ଫିଲିପିୟ 1:5 - ମୁଣ୍ଡା ନାୱା ନିୟାମ୍

⁵ ଏନାମେନ୍ତେ ଚି ଆପେ ସିଦା ହୁଲାଙ୍ଗ୍ ଏତେ ଇଦିକେତେ ଇସିଙ୍ଗ୍ ସାନ୍ ୟୀଶୁ ମାସୀହ୍ ରାଃ ସୁସାମାଚାର୍ କେ ପାସ୍ରାଅ ରେ ଇଙ୍ଗ୍ଆଃ ଲୋଃ ମିଃତେ ତାଇକେନାପେ।

ପାର୍‌ମେଶ୍ୱାର୍‌ଆଃ ଜୀନିଦ୍‌ ବାଚାନ୍‌ ନାୱା ନିୟାମ୍‌

⁵ ଚିଆଃଚି ଆପେ ଆପେୟାଃ ବିଶ୍ୱାସ୍‌ରେୟାଃ ଏନେଟେଦ୍‌ ହୁଲାଙ୍ଗ୍‌ତାଃଏତେ ନାହାଁଃ ଜାକେଦ୍‌ ସୁକୁକାଜିରେୟାଃ କାମିରେ ଆଇଙ୍ଗ୍‌କେପେ ଦେଙ୍ଗାକାଦିୟାଁ ।

ଫିଲିପିୟ 1:5 Iomraidhean Croise

କୁଲାକାନ୍ 2:42

ଆଡୋଃ ଇନ୍‍କୁ କୁଲାକାନ୍ ଚେଲା କୋୱାଃ ତେ ଶିଖାଅ ନାନାମ୍, ହାର୍ ମିଃତାଃ ନାପାମ୍ ନାଙ୍ଗ୍ ହାର୍ ହୋଲୋଙ୍ଗ୍ କେଚାଃ ରେ ହାର୍ ବିନ୍ତି କାତେ ରେ ତାଇନ୍ ଜାନାକୋ।

ରୋମ୍‍ରେନ୍ 11:17

ମେନ୍ଦୋ ଆଗାର୍ ତାରାମାରା କୋତୋକୋ ପେଟେଃ-ଠୋଏଃ ଜାନା, ହାର୍ ଆମ୍ ଟୋନାଙ୍ଗ୍ ରେନ୍ ଜାଏତୁନ୍ ଦାରୁ କୋତୋ ହୋବାକେତେ ଏଣ୍ଡେରେ ଜାଲାଃ ଜାନାମ୍, ହାର୍ ବୁଗିନ୍ ଜାଏତୁନ୍ ଦାରୁ ରାଃ ରେହେଃ ହାର୍ ରାଶି ରେ ମେଶା ଜାନାମ୍,

ରୋମ୍‍ରେନ୍ 12:13

ପାବିତାର୍ ହୋଡ଼ କୋକେ ଚିନାଃକୋ ଦାର୍‍କାର୍ ରେଦୋ, ଇନ୍‍କୁକେ ଦେଙ୍ଗାକୋପେ; ପେଡ଼ାକୋୱାଃ ସେୱାରେ ଲାଗାଅ କାନୋଃପେ।

ରୋମ୍‍ରେନ୍ 15:26

ଚିୟାଃଚି ମାକିଦୁନିୟା ହାର୍ ଆଖାୟା ରାଇଜ୍ ରେନ୍ ହୋଡ଼ୋକୋକେ ନେୟା ବେଶ୍ ଆଟ୍‍କାର୍ କେଃକୋୱା, ଚି ୟୀରୁଶାଲେମ୍ ରେନ୍ ପାବିତାର୍ ହୋଡ଼ୋକୋ ଏତେ ଗାରିବ୍ କୋ ଲାଗିନ୍ ହୁଡିଙ୍ଗ୍ ଚାନ୍ଦା ୟାକୋ।

୧ କରିନ୍ଥିୟ 1:9

ପାର୍ମେଶ୍ଵାର୍ ବିଶ୍ଵାସେ ଲେକାନିଃ ତାନିଃ, ଅକନିଃ ଆପେକେ ଆଜାଃ ହୋନ୍ ଆବୁୱାଃ ପ୍ରାଭୁ ୟୀଶୁ ମାସୀହ୍ ଲୋଃ ମିଃତେ ତାଇନୋଃ ଲାଗିନ୍ତେ କେଡ଼ାକାଃ ପେୟାଏ।

୨ କରିନ୍ଥିୟ 8:1

ନାଆ ହେ ହାଗାକୋ, ଆଲେ ଆପେକେ ପାର୍ମେଶ୍ଵାର୍ ରାଃ ଏନ୍ ଆନୁଗ୍ରାହ୍ ରାଃ ସାମାଚାର୍ ଏମାପେ ତାନାଲେ ଅକନାଃ ମାକିଦୁନିୟା ରାଇଜ୍ ରେନ୍ କାଲିସିୟା କୋୱାଃ ରେ ହୋବାକାନା।

ଏଫିସିୟ 3:6

ମାନେ ନେୟା ଚି ମାସୀହ୍ ୟୀଶୁ ରେ ସୁସାମାଚାର୍ ରାଃ ହୋରାତେ ଏଟାଃଜାତି ହୋଡ଼ୋକୋ ଇସ୍ରାଏଲ୍ ହୋଡ଼ୋକୋ ଲୋଃ ହାନାଟିଙ୍ଗ୍ ରେ ମେଶା ଧାଡ଼ିୟୋଃୱାକୋ, ହାର୍ ମିୟାଃଗି ହୋଡ଼ମୋ ରାଃ ହାର୍ କିରିୟା ରାଃ ହାନାଟିଙ୍ଗ୍ ନାମେ କୋ ତାନ୍‍କୋ।

ଫିଲିପିୟ 1:12

ହେ ହାଗାକୋ, ଇଙ୍ଗ୍ ସାନାଙ୍ଗ୍ ତାନାଇଙ୍ଗ୍ ଚି ଆପେ ନେୟା ସାରିକେପେ ଚି ଇଙ୍ଗ୍ଆଃ ରେ ଅକନାଃ ବିତାଅ କାନା, ଏନାତେ ସୁସାମାଚାର୍ ଗି ହାରା ଇଦିଜାନା।

ଫିଲିପିୟ 1:16

ଚିମିନାଙ୍ଗ୍ କୋ ନେୟା ସାରିକେତେ ଚି ଇଙ୍ଗ୍ ସୁସାମାଚାର୍ ରାଃ ବାଞ୍ଚାଅ ଲାଗିନ୍ତେ ବାଇକାନାଇଙ୍ଗ୍, ଇନ୍‍କୁ ଦୁଲାଡ଼୍ ତେ ପାର୍ଚାର୍ ତାନାକୋ।

ଫିଲିପିୟ 1:27

ଖାଲି ନିମିନାଙ୍ଗ୍ ରିକାଏପେ ଚି ଆପେୟାଃ ସେସେନ୍ ମାସୀହ୍ ରାଃ ସୁସାମାଚାର୍ ଲେକା ହୋବାଅଃକା ଏନାତେ ହୋବା ଧାଡ଼ିୟୋଗା ଇଙ୍ଗ୍ ହିଜୁଃକେତେ ଆପେକେ ନେଲ୍ ପେୟାଇଙ୍ଗ୍, ଚାହେ ଆପେ ତାଃ କାଇଙ୍ଗ୍ ସେଟେରୋଗା; ଏଣ୍ଡେ ହ ଆପେୟାଃ ବିଷାୟ୍ ରେ ନେୟା ଆୟୁମେୟାଇଙ୍ଗ୍ ଚି ଆପେ ମିୟାଃ ଗି ଆତ୍ମା ରେ ବାଇକେତେ ତାଇନୋଃ ତାନାପେ। ଆଡୋଃ ମିୟାଃ ମୋନ୍ ହୋବା କେତେ ସୁସାମାଚାର୍ ରାଃ ବିଶ୍ଵାସ୍ ଲାଗିନ୍ତେ କାମି ତାନାପେ।

ଫିଲିପିୟ 1:7

ଠାଉକା ତାନାଃ ଚି ଇଙ୍ଗ୍ ଆପେ ସବେନ୍ କୋ ଲାଗିନ୍ ନେଲେକାଗି ପାହୋମେ ୟାଇଙ୍ଗ୍, ଚିୟାଃଚି ଆପେକେ ଇଙ୍ଗ୍ଆଃ ମୋନ୍ ରେ ଦୋହୋ କାଃପେୟାଇଙ୍ଗ୍, ଆଡୋଃ ଇଙ୍ଗ୍ଆଃ ଥୋନୋଲ୍ ତାଇନ୍ ଇମ୍ତା ହାର୍ ସୁସାମାଚାର୍ ରାଃ ବାଞ୍ଚାଅ ଆଡୋଃ ପ୍ରାମାଣ୍ ଏମେ ରେ ଆପେ ସବେନ୍ କୋ ଇଙ୍ଗ୍ଆଃ ଲୋଃ ଆନୁଗ୍ରାହ୍ ରେ ମିଃତେ ମେନାପେୟା।

ଫିଲିପିୟ 2:12

ଏନାମେନ୍ତେ ହେ ଦୁଲାଡ଼୍‍କୋ, ଜେଲେକାତେ ଆପେ ସାଦାଏଗି କାଜି ମାନାତିଙ୍ଗ୍ ତାନାପେ, ଏନ୍ ଲେକାଗି ନାଆ ହଗି ଇଙ୍ଗ୍ଆଃ ଆପେ ଲୋଃ ତାଇନ୍ ଇମ୍ତା ଭାଇର୍ କାହା ମେନ୍ଦୋ ବିଶେଷ୍ କେତେ ନାଆ ଇଙ୍ଗ୍ ଆପେ ତାଃଏତେ ସାଙ୍ଗିନ୍ ରେ ତାଇନ୍ ରେ ହଗି ବୋରୋତାନ୍ ହାର୍ ଥାର୍ତାରାୱତାନ୍ ଲୋଃ ଆପାନାଃ-ଆପାନାଃ ବାଞ୍ଚାଅ ରାଃ କାମି କେ ପୁରା ଇଦିପେ।

ଫିଲିପିୟ 2:22

ତିମୁଥିୟୁସ୍ କେ ଆପେ ଦୋପେ ସାରିତାନା ହାର୍ ସାରିକାଇଜାପେ ଚି ଜେଲେକା ହୋନ୍ ଆପୁ ଲୋଃ ରିକାୟାଏ, ଏନ୍‍ଲେକାଗି ଇନିଃ ସୁସାମାଚାର୍ କେ ଫାଏଲାଓ କାମି ରେ ଇଙ୍ଗ୍ଆଃ ଲୋଃ କାମି କାଦାଏ।

ଫିଲିପିୟ 4:3

ହେ ସାର୍ତି ଗାତିକାମିନିଃ, ଇଙ୍ଗ୍ ଆମ୍‍କେ ହଗି ଆର୍ଜି ମେତାନିଙ୍ଗ୍ ଚି ଆମ୍ ଏନ୍ କୁଡ଼ିକୋୱାଃ ଦେଙ୍ଗା ଏମେ, ଚିୟାଃଚି ଇନ୍‍କୁ ଇଙ୍ଗ୍ଆଃ ଲୋଃ ସୁସାମାଚାର୍ ଉଦୁବ୍ କାମି ରେ, କ୍ଲେମେନ୍ସ୍ ଆଡୋଃ ଇଙ୍ଗ୍ଆଃ ଏଟାଃ ଗାତିକାମିକୋ ଲୋଃ କାମି କାଦାକୋ, ଅକନ୍ କୋୱାଃ ନୁତୁମ୍ ଜୀଦାନ୍ ରେୟାଃ କିତାବ୍ ରେ ଅଲାକାନା।

ଫିଲେମୋନ୍ 1:17

ଏନାତେ ଆଗାର୍ ଆମ୍ ଇଙ୍ଗ୍‍କେ ଆମାଃ ଲୋଃ ମେଶାକାନିଙ୍ଗ୍ ମେନ୍ତେ ବୁଝାଅଃ ତାନ୍ ରେଦୋ, ଇନିଃକେ ନେଲେକା ଗ୍ରାହାନ୍ ଇମେ ଜେଲେକା ଇଙ୍ଗ୍‍କେ।

ଇବ୍ରାନୀୟୋରେନ୍ 3:14

ଚିୟାଃଚି ଆବୁ ମାସୀହ୍ ରାଃ ହାନାଟିଙ୍ଗ୍ ହୋବାକାନାବୁ, ଆଗାର୍ ଆବୁ ଆବୁୱାଃ ସିଦା ରାଃ ଭାରୋସା ରେ ଟୁଣ୍ଡୁ ସାନ୍ତେ କେଟେଃ ତେ ବାଇକେତେ ତାଇନୋଃତାନାବୁ।

2 ପାତ୍ରାସ୍ 1:1

ଶିମୋନ୍ ପାତ୍ରାସ୍ ପାଡ଼େତେ ଅକନିଃ ୟୀଶୁ ମାସୀହ୍ ରାଃ ଦାସୀ ହାର୍ କୁଲାକାନ୍ ଚେଲା ତାନିଃ, ଏନ୍ ହୋଡ଼ୋକୋୱାଃ ନୁତୁମ୍ ରେ ଅକନ୍‍କୋ ଆବୁୱାଃ ପାର୍ମେଶ୍ଵାର୍ ହାର୍ ବାଞ୍ଚାଅନିଃ ୟୀଶୁ ମାସୀହ୍ ରାଃ ଧାରାମ୍ ହୋରାତେ ଆବୁୱାଃ ଲେକା ଥିମ୍ବା ଗୋନୋଙ୍ଗାନ୍ ବିଶ୍ଵାସ୍ ନାମ୍ କାଦାକୋ।

1 ଯୋହାନ୍ 1:3

ଅକନାଃକେ ଆଲେ ନେଲ୍ କେଦାଲେ ହାର୍ ଆୟୁମ୍ କେଦାଲେ ଏନାରାଃ ସାମାଚାର୍ ଆପେ କେହ ଏମ୍ ତାନାଲେ, ଏନାମେନ୍ତେ ଚି ଆପେ ହ ଆଲେ ଲୋଃ ମିଃରେ ତାଇନୋଃପେ, ହାର୍ ଆବୁୱାଃ ନେ ମିଃରେ ତାଇନୋଃ ଆପୁ ଲୋଃ ହାର୍ ଇନିଜାଃ ହୋନ୍ ୟୀଶୁ ମାସୀହ୍ ଲୋଃ ମେନାଃ।

1 ଯୋହାନ୍ 1:7

ମେନ୍ଦୋ ଆଗାର୍ ଚିଲ୍‍କା ଇନିଃ ମାସ୍କାଲ୍ ରେ ମେନିଜା, ଏନ୍‍ଲେକାଗି ଆବୁ ହ ମାସ୍କାଲ୍ ରେ ସେନ୍ ତାନାବୁ, ଏଣ୍ଡେ ମିହୋଡ଼୍ ଏଟାଃ ନିଈ ଲୋଃ ମିଃରେ ତାଇନୋଃ ତାନାବୁ, ହାର୍ ଇନିଜାଃ ହୋନ୍ ୟୀଶୁ ରାଃ ମାୟୋମ୍ ଆବୁକେ ସବେନ୍ ପାପ୍ କୋଏତେ ଫାର୍ଚି ବୁତାନାଏ।