ୍ତେ ଚି ବାନ୍ଦିଅଡ଼୍ଆଃ ରେ ଥୋଲ୍ ହ ଜାନିଙ୍ଗ୍; ମେନ୍ଦୋ ପାର୍ମେଶ୍ଵାର୍ ରାଃ ବାଚାନ୍ ଥୋଲାକାନ୍ ବାନୋଗା।

ଫିଲେମୋନ୍ 1:13

ଇନିଃକେ ଇଙ୍ଗ୍ ଇଙ୍ଗ୍ଆଃ ନାଡ଼େଏ ରେ ଦୋହୋନାଙ୍ଗ୍ ସାନାଙ୍ଗ୍ ତାଇକେନାଇଙ୍ଗ୍ ଚି ଇନିଃ ଆମାଃ ପାଡ଼େତେ ନେ ଥୋଲାକାନ୍ ରେ ଅକନାଃ ସୁସାମାଚାର୍ ଲାଗିନ୍ତେ ହୋବାକାନା, ଇଙ୍ଗ୍ଆଃ ଦେଙ୍ଗା କାଏ।

ଇବ୍ରାନୀୟୋରେନ୍ 3:1

ଏନାମେନ୍ତେ ହେ ପାବିତାର୍ ହାଗାକୋ, ଆପେ ଅକନ୍‍କୋ ସିର୍ମାଦିଶୁମ୍ କେଡ଼ା ତେୟାଃ ରେ ମେଶା କାନାପେ, ଆପେ ଏନ୍ କୁଲାକାନ୍ ନିଃ ଆଡୋଃ ମାରାଙ୍ଗ୍ ୟାଜାକ୍ ୟୀଶୁ ରେ ଅକନିଃକେ ଆବୁ ଗ୍ରାହାନ୍ ତାନାବୁ ଧେୟାନିପେ।

1 ପାତ୍ରାସ୍ 4:13

ମେନ୍ଦୋ ଜେଲେକା-ଜେଲେକା ମାସୀହ୍ ରାଃ ଦୁକୁ ରେ ମେଶାଅଃ ତାନାପେ, ରାଶିକାଅଃ ପେ, ଏନାତେ ଇନିଜାଃ ମାନାରାଙ୍ଗ୍ ହୋବାଅଃ ରାଃ ସାମାୟ୍ ରେହ ରାଶିକା ଆଡୋଃ ଥିମ୍ବାଗି ସୁକୁ ତାଇନୋଃ ୱାପେ।

1 ପାତ୍ରାସ୍ 5:1

ଆପେ ଥାଲା ରେ ଅକନ୍ କୋ ମାରିହୋଡ଼ୋକୋ ତାନ୍‍କୋ, ଇଙ୍ଗ୍ ଇନ୍‍କୁୱାଃ ଲେକା ମାରିହୋଡ଼ ଆଡୋଃ ମାସୀହ୍ ରାଃ ଦୁକୁ କୋରାଃ ଗୋୱା ହୋବାକେତେ ହାର୍ ହିଜୁଃ ତେୟା ମାନାରାଙ୍ଗ୍ ରେ ମେନେଶା ହୋବାକେତେ ହିନ୍‍କୁକେ ନେୟା ବୁଝାଅକୋ ତାନିଙ୍ଗ୍।

2 ପାତ୍ରାସ୍ 1:13

ଇଙ୍ଗ୍ ନେୟା ଇଙ୍ଗ୍ଆଃ ଲାଗିନ୍ ଠାଉକା ଆଟ୍‍କାର୍ ତାନିଙ୍ଗ୍ ଚି ଚିମ୍ତାଙ୍ଗ୍ ସାନ୍ ଇଙ୍ଗ୍ ଇଙ୍ଗ୍ଆଃ ହୋଡ଼ମୋ ରେ ଡେରା ଅଡ଼୍ଆଃ ଲେକା ଜୀହିଦୋଃ ତାନିଙ୍ଗ୍ ଇମ୍ତାଙ୍ଗ୍ ସାନ୍ ଆପେକେ ମୋନେ ରିକା-ରିକା କେତେ ଫେରେଃ କାତେ ପେୟାଇଙ୍ଗ୍।

1 ଯୋହାନ୍ 3:14

ଆବୁ ସାରିୟାବୁ ଚି ଆବୁ ଗୋନୋଏଃ ତେ ଫାରୋମ୍ କେତେ ଜୀଦାନ୍ ରେ ସେଟେର୍ କାନାବୁ; ଚିୟାଃଚି ଆବୁ ହାଗା କୋଲୋଃ ଦୁଲାଡ଼୍ ମାଣ୍ଡାଅୟାବୁ। ଅକଏ ଦୁଲାଡ଼୍ କାଏ ମାଣ୍ଡାଅୟାଏ ଇନିଃ ଗୋଜାକାନ୍ ଲେକା ତାଇନୋଗାଏ।