ଫିଲିପିୟ 1:26 - ମୁଣ୍ଡା ନାୱା ନିୟାମ୍

²⁶ ଆଡୋଃ ଅକନ୍ ଘାମାଣ୍ଡ୍ ଆପେ ଇଙ୍ଗ୍ଆଃ ବିଷାୟ୍ ରେ ରିକାତାନାପେ, ଇଙ୍ଗ୍ଆଃ ଆଡୋଃଗି ଆପେୟାଃ ନାଡ଼େଏ ହିଜୁଃ ଚାଲ୍ତେ ଏନା ମାସୀହ୍ ୟୀଶୁ ରେ ଥିମ୍ବାଗି ବାଢ଼ାଅ କେନୋଃଚା।

ପାର୍‌ମେଶ୍ୱାର୍‌ଆଃ ଜୀନିଦ୍‌ ବାଚାନ୍‌ ନାୱା ନିୟାମ୍‌

²⁶ ତାବ୍‌ଦ, ଆଇଙ୍ଗ୍‌ ଆପେଲଃ ଆଡଃମିସା ତାଇନ୍‌ରେ, ଆପେ ଜୀଦାନ୍‌ରେ ଖ୍ରୀଷ୍ଟ୍‌ଲଃ ମେନେସାରେ ତାଇନ୍‌ ହରାତେ ଆଇଁୟାଃ ନାଙ୍ଗ୍‌ ପୁରାଃଗି ଆପାନ୍‌କେ ମାରାଙ୍ଗ୍‌ ମେନ୍ତେ କାଜିନ୍‌ ଦାଡ଼ିୟାଃପେ ।

ଫିଲିପିୟ 1:26 Iomraidhean Croise

ଯୋହାନ୍ 16:22

ଏନ୍ ଲେକାଗି ଆପେକେ ହଗି ନାଆ ଦୁକୁ ମେନାଃ, ମେନ୍ଦୋ ଇଙ୍ଗ୍ ଆପେ ଲୋଃ ଆଡୋଃଗି ନାପାମାଇଙ୍ଗ୍ ହାର୍ତେ ଆପେ ରାଶିକାଃ ୱାପେ, ହାର୍ ଆପେୟାଃ ରାଶିକା କେ ଜାହାଁଏ ହ କାଏ ରେଏଃ ଧାଡ଼ିୟାଏ।

ଯୋହାନ୍ 16:24

ନାଆ ସାନ୍ ଆପେ ଇଙ୍ଗ୍ଆଃ ନୁତୁମ୍ ତେ ଆବା କେ ଜାହାନାଃ ହ କାପେ ଆସିକାଦା, ଆସିପେ, ଦୋ ନାମେୟାପେ ଏନାତେ ଆପେୟାଃ ରାଶିକା ପୁରା ହୋବାଅଃୱା।”

୨ କରିନ୍ଥିୟ 1:14

ଜେଲେକା ଆପେୟାଃ ଏତେ ଚିମିନାଙ୍ଗ୍ କୋ ମାନାତିଙ୍ଗ୍ ଜାନାକୋ ଚି ଆଲେ ଆପେୟାଃ ଘାମାଣ୍ଡ୍ ରାଃ କାରାନ୍ ତାନ୍‍ଲେ, ଏନ୍ ଲେକାଗି ଆପେ ହଗି ପ୍ରାଭୁ ୟୀଶୁ ରାଃ ହୁଲାଙ୍ଗ୍ ଆଲେୟାଃ ନାଙ୍ଗ୍ ଘାମାଣ୍ଡ୍ ରାଃ କାଜି ହୋବାଅଃୱାପେ।

୨ କରିନ୍ଥିୟ 5:12

ଏଣ୍ଡେହଗି ଆଲେ ଆପେୟାଃ ନାଡ଼େଏ ରେ ମାରାଙ୍ଗେନ୍ ନାମେ ନାଙ୍ଗ୍ କାଲେ ସାନାଙ୍ଗ୍ ତାନା, ମେନ୍ଦୋ ଆଲେ ଆଲେୟାଃ ବିଷାୟ୍ ରେ ଆପେକେ ଘାମାଣ୍ଡ୍ ରିକା ରାଃ ମାଉକା ଏମାପେତାନାଲେ, ଏନାତେ ଆପେ ଇନ୍‍କୁକେ କାଜିରୁଆଡ଼୍ ଧାଡ଼ିକୋୱାପେ, ଅକନ୍ କୋ ମୋନ୍ ରେ କାହା ମେନ୍ଦୋ ଦେଖାଅ ସାନାଙ୍ଗ୍ ତାନ୍ କାଜି କୋରେ ଘାମାଣ୍ଡେୟାକୋ।

୨ କରିନ୍ଥିୟ 7:14

ଚିୟାଃଚି ଆଗାର୍ ଇଙ୍ଗ୍ ଇନିଜାଃ ନାଡ଼େଏ ରେ ଆପେୟାଃ ବିଷାୟ୍ ରେ ହୁଡିଙ୍ଗ୍ ଘାମାଣ୍ଡ୍ କେଦାଇଙ୍ଗ୍, ଏଣ୍ଡେ କାଇଙ୍ଗ୍ ଗିୟୁଃଜାନା। ମେନ୍ଦୋ ଚିଲ୍‍କା ଇଙ୍ଗ୍ ଆପେକେ ସବେନ୍ ବାକାଣ୍ ସାର୍ତି-ସାର୍ତି କାଜି ଛାବା ଲେଦାଇଙ୍ଗ୍, ଏନ୍ ଲେକାଗି ଆବୁୱାଃ ଘାମାଣ୍ଡ୍ ଦେଖାଅ ତିତୁସ୍ ରାଃ ନାଡ଼େଏ ରେ ସାର୍ତି ମେନ୍ତେ ଉଦୁବ୍ ଜାନା।

୨ କରିନ୍ଥିୟ 7:4

ଇଙ୍ଗ୍ ଆପେକେ ଥିମ୍ବାଗି ସାହାସ୍ଏତେ କାଜିପେ ତାନିଙ୍ଗ୍, ଇଙ୍ଗ୍ ଆପେ ନାଙ୍ଗ୍ ମାରାଙ୍ଗ୍ ଘାମାଣ୍ଡ୍ ଆଟ୍‍କାର୍ ତାନିଙ୍ଗ୍; ଇଙ୍ଗ୍ ଶାନ୍ତି ତେ ଫେରେଃ କାନାଇଙ୍ଗ୍। ଇଙ୍ଗ୍ ଦୁକୁ ନାମ୍ ତାନ୍ ରେହ ଇଙ୍ଗ୍ ସବେନାଃ ରେ ରାଶିକା ତେ ଫେରେଜାକାନ୍ ତାଇନୋଃ ତାନିଙ୍ଗ୍।

୨ କରିନ୍ଥିୟ 7:6

ଏଣ୍ଡେହ ନିରାଶ୍ କାନ୍ କୋକେ ଶାନ୍ତି ଏମେନିଃ ପାର୍ମେଶ୍ଵାର୍ ତିତୁସ୍ କେ ଆଲେତାଃ କୁଲ୍ ରାଃ ହୋରାତେ ଆଲେକେ ଶାନ୍ତି ଏମ୍ କେଃଲେୟାଏ;

ଗାଲାତିୟ 6:4

ମେନ୍ଦୋ ସବେନ୍ ମିପୀହୋଡ଼୍ ଆପାନାଃ ଗି କାମି କେ ଯାଞ୍ଚ୍ କାଏ, ଏଣ୍ଡେ ଇନିଃକେ ଏଟାଃ କୋୱାଃ ବିଷାୟ୍ ରେ କାହା ମେନ୍ଦୋ ଆପାନାଃଗି ବିଷାୟ୍ ରେ ଆଏଃକେ ଘାମାଣ୍ଡ୍ ରିକା ଧାଡ଼ିୟାଏ।

ଫିଲିପିୟ 3:1

ଏନାମେନ୍ତେ ହେ ଇଙ୍ଗ୍ଆଃ ବିଶ୍ଵାସୀ ହାଗାକୋ, ପ୍ରାଭୁ ରେ ରାଶିକାଅଃ ପେ। ଏନ୍ କାଜି କୋକେଗି ଆପେକେ ଘାରି-ଘାରି ଅଲେ ରେ ଇଙ୍ଗ୍ କେ ଦୋ ଜାହାନ୍ ଦୁକୁ ବାନୋଗା, ହାର୍ ନେୟାରେ ଆପେୟାଃ ସୁକୁ ମେନାଃ,

ଫିଲିପିୟ 3:3

ଚିୟାଃଚି ଖାତ୍ନା ରିକାତାନ୍ କୋ ଦୋ ଆବୁଗି ତାନ୍‍ବୁ ଅକନ୍ କୋ ପାର୍ମେଶ୍ଵାର୍ ରାଃ ଆତ୍ମା ରାଃ ଆୟାର୍ ତେ ଆରାଧାନା ତାନାବୁ, ଆଡୋଃ ମାସୀହ୍ ୟୀଶୁ ରେ ମାରାଙ୍ଗ୍ଏନ୍ ଲେକା ଆଟ୍‍କାର୍ ତାନାବୁ, ହାର୍ତେ ହୋଡ଼ମୋ ରେ ଭାରୋସା କାବୁ ମାଣ୍ତାଅ ତାନା।

ଫିଲିପିୟ 4:10

ଇଙ୍ଗ୍ ପ୍ରାଭୁ ରେ ଥିମ୍ବାଗି ରାଶିକା ମେନାଇଙ୍ଗ୍‍ୟା ଚି ନାଆ ନିମିନ୍ ଦିନ୍ ରାଃ ତାୟୋମ୍ତେ ଆପେ ଇଙ୍ଗ୍ଆଃ ଲାଗିନ୍ତେ ଆଡୋଃଗି ପାହୋମ୍ ଏଟେଃ କେଦାପେ; ସାର୍ତିଗୀ ଆପେ କୋକେ ସୁରୁ ଏତେ ନେୟା ରାଃ ବିଚାର୍ ତାଇକେନା, ମେନ୍ଦୋ ଆପେ ମୌକା କାପେ ନାମ୍ ଲେଦା।

ଫିଲିପିୟ 4:4

ପ୍ରାଭୁ ରେ ସବେନ୍ ଇମ୍ତା ରାଶିକା ତାଇନୋଃପେ; ଇଙ୍ଗ୍ ଆଡୋଃଗି କାଜିତାନିଙ୍ଗ୍, ରାଶିକା ତାଇନୋଃପେ।