ଫିଲିପିୟ 1:17 - ମୁଣ୍ଡା ନାୱା ନିୟାମ୍

¹⁷ ଆଡୋଃ ଚିମିନାଙ୍ଗ୍ କୋଦୋ ମାସୀହ୍ ରାଃ କାଜି କେ ଆପାନାଃ ସାନାଙ୍ଗ୍ ଲାଗିନ୍ତେ ଉଦୁବ୍ ତାନାକୋ, ସାର୍ତି ମୋନ୍ ତେଦୋ କାହା, ମେନ୍ଦୋ ନେୟା ପାହୋମ୍ କେତେ ଚି ଇଙ୍ଗ୍ଆଃ ଥୋନୋଲ୍ ରେ ଇଙ୍ଗ୍ଆଃ ଲାଗିନ୍ ସାସ୍ତି ବାଇଧାଡ଼ିୟାକୋ।

ପାର୍‌ମେଶ୍ୱାର୍‌ଆଃ ଜୀନିଦ୍‌ ବାଚାନ୍‌ ନାୱା ନିୟାମ୍‌

¹⁷ ଏଟାଃକ ଫାର୍‌ଚିମନ୍‌ତେ ଖ୍ରୀଷ୍ଟ୍‌ଆଃ ବାଚାନ୍‌ କାକ ଉଦୁବ୍‌, ମେନ୍‌ଦ ଆପ୍‌ନାଃ ସାନାଙ୍ଗ୍‌କେ ପୁରାଏ ନାଗେନ୍ତେକ କାମିକେଦା । ଆଇଙ୍ଗ୍‌ ଜେହେଲ୍‌ରାଃ ସିକିଡ଼ିତେ ତଲାକାନ୍‌ ତାଇକେନ୍‌ ଇମ୍‌ତା ଆଇଁୟାଃ ମନ୍‌ରେ ପୁରାଃ ଦୁକୁ ଏମାଇଙ୍ଗ୍‌ ନାଗେନ୍ତେ ଇନ୍‌କୁ ଏନ୍‌ଲେକା କାମି ରିକାତାନାକ ।

ଫିଲିପିୟ 1:17 Iomraidhean Croise

ଲୁକା 21:14

ଏନାଲାଗିନ୍ତେ ଆପାନାଃ-ଆପାନାଃ ମୋନ୍ ରେ ସିଦାରେ ଚିନାଃ କାଜିରୁଆଡ଼୍ ହୋବାୱା ମେନ୍ତେ ଆଲୋପେ ସେକାଡ଼୍ କାନୋଃୱା।

କୁଲାକାନ୍ 22:1

“ହେ ହାଗାକୋ ଆଡୋଃ ଆପୁକୋ, ଇଙ୍ଗ୍ଆଃ ପାଡ଼୍ ରାଃ କାଜିରୁଆଡ଼୍ କେ ଆୟୁମ୍ଏପେ, ଅକନାଃ ଇଙ୍ଗ୍ ଆପେୟାଃ ନାଡ଼େଏ ରେ ଉଦୁବ୍ ତାନାଇଙ୍ଗ୍।”

କୁଲାକାନ୍ 26:1

ଆଗ୍ରିପ୍ପା ପାଉଲୁସ୍ କେ କାଜିକିଜାଏ, “ଆମ୍‍କେ ଆପାନାଃ ବିଷାୟ୍ ରେ କାଜି ଲାଗିନ୍ ଆନାଚୁ ଏମୋଃ ତାନା।” ଇମ୍ତାଙ୍ଗ୍ ପାଉଲୁସ୍ ତିଈ ଉଠାଓ କେତେ କାଜିକେଦାଏ।

କୁଲାକାନ୍ 26:24

ଚିମ୍ତାଙ୍ଗ୍ ପାଉଲୁସ୍ ନେଲେକାତେ କାଜି ତାଇକେନାଏ, ଇମ୍ତା ଫେସ୍ତୁସ୍ ଜୋର୍ତେ କାଜିକେଦାଏ, “ହେ ପାଉଲୁସ୍, ଆମ୍ ପାଗ୍‍ଲା ତାନ୍‍ମେ। ଥିମ୍ବାଗି ସେଣା ଆମ୍‍କେ ପାଗ୍‍ଲା କେଃମେୟାଏ।”

ରୋମ୍‍ରେନ୍ 2:8

ମେନ୍ଦୋ ଅକନ୍‍କୋ ଆପାନାଃ ସାନାଙ୍ଗ୍ କେ ଭାଇର୍ ପୁରାନିଃ ତାନ୍‍କୋ ହାର୍ ସାର୍ତି କେ କାକୋ ମାନାତିଙ୍ଗ୍ ତାନା, ମେନ୍ଦୋ ଏତ୍କାନ୍ କେ ମାନାତିଙ୍ଗ୍ ତାନାକୋ, ଇନ୍‍କୁୱାଃ ରେ ଖିସ୍ ହାର୍ କାଉରି ଉୟୁଗୋଗା।

ଫିଲିପିୟ 1:18

ଦୋ ଚିନାଃ ହୋବାଜାନା? ଖାଲି ନେୟା ଚି ସବେନ୍ ଲେକାତେ, ହୋବା ଧାଡ଼ିୟୋଃୱା ବାହାନା ଲେକାତେ, ୟାଦୋ ହୋବା ଧାଡ଼ିୟୋଃୱା ସାର୍ତି ଲେକାତେ, ମାସୀହ୍ ରାଃ କାଜି ଉଦୁବଃ ତାନା। ଆଡୋଃ ଇଙ୍ଗ୍ ନେୟାତେ ରାଶିକା ମେନାଇଙ୍ଗ୍‍ୟା ଆଡୋଃ ରାଶିକା ତାଇନୋଃୱାଇଙ୍ଗ୍।

ଫିଲିପିୟ 1:7

ଠାଉକା ତାନାଃ ଚି ଇଙ୍ଗ୍ ଆପେ ସବେନ୍ କୋ ଲାଗିନ୍ ନେଲେକାଗି ପାହୋମେ ୟାଇଙ୍ଗ୍, ଚିୟାଃଚି ଆପେକେ ଇଙ୍ଗ୍ଆଃ ମୋନ୍ ରେ ଦୋହୋ କାଃପେୟାଇଙ୍ଗ୍, ଆଡୋଃ ଇଙ୍ଗ୍ଆଃ ଥୋନୋଲ୍ ତାଇନ୍ ଇମ୍ତା ହାର୍ ସୁସାମାଚାର୍ ରାଃ ବାଞ୍ଚାଅ ଆଡୋଃ ପ୍ରାମାଣ୍ ଏମେ ରେ ଆପେ ସବେନ୍ କୋ ଇଙ୍ଗ୍ଆଃ ଲୋଃ ଆନୁଗ୍ରାହ୍ ରେ ମିଃତେ ମେନାପେୟା।

ଫିଲିପିୟ 2:3

ଆପାନାଃ ସାନାଙ୍ଗ୍ ପୁରା ନାଙ୍ଗ୍ ୟାଦୋ ମାରାଙ୍ଗ୍ଏନ୍ ହୋବାଅଃ ନାଙ୍ଗ୍ ଜାହାନାଃ ଆଲୋପେ ରିକାୟା, ମେନ୍ଦୋ ହୁଡିଙ୍ଗ୍ଏନ୍ ବାଇୟେନ୍ତେ ମିହୋଡ଼୍ ଏଟାଃନିଃକେ ଆପାନାଃ ଏତେ ବେଶ୍ ଆଟ୍‍କାରିପେ।

୧ ତିମଥି 2:7

ଇଙ୍ଗ୍ ସାର୍ତି କାଜିତାନିଙ୍ଗ୍, କାଇଙ୍ଗ୍ ହିଡ଼୍‍ତାନା, ଚି ଇଙ୍ଗ୍ ଏନ୍ କାଜି ଲେକାତେଗି ପାର୍ଚାର୍ ହାର୍ କୁଲାକାନ୍ ଚେଲା ହୋବାନାଇଙ୍ଗ୍ ଆଡୋଃ ଏଟାଃଜାତିକୋ ଲାଗିନ୍ ବିଶ୍ଵାସ୍ ହାର୍ ସାର୍ତି ରାଃ ଉପ୍‍ଦେଶ୍ ଏହେମ୍ ନିଈ ବାଇଜାନାଇଙ୍ଗ୍।

୨ ତିମଥି 2:9

ଅକନିଜାଃ ଲାଗିନ୍ତେ ଇଙ୍ଗ୍ ଆପ୍ରାଧି ହୋଡ଼ ଲେକା ଦୁକୁ ସାହାତିଙ୍ଗ୍ ତାନିଙ୍ଗ୍, ନେତାଃ ସାନ୍ତେ ଚି ବାନ୍ଦିଅଡ଼୍ଆଃ ରେ ଥୋଲ୍ ହ ଜାନିଙ୍ଗ୍; ମେନ୍ଦୋ ପାର୍ମେଶ୍ଵାର୍ ରାଃ ବାଚାନ୍ ଥୋଲାକାନ୍ ବାନୋଗା।

୨ ତିମଥି 4:16

ଇଙ୍ଗ୍ଆଃ ସିଦା ବିଚାର୍ ଜାଗା ରେ ତିଙ୍ଗୁ ଲେନ୍ ଇମ୍ତାଙ୍ଗ୍ ଅକଏ ହଗି ଇଙ୍ଗ୍‍କେ କାକୋ ଦେଙ୍ଗା କେଦା, ମେନ୍ଦୋ ସବେନ୍ କୋ ଇଙ୍ଗ୍‍କେ ବାଗେ ଲିଦିଙ୍ଗାକୋ। ବୁଗିନ୍ ହୋବାଃୱା ଆଗାର୍ ନେୟାରାଃ ଲେକା ଇନ୍‍କୁକେ କା ଏମ୍ ପାଡ଼ାଅଃୱା।