ଫିଲିପିୟ 1:27 - ମୁଣ୍ଡା ନାୱା ନିୟାମ୍

²⁷ ଖାଲି ନିମିନାଙ୍ଗ୍ ରିକାଏପେ ଚି ଆପେୟାଃ ସେସେନ୍ ମାସୀହ୍ ରାଃ ସୁସାମାଚାର୍ ଲେକା ହୋବାଅଃକା ଏନାତେ ହୋବା ଧାଡ଼ିୟୋଗା ଇଙ୍ଗ୍ ହିଜୁଃକେତେ ଆପେକେ ନେଲ୍ ପେୟାଇଙ୍ଗ୍, ଚାହେ ଆପେ ତାଃ କାଇଙ୍ଗ୍ ସେଟେରୋଗା; ଏଣ୍ଡେ ହ ଆପେୟାଃ ବିଷାୟ୍ ରେ ନେୟା ଆୟୁମେୟାଇଙ୍ଗ୍ ଚି ଆପେ ମିୟାଃ ଗି ଆତ୍ମା ରେ ବାଇକେତେ ତାଇନୋଃ ତାନାପେ। ଆଡୋଃ ମିୟାଃ ମୋନ୍ ହୋବା କେତେ ସୁସାମାଚାର୍ ରାଃ ବିଶ୍ଵାସ୍ ଲାଗିନ୍ତେ କାମି ତାନାପେ।

ପାର୍‌ମେଶ୍ୱାର୍‌ଆଃ ଜୀନିଦ୍‌ ବାଚାନ୍‌ ନାୱା ନିୟାମ୍‌

²⁷ ଆଇଙ୍ଗ୍‌ ଆପେକେ ନେନେଲ୍‌ ନାଗେନ୍ତେ ସେନ୍‌ ଦାଡ଼ି ଚାଏ କା ଦାଡ଼ି, ନାହାଁଃ କାଜି ହବାଅଃତାନା, ଆପେ ଖ୍ରୀଷ୍ଟ୍‌ଆଃ ସୁକୁକାଜିରେୟାଃ ଲାଗାତିଙ୍ଗ୍‌ ଲେକାଗି ଜୀଦାନ୍‌ ବିତାଏପେ, ଜେ'ଲେକାଚି ଆଇଙ୍ଗ୍‌ ଆୟୁମେୟାଇଙ୍ଗ୍‌ ଯେ ଆପେ ମିଆଁଦ୍‌ ଆତ୍ମାରେ ତିଙ୍ଗୁ କେଟେଦ୍‌କାନାପେ ଆଡଃ ମିଆଁଦ୍‌ଗି ଭାର୍‌ସାଲଃ ଆପେ ସୁକୁକାଜିରେୟାଃ ବିଶ୍ୱାସ୍‌ ନାଗେନ୍ତେ ମିସାତେ ଲାଡ଼ାଇତାନାପେ ।

ଫିଲିପିୟ 1:27 Iomraidhean Croise

ମାତ୍ତିଉ 12:25

ୟୀଶୁ ଇନ୍‍କୁୱାଃ ମୋନ୍ ରାଃ କାଜି ସାରିକେତେ ଇନ୍‍କୁକେ କାଜିକେଃକୋୱାଏ, ଜାହାନ୍ ରାଇଜ୍ ରେ ହୋଡ଼ୋକୋ ଆକୋ ଆକୋରେଗି ବିପିଡ଼ା ହୋବାଅ କୋରେ, ଏନା ଉଜ୍ଡ଼ାଅ କେନୋଃୱା, ହାର୍ ଜେତାନ୍ ହାତୁ ରେ ୟାଦୋ ଘାରାନା ରେନ୍ ହୋଡ଼ୋକୋ ଆକୋ ଆକୋରେଗି ବିପିଡ଼ା ହୋବାଅ କୋରେ, ଏନା ବାଇକେତେ କା ତାଇନୋଗା।

କୁଲାକାନ୍ 2:46

ହାର୍ ଇନ୍‍କୁ ସବେନ୍ ହୁଲାଙ୍ଗ୍ ମିୟାଃ ମୋନ୍ ହୋବାକେତେ ମାନ୍ଦିର୍ ନାଡ଼େଏ ଜାଗା ରେ ହୁଣ୍ଡିନ୍ ତାଇକେନାକୋ, ହାର୍ ଅଡ଼୍ଆଃ-ଅଡ଼୍ଆଃ ରେ ହୋଲୋଙ୍ଗ୍ କେଚାଃ ତାଇନାକୋ, ଏନ୍ତେ ରାଶିକା ହାର୍ ମୋନ୍ ରାଃ ଫାର୍ଚିତେ ଜୋଜୋମାଃ ଜୋମ୍ ତାଇକେନାକୋ।

କୁଲାକାନ୍ 24:24

ହୁଡିଙ୍ଗ୍ ହୁଲାଙ୍ଗ୍ ରାଃ ତାୟୋମ୍ତେ ଫେଲିକ୍ସ ହାକିମ୍ ଆୟାଃ କୁଡ଼ି ଦ୍ରୂସିଲ୍ଲା କେ, ଅକନିଃ ୟାହୁଦୀନୀ ତାଇକେନାଏ, ଆଜାଃ ଲୋଃ ଆଉକିଜାଏ ହାର୍ ପାଉଲୁସ୍ କେ କେଡ଼ାକେତେ ଏନ୍ ବିଶ୍ୱାସ୍ ରାଃ ବିଷାୟ୍ ରେ ଅକନାଃ ମାସୀହ୍ ୟୀଶୁ ରେ ମେନାଃ, ଇନିଃତେ ଆୟୁମ୍ କେଦାଏ।

କୁଲାକାନ୍ 4:32

ସବେନ୍ ବିଶ୍ଵାସ୍ ତାନ୍ କୋୱାଃ ମିଃଗି ମୋନ୍ ହାର୍ ମିଃଗି ପାହୋମ୍ ତାଇକେନା, ନିମିନ୍ ସାନ୍ତେ ଚି ଜେତାଏ ଆଜାଃ ସାମ୍ପାତି କେ ଆଜାଃ ତାନାଃ ମେନ୍ତେ କାଏ କାଜି ତାଇନା, ମେନ୍ଦୋ ସବେନ୍ ଜିନିଷ୍‍କୋ ସାମାନ୍ ହାର୍ ସବେନ୍ କୋ ନାଙ୍ଗ୍ ତାଇକେନା।

ରୋମ୍‍ରେନ୍ 1:16

ଇଙ୍ଗ୍ ସୁସାମାଚାର୍ ତେ କାଇଙ୍ଗ୍ ଗିୟୁଗୋଃୱା, ଚିୟାଃଚି ଏନା ସବେନ୍ ମିପୀୟାଃ ବିଶ୍ଵାସ୍ ତାନ୍‍କୋ ଲାଗିନ୍, ସିଦାତେଦୋ ୟାହୁଦୀ ହୋଡ଼ୋକୋ ନାଙ୍ଗ୍ ଏନ୍ତେ ୟୁନାନୀ ହୋଡ଼ୋକୋ ନାଙ୍ଗ୍, ବାଞ୍ଚାଅ ନାମେ ଲାଗିନ୍ତେ ପାର୍ମେଶ୍ଵାର୍ ରାଃ ପେଡ଼େଏ ତାନାଃ।

ରୋମ୍‍ରେନ୍ 1:5

ଇନିଜାଃ ହୋରାତେ ଆବୁକେ ଆନୁଗ୍ରାହ୍ ଆଡୋଃ କୁଲାକାନ୍ ଚେଲା ପାଦ୍ ନାମ୍ କାନା ଚି ଇନିଜାଃ ନୁତୁମ୍ ରାଃ ହୋରାତେ ସବେନ୍ ଜାତିରେନ୍ ହୋଡ଼ୋକୋ ବିଶ୍ଵାସ୍ କେତେ ଇନିଃକେ ମାନାତିଙ୍ଗ୍ ୟାକୋ,

ରୋମ୍‍ରେନ୍ 1:9

ପାର୍ମେଶ୍ଵାର୍ ଅକନିଜାଃ ସେୱା ରେ ଇଙ୍ଗ୍-ଇଙ୍ଗ୍ଆଃ ମୋନ୍ ତେ ଇନିଜାଃ ହୋନ୍ ରାଃ ସୁସାମାଚାର୍ ପାର୍ଚାର୍ ତାନିଙ୍ଗ୍, ଇନିଃଗି ଇଙ୍ଗ୍ଆଃ ଗୋୱା ତାନିଃ ଚି ଇଙ୍ଗ୍ ଚିଲ୍‍କା ଆପେକେ ସବେନ୍ ଇମ୍ତା ବିନ୍ତି ରେ ପାହୋମ୍ କାନ୍ତେ ୟାଇଙ୍ଗ୍,

ରୋମ୍‍ରେନ୍ 10:8

ମେନ୍ଦୋ ଏନା ଚିନାଃ କାଜିତାନାଏ? ନେୟା ଚି “ବାଚାନ୍ ଆମାଃ ନାଡ଼େଏ ରେ ମେନାଃ, ଆମାଃ ମୋଚା ରେ ହାର୍ ଆମାଃ ମୋନ୍ ରେୟା,” ନେୟା ଏନ୍ ବିଶ୍ଵାସ୍ ରାଃ ବାଚାନ୍ ତାନାଃ, ଅକନାଃ ଆବୁ ପାର୍ଚାର୍ ତାନାବୁ,

ରୋମ୍‍ରେନ୍ 15:16

ଚି ଇଙ୍ଗ୍ ଏଟାଃଜାତି କୋ ଲାଗିନ୍ତେ ମାସୀହ୍ ୟୀଶୁ ରାଃ ଦାସୀ ହୋବାକେତେ ପାର୍ମେଶ୍ଵାର୍ ରାଃ ସୁସାମାଚାର୍ ରାଃ ସେୱା ୟାଜାକ୍ ଲେକା ରିକାୟାଇଙ୍ଗ୍; ଏନାତେ ଏଟାଃଜାତିକୋ ପାବିତାର୍ ଆତ୍ମା ତେ ପାବିତାର୍ ହୋବାକେତେ ସୁକୁୱାନ୍ ଦାଣେ ଲେକାକୋ ଗ୍ରାହାନ୍ ଅଃକା।

ରୋମ୍‍ରେନ୍ 15:29

ଆଡୋଃ ଇଙ୍ଗ୍ ସାରିତାନିଙ୍ଗ୍ ଚି ଚିମ୍ତାଙ୍ଗ୍ ଇଙ୍ଗ୍ ଆପେ ତାଃ ହିଜୁଗାଇଙ୍ଗ୍, ଦୋ ମାସୀହ୍ ରାଃ ପୁରା ଆଶିଷ୍ ଲୋଃ ଇଙ୍ଗ୍ ହିଜୁଗା।

୧ କରିନ୍ଥିୟ 1:10

ହେ ହାଗାକୋ, ଇଙ୍ଗ୍ ଆପେକେ ଆବୁୱାଃ ପ୍ରାଭୁ ୟୀଶୁ ମାସୀହ୍ ରାଃ ନୁତୁମ୍ ତେ ଆର୍ଜି ପେତାନିଙ୍ଗ୍ ଚି ଆପେ ସବେନ୍ କୋ ମିୟାଃଗି କାଜି କାଜିପେ, ଆଡୋଃ ଆପେ ଆଲୋ ହାଟିଙ୍ଗ୍ଅଃପେ, ମେନ୍ଦୋ ମିୟାଃଗି ମୋନ୍ ହାର୍ ମିୟାଃଗି ପାହୋମ୍ ହୋବାକେତେ ମେଶାକାନ୍ ତାଇନୋଃପେ।

୧ କରିନ୍ଥିୟ 15:58

ଏନାମେନ୍ତେ ହେ ଇଙ୍ଗ୍ଆଃ ଦୁଲାଡ଼୍ ହାଗାକୋ ହାର୍ ମିଶିକୋ, କେଟେଃ ହାର୍ ପୋକ୍ତା ହୋବାଅଃପେ, ଏନ୍ତେ ପ୍ରାଭୁ ଆଃ କାମି ରେ ସବେନ୍ ଇମ୍ତାଙ୍ଗ୍ ହାରା ଇଦିଅଃପେ, ଚିୟାଃଚି ନେୟା ସାରିତାନାପେ ଚି ଆପେୟାଃ କାମି ଅକନାଃ ପ୍ରାଭୁ ରେ କାମି କାଦାପେ ଏନା ସାମା କାହୋବାଅଃୱା।

୨ କରିନ୍ଥିୟ 13:11

ଏନାତେ ହେ ହାଗାକୋ, ରାଶିକା ତେ ତାଇନ୍‍ପେ; ପୋକ୍ତା ବାଇ-ଇଦିନ୍ ପେ, ସାହାସ୍ ସାବେପେ; ମିୟାଃ ଗି ମୋନ୍ ମାଣ୍ତାଏପେ; ମେଶାତେ ତାଇନ୍‍ପେ। ହାର୍ ଦୁଲାଡ଼୍ ଆଡୋଃ ଶାନ୍ତି ଏହେମ୍ ନିଃ ପାର୍ମେଶ୍ଵାର୍ ଆପେ ଲୋଃ ତାଇନୋଗାଏ।

୨ କରିନ୍ଥିୟ 4:4

ହାର୍ ଏନ୍ ଆବିଶ୍ଵାସୀ କୋ ଲାଗିନ୍, ଅକନ୍ କୋୱାଃ ସେଣା କେ ନେ ଅତେଦିଶୁମ୍ ରେନ୍ ଇଶ୍ୱାର୍ ଆନ୍ଧା କାଦାଏ, ଏନାତେ ମାସୀହ୍ ଅକନିଃ ପାର୍ମେଶ୍ଵାର୍ ରାଃ ଛାପା ତାନିଃ, ଇନିଜାଃ ଯୁନୁଲାନ୍ ସୁସାମାଚାର୍ ରାଃ ମାସ୍କାଲ୍ ଇନ୍‍କୁୱାଃ ରେ ଆଲୋ ନେଲୋଃକା।

୨ କରିନ୍ଥିୟ 9:13

ଚିୟାଃଚି ନେ ଟାକା ଦେଙ୍ଗା ଏମେ ରାଃ ହୋରାତେ ଆପେ ଆପାନ୍ କେ ଉଦୁବ୍ ଦେଖାଅ ତାନାପେ ଏନାତେ ଥିମ୍ବାଗି ହୋଡ଼ୋକୋ ପାର୍ମେଶ୍ଵାର୍ ରାଃ ମାନାରାଙ୍ଗ୍ ତାନାକୋ ଚି ଆପେ ମାସୀହ୍ ରାଃ ସୁସାମାଚାର୍ କେ ମାନାତିଙ୍ଗ୍ କେତେ ଏନାରାଃ ଆଧିନ୍ ରେ ତାଇନୋଃ ତାନାପେ, ହାର୍ ଇନ୍‍କୁୱାଃ ଆଡୋଃ ସବେନ୍ କୋୱାଃ ଦେଙ୍ଗା ରିକା ଲାଗିନ୍ତେ ସୁକୁ ମୋନ୍ ତେ ଦାନ୍ ଏମ୍ କାତେତାନାପେ।

ଗାଲାତିୟ 1:7

ମେନ୍ଦୋ ଏନା ଏଟାଃ ସୁସାମାଚାର୍ ଗି ନାହାଲା: ମାଗାର୍ କାଜି ନେୟା ତାନାଃ, ଚି ଚିମିନାଙ୍ଗ୍ କୋ ନେକା ମେନାକୋୱା, ଅକନ୍‍କୋ ଆପେକେ ବେଦା କେତେ ଆଃଦ୍ ପେତାନାକୋ, ଆଡୋଃ ମାସୀହ୍ ରାଃ ସୁସାମାଚାର୍ କେ ବାଗ୍‍ଡ଼ାଅ ସାନାଙ୍ଗ୍ ତାନାକୋ।

ଏଫିସିୟ 1:13

ହାର୍ ଇନିଃରେଗି ଆପେୟାଃ ଚେତାନ୍ ରେହଗି, ଚିମ୍ତାଙ୍ଗ୍ ଆପେ ସାର୍ତି ରାଃ ବାଚାନ୍ ଆୟୁମ୍ କେଦାପେ ଅକନାଃ ଆପେୟାଃ ବାଞ୍ଚାଅ ରାଃ ସୁସାମାଚାର୍ ତାନାଃ ଆଡୋଃ ଅକନାଃ ରେ ଆପେ ବିଶ୍ଵାସ୍ କେଦାପେ, କିରିୟା ଜୋମ୍ କାନ୍ତେୟାଃ ପାବିତାର୍ ଆତ୍ମା ତେ ଛାପ୍ ୟାନାପେ।

ଏଫିସିୟ 1:15

ନେୟା ରାଃ ଚାଲ୍ତେ, ଇଙ୍ଗ୍ ହଗି ଏନ୍ ବିଶ୍ୱାସ୍ ରାଃ ସାମାଚାର୍ ଆୟୁମ୍‍କେତେ ଅକନାଃ ଆପେ ହୋଡ଼ୋକୋୱାଃ ପ୍ରାଭୁ ୟୀଶୁ ରେ ମେନାଃ ହାର୍ ସବେନ୍ ପାବିତାର୍ ହୋଡ଼ୋକୋ ନାଙ୍ଗ୍ ଆପେୟାଃ ଦୁଲାଡ଼୍ ମେନାଃ,

ଏଫିସିୟ 4:1

ଏନାମେନ୍ତେ ଇଙ୍ଗ୍ ଯେ ପ୍ରାଭୁ ଲାଗିନ୍ତେ ଥୋଲାକାନାଇଙ୍ଗ୍, ଆପେ କେ ଆର୍ଜିପେ ତାନାଇଙ୍ଗ୍ ଚି ଅକନ୍ କେନେଡ଼ା ଏତେ ଆପେ କେଡ଼ାକାନ୍ ତାଇକେନାପେ, ଏନ୍ ଠାଉକା ଲେକା ସେନେପେ।

ଫିଲିପିୟ 1:5

ଏନାମେନ୍ତେ ଚି ଆପେ ସିଦା ହୁଲାଙ୍ଗ୍ ଏତେ ଇଦିକେତେ ଇସିଙ୍ଗ୍ ସାନ୍ ୟୀଶୁ ମାସୀହ୍ ରାଃ ସୁସାମାଚାର୍ କେ ପାସ୍ରାଅ ରେ ଇଙ୍ଗ୍ଆଃ ଲୋଃ ମିଃତେ ତାଇକେନାପେ।

ଫିଲିପିୟ 2:12

ଏନାମେନ୍ତେ ହେ ଦୁଲାଡ଼୍‍କୋ, ଜେଲେକାତେ ଆପେ ସାଦାଏଗି କାଜି ମାନାତିଙ୍ଗ୍ ତାନାପେ, ଏନ୍ ଲେକାଗି ନାଆ ହଗି ଇଙ୍ଗ୍ଆଃ ଆପେ ଲୋଃ ତାଇନ୍ ଇମ୍ତା ଭାଇର୍ କାହା ମେନ୍ଦୋ ବିଶେଷ୍ କେତେ ନାଆ ଇଙ୍ଗ୍ ଆପେ ତାଃଏତେ ସାଙ୍ଗିନ୍ ରେ ତାଇନ୍ ରେ ହଗି ବୋରୋତାନ୍ ହାର୍ ଥାର୍ତାରାୱତାନ୍ ଲୋଃ ଆପାନାଃ-ଆପାନାଃ ବାଞ୍ଚାଅ ରାଃ କାମି କେ ପୁରା ଇଦିପେ।

ଫିଲିପିୟ 2:24

ହାର୍ ଇଙ୍ଗ୍‍କେ ପ୍ରାଭୁ ରେ ଭାରୋସା ମେନାଃ ଚି ଇଙ୍ଗ୍ ହଗି ସେକାଡ଼୍‍ଗୀ ହିଜୁଗାଇଙ୍ଗ୍।

ଫିଲିପିୟ 3:18

ଚିୟାଃଚି ଥିମ୍ବାଗି ହୋଡ଼ୋକୋ ନେଲେକା ସେସେନ୍ ତାନାକୋ, ଅକେୟାଃ ବିଷାୟ୍ ରେ ଇଙ୍ଗ୍ ଆପେକେ ଘାରି-ଘାରି ଉଦୁବ୍ କାଦିଙ୍ଗ୍, ଆଡୋଃ ନାଆ ହଗି ରାଆ-ରାଆ କେତେ କାଜିତାନିଙ୍ଗ୍ ଚି ଇନ୍‍କୁ ଆକୋୱାଃ ଚାଲ୍-ଚାଲାନ୍ ଏତେ ମାସୀହ୍ ରାଃ କ୍ରୁଶ୍ ରାଃ ବାଇରୀ ତାନ୍‍କୋ।

ଫିଲିପିୟ 3:20

ମେନ୍ଦୋ ଆବୁୱାଃ ଦିଶୁମ୍ ଦୋ ସିର୍ମାଦିଶୁମ୍ ରେୟା; ଆଡୋଃ ଆବୁ ମିୟାଃ ବାଞ୍ଚାଅନିଃ ପ୍ରାଭୁ ୟୀଶୁ ମାସୀହ୍ କେ ଏନ୍ତାଃ ଏତେ ହିଜୁଃ ରାଃ ହୋରା କେବୁ ନେଲ୍ ତାନା।

ଫିଲିପିୟ 4:1

ଏନାମେନ୍ତେ ହେ ଇଙ୍ଗ୍ଆଃ ଦୁଲାଡ଼ାନ୍ ହାଗାକୋ, ଆପେ ଲୋଃ ନାପାମ୍ ନାଙ୍ଗ୍ ଇଙ୍ଗ୍ଆଃ ଥିମ୍ବାଗି ସାନାଙ୍ଗ୍ ମେନାଃ, ଆପେ ଇଙ୍ଗ୍ଆଃ ରାଶିକା ଆଡୋଃ ମୁକୁଟ୍ ତାନ୍‍ପେ, ହେ ଦୁଲାଡ଼ାନ୍ ହାଗାକୋ, ପ୍ରାଭୁ ରେ ନେଲେକାଗି ବାଇକେତେ ତାହିନୋଃପେ।

କୁଲୁସିୟୋରେନ୍ 1:10

ଏନାତେ ଆପେୟାଃ ସେସେନ୍ ସବେନ୍ କାଜିକୋରେ ପ୍ରାଭୁ କେ ସୁକୁଇ ଲେକା ଠାଉକା ହୋବାଅଃକା, ହାର୍ ଆପେ ରେ ସବେନ୍ ଲେକାନାଃ ବୁଗିନ୍ କାମି କୋରାଃ ଯଅ ଯୋଃଚା, ହାର୍ ଆପେ ପାର୍ମେଶ୍ଵାର୍ ରାଃ ଉରୁମ୍ ରେ ହାରା ଇଦିଅଃପେ,

କୁଲୁସିୟୋରେନ୍ 1:4

ଚିୟାଃଚି ଆଲେ ଆୟୁମ୍ କାଦାଲେ ଚି ମାସୀହ୍ ୟୀଶୁ ରେ ଆପେୟାଃ ବିଶ୍ଵାସ୍ ମେନାଃ, ହାର୍ ସବେନ୍ ପାବିତାର୍ ହୋଡ଼ୋକୋକେ ଆପେ ଦୁଲାଡ଼୍ ଦୋହୋୟାପେ;

୧ ଥେସ୍‌ଲନିକା 3:6

ମେନ୍ଦୋ ନାଆ ତିମୁଥିୟୁସ୍ ଯେ ଆପେ ତାଃଏତେ ଆଲେୟାଃ ନାଡ଼େଏ ହିଜୁଃ ଜାନାଏ, ଆପେୟାଃ ବିଶ୍ଵାସ୍ ହାର୍ ଦୁଲାଡ଼୍ ରାଃ ସୁସାମାଚାର୍ ଉଦୁବ୍ କେଦାଏ ହାର୍ ନେ କାଜିକୋକେ ହଗି ଉଦୁବ୍ କେଦାଏ ଚି ଆପେ ସାଦାଏଗି ଦୁଲାଡ଼୍ ଲୋଃ ଆଲେକେ ପାହୋମ୍ ଲେ ତାନାପେ, ହାର୍ ଆଲେକେ ନେନେଲ୍ ନାଙ୍ଗ୍ ସାନାଙ୍ଗ୍ ତାନାପେ, ଜେଲେକା ଆଲେ ହଗି ଆପେକେ ନେନେଲ୍ ସାନାଙ୍ଗ୍ ତାନାଲେ।

୧ ଥେସ୍‌ଲନିକା 4:1

ଚିୟାଃଚି ହେ ହାଗାକୋ, ଆଲେ ଆପେକେ ଆର୍ଜି ପେତାନାଲେ ଆଡୋଃ ଆପେକେ ପ୍ରାଭୁ ୟୀଶୁ ରେ ବୁଝାଅପେ ତାନାଲେ ଚି, ଜେଲେକା ଆପେ ଆଲେ ତେ ବୁଗିନ୍ ସେସେନ୍ ହାର୍ ପାର୍ମେଶ୍ଵାର୍ କେ ଖୁସ୍ ରିକା ଶିଖାଅ ଜାନାପେ, ହାର୍ ଜେଲେକା ଆପେ ସେସେନ୍ ତାନାପେ ହ, ଏନ୍‍ଲେକାଗି ଆଡୋଃଗି ହାରା ଇଦିଅଃପେ।

୧ ତିମଥି 1:11

ନେ ଶିଖାଅଗି ପୁରାଃ ସୁକୁୱାକାନ୍ ପାର୍ମେଶ୍ଵାର୍ ରାଃ ମାନାରାଙ୍ଗ୍ ରାଃ ଏନ୍ ସୁସାମାଚାର୍ ରାଃ ଲେକାତେ ତାନାଃ, ଅକନାଃ ଚି ଇଙ୍ଗ୍‍କେ ଜିମାକାନା।

୧ ତିମଥି 1:19

ହାର୍ ବିଶ୍ଵାସ୍ ଆଡୋଃ ଏନ୍ ବୁଗିନ୍ ଆଟ୍‍କାର୍ ଉରୁମ୍ କେ ମାଣ୍ଡାଅକାମେ, ଅକନାଃକେ ବାଗି ରାଃ ଚାଲ୍ତେ ଚିମିନାଙ୍ଗ୍ ହୋଡ଼ୋକୋୱାଃ ବିଶ୍ଵାସ୍ ଲେକାନ୍ ଜାହାଜ୍ ରାପୁଃ ଜାନା।

୨ ତିମଥି 4:7

ଇଙ୍ଗ୍ ବୁଗିନ୍ ଲାଡ଼ାଇ-ଲାଡ଼ାଇ କାନାଇଙ୍ଗ୍, ଇଙ୍ଗ୍ ଇଙ୍ଗ୍ଆଃ ନୀନିର୍ ପୁରା କେଦାଇଙ୍ଗ୍, ଇଙ୍ଗ୍ ବିଶ୍ଵାସ୍ କେ ସାବ୍ କାଦାଇଙ୍ଗ୍।

ତିତସ୍‌ 2:10

ଚୋର୍ହା କାମିକୋ ଆଲୋ ରିକାକାକୋ, ମେନ୍ଦୋ ସବେନ୍ ଲେକାତେ ପୁରା ବିଶ୍ଵାସେ ଲେକାନ୍ ହୋଡ଼ ବାଇୟୋଃକାକୋ ଏନାତେ ଇନ୍‍କୁ ସବେନ୍ କାଜି କୋରେ ଆବୁୱାଃ ବାଞ୍ଚାଅନିଃ ପାର୍ମେଶ୍ଵାର୍ ରାଃ ଶିଖାଅ କେ ସିଙ୍ଗାରେ କାକୋ।

ଫିଲେମୋନ୍ 1:5

ଚିୟାଃଚି ଇଙ୍ଗ୍ ଆମାଃ ଏନ୍ ଦୁଲାଡ଼୍ ହାର୍ ବିଶ୍ଵାସ୍ ରାଃ ବିଷାୟ୍ ରେ ଆୟୁମ୍ ତାନିଙ୍ଗ୍, ଅକନାଃ ସବେନ୍ ପାବିତାର୍ ହୋଡ଼ୋକୋ ଲୋଃ ହାର୍ ପ୍ରାଭୁ ୟୀଶୁ ଚେତାନ୍ ରେ ମେନାଃ।

ୟାକୁବ୍ 3:18

ମେନେଶା ରିକାତାନ୍ କୋ ଧାରାମ୍ ହୋରା ରାଃ ଯଅ ମେନେଶା ତେ ହେରେ ୟାକୋ।

2 ପାତ୍ରାସ୍ 3:11

ଯାବ୍ ଚି ନେ ସବେନ୍ ଜିନିଷ୍‍କୋ ନେଲେକା ଗାଲାଅ ରାଃ ମେନାଃ, ଦୋ ଆପେକେ ପାବିତାର୍ ତେ ସେସେନ୍ ଆଡୋଃ ପାର୍ମେଶ୍ଵାର୍ କେ ବୋରୋଇତାନ୍ ରାଃ ଜୀଦାନ୍ ରେ ଚିଲ୍‍କାନ୍ ହୋଡ଼ ହୋବାଅଃ ଚାହି,

2 ପାତ୍ରାସ୍ 3:14

ଏନାମେନ୍ତେ, ହେ ଦୁଲାଡ଼୍‍କୋ, ଯାବ୍ ଚି ଆପେ ନେ କାଜି କୋରାଃ ଆଶ୍ରା ନେଲ୍ ତାନାପେ, ଏଣ୍ଡେ ବୁଗିନାଃ ରିକାଏପେ ଚି ଆପେ ଜୀଉସୁକୁ ଲୋଃ ଇନିଜାଃ ନାଡ଼େଏ ବେଦାଗ୍ ଆଡୋଃ ନିର୍ଦୋଷ୍ ହୋବାଅଃ ୱାପେ,

ଯିହୁଦା 1:3

ହେ ଦୁଲାଡ଼ାନ୍ କୋ, ଚିମ୍ତାଙ୍ଗ୍ ଇଙ୍ଗ୍ ଆପେକେ ଏନ୍ ବାଞ୍ଚାଅ ବିଷାୟ୍ ରେ ଅଲେଲାଗିନ୍ ଥିମ୍ବାଗି ସାନାଙ୍ଗ୍ ତାଇକେନାଇଙ୍ଗ୍ ଅକନାଃ ରେ ଆବୁ ସବେନ୍ କୋ ମେଶା କାନାବୁ, ଦୋ ଇଙ୍ଗ୍ ଆପେକେ ନେୟା ବୁଝାଅ ଜାରୁରୀ ମେନ୍ତେ ଆଟ୍‍କାର୍ କେଦିଙ୍ଗ୍ ଚି ଏନ୍ ବିଶ୍ଵାସ୍ ଲାଗିନ୍ତେ ପୁରା କୋଷିସ୍ ଏପେ ଅକନାଃ ପାବିତାର୍ ହୋଡ଼ୋକୋକେ ମିଶା ଭାଇର୍ ଜିମାକାନ୍ ତାଇକେନା।