ଫିଲିପିୟ 1:30 - ମୁଣ୍ଡା ନାୱା ନିୟାମ୍

³⁰ ଆଡୋଃ ଆପେକେ ଏନ୍‍ଲେକାଗି ପାରିଶ୍ରାମ୍ ରିକା ମେନାଃ, ଜେଲେକା ଆପେ ଇଙ୍ଗ୍‍କେ ଫିଲିପ୍ପି ସାହାର୍ ରେ ରିକାତାନ୍ ନେଲ୍ ଲେଦିଙ୍ଗ୍ଆପେ, ଆଡୋଃ ନାଆ ହଗି ଆୟୁମ୍ ତାନାପେ ଚି ଇଙ୍ଗ୍ ଥୋଲାକାନ୍ ରେ ଏନ୍‍ଲେକାଗି ରିକା ତାନିଙ୍ଗ୍।

ପାର୍‌ମେଶ୍ୱାର୍‌ଆଃ ଜୀନିଦ୍‌ ବାଚାନ୍‌ ନାୱା ନିୟାମ୍‌

³⁰ ନାହାଁଃ ନେ ଲାଡ଼ାଇରେ ଆପେ ଆଇଁୟାଃଲଃ ମେସା ଦାଡ଼ିୟଃଆପେ । ସିଦା ଦିପିଲିରେ ଆପେ ଆଇଙ୍ଗ୍‌କେ ଜେ'ଲେକା ଲାଡ଼ାଇତାନ୍‌ ନେଲାକାଦିଙ୍ଗ୍‌ ତାଇକେନାପେ, ନାହାଁଃ ଜାକେଦ୍‌ ଆଇଙ୍ଗ୍‌ ଏନ୍‌ ଲାଡ଼ାଇରେ ମେନାଇୟାଁ ମେନ୍ତେ ଆପେ ଆୟୁମ୍‌କାଦାପେ ।

ଫିଲିପିୟ 1:30 Iomraidhean Croise

ଯୋହାନ୍ 16:33

ଇଙ୍ଗ୍ ନେ ବାକାଣ୍ ଆପେକେ ନେୟାମେନ୍ତେ କାଜିକେଦାଇଙ୍ଗ୍ ଚି ଆପେକେ ଇଙ୍ଗ୍ଆଃ ଚେଲା ମେନ୍ତେ ଜୀଉସୁକୁ ନାମୋଃକା। ଅତେଦିଶୁମ୍ ରେ ଆପେକେ ସାସାତି ନାମୋଃ ତାନା, ମେନ୍ଦୋ ସାହାସ୍ ମାଣ୍ଡାଏପେ, ଇଙ୍ଗ୍ ଅତେଦିଶୁମ୍ କେ ଜିତାଅ କାନିଙ୍ଗ୍।”

ଫିଲିପିୟ 1:13

ନେତାଃ ସାନ୍ତେ ଚି ରୋମ୍ ରେନ୍ ରାଜା ରାଃ ମାହାଲ୍ ଅଡ଼୍ଆଃ ରାଃ ସବେନ୍ ପାଲ୍‍ଟାନ୍ ହାର୍ ସାରେଜାକାନ୍ ସବେନ୍ ହୋଡ଼ୋକୋ ରେ ନେୟା ଉଦୁବ୍ ଛାବାଜାନା ଚି ଇଙ୍ଗ୍ ମାସୀହ୍ ଲାଗିନ୍ ଥୋଲା କାନାଇଙ୍ଗ୍।

କୁଲୁସିୟୋରେନ୍ 1:29

ହାର୍ ନେୟାଲାଗିନ୍ ଗି ଇଙ୍ଗ୍ ଇନିଜାଃ ଏନ୍ ପେଡ଼େଏ ରାଃ ଲେକାତେ ଅକନାଃ ଇଙ୍ଗ୍ଆଃ ରେ ପେଡ଼େଏ ଲୋଃ ଏସେର୍ୟାଏ, ପୁରାମୋନ୍ ଲାଗାଅ କେତେ ଖାଟାଅଃ ତାନିଙ୍ଗ୍।

କୁଲୁସିୟୋରେନ୍ 2:1

ଇଙ୍ଗ୍ ସାନାଙ୍ଗ୍ ତାନିଙ୍ଗ୍ ଚି ଆପେ ସାରିକେପେ ଚି ଇଙ୍ଗ୍ ଆପେୟାଃ ଲାଗିନ୍ ଚିମିନ୍ କେଟେଃ କାମି-କାମି ତାନିଙ୍ଗ୍, ଆଡୋଃ ଏନ୍ ବିଶ୍ଵାସୀକୋ ଲାଗିନ୍ ଅକନ୍‍କୋ ଲୌଦିକିୟା ସାହାର୍ ରେ ମେନାକୋୱା, ଆଡୋଃ ଏନ୍ ସବେନ୍‍କୋ ଲାଗିନ୍ ଅକନ୍‍କୋ ଇଙ୍ଗ୍ଆଃ ଲୋଃ କାକୋ ନାପାମ୍ କାନା,

୧ ଥେସ୍‌ଲନିକା 2:2

ମେନ୍ଦୋ ଆପେ-ଆପେ ଗି ସାରିୟାପେ ଚି ସିଦା ଫିଲିପ୍ପି ସାହାର୍ ରେ ଦୁକୁ ସାହାତିଙ୍ଗ୍ ହାର୍ ଆପ୍‍ମାନ୍ ସାହାତିଙ୍ଗ୍ କୋରେ ହ ଆବୁୱାଃ ପାର୍ମେଶ୍ଵାର୍ ଆବୁକେ ନେଲେକା ସାହାସ୍ ଏମ୍‍କେଃବୁୱାଏ, ଚି ଆବୁ ପାର୍ମେଶ୍ଵାର୍ ରାଃ ସୁସାମାଚାର୍ ବେଶେ ବିରୋଧ୍ ହୋବା ରେହ ଆପେକେ ଉଦୁବ୍ ୟାଲେ।

୧ ତିମଥି 6:12

ବିଶ୍ଵାସ୍ ରାଃ ବୁଗିନ୍ ଲାଡ଼ାଇ-ଲାଡ଼ାଇମେ; ହାର୍ ଏନ୍ ଜାନାଓ ଜୀଦାନ୍ କେ ସାବ୍ କେମେ, ଅକନାଃ ଲାଗିନ୍ ଆମ୍ କେଡ଼ାକାନାମ୍, ହାର୍ ଥିମ୍ବାଗି ଗୋୱା କୋୱାଃ ନାଡ଼େଏ ରେ ବୁଗିନ୍ ମାନାତିଙ୍ଗ୍ କେ ମାନାତିଙ୍ଗ୍ ଲେଦାମ୍।

୨ ତିମଥି 4:7

ଇଙ୍ଗ୍ ବୁଗିନ୍ ଲାଡ଼ାଇ-ଲାଡ଼ାଇ କାନାଇଙ୍ଗ୍, ଇଙ୍ଗ୍ ଇଙ୍ଗ୍ଆଃ ନୀନିର୍ ପୁରା କେଦାଇଙ୍ଗ୍, ଇଙ୍ଗ୍ ବିଶ୍ଵାସ୍ କେ ସାବ୍ କାଦାଇଙ୍ଗ୍।

ଇବ୍ରାନୀୟୋରେନ୍ 12:1

ଏନାମେନ୍ତେ ଚିମ୍ତାଙ୍ଗ୍ ଗୋୱା କୋରାଃ ନିମିନାଙ୍ଗ୍ ମାରାଙ୍ଗ୍ ରିମିଲ୍ ଲେକା ଥିମ୍ବା ହୋଡ଼ୋକୋ ଆବୁକେ ବିୟୁର୍ କାଃବୁୱାଏ, ଏଣ୍ଡେ ହିଜୁଃପେ, ସବେନ୍ କେସେଃତାନ୍ କାଜିକୋକେ ହାର୍ ପାଶେ ତେୟାଃ ପାପ୍ କୋକେ ବାଗିୟାବୁ ହାର୍ ସାହାତିଙ୍ଗ୍ ତାନ୍ ଲୋଃ ଏନ୍ ନୀନିର୍ ରେ ଅକନାଃ ରେ ଆବୁକେ ନିର୍ ମେନାଃ ନିରେୟାବୁ,

ଇବ୍ରାନୀୟୋରେନ୍ 12:4

ଆପେ ପାପ୍ ବିରୋଧ୍ ରେ ଲାଡ଼ାଇ ତାନ୍ ଲୋଃ ଆପେୟାଃ ମାୟୋମ୍ ଲିଙ୍ଗୀଅଃ ସାନ୍ତେ ଏନାରେ ଏନ୍‍ଲେକା କାପେ ସାମ୍ନା କାଦା;

ଉଦୁବ୍‍କାଜି 12:11

ଇନ୍‍କୁ ମିଣ୍ଡୀହୋନ୍ ରାଃ ମାୟୋମ୍ ହୋରାତେ ଆଡୋଃ ଆପାନାଃ ଗୋୱା ରାଃ ବାଚାନ୍ ଲାଗିନ୍ତେ ଇନିଃତେ ଜିତାଅ ଜାନାକୋ, ଆଡୋଃ ଇନ୍‍କୁ ଆକୋୱାଃ ଜୀଉକୋକେ କାକୋ ଦୁଲାଡ଼୍ କେଦା, ନେତାଃ ସାନ୍ତେ ଚି ଗୋନୋଏଃ ହ ସାହାତିଙ୍ଗ୍ କେଦାକୋ।