ଫିଲିପିୟ 1:18 - ମୁଣ୍ଡା ନାୱା ନିୟାମ୍

¹⁸ ଦୋ ଚିନାଃ ହୋବାଜାନା? ଖାଲି ନେୟା ଚି ସବେନ୍ ଲେକାତେ, ହୋବା ଧାଡ଼ିୟୋଃୱା ବାହାନା ଲେକାତେ, ୟାଦୋ ହୋବା ଧାଡ଼ିୟୋଃୱା ସାର୍ତି ଲେକାତେ, ମାସୀହ୍ ରାଃ କାଜି ଉଦୁବଃ ତାନା। ଆଡୋଃ ଇଙ୍ଗ୍ ନେୟାତେ ରାଶିକା ମେନାଇଙ୍ଗ୍‍ୟା ଆଡୋଃ ରାଶିକା ତାଇନୋଃୱାଇଙ୍ଗ୍।

ପାର୍‌ମେଶ୍ୱାର୍‌ଆଃ ଜୀନିଦ୍‌ ବାଚାନ୍‌ ନାୱା ନିୟାମ୍‌

¹⁸ ଏନାରେ ଜେତାନ୍‌ କାଜି ବାନଃଆ । ସାର୍‌ତି ଉଦ୍ଦେଶ୍‌ରେ ହବାଃଅ ଚାଏ ଏତ୍‌କାନ୍‌ ଉଦ୍ଦେଶ୍‌ରେ ହବାଃଅ, ଜେତ୍‌ନାଃତେ ହବାଃଅ, ଖ୍ରୀଷ୍ଟ୍‌ଆଃ ବିଷାଏରେୟାଃ କାଜି ଉଦୁବଃରେ, ଆଇଙ୍ଗ୍‌ ରାସ୍‌କାଃଅଇଙ୍ଗ୍‌ ଆଡଃ ରାସ୍‌କା କାତେୟଃଇଙ୍ଗ୍‌,

ଫିଲିପିୟ 1:18 Iomraidhean Croise

ମାତ୍ତିଉ 23:13

“ହେ ଆଇନ୍ ଗୁରୁକୋ ହାର୍ ଫାରିସୀ ହୋଡ଼ୋକୋ ଆପେ ବେଦାହୋଡ଼ୋକୋ, ଆପେୟାଃ ଚେତାନ୍ ରେ ହାୟ୍! ଆପେ ହୋଡ଼ୋକୋୱାଃ ନାଙ୍ଗ୍ ସିର୍ମାଦିଶୁମ୍ ରାଃ ରାଇଜ୍ ରାଃ ଦୁହାର୍ ବାନ୍ଦ୍ ତାନାପେ, ନାଦୋ ଆପେ ଏଣ୍ଡେ ରେ ବୋଲୋ ତାନାପେ ହାର୍ ନାଦୋ ଏନାରେ ବୋଲୋତାନ୍ କୋକେ ବୋଲୋ ରିକାକୋ ତାନାପେ।

ମାର୍କୁସ୍ 12:40

ଇନ୍‍କୁ ହିଡ଼୍ କେତେ ବିଧୋବା କୋୱାଃ ଅଡ଼୍ଆଃ କୋକେ ଇଦି କେୟାକୋ ହାର୍ ହୋଡ଼ୋକୋ ବେଶ୍ ପାତି ୟାକୋ ମେନ୍ତେ ଜିଲିଙ୍ଗ୍ ବିନ୍ତି ରିକା ୟାକୋ। ଇନ୍‍କୁକେ ପାର୍ମେଶ୍ଵାର୍ ଥିମ୍ବାଗି ଦାଣ୍ଡ୍ ଏମ୍‍କୋୱାଏ।

ଲୁକା 9:45

ମେନ୍ଦୋ ଇନ୍‍କୁ ନେ କାଜିକେ କାକୋ ବୁଝାଅ ଲେନ୍ ତାଇନା, ହାର୍ ପାର୍ମେଶ୍ଵାର୍ ନେୟାକେ ଇନ୍‍କୁ ଏତେ ଉକୁକେଦାଏ ଏନାମେନ୍ତେ ଚି ଇନ୍‍କୁ ଏନା କାକୋ ସାରିକା, ଆଡୋଃ ଇନ୍‍କୁ ନେ କାଜି ରାଃ ବିଷାୟ୍ ରେ ଇନିଃକେ କୁଲି ଲାଗିନ୍ ବୋରୋ ତାଇକେନାକୋ।

ଲୁକା 9:50

ୟୀଶୁ ଇନିଃକେ ହାର୍ ଏଟାଃ ଚେଲାକୋକେ କାଜିୟାଃକୋୱାଏ, “ଇନିଃକେ ଆଲୋପେ ମାନାଇୟା, ଚିୟାଃଚି ଅକଏ ଆପେୟାଃ ବିରୋଧ୍ ରେ ବାଙ୍ଗୁଇଜା, ଇନିଃ ଆପେୟାଃ ପାଡ଼୍ ମେନିଜା।”

ରୋମ୍‍ରେନ୍ 3:9

ଏଣ୍ଡେ ଚିନାଃ ହୋବାନା? ଚିନାଃ ଆବୁ ଇନ୍‍କୁୱାଃ ତେ ଥିମ୍ବା ବେଶ୍ ତାନ୍‍ବୁ? ଚିଉଲା ହ କାହା; ଚିୟାଃଚି ଆବୁ ୟାହୁଦୀ ହୋଡ଼ୋକୋକେ ଆଡୋଃ ଏଟାଃଜାତି ହୋଡ଼ୋକୋକେ ବାରାନ୍ କୋରେ ନେ ଦୋଷ୍ ଲାଗାଅ ଛାବା କାଦାବୁ ଚି ସବେନ୍ କୋ ପାପ୍ ରାଃ ଆଧିନ୍ ରେ ମେନାକୋୱା।

ରୋମ୍‍ରେନ୍ 6:15

ଏଣ୍ଡେ ଚିନାଃ ହୋବାଜାନା? ଚିନାଃ ଆବୁ ନେୟାଲାଗିନ୍ତେ ପାପ୍ ୟାବୁ ଚି ଆବୁ ମୁଶା ନାବୀ ରାଃ ଆଇନ୍ ରାଃ ଆଧିନ୍ ବାଙ୍ଗ୍‍ବୁୱା ମେନ୍ଦୋ ଆନୁଗ୍ରାହ୍ ରାଃ ଆଧିନ୍ ରେ ମେନାବୁୱା? ଚିଉଲାଅ କାହା!

୧ କରିନ୍ଥିୟ 10:19

ଦୋ ଇଙ୍ଗ୍ ଚିନାଃ କାଜିତାନିଙ୍ଗ୍? ଚିନାଃ ମୂର୍ତିକୋ ଲାଗିନ୍ ରାକାବାକାନ୍ ଦାଣେକାନ୍ ଜେତ୍ନାଃ ତାନାଃ? ଚି ମୂର୍ତି ଜେତ୍ନାଃ ତାନିଃ?

୧ କରିନ୍ଥିୟ 14:15

ଏନାତେ ଚିନାଃ ରିକା ଚାହି? ଇଙ୍ଗ୍ ଆତ୍ମା ତେହଗି ବିନ୍ତି ୟାଇଙ୍ଗ୍, ଆଡୋଃ ମୋନ୍ ତେହଗି ବିନ୍ତି ୟାଇଙ୍ଗ୍; ଇଙ୍ଗ୍ ଆତ୍ମା ତେ ଦୁରାଙ୍ଗ୍ଏୟାଇଙ୍ଗ୍, ଆଡୋଃ ମୋନ୍ ତେହଗି ଦୁରାଙ୍ଗ୍ଏୟାଇଙ୍ଗ୍।

୧ କରିନ୍ଥିୟ 15:11

ଏନାମେନ୍ତେ ଚାହେ ଇଙ୍ଗ୍ ତାନିଙ୍ଗ୍, ଚାହେ ଇନ୍‍କୁ, ନେୟାଗି ପାର୍ଚାର୍ ତାନାଲେ, ହାର୍ ନେୟାରେଗି ଆପେ ହ ବିଶ୍ଵାସ୍ କେଦାପେ।

ଫିଲିପିୟ 1:19

ଚିୟାଃଚି ଇଙ୍ଗ୍ ସାରି ତାନାଇଙ୍ଗ୍ ଚି ଆପେୟାଃ ବିନ୍ତି ରାଃ ହୋରାତେ, ଆଡୋଃ ୟୀଶୁ ମାସୀହ୍ ରାଃ ଆତ୍ମା ରାଃ ଦେଙ୍ଗା ନାମ୍ ହୋରାତେ, ଇଙ୍ଗ୍ଆଃ ବାଞ୍ଚାଅ ହୋବାଅଃୱା।