ଫିଲିପିୟ 1:4 - ମୁଣ୍ଡା ନାୱା ନିୟାମ୍

⁴ ଆଡୋଃ ରାଶିକା ଲୋଃ ଇଙ୍ଗ୍ଆଃ ସବେନ୍ ବିନ୍ତି କୋରେ ଆପେ ସବେନ୍ କୋ ଲାଗିନ୍ ସାଦାଏଗି ପାର୍ମେଶ୍ଵାର୍ ଦେଙ୍ଗା କାଏ ମେନ୍ତେ ଆର୍ଜି ତାନିଙ୍ଗ୍।

ପାର୍‌ମେଶ୍ୱାର୍‌ଆଃ ଜୀନିଦ୍‌ ବାଚାନ୍‌ ନାୱା ନିୟାମ୍‌

⁴ ଆଡଃ ସବେନ୍‌ ଦିପିଲିରେ ଆଇଙ୍ଗ୍‌ ଆପେ ସବେନ୍‌କ ନାଗେନ୍ତେ ସୁକୁତେଇଙ୍ଗ୍‌ ବିନ୍ତିତାନା,

ଫିଲିପିୟ 1:4 Iomraidhean Croise

ମାର୍କୁସ୍ 5:5

ଇନିଃ ସବେନ୍ ଇମ୍ତା ନିଦାଶିଙ୍ଗୀ କାବାର୍ କୋରେ ହାର୍ ବୁରୁ କୋରେ କାଉରି ତାଇନାଏ ହାର୍ ଆପାନ୍ କେଗି ଲେସେର୍ ଦିରି କୋଏତେ ହାଦେନ୍ ତାଇନାଏ।

ଲୁକା 15:10

ଇଙ୍ଗ୍ ଆପେକେ କାଜିୟାପେ ତାନିଙ୍ଗ୍ ଚି ଏନ୍‍ଲେକାଗି ମିୟାଃ ପାପୀ, ପାପ୍ କାମି ବାଗେ କେରେ, ଇନିଜାଃ ଲାଗିନ୍ତେ ପାର୍ମେଶ୍ଵାର୍ ରାଃ ସିର୍ମାଦାସୀ କୋୱାଃ ସାମ୍‍ନାଙ୍ଗ୍ ରେ ରାଶିକା ହୋବାୱା।”

ଲୁକା 15:7

ଇଙ୍ଗ୍ ଆପେକେ କାଜିପେ ତାନିଙ୍ଗ୍ ଚି ନେଲେକାଗି ମିୟାଃ ପାପୀ, ପାପ୍ କାମି ବାଗେ କେରେ ଇନିଜାଃ ଲାଗିନ୍ତେ ସିର୍ମାଦିଶୁମ୍ ରେ ଇମିନାଙ୍ଗ୍ ରାଶିକା ହୋବାୱାଃ, ଚିମିନାଙ୍ଗ୍ ଚି ନିନ୍ୟାନାବେ ଧାର୍ମୀକୋ ଲାଗିନ୍ କାହୋବାୱା, ଅକନ୍ କୋ ପାପ୍ କାମି ବାଗେ ଛାବା କାଦାକୋ।”

ରୋମ୍‍ରେନ୍ 1:9

ପାର୍ମେଶ୍ଵାର୍ ଅକନିଜାଃ ସେୱା ରେ ଇଙ୍ଗ୍-ଇଙ୍ଗ୍ଆଃ ମୋନ୍ ତେ ଇନିଜାଃ ହୋନ୍ ରାଃ ସୁସାମାଚାର୍ ପାର୍ଚାର୍ ତାନିଙ୍ଗ୍, ଇନିଃଗି ଇଙ୍ଗ୍ଆଃ ଗୋୱା ତାନିଃ ଚି ଇଙ୍ଗ୍ ଚିଲ୍‍କା ଆପେକେ ସବେନ୍ ଇମ୍ତା ବିନ୍ତି ରେ ପାହୋମ୍ କାନ୍ତେ ୟାଇଙ୍ଗ୍,

ଫିଲିପିୟ 2:2

ଇଙ୍ଗ୍ଆଃ ନେ ରାଶିକା କେ ପୁରା ତାପେ ହାର୍ ମିଃଗି ମୋନ୍ ଲେକା ବାଇୟୋଃପେ, ହାର୍ ମିଃଗି ଦୁଲାଡ଼୍, ମିଃଗି ଜୀଉ ହାର୍ ମିଃଗି ସାନାଙ୍ଗ୍ ମାଣ୍ତାଏପେ।

ଫିଲିପିୟ 3:18

ଚିୟାଃଚି ଥିମ୍ବାଗି ହୋଡ଼ୋକୋ ନେଲେକା ସେସେନ୍ ତାନାକୋ, ଅକେୟାଃ ବିଷାୟ୍ ରେ ଇଙ୍ଗ୍ ଆପେକେ ଘାରି-ଘାରି ଉଦୁବ୍ କାଦିଙ୍ଗ୍, ଆଡୋଃ ନାଆ ହଗି ରାଆ-ରାଆ କେତେ କାଜିତାନିଙ୍ଗ୍ ଚି ଇନ୍‍କୁ ଆକୋୱାଃ ଚାଲ୍-ଚାଲାନ୍ ଏତେ ମାସୀହ୍ ରାଃ କ୍ରୁଶ୍ ରାଃ ବାଇରୀ ତାନ୍‍କୋ।

ଫିଲିପିୟ 4:1

ଏନାମେନ୍ତେ ହେ ଇଙ୍ଗ୍ଆଃ ଦୁଲାଡ଼ାନ୍ ହାଗାକୋ, ଆପେ ଲୋଃ ନାପାମ୍ ନାଙ୍ଗ୍ ଇଙ୍ଗ୍ଆଃ ଥିମ୍ବାଗି ସାନାଙ୍ଗ୍ ମେନାଃ, ଆପେ ଇଙ୍ଗ୍ଆଃ ରାଶିକା ଆଡୋଃ ମୁକୁଟ୍ ତାନ୍‍ପେ, ହେ ଦୁଲାଡ଼ାନ୍ ହାଗାକୋ, ପ୍ରାଭୁ ରେ ନେଲେକାଗି ବାଇକେତେ ତାହିନୋଃପେ।

କୁଲୁସିୟୋରେନ୍ 2:5

ହୋଡ଼ମୋ ଲେକାତେ ଆପେ ତେ ସାଙ୍ଗିନ୍ ରେ ମେନାଇଙ୍ଗ୍ ରେହଗି, ଆତ୍ମା ଲେକାତେ ଆପେୟାଃ ନାଡ଼େଏ ରେଗିୟାଇଙ୍ଗ୍, ଆଡୋଃ ଆପେୟାଃ ନିୟାମ୍ ମାନାତିଙ୍ଗ୍ କେ ଆଡୋଃ ଆପେୟାଃ ବିଶ୍ଵାସ୍ କେ ଅକନାଃ ମାସୀହ୍ ରେ କେଟେଃ ମେନାଃ ନେଲ୍‍କେତେ ସୁକୁୟୋଃ ତାନିଙ୍ଗ୍।

୧ ଥେସ୍‌ଲନିକା 1:2

ଆଲେ ଆଲେୟାଃ ବିନ୍ତି ରେ ଆପେକେ ମୋନେପେୟାଲେ ଆଡୋଃ ସବେନ୍ ହୁଲାଙ୍ଗ୍ ଆପେ ସବେନ୍ କୋୱାଃ ବିଷାୟ୍ ରେ ପାର୍ମେଶ୍ଵାର୍ କେ ଧାନ୍ୟାବାଦ୍ ରିକାୟାଲେ,

ଫିଲେମୋନ୍ 1:7

ଚିୟାଃଚି ହେ ହାଗା, ଇଙ୍ଗ୍‍କେ ଆମାଃ ଦୁଲାଡ଼୍ ତେ ଥିମ୍ବା ରାଶିକା ଆଡୋଃ ଜୀଉସୁକୁ ନାମାକାନା, ଏନାମେନ୍ତେ ଚି ଆମାଃ ହୋରାତେ ପାବିତାର୍ ହୋଡ଼ୋକୋୱାଃ ମୋନ୍ ସାହାସ୍ ତେ ଫେରେଃ କାନା।

2 ଯୋହାନ୍ 1:4

ଇଙ୍ଗ୍ ଥିମ୍ବାଗି ରାଶିକା ଜାନିଙ୍ଗ୍ ଚିମ୍ତା ଇଙ୍ଗ୍ ଆମାଃ ଚିମିନ୍ ହୋନ୍ କୋକେ ଏନ୍ ଆନାଚୁ ରାଃ ଲେକାତେ ସାର୍ତି ରେ ସେସେନ୍ ତାନ୍ ନାମ୍ କେଃକୋୱାଇଙ୍ଗ୍, ଅକନାଃ ଆବୁକେ ଆପୁ ପାଡ଼େତେ ନାମ୍ ଲେନା।